Mite khawsak anga khawsa pha lovin, an inrêlbâwl dân te chu awt takin râlkhat thlîr dauh dauh thîn mah ila, kan nihnaah kan lungawi tâwk a, suma lei theih loh an neih loh tha tha kan nei bîk hi a va vânneihthlâk êm! Kan nihna leh kan chan tâwkah kan lungawi a, lungawi lohna kan lo neih pawhin hmasâwn phah nan kan hmang a, khawvêl tukverha dâkchhuak reng chungin mahni inchhûnglum kan hawisan chuang lo – Mizo kan ni miau alawm.
Khawvêl sualnate’n hmun dang ang bawkin min chîm a, sualna thûk taka la liluh ngai lo kha kan buai a, theihtâwpin a tihbo tumin hma kan la a; chumi kawngah chuan infuih thar nan kan nun zemawi sawi tur leh tawktarh tur kan la nei cheu a ni. A va hlu êm!
Keini chu chhiat kan tawhin Mizo nih a nuam hlei hlei a, neih sum leh pai nei lo nih te hi retheih nihna a ni rêng rêng lo. Mi harsa an tam poh leh mi tha kan lo nih zia a lang chiang ting mai a ni. Kan lungngaih châng pawhin thlamuang tak chungin kan tap a, kan hlawhchham châng pawha kan zînga el tur dang lo awm leh zêl te hian min tiphûr sauh sauh zâwk a. Kan hlawhtlin ni-a in-îtsîk mai lova kan inlawmpui thiam te hi a hlu em em a, duhsakna kan inhlan tawn thin te hian kan ke pênna tur kawng a sial ruah a ni – hei hi Mizo a ni.
Harsatna a sân poh leh Mizo Mizo-na a lang chiang thîn. Chhûngkhat hnaivai leh laina hnai leh hmêlhriat nei lote an khawhar lo va, a hriat hlawh zâwk an ni thîn; kan ram hi khawngaihna ram a ni tlat a! Khawvêl thiamnaah hnam dang leh ram dangte tluk lêm lo mah ila, kan awt ngai lo. Ka thil mawi hmuh te hian kan kut a tiche a, kan thil tha hriat te hian kan ngaihtuahna a kaitho thîn. Hnam danga awm zen zen lo tlâwmngaihna hi khawvêl mithmuha kan inchhuanna leh kan chungnunna a ni a, tûn thlengin kan zîngah a la awm reng a ni. Mizo nih hi a nuam asin.
Kan pasalthate hming hi khawvêl miten min hriatpui lo mah se, an nihna leh an thil tiha kan chian avângin kan ngaihsàn a thulh chuang lo. Kan hnama chi nung an tuh kha a chawrno va, a thang lian zêl a, pâr pawh a chhuah ta hial a. Chu chu tûn thlengin a la vul reng a, a chuai ngai dâwn lo. Thil tibo kan awm chuan mi rinawm kan nih zia a lo lang a, chuti ang bawkin thil chhar kan awm chuan mi ta awt ve ngai lo kan ni tih a chiang thîn. Hei hi Mizo nih tinuamtu a ni a, hnam dangin an nei ve ngût na maw chu!
Chapo kan hlauh avângin hnam dangte hmuhah kan inpho chhuak ve vak vak ngai lo! Mi inngaitlâwm rual awmkhâwm kan nih avângin khawvêl hriat lâr hluai pawh kan ni hek lo. Kan awm dân mil tâwka khawsak kan thiam a, hmân atâ tawha lo intodelh thîn kan ni. Kan kohhran-te hi a nung hliah hliah a, kohhran hrangte awm ve diah mah ila, biakin khâr leh zîm ai chuan biakin zauh hi kan tih than a ni. Rinna lamah kan pachhe bîk lo. Khawngaihna leh hmangaihna kan ngah avângin hnam dangte pawh kan vei a, keimahni avânga kawng dik zawh ta hi sawi sên an ni tawh nang!
Keini chu Mizo kan nia.. Kan hlimin kan lâwm em em a ni.
