To,
Ka pa neihchhun,
Ka hmuh hmasak ber che kha Pa i la hria em? Pawl 2 ka nia kan sikul banin ka nu bulah i lo thu a, kan in a rawn leng dang ang lo deuhin ka hre reng che a… Pa, sikulah chuan ka thiante hian zawhna min zawt reng a, “Zu in zuar elaw?” “Engtin nge ei inzawn?” etc . Mipa zing a lian ber leh sual ber Zuala mi tih duhdah hrat pawh khan, “Nang zuzuar fa mai mai, Pa pawh i nei lo” min ti fo mai a, a nu hnen a zu zawrh tawhloh ka ngen khan, a nu chuan,”Bawihte kan zuar reng bik dawn hleinem, officer i nih hunah kan bang dawn a lawm, mi chuan Pa an nei a keini chuan…” tiin min chhang a, Aw… Pa neih ve ka chak zia kha, tuman min hmusit tawh dawn silova. Kan in a i rawn awm tan a ka lawmzia kha. Achhani leh Sawmi ka va hrilh vat a, “kei chu Pa ka nei bik..” ka tia, Achhani nu khan a thiannu bulah zawite khan,”Masangi pa kha tunge kha?” a tia, a thiannu khan zawite bawkin,”A pa ber puh tur a hrelo ni lawmni?” a tia min rawn en a. Ka lo enkiau sia, ring fe hian “chu Pa thar i nei tawh dawn a lawm..” min ti a, intithei takin ka lo nui var var a..
Pa, ka hmangaih ngawih ngawih che, fanuin pa a hmangaih theihna ang zawng zawng hian kei pawn ka hmangaih che a ni,nanglo chu he khawvelah hian PA ka la hre ngailo, Pathianin ka pa a tan a min pek che niin ka hria…Ka naute pahnihlo pian hma phei chuan min duat ve thin kha.. Pawl 6 ka nih kum khan Mas thawmhnaw kha ka ta tur leina a awm ve ta lova, ka naute pahnih chuan an nei a, a nu khan min en a.. a mittui a tla a.. ngatinge le?? I hau silo.. kan pawlah pakhatna ka nia mahse Pa..”Sikul bang mai rawh i naute awm an ngai” i ti a, “Aw le” ka ti mai a Pa.. ka naute len hunah sikul chu ka kal ve leh mai ang ti raw?
A nu awmloh hlan a piang a min tih dan kha, ka sawi ngam silova, min chul vel thrin dante kha Pa.. duhlo in na ti thrin hle mahila i lungawina a nih chuan tiin…i thusawi leh min biakna ka lo hrechiang thrinlo a min vuak nasat thrinzia te, chaw ei ngam manglova ka awm thrinte kha…Pa, fanu anhmangaihte chu Pa chuan a zilh thrin a ni lawm ni? ka thinur reng reng lo Pa, ka pa hmuhchhun i ni a i lawmloh kha ka hlauh ber a sin. Mi, pa zawng zawng aia tha leh chak keima PA i ni ka chhuang thin teh che a sin. Tumkhat a nu leng chhuak lo kir leh hma si kha a pawi ta.. min vua a min beng a, amah a tap bawk a. Enge ka tihsual le..i thu ka awih mai a ni si.., a nu min hmangaihtu vawikhatmah kuthmawr pawh a minla benglotu kha… ka mittui a tla zawih zawih a. Ka tih loh tur ka ti emni le. Pa lawmna leh lungawina chu fanu zawng zawng te zawn tur emaw ka lo ti a.
Ka putea khan min rawn hruai a, Pa.. ka duhlo ngam silo, ka nu ka ngai a, ka naute ka ngai bawk a..a nu chuan vawikhat tal min kuah leh se ka va ti em!! enge a huat ber le?? Ka putea pawh ka zawt ngam silo… Ka piteii lah chuan “Mihurnu..” minti awllo mai bawksi a, vanduaithlak takin ka putea boral hnu thla 4/5 lekah chuan ka piteii chuan min hnawtchhuak ta si. Pa.. kalna tur ka hrelo…khua a thim chhulh chhulh tawh a. Zurui leh eng eng emaw an ri nuk nuk reng a, a kil kil chuh a biru chungin polytheneah ka thawmhnaw neihchhun ka khai a. Nula fel tak ka tawng ta. U ka lo awh em em chu ka nei ta in ka hria, U Puii a nia, hawna tur IN a lo nei bik lova…
U Puii nen chuan mi bathlar a mutthluk tlaivar mai mai chang kan ngah rualin hotel changkang leh khumdup nuam tak tak a zanriah chang kan ngah ve bawk a, a tui tui leh thlum tha tha in ve chang pawh kan nei. NUN hi nuam tih ve chang ka ngah mai, ka hrehawmna te pawh ka theihnghilh fo mai… Pa.. ka rawn hrereng thin che u a sin..
