Tunlai Zoram ah hian, nu leh pa tam tak chuan an Fapa/Fanu te hi an hau tha ngam toh lo hial awm e. Nu pakhat chuan ka bulah ti hian a sawi a, “Ka fapa hi ka hauh hian ka ngaih a tha lo, a lo in awkhlum ve mai ang tih hi ka hlau a ni” a ti a. Ka ngaihtuah zui hian enge Depression chu ni ang? Pawngpaw lak vung viau a hlauhawm hle. Pathian thuah hian kan fate hi kan kaihruai lo lutuk ani mai lo maw? Kei ka ngaih danah chuan khawvel psychologist tha ber chu ISUA hi ani a, a BU pawh hi BIBLE bak a tha hi ka la hmu lo.
Ka dem lo mahni Intihhlum hi a awl viau anih ka ring ve tho mai. Juda iskariota kha Bible ah chuan depression nasa tak a nei tih kan hmu vek ani. Ramhuaite hial khan a ti buai anih kha, khang atang te khan ngaihtuh ila thil thar leh danglam a nilo, a do theih ani. Pathian hian khawvelah hian thlan tla a hahtak a awm tur ringawt in mi ti lo, hrehawmnate leh harsatna te hi lo hma chhawn tur ringawt pawn min ti lo mahse lo bei turin min duh ani.
Sipai za tam tak poh hi sipa 50 rual in bei dawn se alo din ringot a a do let vet si loh chuan chance a om lo hle ang. Amaherawh chu an lo do let ve chuan hneh theih na chance om ve thei tho ani. Chuvang chuan rilru buai kan tihte pawh hi a do let theih dan kawng hrang hrang a awm ani, chu chu BIBLE hian min pe vek ani.
Bilble ah hian rilru hlimna tam tak a om a heng te hi lo thlir ila: kan thlarau tan chaw tha a tlin ngei ang chuan he rilru buai hi nasa takin kan bei let ve thei ngei ang. “Aw Pathian, keimahah hian thinlung thianghlim tak siam la; Ka kawchhûngah hian thlarau dik tak siam thar leh ang che. I mi chhandam hlimna chu mi pe leh la” (Ps 51:10, 12).
Ps 51:10, 12 hi ngun taka ngaihtuah chuan kan tlakchham pakhat chu a ni ve reng mai. Rilru buaina leh manganna i tawh lai tal pawn han chhiar la in tihhlum mai duh I nih lai pawn a pui nasa hle ang che, a tu a tepawh hian siamthar leh theuh hi kan ngai reng ani. Chuvang chuan siamtharlehna hi kan dil nawn fo tur, kan chaw tur pakhat chu a ni tihna alo nih chu.
Pathian hnenah Lawmthu sawi fo hian mi a tanpui thei nasa hle bawk ani. Pathian hnena lawmthu sawi reng mi chuan rilru buaina a nei lo ang. A vui rengtu chu a in vui hlum thak dawn ani. Chuvangin lawmthu hi bang lovin kan sawi thin tur a ni. Philipi 4:6 ah chuan “Engahmah mangang suh u; engkimah tawngtai leh dilin, lawmthu hril tel zelin, in duhnate chu Pathian hnenah hriattirin awm zawk rawh se.” Hetiang ang zela kan tih thin loh vang hian Pathian hian min hawisan ta mai nilo in kei mahni in kan hawisan thuai thin a kan hawi kir leh mai thei thin lo ani. Phlipi 4:7 ah chuan kan awm dan tur chu a lo sawi ani. Tichuan, Pathian thlamuanna, rilru reng renga hriat sen loh khan, in thinlung leh in ngaihtuahnate chu Krista Isuaah chuan a vensak ang che u…hei lo liam a thlamuanna hi a awm tawh chuang dawn ami, in ngaihtuah ve teh u.
Rilru buai lai tak tak chuan thil harsa tak pawh ani mahna mahse mahni in hlan a amah Pathian chawimawi a fak chung zelin I rinna thu chu puang lui zel thin ang che. Aw ka nunna, engah nge i kun reng? Engah nge ka chhûngah hian i buai ni? Pathian beisei rawh: amah chu ka la fak dawn si a, Ka hmêl tidamtu leh ka Pathian chu (Ps 42:11).
