Royal Gold Cup, Nagaland-a khelh mekah Mizoram chuan Final an lut.

Royal Gold Cup, Nagaland-a khelh mekah Mizoram chuan Final an lut

November 29th, 2010 11:21 pm by mizo

Kohima 29-11-2010: 19th Royal Gold Cup, Kohima, Nagaland-a khelh mekah TT Football Club (Mizoram) chuan Champion lai Dimapur District Football Association chu 5-2 a hnehin ni 1 December 2010 (Nilaini)-ah Nagaland Police nen Final an khel ang.

TT Football Club (Mizoram) Team. Dt. 29-11-2010 at Kohima

Mizoram hian quarter final-ah Kuki Football Association (Manipur) team chu 1-0 a hnehin semi final hi an inpet thleng a. Vawiin inkhel hi champion lai leh Mizoram inkhel tur a nih avangin entu mipui pawh an tha hnem hle a, Mizoram team-te tan tur hian Kohima-a Mizo awmte inpunkhawmin Khuang leh Darkhuang nen kan kal khawm a. Tan hma hauh atangin Mizo-te thawm a tha halh halh khawp mai. Mizoram team hian a tir phat atangin an nawr nghal a, DFA lamah ball a cheng tamin Mizoram hmatawng ten a enchhinna angreng a sir tawn tawn atangin an pe zauh zauh a. Goal erawh an khung mai bik lo, minute 15 vel a kal a, DFA lam atanga ball hlauhawm vak lo rawn kal chu Mizoram keeper D-line pawn lamah a chhuak tawh si defence pakhat a lu hmanga an pass chu hote-in DFA striker Lalrintluanga (DFA team-ah hian Mizo pathum an awm) chuan lo la-in a pet goal ta mai a.

Kohima-a Mizo awmte Mizoram Pet goal lawmin khuang leh dar nen an tanginan au nasa hle.

Mizoram lamin an nawr chhun zawm a, DFA lamah ball a cheng chhunzawm leh nghal a, Mizoram hmatawng dinglama tlan chu DFA D-line sir dinglam bulah kalh thluk a ni a. Mizoram tan Lalrammawian free kick a pet-a, a goal ta Mizoram fans awmkhawmna atang chuan te ri nen khuang nen a ri nghal chuah chuah mai. Rei vak lo-ah DFA lam chuan center bul Mizoram lam si-ah free kick an hmu ve leh a, Mizoram keeper a che sual ve leh hlauh mai ball chu man nghet zo lo a a dangthla chu DFA lam chuan ho-tein an pet goal leh ta ringawt mai. Mahse Mizo tlangvalte an zam lo e, an nawr chhun zawm leh nghal a, rei lote-ah a rah a rawn lang leh nghal, dinglam atang bawk a ball rawn lut thla chu mawi lutuk main H.Lalnunzira’n chuan chiang lutuk maiin a lo head lut a, 2-2 a ni ta. Mizoram lam chuan nawr viau mahse goal an pek belh tak miau loh avangin first half-ah 2-2 a ni.

2nd Half tan atangin DFA lam hian an rawn nawr ve deuh a, mahse Mizoram lamah goal hlauhawm erawh a awm hran lo. Hun a rei tial tiala Mizoram lamin an nawr na tial tial bawk a, Mid field ah Mizoram lama ball kal tur reng reng dan chah a ni deuh zel a, Midfield lam an thununna chuan rah chhuahin vawi tam tak DFA keeper an tihthaih hnuah a in zawn chho deuh thaw-in goal thum an thun belh a, min 67-ah George chuan pet goal-in, a hnu lawk min 72-ah H.Lalnunzira bawk chuan a pet lut leh a, a tawp khar nan min 81-ah R.Lalnunzira chuan pet lut lehin, Mizoram lam chuan 5-2 in hnehna an chang ta a ni. Mizoram lam hian chance tam tak an nei a, Goal ban petper leh hnai tak taka thun thelh zo zaite kha a uiawm thei ngei mai. Mizoram team-ah hian Nigerian pahnih telin striker zawk George chu vawiin match-ah hian a tangkaiin lehlam tan a hnawksak thei hle a. Midfield lamah Tezawka leh Hruaia-te chuan an dang hneh hle bawk.

Final-a Mizoram tum tur Nagaland Police te hi Royal Gold Cup-ah hian vawi-7 ngawt lo champion tawhin an champion-na kawngah hian Mohunbagan tihte leh Team tha tak tak dangte pawh an lo hneh tawh thin a ni. Final en tur hian Mizoram atangin MFA hruaitute, Chanchinbumi thenkhatte leh a sponsor-tu NECS chhungkua engemawzatte chu Northeast Shuttle hmangin final ni hian Nagaland an pan dawn a ni. Hetih lai mek hian naktuk ni 30 November 2010 hian Manipur leh Mizoram chu Dr. T.Ao Trophy final ah an in tum bawk dawn!