Thilawmzia ka manthiam chho zel a Pa… ka rilru pakhat chuan thah hial che a duh MAHSE fanu in a pa a hmuhchhun a hmangaihna ang zawng zawng a nasa in ka lo hmangaih si che a, misual in naupang a khawihsual pawi thukna ai a nasa in fanu hmangaihna chu a nasa zawk si a. Keimah pawh hi ka inhua a ni..Pa.. ka nu leh unau neihchhun pawh hmu ngamlova min siamtu ni mahla ka pa neihchhun i ni a ka hmangaih che…thil thra zawng zawng hi i tan ka duhsak che a sin!!
Ka tum reng leh duh pawh a nilo Pa.. fanu hmeltha tak mai ka nei ve hlauh mai…a pa pawh ka hrelo… PU i ni ve ta..ka fanu hi chuan ka tawn ang kha a tawn ve ka duh lo. Mi te chuan,”min pe mai rawh” te an ti fo mai, mahse ka phal teuh lo. A bawkvak ve thei ta..ka va lawmin minva tihlim tak em! Ka ngai lutuk, hmangaihna awm zawng zawng a hmangaih ka duh, kei aiin ka hmangaih a ni..a tan tiin ka theih ve tawkin thrahnem ngaiin ka thawk..
Pa, tum khat chu min dawr tur ‘zuai’ ka lo be fel tawh si ka thiante an bo vek si, Bawihteii chu ka bulhnai dawrah chuan ‘minlo awm lawktu’ tih pahin ka tlansan tawp mai. Ka rilru a va na em, ka rilruah a awm reng a, thiana lah chuan hla feah min hruai a, a duhtawk hnuah min haw san daih sia, Bawihteii hnen kava thlen chuan ka kuah vawng vawng a, a thenin minlo hau bawk a, chanchinbu mi te… a.. antam mai.. “Bawihte, ka tawn ang tawng ve lo turin ka enkawl tlat ang che aw…”tiin ka kuah vawng vawng a.. Ka va duhin ka va hmangaih tak em!!
Pa… nunthar ka nei ve ta…Bawihteii chu a mah hmangaihtu tak te bulah a awm a. Kei chu Lalpa’n min seng dawn tawh, aw ka damchhung hian reilote tal PA HMANGAIHNA diktak han tem ve ka va chak em!! Nel tak leh ngampa tak a PA han kuah a a bul a pangchan ve ka chak a ni, Pa.. ka ngaidam vek che a Lalpa’n ka sual a ngaihdam angin keipawn ka ngaidam che. Jerusalemtharah chuan PAFA diktak kan ni thei tawh ang ti raw… Aw.. ka va nghakhlel chu khawpui mawi chu PA hmangaihna awmzia ka hre ve dawn tawh si a.
Similar Posts:
- Hmangaihna hi enge a awmzia dik tak?
- Hmangaih thu!
- Par lai a par rual ta silo!! Lenlai a ruallo hi a sawi rem theih??
- A zual zel
- Hmangaihna
January 23rd, 2011 at 4:40 pm
Ekhai, ka mit tui a tla tep a lawm maw le.
Report this comment
January 23rd, 2011 at 4:53 pm
Hetiang ang hi real life a tawng an awm nual bawk si, an van lainat awm em. Tumah in fa kan enkawl duh loh/theihloh nei suh se.
Report this comment
January 23rd, 2011 at 5:01 pm
He post chuan ngeng a va han chhun deuh ngaih ngaih ve le !
Mi(sual)ho hian hetiang mi, tanpui ngai kan hriatte chu tangrualin kan tanpui (leh ?) thei mai lo’ng maw ?
O.T lawk : Kan khuaah ve chuan exam hnaih leh tak vang ni maw; Vanlal-Current-a hi a eng zing leh tawh khawp mai. Tunah hian ka rawn lut a, rei lo te ah min thimsan leh ngei dawn si …. Hui ha
Report this comment
January 23rd, 2011 at 5:03 pm
Weekend chu a va reh ve. Hangover tuarin an mu vek hlawm anih dawn hi. Lazy sunday afternoon hi chu mut a nuam em a ni.
Report this comment
January 23rd, 2011 at 5:13 pm
Van khawngaihthlak ve. A pahrawn chu vuak hrep tlak a ni.
Report this comment
January 23rd, 2011 at 5:21 pm
Ava ril thei veee!!! Sap/Hnamdang thawnthu atanga i lak a nilo maw??