Similar Posts:
- ISUA KHA ISRAEL HNAM TANA LO KAL A NIHZIA LEH AN KHAWVEL KHAN TUNA KAN KHAWVEL TIH HI A HUAP LO A NI
- Lungawina neilo Tuikuk te
- Mizo Mizona Zahpui Lo Ila
- Bible Chhiar Dân Tûr (Pathianni pualin)
- Hman hi
November 23rd, 2010 at 1:36 am
Kei pawh hi Mizo ka ni! :roll: :mrgreen: Ram dang leh hmun danga awm chuan MIZO nih hi a lo nuam hmasa ber zel a ni..
Tu mahin MIZO hi rawn hrilhfiah (define) suh u… inhnialna a chhuak leh mai mai… :lol: :roll:
Report this comment
November 23rd, 2010 at 1:36 am
Keipawh Mizo ka nia. Chhiatni thatni, a bikin Chhiatna lampangah hian Mizo nih a nuam. Kan chhehvel hnamdang Naga te pawh an in tanpui nasa em em thova. Hetiang society kan nei hi a nuam takzet a ni. Pawngsual erawh Bang rawh se!
Report this comment
November 23rd, 2010 at 1:48 am
#3rd ve mai mai teh ang
Comment sual loh nan chhiar chiang phawt teh ang. Zeph-anga risk comment ve vak tur chuan ka thluak hi a chak tawk lo tlat……haha :lol:
Report this comment
November 23rd, 2010 at 1:59 am
@D_auaChwngthu leh @Zephenath hi mi thuhmun in ni lo maw? :lol: @D_auaChwngthu comment hian ka nuih a tiza tlat thin… First hman lo deuh hian a vui nuah nuah zel a… :lol: NOI
@Mr. TSA, i ziak tha leh hle mai. Mizo nih hi kawng engkimah a lo nuam a nih hi. Mizo ka ni, ka lawm thar leh..
Report this comment
November 23rd, 2010 at 2:13 am
Mizo tih hian duhlian tawng hmang…..han ti mai ila(h) Zephenath hian a hlau hman ang chu
Chhiar a nuam hle mai, mahse thenkhat ah khi chuan ka ip deuh chawih2 in ka hría..hehe
Report this comment
November 23rd, 2010 at 2:16 am
@4___ :lol: :oops:
Report this comment
November 23rd, 2010 at 2:19 am
Hetiag lampag hi cu k lem theih zawng tak a ni. . .nia, mizo kan ni miau a, a nuam em a lawm le
Report this comment
November 23rd, 2010 at 2:26 am
@D_auaChwngthu: Risk comment lai tak khi.. ka LIKE e
Hetiang thu chhiar nuam leh a tha lam zawnga thlirna hi han ti zel teh K’u TSA :roll: Mahse inchhuang/chapo lo la… :lol: Mizo kan ni sia!
Report this comment
November 23rd, 2010 at 2:27 am
nepali min han ti thin a rim deuh lek2 hman a, piah deuh a foreigner en in min han en sang nghal em2 ringawt a.
Chutah, khawi atang nge ilo kal? ”MIZORAM” han tih thum deuh chhak hi a nuam! (nepali ka hmusit miah lo, an nula phei chu an chhelo ka ti! Hihihi)
Report this comment
November 23rd, 2010 at 2:31 am
@8__ :lol:
Post tupa mit kham em a, chhiar ta rih lo mai….. swry
Report this comment
November 23rd, 2010 at 3:18 am
Mizo takin a changkan theih a, Mizo takin a hmasawn theih. Hmasawn chungchang kan sawi apianga khawthlang lam kan sawi uchuak thin hi a dik zan lo. Changkanna lam sawi apianga khawthlang lam entawn tura kan ngai tlat hi a dik lo. Mizo takin a changkan theih. Chutiang bawkin Mizo takin a hmasawn theih. Hnam fing leh hnam ropui apiangten an hnam nun leh zemawi milin thiamna, finna, hmasawnna leh changkanna kalpui dan an zir a, an thiam thin.
Mizo nunhlui paih thlak vek hi hmasawnna a ni hran lo va, changkanna a ni chuang lo. Mizo takin a kristian theih a, Pathian hi hnamtin chitin tana Pathian a ni. Mizo taka kan biak avangin Pathian a nihna a bo chuang lo.
Kan hnam a lo ropui deuh deuh theihna tur chuan thangtharte Mizo nun phawrh chhuak zawng leh chumi hmachhuana ke kan pen thiam zel a tul dawn a ni.