43 Responses to “Royal Gold Cup, Nagaland-a khelh mekah Mizoram chuan Final an lut”

1
2STATES Says:
November 29th, 2010 at 11:21 pm
Chak tlang ngei se a tha hle mai, duhsakna ka hlan e.

Report this comment
2
Hmuhneia Says:
November 29th, 2010 at 11:25 pm
November ni 1 tih chu nakum ami tur ami a, nge Dec ni 1 tih tur zawk a kek kek kek :lol: :lol: :lol: :lol: :lol:

Report this comment
3
mizo Says:
November 29th, 2010 at 11:26 pm
Lol.. van tisual ve December ni 1 tih zawk tur a ni e… admin te khan min lo siamthat sak mai teh se… khawngaihin

Report this comment
4
ngente Says:
November 29th, 2010 at 11:26 pm
Champion ngei teh se MIzo te kan duai lo, kei tiam lovin

Report this comment
5
kilung Says:
November 29th, 2010 at 11:27 pm
Admin. ten an hmu lo mi aw… Nov ni 1 khelh tur chu….

Report this comment
6
sihal Says:
November 29th, 2010 at 11:30 pm
that hi……lawawm hle mai

Report this comment
7
Saitawk Says:
November 29th, 2010 at 11:30 pm
Champion mawlh teh se.
International level-ah eng game ber ah emaw tal topper nih hi ka van nghakhlel tawh tak em.

Report this comment
8
CFL Says:
November 29th, 2010 at 11:31 pm
Ka lawmpui e.

Report this comment
9
Rempuii bAkcheH Says:
November 29th, 2010 at 11:31 pm
Final chu en ve va chakawm ve..boruak vaw hot tu a lo tran a chakawm yam yam.. :mrgreen:

Report this comment
10
mparalte Says:
November 29th, 2010 at 11:39 pm
1st December i tihna…. (Wed a ni bawk si)… Good luck

Report this comment
11
mizo Says:
November 29th, 2010 at 11:40 pm
@mparalte, ee ni maw ka van ziak sual nasa ve… 1st December-ah final hi khelh tur a ni. Nagaland Hornbill festival intanni tak a ni nghal a…

Report this comment
12
chhana Says:
November 29th, 2010 at 11:46 pm
A lawmawm e. Champion ngei teh se.

Report this comment
13
mparalte Says:
November 29th, 2010 at 11:50 pm
@mizo: Nagaland Hornbill festival hi eng tihna nge? (Chawt chawt mai a)… Inkhel chu ka en chak hle mai. Chanchin i rawn sawi leh kan lo beisei dawn ania.

Report this comment
14
mizo Says:
November 29th, 2010 at 11:53 pm
Teh reng mai… kan tang lutuka chuti ni lo phei se chuan an inkhelh lai pawhin live-a report pek theih reng a nia…

Report this comment
15
msaugusta Says:
November 29th, 2010 at 11:54 pm
a van nuam ve,imphalah pawh Dr TAo memorial ah final Mizoramin kan lut,champion veve se va nuam dawn tak

Report this comment
16
mizo Says:
November 29th, 2010 at 11:55 pm
aw.. Hornbill festival hi chu Naga ho kut pui ber a nia.. International festival a ni ve a.. hmun hrang hrang atang pawhin he kut hmang tura rawn kal khawm an tam thei viau a ni awm e… kar khat chhung tawp an hmang thin

Report this comment
17
Sandman Says:
November 30th, 2010 at 12:10 am
hehehe @ mizo: corrected Thanks for this great post.

Report this comment
18
nastycool Says:
November 30th, 2010 at 12:19 am
El classico en ang auh! Ronaldo vs messi. Mizo team duhsakna ka hlan e.Hornbill fest a naga zu pui han dawt chu nuam tak ani.

Report this comment
19
Sandman Says:
November 30th, 2010 at 12:21 am
Nagaland lama newspaper “The Morung Express” chuan an rawn report hot angreng khawp mai

The match between the two teams was fast and furious which saw moments of rough play and heated arguments, prompting referee L. Tarunkumar to flash several yellow cards to the players of both sides.

A hmuhnawm leh zual ang… :mrgreen:

Report this comment
20
chhawkhleipar Says:
November 30th, 2010 at 12:28 am
H Lalnunzira dam reng rawhse, an tum leh tur Nagaland police te pawh hneh zel turin duh sakna ka hlan e. :lol:

Report this comment
21
Saitawk Says:
November 30th, 2010 at 12:35 am
@mizo, Date i dah sual palh hi chu ka va han thiam tehreng che em!! Mizotawng a ngial ngan a hmang diklo, thiamloh vang pawh nilo, ennawn peihloh vang a chhu sual ta nuai hi ka hmu hnem tawh mi(sual) ah hian. I tihsual palh tak hi chu ennawn pawh a hmuh har chi a ni reuh! :lol: WD

Report this comment
22
hmingtea Says:
November 30th, 2010 at 1:07 am
A va han lawm awm tak em champion ngei rawhse.

Real Marid leh Barcilona an in khel tan dawn.Hmuhmawn khawp ang chu.