J Lo i email address min lo pe phal em? Hmanni atang khan i thil post ho hi mak ka ti thei riau
Ka lo friend ang che :lol:
my mail ID flalngaihawma@yahoo.com
u can send here too
Report this comment
January 23rd, 2011 at 5:34 pm
he post chu a… Chhiar chhuak lo thei loin min siam alawm mawle, a ril reih rawih bawk sia, ngaihnawm bawk sia….ka vanneih zia min hriatnawn tir chiang hle mai….post tha tak a ni
Report this comment
January 23rd, 2011 at 5:36 pm
asteric kha jlo25@yahoo.com
Report this comment
January 23rd, 2011 at 5:41 pm
#8 drake thank you. ka zawng buai lehlo, amah kan dil deuh kher nih kha
Report this comment
January 23rd, 2011 at 5:45 pm
Report this comment
January 23rd, 2011 at 5:48 pm
He post chuh, mi va khawih deuh ve aw.. Hnuk a ulh teuh alawm le..
I vanduaina tawhah i hmangaih em em i pa chu i burbun ni maiin ka hria. I chunga khatiang khawpa a che duh chung pawh i pa i la hmangaih viau thei erawh i fakawm letling.
Kan inngaihtuah chian a ngai takzet. Fanau enkawl lamah nu leh pate kan hniam tial tial a, sualna a pung telh telh lo thei lo. Tuna he thawnthu kan chhiar ang hi ram dang leh hnam dang chunga thleng mai ni lovin, Mizoram ngeiah hian a rukin a thleng chho mek. A rapthlak lutuk. I harh teh ang u, i harh tak tak teh ang u.
Report this comment
January 23rd, 2011 at 5:49 pm
mittui a parawl kuau mai. a van ngaihnawm tak em. ka van neih bik jia ka hrethar leh ta. Pathian hnenah lawm thu sawi tur ka neih belh leh ta. he chanchin lungchhiat thlak tak hian mite hnenah thu a sawi ve ngei ka beisei.
Report this comment
January 23rd, 2011 at 5:51 pm
Vawiin chu misual chhiar a nuam ka ti khawp mai. Rilru khawih deuh deuh ka chhiar ka chhiar mai. @J Lo, i rawn post tha takzet e!
Report this comment
January 23rd, 2011 at 6:00 pm
Pawl 6 ka nih kum khan Mas thawmhnaw kha ka ta tur leina a awm ve ta lova, ka naute pahnih chuan an nei a, a nu khan min en a.. a mittui a tla a.. ngatinge le?? I hau silo.. kan pawlah pakhatna ka nia mahse Pa..”Sikul bang mai rawh i naute awm an ngai” i ti a, “Aw le” ka ti mai a Pa.. ka naute len hunah sikul chu ka kal ve leh mai ang ti raw?
don’t cry, kawlhawk!!
Report this comment
January 23rd, 2011 at 6:07 pm
Report this comment
January 23rd, 2011 at 6:11 pm
chhiarchhuah tum mang lovin ka chhiar a kan chhiarchhuah thak chu le. A ril hle mai.
Report this comment
January 23rd, 2011 at 6:22 pm
#9 asteric u welcome come hehehe
Report this comment
January 23rd, 2011 at 6:24 pm
I ziak thiam hle mai…..
Report this comment
January 23rd, 2011 at 6:32 pm
A lo chhuak der mai,.. #6 asteric, ka email chu i post ka kawmen rual khan i email ah a awm vek kha,i delete tawh mi
engpawhnise, kha hei janefulofacts@hotmail.com
Report this comment
January 23rd, 2011 at 6:33 pm
E khai a patling hi hetiang chhiar fo hi ka duh lem lo a sin le…. Ka nihlawh zia hi ka hre chhuak leh thin. He post hi phuah chawp a ni emaw nilo emaw thil thleng tawh thin a ni ngei a ni. Tawp lova hmangiah tu Pathian i nei e,zam reng reng suh. Min awmpui a tiam reng a ni,A thu kan awih erawh a duh tlat thung.
Report this comment
January 23rd, 2011 at 6:45 pm
Asteric, kha, kei paw’n ka lo pe ve ang che. I duh ve em? Kawlhawk@astericmail.com
Report this comment
January 23rd, 2011 at 7:17 pm
kawlhawk welcome to my crew astericmail.com
Report this comment
January 23rd, 2011 at 7:34 pm
Patling meuh-in hnuk ulh treuh a ka’n chhiar chu le..
