La dam la chuan vawiin hian heti maiin ka ngaihtuahna a kal tawp lo tur. Vawiin ka ‘Birthday’ hi i theihnghilh ka ring hauh lova, ka thiante’n duhsakna tinreng min hlan hi hre ve la chuan i va lawm dawn em! Hlimtakin kan te teng tunga mahse, ka thinlung erawh a ruak hle si a nih hi. Ka piancham lawm nia fuihna thu tinreng min fah thin kha ka thinlungah a la cham renga, min tichak fo thin.
I dam loh lai, natna benvawnin kum kha leh chen a phuarbeh lai che pawh khan i taksain eng ti thei tawh lo mah se ila thawk tek tek chhung chuan ka zam lova; he khawvel harsatna hian min vau zamin min bawhbeh theih ka ring ngai lo. Mahse, i awm loh chinah zet zawng he hringnun hi ka arkhawthimdai mawp mawp a, kawng ka bo chang te hian ka va ngai thin tak che em!
Thing delh loh lung delh loh nafam chu lo thang lian vein zirna sang zawk bela kan khua chhuahsan hial a lo ngai ve ta a. Ka kal dawn tuka i rilruin ka hmalam hun i suangtuah nasatzia te, rethei leh rual-awt reng renga ka awm i hlauh ruala khawpui nun sual ka tem ve i hlauhthawnzia ‘thu’ min chah lawm lawm kha vawiin hian a hlui lo, a thar leh thin. Lungleng em emin kan khua ka chhuahsan a, kawtchhuah atanga rawn thlir letin hlimtaka inhmuh leh ngei ka tiam che a nih kha.
Ka zir chhuah ve huna kan khawsak a ziaawm chhoh ve ngei beiseina kan pahniha kan neih nasatzia te kha aw. Aw.. mittui parawl teuh chungin kan inchhung lum, i rorelna chhungkaw lum nuam tak kha ka chhuah san ta a ni a, thenrual thate’n thlahna chibai min bukin duhsakna tinreng min hlan a. Kan run chhung leh kan vangkhua chu “ Mangtha, dam takin” tiin hmelhriat ngai loh kawlvalenchham lam hlaah ka inpu-lut ve ta kha a ni a.
Ka zirna kawnga hlawhtlinna ka hmuh changa i mi lawmpuina thu leh ka hlawhchham changa i fuihna tawngkam te kha vawiin ka Birthday hian nimin lawka thleng ang maiin a lo thar leha, a la thar zel dawn a nih hi… “Mamte, Pathian kan lamah a tang anga, lungngai reng reng suh, i zir theihna a nih pawt chuan……. I harsatna rawn sawi hreh reng reng suh ang che” tia lehkkha min thawn kha , mitthlaah a la cham reng a, kum sang sawm pawh ral mah se a ngai ngaiin ka thinlung phekah hian a la inziak reng ang.
Kum sul a lo vei a, kum tawpah hlimtakin Pathian zarah hlawhtlinna nen hmai uang takin ka rawn hawng a. Krismas present atana kawrlum ka rawn hawn che i lawm thiam zia mawlh mai kha, aw…i nui hmel kha mitthla mai ni tawh mah se vawiin hian a va’n fiah leh si em! Kan tapchhak kila meilum i ai laite, thlasik nilum ai paha tualzawla i thenrualte nen in vanglaini, in ti ti sep ngaihnawm ka tih thin zia kha, vawiin hian ka va’n hre chak leh em!
Ka ei ve loh hlau reng rengin kan huana serthlum rah pum tha tha kha i lo dah tha tawk tawk thin. I ei ang hi ka ei ve loh i hlau a, malsawmna i lak atanga chhuak thil tha zawng zawng te kha ka chan ve loh i hlau thin ti raw?. Ka tan hian ‘ Ka Pa’ i va hlu tak em!