Report this comment
23
Lersia Says:
November 30th, 2010 at 2:19 am
Barca 2- Rma 0. . . Ti em em hian Realmadrid ho hian Futbawl an lo thiamlo ti ka lo hre ngailo reng reng a. . . :lol: :lol:

Report this comment
24
Lersia Says:
November 30th, 2010 at 2:45 am
an vawi thum leh ta. . . . Barca nge nge. . .

Report this comment
25
Lersia Says:
November 30th, 2010 at 2:47 am
an ti leh ta. . . 4-0 a ni toh.

Report this comment
26
H.Vangchhia Says:
November 30th, 2010 at 3:52 am
Naga thiante pawn Mizo thalai te tanin an lo au nasa mai a ni awm e, “Sema tlangval ho an phun bul bul,” tiin min hrilh

Report this comment
27
D_auaChwngthu Says:
November 30th, 2010 at 5:09 am
Chak mawlh teh se. A kotlang A-team a Darkhuang Vawtu a tran khi ka va chak mai mai ,….. Ku HV-an khuangte khi chang sela,…. bAkcheH-i’n kan tui in tur rawn khai pahin kan tlanna apiangah min rawn um ve hlak hlak bawk se la, :lol: :lol: ….nuam mai mai ang chu…. :lol:

Report this comment
28
D_auaChwngthu Says:
November 30th, 2010 at 5:12 am
A khawk leh ta rum rum mai…. :lol:

Report this comment
29
loneeagle26016 Says:
November 30th, 2010 at 6:13 am
Chak hlauh se kan va ti ve ! 1983 kum em ni ta kha aw, Meghalaya Invitaion ah khan mizoram 11 khan Jaintya District Sporting Club an hneh lo a, hrehawm ka van ti tak ! Pu K kawla te lar lai kha ania, ani lah kha a’dive’ thelh zuai2 mai a, hmai a uang lo khop mai…. :mrgreen: :mrgreen: :twisted:

Report this comment
30
loneeagle26016 Says:
November 30th, 2010 at 6:14 am
Chak hlauh se kan va ti ve ! 1983 kum em ni ta kha aw, Meghalaya Invitation ah khan mizoram 11 khan Jaintya District Sporting Club an hneh lo a, hrehawm ka van ti tak ! Pu K kawla te lar lai kha ania, ani lah kha a’dive’ thelh zuai2 mai a, hmai a uang lo khop mai…. :mrgreen: :mrgreen: :twisted:

Report this comment
31
loneeagle26016 Says:
November 30th, 2010 at 6:16 am
Mai2 chuan, kan phir pek chu le….nula ni zawk se tha tur ania leh……… :mrgreen: :wink:

Report this comment
32
ChhawnBura Says:
November 30th, 2010 at 7:00 am
A va nuam ṭhin tak em!!! Champion ngei turin ka duhsakna ka hlan e.

Haha…loneeagle26016, pawi miah lo, sawi nawn ṭul changte hi a awm ve alawm, afiah sawt :lol:

Report this comment
33
lahratla Says:
November 30th, 2010 at 7:13 am
Champ’ phawt teh se.

Report this comment
34
awmawmpuia Says:
November 30th, 2010 at 7:35 am
Barca chak tluk zeta pui hian han chak se ka va ti ve.

Report this comment
35
ZerO Says:
November 30th, 2010 at 7:43 am
Nagaland Police team mai mai…sawp hrep rawh se. An champion chuan misualdotcom charity fund-ah rawn thawh ve rawh se. :mrgreen:

Report this comment
36
thiana Says:
November 30th, 2010 at 8:11 am
Ka lawmpui em em e. Tin, chanchinbu ang maia chiangin i rawn ziak a, eng/khawi laiah emaw tal commentator/announcer emaw i ni mial lo maw ?

Report this comment
37
A_rgo Says:
November 30th, 2010 at 10:50 am
An lawmpuiawm e…keizawng inkhelh ai chuan inkhel hi ka thiam mah zawk

Report this comment
38
MamiPa Says:
November 30th, 2010 at 11:58 am
kal ve a va chakawm ve.mizoram chu chak ngei teh se..duhsak…….

Report this comment
39
Fonz Says:
November 30th, 2010 at 2:03 pm
Champion ngei teh se

Report this comment
40
midfielder Says:
November 30th, 2010 at 4:00 pm
champion theihnan duhsakna ka rawn hlan ve e…

Report this comment
41
keimah Says:
November 30th, 2010 at 4:12 pm
Kan naute chu ralkhat atangin ka lo tan ve em em e! Champion tura duhsakna ka hlan mawlh mawlh e.

Report this comment
42
mach.zt Says:
November 30th, 2010 at 6:40 pm
@mizo, a va lawmawm ve,bengvar thlak hle mai. champion ngei se… a hmuna en ve pawh chakawm khawp mai.

Report this comment
43
mach.zt Says:
November 30th, 2010 at 6:44 pm
a va lawmawm ve,bengvar thlak hle mai. champion ngei se… a hmuna en ve pawh chakawm khawp mai.

Report this comment