Ka fanu kum 2 leh a chanve aia u hret hi, ka puak mut chang hian, thlamuang taka ka pang nghenga a muhil lai hmel ka hmuh hian ka hmangaih lutuk hi ka hnuk a ulh lek lek thei thin hial nia mawle.
Report this comment
January 23rd, 2011 at 7:49 pm
A va han ngaihnawm lungkuai tehlul em! Mittui a hnam sawk sawk mai a lawm.
Report this comment
January 23rd, 2011 at 8:31 pm
J.lo i ziak tha hle mai! hnuk a ulh teuh mai alawm! Hetiang naupang hi an awm tak tak awm si a, ka lainat khawp mai! kan vanneihzia hi kan hre lo ang tih a hlauhawm khawp mai!
Report this comment
January 23rd, 2011 at 8:42 pm
Hetiang lam hi chhiar leh hmuh fo ka duh lo, ka hmuh fuh lahin ka chhiar lo thei bawk si lo. Music video ilo vela naupang tihretheih lai an tihlan thinte hian ka thin hi a lo rim ngawih ngawih zel. Khawvel hi…!!!
Report this comment
January 23rd, 2011 at 8:54 pm
Mihring pangngaiah hetiang hmangaihna nasa hi a awm theih ka va ring lo e. He hmeichhia ang hmangaihna ngah hi chu piansualna chikhat a ni tal ang. Tin, He hmeichhia hian office-ah emaw khawilo vah chhuah naah tanpuina min lo dil ringawt se chuan J.lo article ang em em hi chuan a runthlak lo mai thei bawk. Hmeichhe hur hmel tak, class sang lem lo, bal deuh khan chutiang khtiang ka nia tiin min rawn bel ngawt mai se chuan…kiri tih mai a awl viau ang. Anyway good post
Report this comment
January 23rd, 2011 at 8:57 pm
ngaihnawm lungkuai kher mai…ka ngaihtuah ve thin pakhat chu kan lo pianna khua,chhungkua,environment etc in min influence nasatzia leh kan khawngaih tak takte chhungkua ah te hian lo chawrchhuak ve ta ila,tuna kan dinhmun hi kan thleng hak kher awm si lo a.?
Nagiahtuahna i tithui e.
Report this comment
January 23rd, 2011 at 9:40 pm
#27,Ozima, i ngaihdan khi keipawh ka ngaihtuah thrin dan a nia, mikhawngaihthlak tak anchanchin kan chhiar leh hriat a khawngaihthlak te hi,.. an vengte leh anmahni hrechiang deuh te chuan an ngei deuh zel a sin!! khawngaih thilpek te hi chhia antih deuh pheichu an duh bik lova.. an chapo vei ar bawk sia, MAHSE hmuhfiahna tarmit vuah chung a thlir anngai a, chapo hle mahse ngei hle mahila an dinhmun chu a ngai reng, tranpui ngai anni reng tho tih kha hriat a ngai a ni, keini ai a hniamfe ni awm ang a ngai a anchung sang tak a trang a thilpek phei chu.. mamawh hle mahse.. mamawhlo awmtak te hian anawm vel kher zel…khatia an awmchhan nen lam a ngaihtuah pui a anpheikhawk va bun ve chhin phawt a ngai a… an inphahhniam lutuk chuan min anhmusit zual emaw, anmahni exploit tum te lakah zuamawm lutuk ang a lan te anhreh ve ngawt ang…
Report this comment
January 23rd, 2011 at 10:16 pm
#29 A dik khawp mai, rethei leh harsa te khawngaih hi thil hahthlak tak a nih hi ka ring thlat. An mahni hrethiam tak tak tu an mamawha, thrian/an level anga nun der amaw kawm tlangnel a nihloh chuan khawngaihna hi tu tih hriatloh hnena a thlawna dawn mai hi an zak ve bawk thin in k ring.
A huho a khawngaihna dawn eg. NLUP, BPL tranpuina dawn hi chu a zahthlak loh mai niloin a inchuhin kan inchuh huam huam a, mahse mimal tak mi tranpui ngai han nih hichuan hmingchhiat hlauhna emaw mahnia tlawmlakna hi a awm duh ve khawp ang. Kan chhungkhat emaw thian bul hnai tak annihloh chuan a zahthlak tihna hi an nei ru ve zek duh a nia….
Report this comment
January 23rd, 2011 at 11:55 pm
Hetiang lam thu hi ka duh top, kei ai a duh in awm em, ngaihtuah a va ti thui thin em nun siam tu atan a tha riau
Report this comment
January 24th, 2011 at 1:12 am
Tha
hle mai thil awm thin niawm tak chu ani e.