Krismas tuka chhung inkhawmna-a i thu sawite kha’n tun thleng hian min la uap reng a, min la chhuahsan lo. A nalh thei ang bera inbela chhungkaw thla kan lak lai khan nui lo reng kan awm lo a nih kha. Biakina i thutna thinah khan i thu leh ngei ang a, ka mit atang chuan i va’n langsar leh dawn em!. Eng anga mipui tam zingah pawh nang chu fingkhat rala hlaah pawh ka hai ngai lo che a, nang lo chu khawvelah hian Pa dang reng kan nei lo. Pa dang nena khaikhin a ralah chuan Pa naran ve mai i ni, milian leh thil ti thei pawh i ni hek lo. Mahse, kan tan chuan khawvela Pa thiltithei ber i ni a, Pa huaisen, Pa ngilnei leh zaidam i ni. I thlazar hnuaiah khan chhungkua kan thla a muanga kan hlim thin.
Zirna a lo danglam tak avangin kum eng emaw chen chu ka rawn haw thei lo a nih kha. Hei, ka rawn hawng ta a. Mahse, tun tum chu kum danga ka rawn hawn thin nen a va dang lam ta em! Khaw nge hlim taka min lo hmuak thin tu KA PA kha i awm tak le?! Min lo hmuaktu te hi an va tamin a va mak ta em? Eng nga ti nge an tah tak sup sup mai le? Lawmna awrawl thangkhawk ni lovin lungngaihna awrawl ri a ni.. Karei!! Ka pa, I thi a maw?, I thi an ti a maw? A ni thei lovang. Mahse, a ni si!
Thihna hi kan chungah a rawn thlen ve tak tak ka ring ngai lo va, ka ring phal bawk hek lo. Mahse, a rawn thleng si. Midang chungah chauh emaw a thlen thin ka ti a, mahse kan chungah pawh a rawn thleng ta a nih hi. Khawhar hla hi mi inah chauh emaw kan sak dawn ka ti a, mahse kan in chhungah ngei kan sak tak mup mup mai hi. Aw! mumang mai ni se ka va’n ti em! mahse, khawtlang mipuite chezia atang hian mumang mai chu a ni thei bawk si lo.
Thihna hian tu te mai pawh hi min hrut rual veka thlei bik reng a nei lo. Mahse, kan chunga a lo thlen hian midangte aiin nasa bik riauin a hriata, hriatthiam har kan ti thin. Tun atang ngei pawh hian i hmel hmuh tur reng a awm tawh dawn lova, damchhunga ‘Pa nei lo’ dinhmuna ding tawh mai tur kan ni tih kan ngaihtuah chang phei chuan rapthlak kan ti a, khawvel hi a thim mup mai a ni.
Ni danga ka rawn hawn changa i hlim hmel leh i kut lum nuam takin min lo chibai a, min lo chhawn thin kha sawi nin a har ka ti thin. Mahse, tunah chuan thihna kut vawtin min lo chibai a, min chhawn tur reng i awm tawh si lo. Ka zirlai chanchin ka sawi thin ngaihnawm i tih zia te, Zopa mawl mai mah nila zirna chung changa zawh tur awm ang i hriat zia te kha mak ka ti thin. Mahse, tunah chuan min zawt tur reng i awm tawh si lo. I dam loh thu ka hriat vela hman hmawh taka ka lei i damdawi te hi i ei loh atan chuan a va pamhmai lua em!
I ei anga i tha chhuak ve leh mai ang tiin kawng tluanin ka rawn ngaihtuaha, ka rawn inhnem a sin! Mahse ei tur reng i awm tawh si lo. Kan chunga khuanu rorel dan hi mak kan ti a, kan hretthiam lo a ni. A rorelnaah tel vein min rawn ve sela chuan ‘Kan la phal lo’ kan ti ngei tur. Mahse, khuanu ruat dan rual a ni si lo!