Pathian nena kan I laichhina tih chakzual zel in a mah hnaih zual zel hi mihring te hian kan tih tur tha leh Pathian lawm zawng tak ani si a. “Nangni thawk rim leh phurrit phur zawng zawngte u, ka hnenah lo kal ula keiman ka chawlhtir ang che u. Ka nghawngkawl bat ula, ka hnenah zir rawh u; thuhnuairawlh leh rilrua inngaitlawm tak ka nih hi: tichuan, in thlarau tan chawlhna in hmu ang.Ka nghawngkawl chu a nuam a, ka phur pawh a zang a ni,” (Mat 11:28-30).
A hnenah kan kal a amah hnehna ka dil a ka tluk luh chuan min thlamuan ngei dawn ani. Kan rilru buainate kan manganna te hi I thlen ang u ..he mi ti tur hian nang mah chauh a I theih loh pawn Pathian in pui tur che in a Puithiamte ,Pastorte,thuhriltute a ruat bawk si. Ka thian duh takte u, khawvel hian min hneh tur a ni lo kan lal Isua hnung zui chung zelin khawvel hi ka ngam tur ani mangan ni leh tah nite chu tam thin mahse Pathian ah kan tluk luh a Amah kan hnaih zel chuan eng hian in nge min hneh thei bik ang le tih ngaihtuah thar leh in mahni intihhlum hi Setana hmanraw pui ber ani tih hriain, Pathain rawn chung zelin kan nun hi a nuam leh hrehawmah Amah Fak leh lawmthu hril chung zelin in tawngtai sak tawnin Pathian ralthuam famkim nen khawvel hmachhawn zel turin Pathiana huaisena in neih theuh theih nan tawngtai zel ang u.
Similar Posts:
- A mal malin chhiar la
- Saiar rual che maksak!
- Hmangaihna.. Beiseina.. Rinna..
- Tawngtaina awmze nei lo.
- Isua Pathian a ni lo
October 11th, 2010 at 2:06 am
Pastor suicide hi chu a zia lo ve khawp mai!
Report this comment
October 11th, 2010 at 2:09 am
@Pu lushai_er,Pastor suicide a awm law?
Report this comment
October 11th, 2010 at 2:10 am
@4: An awm lo e law?
Report this comment
October 11th, 2010 at 2:12 am
@1_na chu i va comment ho ve maw le, i edit hman leh si nange…. hehehhee :lol:
Report this comment
October 11th, 2010 at 2:13 am
@4 ___ mahni leh mahni an inbe ngailo ,….. :lol:
Report this comment
October 11th, 2010 at 2:14 am
mizoram suicide thenkhat hi chu mahni “shrink” te hi nei in, be ve thin se chuan prevent theih ka ring
Report this comment
October 11th, 2010 at 2:15 am
Het ka comment a bo leh ta,….. in va sual tak e aw…. :lol: Ka ho reng tho ang….. :lol: :lol: :lol:
Report this comment
October 11th, 2010 at 2:15 am
#6: mahni leh mahni chu hermaphodite an ti! Ka ni lo hlauh!
Report this comment
October 11th, 2010 at 2:18 am
#8, hoh deuh paw’n dot ringawt hi chu chhu lo ila, post buatsaih hi a harsat nen hian !
Report this comment
October 11th, 2010 at 2:20 am
Pa ber a inti thu ber a, a dawtah nu ber. Fa te chu duh hun hunah hauh theih emaw an ti a, fa te lahin an sakei hlauh bawk a. Heihi Mizo chhungkaw tam tak awmdan a nih ka ring, thil fuhlo tak niin ka hre thin.
Nupa ah hian thu bik awm hi a fuhlo ka tih bakah a fair lo ka ti bawk. Engkimah inrawntawn ila, thil a tluang purh zawk a ni. Fate pawh hi kan fate an nih angin kan kawmngeih turah ka ngai. Kawmngeih tih khan tul huna zilh thei/thurawn pe thei dinhmun a ding siin! hemi tur hi chuan an hmuh leh hriat tura kan nunphungin a zir angai hle, nu leh pa te mawhphurhna theuh pawh a ni ngei ang.
Mizo te chu fate nupui neih hnuah pawh rei tak tak la khawsa ho kan ni zawk a, kan chhungkaw inkungkaihna chu sapram te aiin tha zawk thei daih niah ka ruat. Ni thei tur chuan para hmasa zawk khi kan zawm ngaiin ka hria. Chhungkaw enkawl hi thil harsa tak a ni mahse, tum tlat chuan tumlo ngawt ai chuan kan zia hrim2 ang.
Rilru chhung atanga chhung inkhawm neih thin te hian chhungkaw nun chu a hruai ngil khawpin ka hre bawk.