Tunlai chu naupang chhia eng mai in Ka pa ka hre vawng vawng reng mai.Min boral san na kum li a tling mai dawn ta a .Kum 25 liam ta ka pa duh ang a ka kal loh .awm loh vang a ka nun khaw in her danglam te ka ngaihtuah vung vung reng thin.
Report this comment
January 24th, 2011 at 1:13 am
Tha hle mai thil awm thin niawm tak chu ani e.
Tunlai chu naupang chhia eng mai in Ka pa ka hre vawng vawng reng mai.Min boral san na kum li a tling mai dawn ta a .Kum 25 liam ta ka pa duh ang a ka kal loh .awm loh vang a ka nun khaw in her danglam te ka ngaihtuah vung vung reng thin.
Report this comment
January 24th, 2011 at 1:43 am
Ka Pa, inchhung awplum na chang hre lo khawp a Pastor nasa, min hrilh dan phei chuan Khawruhlian vel a bial lai phei chuan ‘ka puanpheikhawk sen khan ka vahvelna ah min daih lo’ a ti thin! ‘A fate pian lain a awm ngai lo, bial fang reng mai’ ka nu hian a ti thin..Ka khum lo, zirna lam ah, a zir sang lo, Mizoram ah lawr examah pahnihna a ni, kei pangana…kum 18 anih in VC, chhungkaw chawmtu ni thei ani, kei..kum 18 ka nih chuan mahni thawmhnaw tur pawh ka hlawh chhuak zo tawk tawk ani..Kohhran zarah Australia a fang ve a, Istiri a rawn hawn..pawisa nei hek lo le…
Pa te hi kan tluk thei dawn em ni le…
Report this comment
January 24th, 2011 at 7:26 am
Avan ngaihnawm em em ve le….. Tak tak behchhan a ni em aw???
Report this comment
January 24th, 2011 at 7:35 am
Ngaihnawm khawp mai… true story phena thuziah a ang hle mai.
Report this comment
February 7th, 2011 at 1:20 am
mut dawnah phone hmangin ka rawn lut a…tlem ka chhiar hman tihah call a rawn kal a, ka chhiar nawn leh sak e..a ropui hle mai…ka sawi awmzia chu i thluak a ni j.lo …ka mittui parawl leh rawl chu ka sawi lo mai nge..:D
Report this comment
February 7th, 2011 at 1:24 am
@enga018 SHillong fan thu saw i ziahbelh dawn em? a va laklawh ve
Report this comment
February 7th, 2011 at 1:34 am
@enga: Phone-in i rawn lut nge phone atangin i rawn lut? Nge phone hmangin i rawn lut? Nge phone-ah i rawn lut?
Report this comment
February 7th, 2011 at 1:35 am
TS, khirh suh! phone nen a rawn inhawl lut aniang
Report this comment
February 7th, 2011 at 1:39 am
Phone a rawn hmuam lut zawk alawm@aduh.
Report this comment
February 7th, 2011 at 1:41 am
Phone a rawn hmuam lut zawk alawm@aduh.
Tak tak a, post hi kan submit hnuah kan ngaihven zui tawh thin lo hlawm a nih hmel ka ti. Draft-a awm ho, admin-in zawhna in zawhte saw a rei tawh hlawm lutuk!
Report this comment
February 7th, 2011 at 1:43 am
Aduh, Shillong fan thu chu kei man ka lo ziah zawm ang e !
Report this comment
February 7th, 2011 at 1:47 am
@TS niaaaaaa, nang ang hian bengvar vek ila a tha tur!
@Lemonvale, enga nen khian lo insiamrem mai rawh u
mangtha vek u
Report this comment
February 7th, 2011 at 2:21 am
hmanni ah veng 1 thalai in aizawl civil hosp-ah thisen an pe a, tleirawl nunzawi deuh, mize en reng2 a fel tih hriat ngawih2 hi a lo HIV positive reng a, a hnu a counselling an neihna atanga an hriat chian chuan a naupan laiin a nu leh a pa an inthen a, an enkawl peih lo ve ve!! chutiang ang a nih tak si avang chuan a nu in a la ta hram, a pahrawn (taxi driver) in nikhua a la hriat hma atang in a lo khuaikhem tawh thin a, kum tam tak a vei hnuah a lo positive phah ta a… chutichung pawh chuan a nu a la hrilh ngam ta chuang lo… :fact:
Vannei in ti hle rawh!!!
Report this comment
February 7th, 2011 at 2:25 am
@ wonderboy… i last line
…hmm chhungkuain an HIV dawn nih chu 
Report this comment
February 7th, 2011 at 2:31 am
@45, chu tleirawl chu khawngaithlak mange…
Report this comment