Hun leh nite a lo inher liam zel a. Chhiatni thatni kan chunga a lo thlen changte hian kan va ngai zual tak che em! Tunah chuan khuanu malsawmna kan dawn zawng zawng te hi lawmna min ti lungngaitu, hlimna min tahtir tu mai an chang zo ta. Kan tan chuan thatni hi tahni ti tam tu mai a ni a, lungngaih ni phei chu kan dawn ngam lo. A dam hauh ila i tu leh fate hian nupui pasal a chhia a tha neih nite a la herchhuak ve ang. Chu’ng hunah chuan i rorelna fel tak te kha kan va ngai leh dawn em! Keini chuan a ngaihna kan hre leh dawn miah lo a sin! Tunge kan rawn anga tu nge ro min rel sak ta ang le? Tu nge thenrual te lo chhawn anga tu nge chhungkaw aiawhin ding chhuak ta ang le? A ni, i ruang chungah pawh hian nangmah ngei kha rawn thovin chhungkaw aiawhin thu rawn sawi la tih hial a sin kan nap ni!.
Kan chunga thatni a lo herchhuah changa i hlim hmel tur kan ngaihtuah chhuah chang hian, “Ka Pa!” keini chu kan tap lo thei lo a ni.
Han hawi vel ila engkim mai hi sulhnu vek a ni a. Kan inchhung bang kilkhawr ber atanga rappui chung sang thleng hian i sulhnu hmuh tur a awm zel a. I hlimthla phei chu thlirnin har kan ti. Tlangtin chuanin han hawi vel ila chutah pawh chuan i sulhnu hmuh tur a awm zel a. I ramvah thinna ramngaw leh luikawr ruam thla zawng zawng te saw thlirnin har kan va ti tak em! Romei a lo zam paw chiai a, chutah fartuah leh vaube te’n mawi em emin parfung an lo chawi a. Lui tuifim luang ri dem dem te hian nang min ngaihzual tira tahna min thlen fo thin.
Kan chul ram te kan thlir chang hian kan tana i thawhrimna leh i inpekna zawng zawng te theihnghilh har kan ti a, chhanglet che a, awmkhawnuama kan siam hman lo che erawh na kan ti a, kan thinlung hi a tap vawng vawng a ni.
I damchhung hun tam zawk kha retheihna leh bawrhsawmnain i hmang liam a. He khawvelah hian hlimna leh chawlhna nuam reng i hmu lo. I tan chuan khawvawt hi a vawt zual bika, zanthim hi a thim zual bika, khawdur hi keinin barah kan khawn loh laiin, nangma tan chuan thawpikna , ‘thawhahna’ thlen tu a ni a , a dur zual bik thin. Mahse tunah chuan i lo sawi thin khawdur leh ruahpui sur reng reng awm tawh lohna ramah i chawlhahdam ta a. Keini’n ngai em emin he lei danin kan vuiliam che a; mahse, nang chuan he hringnun mahni hmasialna leh huatna-a khat, thihna leh natna te’n thla an zarna ram hi i vui liam zawk ta a ni.
Dam chhung khawsak nawmna kan thlakhlelh luatah mitinte mahni tanghma haiin kan buaiphili a. Reilote atan mai a ni tih haider luiin chatuana kan chan tur vanram pawh kan ngaihtuah hman ta meuh lo. A thei fate chuan he khawvel hi chenin lungkham reng an nei lo. “Hei aia nuam eng nge awm chuang le?” tiin vanram thlakhlelhna reng pawh an nei tawh lo. Keini rethei fate erawh chuan he lei ninawm hi ral thuai se tiin kan dil a, retheihna leh natna reng awm tawh lohna “Lalnunnema ram” ngaiin kan tap thin.