Report this comment
November 23rd, 2010 at 3:42 am
@Zorunpuia: Good comment..LIKE IT
Report this comment
November 23rd, 2010 at 4:03 am
nia Zephenath sawi ang deuh khian MIZO hi rawn hrilhfiah teh suh u, a ninawm…in rawn sawi luih chuan [report abuse] a ni mai :mrgreen:
Report this comment
November 23rd, 2010 at 5:39 am
“kan nihnaah kan lungawi tâwk a, suma lei theih loh an neih loh tha tha kan nei bîk hi a va vânneihthlâk ê”
– Ahem… kan nihna kan lungawi vak lo a niang kan culture ka hlauh ran dan em em a culture dang awm anga awm kan chak ngawih ngawih. Ram-dang-a-mi-thil-hak-hak-ve-loh-hlau-lutuk-a-thla-khat-hlawh-pawh-pheikhawk-a-tan-hmang-hreh-lo hnam kan ni an ti a ni lomni?
Report this comment
November 23rd, 2010 at 6:50 am
Ram leh hnam vei luattukna vang leh insiam that duhna avangin a chhelai thur chhuah nghauh nghauh a awl khawp mai. Nang erawh chuan kan thatna lai te, kan mawina lai te i rawn thur chhuak nalh khawp mai. Zai ngaina hnam kan ni a, a huhova kan zai dual dual thei hi a nuam. Amaherawhchu, mahni ram kan ngai lutuk te, mahni ram chhuahsan kan hreh lutuk te erawh hi chu inbih chian deuh kan mamawh chuan ka hria.
@Mr TSA: I naupanna tuma’n ngainep suh se.Ka belchiang tulh tulh che a, thuziak i thiam zia ka hre tulh tulh mai. Ziak zel rawh, ka lo chhiar zel dawn nia.
Report this comment
November 23rd, 2010 at 7:09 am
” suma lei theih loh” hi kei chuan ka hmu tlem khawp. State pumpui ah hian 5000 pawh an awm pawn ka ring lo.
Report this comment
November 23rd, 2010 at 7:17 am
Eiruk, pawngsual, kan thatchhia etc… kan that loh na lam kan sawi tam bawk a heti zawnga ngaihtuahna lo awm hi a thawventhlak ve khawp mai.
Mizo zia hi a chhuanawm em, kan nunho dan hi fak tlak a ni em, kan inhmangaih em etc. Mizoram pawna khawsa thrang ho khan sawi tur in ngahin ka ring.
Report this comment
November 23rd, 2010 at 7:39 am
@caribou,#15:
Ka thlawp a che.
Report this comment
November 23rd, 2010 at 7:57 am
Pawl Kut, Mim Kut leh Chapchar Kut hmang ve thin hnam te hi Mizo te chu an ni. NOU = No Offensive Un-intended. Post vuak HOT nan :wink:
:arrow:
Report this comment
November 23rd, 2010 at 8:21 am
Hetiang post hi ka lo beiseina a rei tawh hle a Mr TSA, i ti thra ka ti takzet a ni, Mizote kan dahlau,kan sual, ek e ba le.. ti a mahni complex neihna tur leh tu te emaw thra zawk fe a kan ngaih theihna turte, kan ram hi lo tluchhiain hnamdangin min chimpil mahse, kan phu reng niawm tak a ngaih theih tur zawng a post ho, MIZORAM HMANGAIHTU DER a ruk a tum dang nei thu chhiar hi ka lo ning viau tawh a, he post chuan minti harh sawng sawng mai, rawnti zel rawh le a dang pawh…
PS: kan hawipir ltk loh nan erawh infuih thar zel ila, a chhiatna sawirualin a siamthrat dantur te pawh…
Report this comment
November 23rd, 2010 at 9:10 am
#20 J.Lo khi ka thlawp e! Kan thatna lai aia kan chhiatna lai sawi vak vak ai chuan, kan thatna lai kan hmuhte sawi chhuah a, chumi ruala insiamthatna tur erawh kan neih thu han tarlan hi, a hlawk zawkin ka hria! TS, i ziak tha e! Ziak zel teh khai!