Report this comment
October 11th, 2010 at 2:20 am
D_auachwgthu,#1 khian a first lo ang tih a hluah lutuk vang ni ngei ang tiraw..:))..
#4, an awm i ti dawn maw ka tia..:))
Nu pakhat hian a sawi hi ka la hre reng thin”mahni nunna la ho hi chu,midawizep tih dan ania” a tih hi.
Report this comment
October 11th, 2010 at 2:25 am
#14, Japanese tradition-ah chuan kamikaze hi an ngaisang khawp mai! Sumo referee hian chemte an pai reng thin, an bias chuan an in tih hlumna tur a ni!
Report this comment
October 11th, 2010 at 2:32 am
Offensive aia defensive kan thupui chhung chu eng kawngah mah ram ropui kan thleng lo ang.
Report this comment
October 11th, 2010 at 2:41 am
V-a USA khan rawn comment se ka va ti ve. Depression ah big ‘D’ leh small ‘d’ chungchang kha hriat a pawimawh. Kan ngaimawh lem loh hian depress hi kan lo tam thei dawn khawp mai.
‘Pathian hi psychologist tha ber’ i tih hi a dik khawp mai. Chutih rualin tunlai thangthar te hian Pathian hi an pan hmasak ber a rinawm loh. Chhungkua ah hringnuna hun harsa leh tawhkhirh tak tak lo paltlang tawhtu ‘NU leh PATE’ hian mawhphurhna an nei lian in ka hria.
Tunlai thangtharte ah chuan Emo culture hi pu lut an tam em em a. Suicide hi chu a extreme stage mai mai a nia. Kan hriat loh, mahni blade a in zai, in vit te, mahni na tuara insiam te hi an tam em em a. Hei hi depression, stress vel kaihhnawih pawh a ni thei ang! Hmangaihna lah hi an han la na em em lulai khawp a. Ngaihzawng nen intihthiamlohna hote ah pawh hruizen hmang tangkai ta an tam. Hetah pawh nu leh paten mawhphurhna an va nei sang em!!
Report this comment
October 11th, 2010 at 2:41 am
lushai_er, #14 Hara kiri i sawi tum hmel
Kamikaze chu WW11 a Japanese suicide pilot ho kohna, a awmzia ‘devine wind’niin, Kublai Khan a sipai te lawng, (khawvel indo fleet tun thlenga la tam ber tum) Typhoon in a nuai chhiat hming chawia inphuah an ni nghe nghe. NOI ka correct che i huat loh ka beisei. 
Report this comment
October 11th, 2010 at 2:49 am
#16, H.V 13 tur a ni zawk lo maw? Kamikaze chu suicide squadron kan tih ho kha ni e … Chihnihin ka rawn then ve emaw ka ti a! Sumo referee hi chu harakiri chu ani ngei a, mahse kamikaze nen ka la ngaihpawlh miah lo! Japanese nula i ngaizawng tawh chiang
Report this comment
October 11th, 2010 at 2:54 am
Pu HV: WW11 (World War eleven) a awm pawh kalo hre hleinem. akekekekekek
Report this comment
October 11th, 2010 at 2:55 am
lushai_er pawh chu Japs ho i hriatchian hmel hle mai a. An geisha te pawh hmelhriat i neih nual ka ring tlatz…
Report this comment
October 11th, 2010 at 3:00 am
@lalmisual Geigi film chu ka en ve tawh !
Report this comment
October 11th, 2010 at 3:01 am
lushai_er, comment delete an nei chu a nilo maw, tunah khi chuan #13na ani ngei mai hairehai
chuan, i last sentence khi chu 
funny, ziah dan a nih i hre ve reng, Ui…pa
WW11 google la i hre mai ang, ilo la hre ngailo a nih chuan. Second world war te ilo ti mai mai ange aw, World War two (WW11) an ti deuh kher ania tra la la la la 
Report this comment
October 11th, 2010 at 3:04 am
@funny hi a Pa a chhun chuan a lung a leng ve ngei ang! H.V-a Pa te hi chu sap hla hian an lung a leng thin a!!!!! An mizo hla lah hi Pu B.Thanmawia & Pu P.S. Chongthu-te nen bak hian an lungrual thin si lo va..! Funny-a lungleng kan hnem anga a ni mai alawm!