A ni, nangpawh chu hmunah chuan thlamung takin i chawl tawha, i tu leh fa te’n ngaiin au thin che mah ila he lei nun reng i ngai tawh si lo. He khawvel hi a la ral anga, hringnun hian tawp chin a la nei ang. Chumi hunah chuan hlim takin kan la intawk-khawm leh ngei ang tiin kan inhnem fo thin. Mahse, chu hun chu a taka a lo thlen hma loh zawng i thlarau chawlhna hmun hi hrechiangin, thlamuangtakin i chawl tawh a ni tih hre mah ila, he hringnun khawdur hian kian zai a rel hma loh zawng “ Ka Pa, Khawnge i awm? ” tiin ka la rawn zawng zel ang che.
October 5th, 2010 at 5:15 pm
Pa leh Fa inkar inlaichinna hi a thuk hle. Mi tamtak ten nu te hi kan nel zawk fo. Pa te hi fa ten nu te tluk zet a an nel theihna turin pa ten a HMASA in tan an lak angai, an fate tan hun an pe tam tur a ni.
Report this comment
October 5th, 2010 at 5:16 pm
A pahnihnaah chuan thusei deuh deuh fate vawilehkhatah fah loh tur
Report this comment
October 5th, 2010 at 5:17 pm
A pathumnaah chuan chhunzawm ve tawh rawh u….
Report this comment
October 5th, 2010 at 5:30 pm
2001 kuma cancer vanga boral ta ka pa kha min ti hre chhuak e, ka tan a lo hlu si a.
Report this comment
October 5th, 2010 at 5:33 pm
Van tha ve…i tawrhna ka tawmpui a che..thlamuantu Pathianin awmpui zel che rawh se..
Report this comment
October 5th, 2010 at 5:36 pm
@ evergreen : Ka hnuk i ti ulh a lawm maw le. I va ziak tha teh lul em- ka ngaisang che.
Tumah ka demin ka fak ni lovin-Kei aia lawmman dawn phu ah ka dah che.Admins emaw, endiktute emaw vang ni lovin, vanneih vang Pahnihna ka nih min hriat chian tir.
Kei chu ka sentimental hrim hrim a.Ka mittui i ti tla,bakah- ka PA ka ngaih em em khan min kalsan daih tawh a…
Admins tum ber ni a ka hriat chu- he’ Thawnthu Tawi Inziahsiak’ah hian- kan hnam Literature humhalh leh chawikan an tumna niin ka ngai a- an fakawm ka ti hle a ni.
Report this comment
October 5th, 2010 at 5:39 pm
Ka print e, zanah kan pahni chhair turin
Report this comment
October 5th, 2010 at 5:44 pm
A sei ngaihnawm ka hnuk a ulh tlat nu leh pa enkawltu innei hi chu in vannei hle mai…..
kei erawh ka pianni khan ka pa ve khan min hnu chhawn si…. 
a la dam reng mahse ka tan mitthi a ni si 
:-|
Report this comment
October 5th, 2010 at 5:51 pm
Pa te hi an hlu a,kum 9 ka nihin kei pawh ka pain min thih san a,thuk takin a zirtirna leh kaihhruaina ka dawng hman lo.Ti chuan hmeithai fa chu a dik a dik chuan kan thu hi a nawi deuh nge nge tih tunhnu hian ka hrechhuak fo mai…chhungkaw rorel velah te hian :!:
Report this comment
October 5th, 2010 at 6:03 pm
Evergreen ava ril ve le… Uluk taka chhiar tur chuan pachang a ngai hle mai…
Report this comment
October 5th, 2010 at 6:11 pm
@ 8 : vitamin-c : Ka khawngaih hle che…tih hi kan sawi phawt ang e,PA hawisantu che fa ni mahla, heti khawp hian i calibre a sang a lawm le… I comment vang hian ka OT lawksss….
Ka thianpa, ka ngaihsan em em hi nang aia chan chhhia leh tough lutuk…ka nun zawng zawng a ka ngaihsan leh ka chhuan ngawih ngawih a awm asin…A survive chiang teh mai a nia.
In hmu ula chuan ‘Honey I am tougher than the rest’ in tih ka ring.
