March Ni 2.2011(Inrinni) khan Mizoram a Sap Missionary ten kan ram leilung rap a chanchintha an rawn hrilna hmasa ber hmun, Kolasib District, Kawnpui ram chhung a Tlawng lui kam, Kutbul Lui chhuahah Kawnpui Pastor Bial KTP te chuan Inkhawmna hun hmangin a hmun hi an tlawh chhuak a. Mizoram History lam chhuitu thenkhatte chuan he hmun tlawh chhuah a ni hi an ngaihven hle. He hmun tlawh chhuahna ah hian keipawh ka kal ve a, kal ve thei a ka awm hi Pathian chungah ka lawm e.
Hei hi A hmunah chhinchhiahna kan tar a ni. Kan tarna hmun hi a ram neituin Kawnpui Pastor Bial KTP te ram atan a pe fel tawh a ni.
Kum 1994 khan Mizoram in chanchintha kan dawn atanga kum 100 na kan lo lawm tawh a, khatihlai hun khan he hmun, tuna KTP ten an zuk tlawh chhuah hi chiang taka chhui ala ni lo a, tun tuma tlawh chhuah a ni ta hian ngaihven a hlawh hle a, Mizoram History thlak danglam dawrh thei khawp a ni.
Hunserh kan hmang lai
Kum 1891 March Ni 15 khan Rev. William Williams chuan Mizoram a chanchintha hril tur a rawn thawk ni chiahloin, a hmun hma leh Mizoram chanchin rawn zir chiang turin Tlawng luiah hian Lawngin a rawn lut chho a. Tlawng dung rawn zawh chho zelin tuna an zuk tlawh chhuah tak, Tlawng kam, Kutbul Lui kai ah hian Lawng ata chhukin Chanchintha hi a hril ta ani.
Hetih hun lai hian tuna Ist India Reserved Batallion awmna hmun Mualvum hi Khua niin he khua a chengte hian Kutbul chhuahah hian Vairam atanga Lawng hmanga Chi an rawn ken thin chu an zuk thleng thin a. Mualvumah vaiho hian Godown neiin Mualvum leh Tlawngkam inkarah hian Godown pakhat an nei bawk a ni.
Hei hi a kai lai tak chu a ni.
Lui kamah chaw kan fak dawn
Tichuan, chutia Chi thleng tura kal Naupang thenkhat leh pa thenkhat Tlawng lui kama an lo awm lai chuan Rev.William Williams chu a lo thleng chho a, Lui kama Mihring a hmuh chuan a Lawng atanga chhukin, Bible Milem te a sem hlawm a, a Zaipui bawk a a ni.
Lalhruaitluanga Ralte chuan Rev William Williams zin report ‘The Monthly Tidings’ September,1891, Page 160 leh ‘Kristian tlangau’ April,1953, Page 74 behchhanin hetihian chiang takin a sawi: “Williams ten Mizoram an hmuh hmasak ber chu Tlawng lui kam, Kutbul Lui chhuah a Liankunga khua, naupangte leh putar an ni. Tlawnglui atangin helai kaiah hian anlo chhuak a, Bible milemte leh Nawalhte an pe a, hla te an sak sak a, ang phiau in an ngaithla. Hemi ni hi March ni 15.1891 Pthianni chhun a ni.” March ni 2 thawhtanni ah Silchar an chhuahsan a, March ni 11-ah Tutu Lui chhuah, Guturmukh an thleng a, Thirhrui Sap an kawm a, Coffee sen chanve leh Chhangthawp tlawn khat an pe. March ni 11 hi Missionary in Mizoram Leilung an rahna hmasa ber chu a ni a” a ti.
A sei lutuk dawn a, Comment lamah kan sawi zui zel a niang chu.
Similar Posts:
- Rev. William Williams leh Mizoram a a sulhnu hmasa
- Rev. William Williams hriatrengna lungphun
- Mizorama Chanchin Tha thlenna Ni..Dt.15.Mar.1891?
- Thil mak pahnih
- Lamsial Puk
April 4th, 2011 at 4:05 pm
100
Report this comment
April 4th, 2011 at 4:06 pm
hrmizo: chu Century min lo vuak khalh chu leeeee..
Report this comment
April 4th, 2011 at 4:12 pm
@pimpom.. century tih loh tur, a thupui nen a inhmeh lo, centenary tih turr..
Report this comment
April 4th, 2011 at 6:22 pm
Post a thu khi a dik vekin ka ring, amaherawhchu an thu tar khi chu a dik lovin ka hria. Engtiklaimahin, tumahin, Mizo Historian-te pawhin, ka hriat ve phak chinah Rev. William Williams hi Mizorama Missionary hmasaber a nih thu an sawi ka la hre lo.
Report this comment
April 4th, 2011 at 6:36 pm
Hmmm… World record kan siam leh thei ta lo
Amah, ka nau pimpomtea – uang ve zen2 ngai hlei lo lah, a uang2ah atang ta vel mai2 a!…
Report this comment
April 5th, 2011 at 5:29 am
Satellite atanga landan pic han tel bok se! Comnt 1 & 2 khi nge awmzia…amah leh amah..
Report this comment
April 5th, 2011 at 5:58 am
PimPom #40 William an a zaipui/zaikhum (a zaipui chiah em le!!?) zinga naupang kha tunah ala dam e a?
March ni 15.1891 apiang Mizo ‘naupang’ tunah ala dam amaw? shaia sawi, “Ka pu sawi” tih mai ni lovin, kapu pian an record kha May ni 14 1890 a ni a, 1992 khan May ni 4 ah kum 102 pumhlum hman lovin a boral ania. Chu naupang i sawi chu kum 100+ feee ani tawh tihna ani maw?
Report this comment
April 5th, 2011 at 6:37 am
Epistemology #51 & #55
zualbon #79
Report this comment
April 5th, 2011 at 10:16 am
#107
H.Vangchhia: A hnuaia khi ka rawn sawifiah tawh khi lo chhiar mai teh.
Report this comment
April 5th, 2011 at 10:31 am
Rev William Williams poh hi ala dam ka ring.
Report this comment
April 6th, 2011 at 9:46 am
Mizoram Synod meuh pawhin a pawm tawh a nih si chuan Synod kut thlakna a va la nei lo ve, a va che har ve
Report this comment
January 11th, 2013 at 9:23 pm
Synod chu a che tawh e
Report this comment