Report this comment
November 23rd, 2010 at 9:11 am
#21 Maisek hi ka thlawp chhawng ve leh e.. :roll: :mrgreen: Jennifer Lo thleng khian ka thlawp tlang a nia…. hehhee
Report this comment
November 23rd, 2010 at 10:13 am
Mizo kan ni kan hmel a tha kan tum a sang bawk si.
khamranga chu bulma, jewel pawh :mrgreen:
Report this comment
November 23rd, 2010 at 10:19 am
Mizo by birth, Mizo by choice — entirely I am a MIZO. God loves and saves the Mizo.
Report this comment
November 23rd, 2010 at 4:54 pm
Mr. TSA chu thuziah i thiam chiang..chhiar a nuam.
Mahse, (ti leh tran ag :mrgreen: ), eng rilru pu takin nge i ziah ber oo ka ti! Ö.Ô Ka soi awmzia chu, a encouraging rual2 in a sarcastic ve tho. Tam zok chuan thu hlimawm ang zongin an thlir hmel a, ka thlir ve tho a, mahse…khing mizo ti mizotu quality thra tak2 te khi a tak a nunpuilo tam tak kan awm tawh a, kan tam tual2 ni maiin k hria..kei ve te hian.. :roll: Thu in kan la sawi kn la sawi a, a takin kn nei tlem tial2 a, kan thratna ve te chu a artificial tial2 a… Kan hnam ze thra ni thrin kha a taka hmuhtir tur nei ta mang silo hian a thu in insawitheihpui nan kan hmang tam ta..a va rapthlak em! Pichiu.! :mrgreen:
Report this comment
November 23rd, 2010 at 5:15 pm
A post-tupa hian Mizo nih a lawm em em turin min beisei a ang ka ti; mahse, Mizo ni ve lemlo tan chuan chhiar a nuam dawn emaw ni le :lol: :roll: Mizo Nationalism tih te pawh hi pawm theilo an tam ropui bawk nen.
Report this comment
November 23rd, 2010 at 5:32 pm
shabito, Mizo tan a lawmawm apiang Mizo nilo tan a nuam vek thei kher lovang, chutiang zelin lehlam atang pawn
:wink:
Tunlai khawvel a cheng kan nih angin tunlai Mizo takin, a Kristian tha a nih theih a, inti fing takin Mizo Kristian mawl tak a nih theih bawk.
Virginia local:
https://www.virginiamoonshine.c.....nshine.com
Report this comment
November 23rd, 2010 at 5:41 pm
Pah ! Mizo nih nuam a tih hmel em mai, Saphun ani chiangkuang. Chhura ‘Nghengtawlah Saiawnah’ hre thar ang vel :lol:
Report this comment
November 23rd, 2010 at 5:48 pm
HV..Mizo nih pawh hi a nuam tawh lo, A siam that dan tur aiin Social web ah lah hian negative ang deuh vekin kan lang tawh a. Chin ti a inthlak ka duh ta hial mai. Chin-Indian ti talin
:idea:
Report this comment
November 23rd, 2010 at 5:55 pm
shabito-an # 29 a a sawi ang deuh khian , ti te hian :
https://www.indianexpress.com/n.....ome/714283
Mizo nih chu a nuam mai mai 8O
Report this comment
November 23rd, 2010 at 6:15 pm
Chhungkua ang maiin kan inhre em em hlawma, kan Mizo pui hmel hriatloh te pawh kan thiante thian leh chhawng an lo ni thei zel a. In phatsan tham kan niloa hnamdang nena khaikhin chuan chhungkaw pakhat ang lek chauh kan ni a, kan chanvo kan in eiruksak te hi a na duh bik a, hmundanga kan farnu te kan unaupa te hming chhia hi kan hriat mi pawh nilo mahse kan awmna hmun theuh ah hian kan lo zak ve em em thin a….
I in ti chak thar zel ang u khai
YMA hla kan play dup dup ang e :mrgreen:
:mrgreen:
Report this comment
November 23rd, 2010 at 10:06 pm
Burma lam thu khel lai hun khan #29 leh #30 khi inhnial se ka tih nen aww..
Saw lama pakhatin a comment leh helama pakhatin a comment lo chhiar khan.. :mrgreen:
Report this comment
November 25th, 2010 at 12:08 pm
Ka lawm e.
Report this comment