Report this comment
October 5th, 2010 at 6:12 pm
Ka chhiar ngam ta lo mai! 14th Aug 2007 a min peih lohsan ka pa kha ka tan a hlutzia hi ka hrefiah zo tak tak lovang. Good bye daddy!
Report this comment
October 5th, 2010 at 6:13 pm
@evergreen, i va ziak ngaihnawm lungkuai teh lul em! Mittui tla lova chhiar a har hle mai. Nikum November thlaa min boralsantu ka pa kha min ti hre chhuak nasa hle mai. Kei pawh ka pa kha Mizo pa awm nem, rethei leh bawrhsawm reng renga he khawvel lo hmang liam ta kha a ni a, mahse kei ka tan chuan amah aia Pa tha zawk thlan tur reng ka nei chuang lo!
I tawrhna ka hriatthiampui che. Pathianin thlamuan che rawh se.
Report this comment
October 5th, 2010 at 6:20 pm
Ka tuarpui takzet che a ni. Ka chunga mi #9 angchiah hian kum 9 ka nihin 1993 khan ka pa in rethei takin min kalsan a, chumi ni atang chuan chhungkua kan awmdarh ta a ni. Ka pa boral cham alo thlen apiangin school tlanbo in ka pa nena kan len thinna te kan feh thinna te ka fang leha k trap thin :).
Mase vawiin ni ahcuan Isua hi ka pa dik tak chu a ni tih k pawm thiam tawha, tunhma angin ka pa k ngai leh tawhlo. Pa neilo te ka lainata, ka hrethiam takzet a ni. Isuan a nghak reng che ni.
Report this comment
October 5th, 2010 at 6:24 pm
@evergreen, ziak tha khawp mai.ka Pa min ti ngai vak a lom le,kei chu ka nun min pailai in,ka Pan min boralsan a,pa ngai dan em em poh ka hre thiam lo.Mase chhungkaw kima awmkhawm hi ka thil chak ber a ni…thitha khop mai,ka lawm e.
Report this comment
October 5th, 2010 at 6:30 pm
Ka va rawn sual khat e. Ka luh theihloh chhungin post alo tam tawh hle mai…
Report this comment
October 5th, 2010 at 6:31 pm
Pathian khawngaihna zara nu leh pa kala nei hi ka va vannei tak em.
Report this comment
October 5th, 2010 at 6:34 pm
3rd March 2006-ah Ka pa duhtak chuan min peih loh san a.Internship ka tih lai a ni a, degree ka hmuh nan thla thum chiahin min dang tawh. Mahse,min nghak thleng zo ta ngang lo a ni….
Degree kan hmuh ni chuan thiante chu lawm a vangin an mittui a tla a, kei erawhzawng nghakhlel taka Tlumtea thlir taka min thlir tu KA PA kha rilruah a rawn lang bianga mittui luang zawih zawih chungin ka certificate chu ka dawng ve ta a ni…
Min tawrhpui tu leh Pathian thlamuanna min hlan tu zawng zawng chungah lawmthu ka sawi e.
Report this comment
October 5th, 2010 at 6:38 pm
@ 12 muante : Ka hrethiam che, 1997-Mike Tyson beng sehthlak ni khan ka PA in min kalsan daih a…Ka va ngai thin tak em…KaPA kha chu a tha BER hian ka hria, a hlimlo hmel ka hmu ngailova, ka mutthilh lai pawn a bulah khan ka lo awm thin..
Pathian avanga a rawngbawlna zawng zawng kha retheihnate, damlohna te hian a dal ve ngai lo…Ka tawngtai pawh hian-ABRAHAMA PATHIAN,ISAACA PATHIAN,JACOBA PATHIAN,KA NU LEH KA PA PATHIAN” tikher hian Pathian ka au thin.