Report this comment
October 11th, 2010 at 3:11 am
Kei chu ka hlau hrim hrim suicide tih ah hian Muslimho suicide squard ho hi chu duh leh midangte nuna chan tel lovin lo insuicide mai mai se ka ti an ngam bawk a hahahahaah
Report this comment
October 11th, 2010 at 3:12 am
funny chu alung alo leng viau em ni, chuvang aniang chu FB lamah a bo hmak ni, gothica leh zualbonez te ho an lung a len loh hmel hmel nen a hairehai :lol:
Report this comment
October 11th, 2010 at 3:15 am
Engtinnge ka lo 1st daih a…hrehawm e,nuam bok sia..hihi
Post tha tak anih hi a.Bible hi kan thian thaber,hnai ber anih zia a rawn tarlang chiang hle.Kan manganna leh rilru hahna te hi Pathian hnenah thlen thin ila,Ani chuan kan rilru a thlamuan ngei ang le.
Report this comment
October 11th, 2010 at 5:44 am
An chhiattawh dan kha … SUICIDE a ni miau va, tawngtai tur pawhin upate an tim dui hlawm tawh a. Pu James Dokhuma an hnawn ta ringawt a. Anin a’n chham ta tak tak ale …
Aw Lalpa, tuifinriat mawng thuk lai bera lungpui kehkak kara chengkawl nu hur hun pawh pawh hre chiang vektu Pathian i ni. Min han en la, hei kan tlangval … nangmah ngai em em thintu pawh hi i hriat chian kan ring. Keini chuan mahni inthat hi chu hremhmuna liam nghal turah kan han ngai ngawt a. Mahse, Lalpa, he tlangval hi nangmah ngai em em thintu che kha a ni a, i hre chiang a. I hnen thlen hlan nghakhlel ngawih ngawih thin a nihzia kha i hai lo. Tunah hian, ama nunna hial pawh zah zo tawh lovin i hnen rawn thlen a tum ta … a hmanhmawh chu kan ti, a virpilh kan ring lo. Lalpa, I lo kuangkuah ngei pawh kan ring …
tiin, sawi chhawng thiam lulai tak, nula pakhat Mary Winchester Zoluti’n min hrilh ni khan, ka nui nasa khawp mai! Pu James Dokhuma te leh Mary-te hi Sialsuk lam chhuak an ni tlang a.
Report this comment
October 11th, 2010 at 7:38 am
Ka 1st ve kha ni sia, lawm ve hman tawh tehreng nen a bo daih nia…..nd two comments along with it.
Report this comment
October 11th, 2010 at 9:35 am
Post tha tak a ni e.
Report this comment
October 11th, 2010 at 11:07 am
He post chu tha ka va ti em…
Engkimah Pathian rawn chung leh tih tlat chung a kan awm a thil kan tih chuan he hringnun hi alo nuam mai thin a ni..
Harsatna te lungngaihna te kan tawh chang hian Pathian hnen a thlen hian min chhawk thin khawp mai..
Amaherawh chu tnlai ah cuan thalai tam tak te hi Pathian ngaihsak em2 lo an tam ta hle mai a,chuvang erawh chuan nu leh pa te hian mawhphurhna tam tak an nei in ka hria..
Chhungkaw titi khawmna hun leh inkawm khawmna hun te hi a tam thei ang ber neih theih hi a tha hle ani tih hi kan belh ve zeuh ange…
Report this comment
October 11th, 2010 at 12:35 pm
Post tha tak a ni.
Nu leh Pate’n mahni fate thlahdah rah chu a lang tan anih hi.
“An changkang chak duh….an kawlhrawng a, a tha….Nagaihven lutuk chu an no duh….” tih hi, a dikna chen a awm. Mahse thlahthlam dan tawk kan hre leh silo. Thutha leh awmdan mawi, adt…. a tam ang chu – kan hrilh peih lo lutuk hi, engemawchen chu, ramin a tuar tan a ang khawpin ka hria
Report this comment
October 11th, 2010 at 4:13 pm
Zawhna:
Zuk leh hmuam avanga thi te hi mahni inthat kan ti ve thei em, nge in awkhlum emaw hriamhrei hmanga in tihlum te chauh hi mahni inthat kan ti dawn? Zuk leh hmuam thihpui te pawh, an taksa/hriselnan a thalo tih hrereng chunga tilui, thihpui an nih si chuan mahni inthat an ni ve mai lo maw?
Report this comment
October 11th, 2010 at 4:20 pm
@BlueMountain….Zuk leh hmuam vanga thi kan tih te hi, a zuk vang… emaw a hmuam vag… a ni e tiin chiang fakin sawi theih kan nei em??
A zuk vangin a Cancer, emaw a hmuam vangin a cancer kan ti fak thei em tih lai ah hian mahni inthat a kan puh dawn leh dawn loh a chiang ang chu….
Report this comment