Ka Pa leh Ka nu kha ka la duh asin aw…
Report this comment
October 5th, 2010 at 6:38 pm
Kawmen chu ava ril tiah tiah hlawm ve le.. Thug meuh pawh a men puai mai
Report this comment
October 5th, 2010 at 6:52 pm
Ava thui ve.. chhiar tan teng..
Report this comment
October 5th, 2010 at 6:53 pm
Thihna in mi a velh dan hi chu a dang bik ani. Min hmangaiha min chawilian tu ngawih2 kan nu leh pa ten mual min han liamsan ni atang hi chuan kan tan hian khawvel hi a thlakhlelhawm loh lehzual a ni.
Evergreen… Ka tawrhpui a che, Pathian in awmpui zel che se la, I thiltihnaah a malsawmnain vur zel che rawh se.
Report this comment
October 5th, 2010 at 6:58 pm
@#Ainawn, keini chhungkua pawn -ABRAHAMA
PATHIAN, ISAACA
PATHIAN, JACOBA
PATHIAN, CHUNGNUNG BER KAN LALPA tiin Pathian kan ko thin a sin! Kan lo inchhung reng lo maw le?
Report this comment
October 5th, 2010 at 7:22 pm
A va ril ngaih ngaih ve le! I thu ziak/ziah chuan hnuk a ti-ulh thei mai dawn alawm le.
Report this comment
October 5th, 2010 at 7:23 pm
ziak tha hle mai, comment lam pawn lung akuai khawp mai, ka tawrhpui che @evergreen, i dinhmun hi ka inchan chhina lung azing duh khawp mai
Report this comment
October 5th, 2010 at 7:47 pm
tun thlenga ka nu leh pa ten min la dampui hi ka vannei hle…nu leh pa te hlutzia hi mi tamtak chuan kan ngaihtuah thiam tawk thin lo…sawi vak tur pawh ka hre law…min hmangaih an hian ka hmangaih let zo lovin ka hre thin..
Report this comment
October 5th, 2010 at 7:49 pm
Post leh comment zawng2 hi ka chhiar chhuak dap,ka nau awm lo se chu ka mittui hi ka hru ang. Zaninah kan pahnihin tawngtaina hun kan nei leh ang, in zavai tan ka lo tawngtai dawn tih lo hre rawh u. Mipa hi a va trahbelh theih ve aww.
Report this comment
October 5th, 2010 at 8:13 pm
Hringnunah hian vawikhat nui tura vawihnih kan tah chang hi a awm thin. Kan nuih theih nan kan nu leh pa te hi vawi engzat tak lo tap thin ang maw…AN mitin thil mawi a la hmuh theih lai leh an ka in thil tui a la hriat ve lai hian an duhzawng tihsak thei lo hian ka awm ang tih ka hlau thin!
Post leh comment zawng zanwg hian Pa hlutzia min by-heart nawn tir leh chiang kher mai.
Report this comment
October 5th, 2010 at 8:31 pm
Comment ve phawt ila, nakin ah chhiar ang, a tha dawn hrim hrim.
Report this comment
October 5th, 2010 at 8:51 pm
Nu leh pa nei tawh lo zawng zawngte ka tawrhpui cheu in, Lalpa’n awmpui zel che u rawh se.
# Aw LALPA, ka nu leh pa ka bula i la awmtir avangin lawmthu ka hrilh a che. An sawi apiang zâwm zel thei turin mi pui ang che. Tin, anni ai chuan kei hi mi hruai hmasa bawk ang che. Chutilo zawng ka tuar chhuak zo lo palh ange.
Report this comment
October 5th, 2010 at 8:52 pm
#Nu leh pa nei tawh lo zawng zawngte ka tawrhpui cheu in, Lalpa’n awmpui zel che u rawh se.
# Aw LALPA, ka nu leh pa ka bula i la awmtir avangin lawmthu ka hrilh a che. An sawi apiang zâwm zel thei turin mi pui ang che. Tin, anni ai chuan kei hi mi hruai hmasa bawk ang che. Chutilo zawng ka tuar chhuak zo lo palh ange.
Report this comment
October 5th, 2010 at 8:53 pm
Evergreen, ka tuarpui tak zet che.
’93 jan.3 ah ka pa in min boralsan a. Kum 3 vel chhung chu ka awih theilo. Ka mitin a ruang ka hmu a, thlanah ka thlah liam. Mahse, khawiah emaw zina, lo haw leh mai tur hian ka ngai reng khatihlai kum 3 vel chhung khan.
A mit chhin lai tak hian thil pawimawh dang tia ka kalbo lai tak a ni a. A hnukchah dawn tep a a thusawi an tih an sawi chhawn hi, aw, ka bengah hian a cham reng thin, ” mama kha ka va ngai em! Khawiah nge a awm ?”
Report this comment
October 5th, 2010 at 9:00 pm
A ngaihnawm hle mai a. Pa uap loh chhungkua chu kan nawi ru niaih mai anih hi. Nu leh pa te hlutzia hi ka hre lo leh thin.
Report this comment
October 5th, 2010 at 9:01 pm
@Benny,
Tun thleng hian kei pawn awih har ka la ti a, mumangah te ka la hmu f0 thin. Mahse, zing ka han thang harh chuan KA PA reng hmuh tur a awm si lo..hrilh a hai duh thin khawp mai….
A ruang pawh ka hmu hman ta lo a nih kha……
Report this comment
October 5th, 2010 at 9:17 pm
Ziak ngaihnawm thiam in hnuk a ulh duh hle mai… Kum 2008, April thla a ka Pa’n Chuap Cancer a minboral san khan,… tawrh thiam a harin hriatthiam a har ka ti,, damdawi, nachhawkna tur lama Aizawla ka kal hlanin min boral san,, thlakhat chhung chauh chawlh ka nei a,, a mah a serious em a vangin chhungten ka awmna lam a tangin min chahchhuaka,,, mahse,, he khawvel a chhuahsan lai khan a bulah ka awmsilo,, tunthleng hian tuarthiam a har ka ti. Bus a ka chuan, khawthlen hmasiin, ka u in minrawn phone a, Ka Pa hian a nghak hram hram che a nia, rawn hmanhmawhrawh a tih khan ka hrethiamlo tak zet..A damdawi ka leisak pawh a hnu feah civil damdawiinah keimah ngeiin ka pekir leh,.. Ka Pa kha ka van ngai thei thin tak em.|!!!!
Nu leh Pa te hi Leia kan awmchhunga kan PATHIAN, mita kan hmuhtheih an ni, anthu awih hramhram hi vanneihna a ni tih i hrethar leh ang u…
Report this comment
October 5th, 2010 at 9:24 pm
Pathian thil rel dan chu
A va mak em !
Hriat phak rual loh a ni
A tum zauzia…
Ka tuarpui hlawm hle mai che u. Kan PA, thi ve thei lo, chatuan PA chuan vengin awmpui theuh che u rawh se.
Report this comment
October 5th, 2010 at 9:38 pm
in comment ka chhiar hmasa phawt a.. ‘eheu he post chu a va that hmel ve’ ka ti rilru a chumi zawhah he thu hi ka chhiar ve a, ka suangtuah chhunzawm neuh neuh a, ka khap fuk fuk a, mit a rawn tui ve mai dawn lom le. Kan lo comment ve hram nih hi. @evergreen, post tha hle mai, Nu leh Pa hlutzia min hriat chhuah tir.
Report this comment
October 5th, 2010 at 9:46 pm
Ziak thiam hle mai. Kei chu PA ka la nei. Nu ka nei tawh lo thung.
Report this comment
October 5th, 2010 at 10:24 pm
I.A.M.C leh police constable pensioner, fa 9 a hminga high school rap pha theuh; graduate leh post graduate te pawh zir chhuahtir thei( a bul chu Pathian a ni) ka pa leh amah thlawp tlattu ka nu te kha aw!!!
Tunah lem kei AN fapa hian fa 2 ka nei ve a. Cl. Xi leh ix an han zir tan ve chauh a, kei ve hian harsa ka va’n ti em!. Ka nu leh pa kha chuan, kan zir ve theih tek tek chhung kha chuan, min chawm avanga ‘ harsa’ an tih thu hi kan beng hriatah AN sawi ngai lo. Theih ang anga thiam ang tawk hna thawka, mahni intanpui tum hram thin tur erawh chuan min fuih thin.
Kei ve hian, AN hnung hi ka va han zui zolo teh chai em!
Ka nu, ka pa, zanin hian ka va ngai leh zual che u em! Kum tam ral hnu ah, in fapa hian, Lalpa rawngbawla a hminga kamding ni a, mahni leh in mo leh tute chawm ve tek tek hian, in mi zirtirna dung zuia chhungkaw enkawl hi harsa tih chang ka nei fo thin. Ka va han tluklo tak che u em!
Report this comment
October 5th, 2010 at 10:26 pm
Thian thar, hmel thar,nula rim nu leh pa te, zirtirtu te, Hna dil interview thleng pawhin..” I pa, in eng nge a thawh?” tih zawhna ka tawn chang te hian…..
” KA PA chuan min kal san tawh” ti a han chhan thin hi a va han lungchhiatthlak thin tak em! A zawt tu tan lah a hrilhhai thlak!
Miss you Daddy!
Report this comment
October 5th, 2010 at 10:27 pm
ka mit a kham em mai chhiar rih lo mai teh ang,… oooooooo :mrgreen:
Report this comment
October 5th, 2010 at 10:30 pm
@Benny
Ka mittui hi………..
Report this comment
October 5th, 2010 at 10:30 pm
Insum hrih teh ang… chhiar hrehawm ka ti dawn tlat.(nakinah ka la rawn comment ang)
Report this comment
October 5th, 2010 at 11:16 pm
Patling hi patlin a va har in Pachang pawh hi pachan a va har em!!! ohhh
Report this comment
October 6th, 2010 at 12:01 am
Pa sun tawh zawng zawng ka Mi(sual) pui te ka tuarpui vek a che u.
Kei pawh Awmlo ata awma min siamtu ka zuapa 29jan2007 khan ka lo sun ve tawh a An vuna thu live in telaphonein ka lo ngaithak mai leh a ruang chunga hmun hla tak atang a telephone hmang a thusawi bak eng mah tih sak ka la nei lo fan nia.
Vawiin ni thleng hian a thlan takngial pawh ka la thlawh theilo a nih hi.
Kan in pui ka thlen leh thleng hian lo la dam ngei tur hian ka la ring tlat nia maw le.
Report this comment
October 6th, 2010 at 1:04 am
Hmmm… Pathian hi awm ta lo se nun hian awmzia a nei thlawt lo..ka nu leh pa an la dam a, an va hlu em.. @evergreen, ka tawrhpui tak zet che a, chutihrualin fuihna thu tha tak min pek avang in ka lawm e..
Report this comment
October 6th, 2010 at 5:06 am
@ ninja: Kan lo inchhung mai thei asin.
Report this comment
October 6th, 2010 at 5:13 am
Avan ngaihnawm vele.
Report this comment
October 6th, 2010 at 8:12 am
Min STAR-tuten sms-a “Where you?” an rawn tih hian … “In your heart” tiin ka chhang hmak zel! An lawm viau, lawm kim chiah si lo!
Where are you Daddy? Chhang thei chiah sela chuan, “Inside the casket … I am like a rotten egg, nasty and filthy …” a ti thum dut dutin ka ring!
Report this comment
October 6th, 2010 at 8:41 am
Ka chunga mi khi a coment dwn a maw ka tia.
Report this comment