. . . han ti ngawt ila ka la chhiar mang hlawm lo va. Pafa sabengtung zuar erawh kha chu pawl engzâtah em maw ni khan kan zir tâin ka hria. Ka nû hian ‘A Lai Bû’-a Esopa thawnthu an zir thu hi a sawi vè teh chawk a. ‘A Lai Bû’ chu Esopa thawnthu hlang a ni ngê ni lo phei chu ka hre lëm lo; a zawh pawh ka zâwt zui lëm hlei lo va. A ni lo tùrah ka ngai.
‘A Lai Bû’ an tih teh chawk hi Synod Bookroom-ah emaw Baptist Bookhouse lamah emaw la zawn ka duh a, an neih erawh beisei teh mah ila ka ring fahran lo. Kan lehkhabu hlui leh hmasate kha ka ngaihlu êm êm a, a chhuahtu lam hian an ngaihlu vè em tih zawng ka hre lo. Mahsé hë thuhmaa ka rawn sawi tum erawh chu hei hi a ni: Esopa thawnthuho kha rawn post ka duh hlawm lutuk a, mahsé a Mizo tawng-a lehlin sâ(hmäna an zir ṭhinho kha) pakhat mah ka nei lo va. Nei in awm chuan a tam thei ang ber rawn post hräm tùrin ka ngèn che u a ni.
Hêng ‘Esopa thawnthü’-te hi Grik ṭawnga ziak an ni a, ‘fables’ an ni. Keini chuan ‘thawnthu’ tiin kan hre lär zâwk. A hmahruaitû atan hei pakhat tawngkam phuailuai angreng takin ka rawn letling a, ka rawn post e.
Sihal dul puar
Sihal rilṭam pit-tàwp pakhat hian berampuhovin sasaw thing kawrawng chhunga buh leh sa ningnawi an hnutchhiah hi a hmù a. Chü thing kawrawng chhungah chuan lûtin a zuk intlàn tâ a. Mahsé a lo pùar tâk êm avànga chhûak thei tawh lovin, thing kawrawng chhungah chuan rümin a ṭap ta hliam hliam a. A kiang hnäia lo kal sihal dang pakhat chûan a thäwm rawn hrïain a ṭah chhan zâwt tùrin a rawn pan hnäi a. A vànduai chhan a hriat chuan,”Ti khan i luh laia i awmdàn anga i awm leh hma chu awm reng la, tichuan na miah lovin i lo chhûak leh thei dawn nia”, tiin thü a ràwn tâ a.
Hë thawnthü hian khua reiah harsatna a kiang leh ṭhin tih min zirtir.
Esopa thawnthuho hi zirtirna tha tak tak nei ni hlawm mah sé tüna ka rawn post ber kher hi chu a lär pawl niin ka hre lo. A entirna angreng atan ka rawn dah chhuak mai a ni e. Tin, Esopa chu ni tâ ila ‘Hun hian harsatna a liampui ṭhin‘ tih lam ai chuan ‘He thawnthü hian tawngnawng ei puar ṭhat lohzia min hriat chhuahtir rum rum e a’ ka ti ang 
Similar Posts:
- Mizo ṭawng ziahphung – 0
- He Rul hi a hlauhawm em?
- Mizo ṭawng ṭhenkhat
- Mizo thawnthu dang leh, sei lutuk lo!
- Le Petit Prince – Part 3
May 12th, 2011 at 8:39 pm
Thumal hriat loh ka nei nual, comment-tute atangin lo inzir leh mai te’ng.
Report this comment
May 12th, 2011 at 8:42 pm
Het
Ngaihnawm hmel khawp mai, chhiar teh ang …..!!!!!!!!
Report this comment
May 12th, 2011 at 8:52 pm
‘Pit-tâwp’ hi i phuah thar ni turah ka ngai. Tin, ‘..zuk intlàn..’ tih hi a fuh vak lo, ‘a zuk tlàn..’ emaw, ‘a zu inhrai puar..’ tihin emaw dah la, a fuh zâwk mai thei. Tin, ‘..a kiang hnai..’ tih pawh khi ‘..a bul hnai../a bulah..’ tih tur a nih zâwk hmêl.
A tawi a, zirtir pawh a nei tha khawp mai. Sawisèl tur zawng pahin ka chhiar mawle. I thawhrimna a fakawm ka ti. Esopa Thawnthu hi chu ka hriat sual loh chuan Vanneihtluanga leh C. Laizawna’n an let tawh a, a buin an chhuah ve ve tawh bawk.
Report this comment
May 12th, 2011 at 8:52 pm
Esopa thufing kan ti thin khan ka hria a.
Report this comment
May 12th, 2011 at 8:58 pm
Tawngnawng hi engnge?
Report this comment
May 12th, 2011 at 9:02 pm
A tha khawpn mai, a dang pawh hetiang thawnthu tawi awmze nei deuh deuh hi rawn thawh zel ula ka lo chhawr tangkai ang
Direct taka in zilh aichuan behchhan neia tehkhinna mawi taka thu an han sawi thiam te hi a ropui ka ti ngawt mai. Lal Isua kha zirtirtu Ropui tak a ni, tehkhinna hlirin mi a zirtira, ngaihnawm a tela hriat a nuam em em bawk a ni.
Class 6 vel a Hindi a kan zir thin Ui duham tak a hming ‘Moti’, tuia a sa ruh pet lai thla a hmua a duham vangin a bauh khuma a saruh peh lai tui a chan phah ta kha ka hre chhuak rum rum mai. Kha pawh kha Esopa thawnthu atanga lak a ni hial lo maw.
Report this comment
May 12th, 2011 at 9:17 pm
a zirtir khi ka tum loh deuh a ni tlat mai….thinglawrawnga a luh avanga hremna a hmuh tur…eitur neitute atanga a dawn tur lam a kawh ka lo ring a..
Report this comment
May 12th, 2011 at 9:35 pm
Kan tet lai deuh khan kan nei ngei mai, a rei ve ta, bu te lampang chhah vak lo niin ka hre ta, bible comics kha cheng thum in kan lei thin, mizo tawnga an leh kha
Report this comment
May 12th, 2011 at 9:43 pm
Pafa sangbengtung zuar i rawn sawi lan vang hian i post ah hian min ti tlang nel tlat
,he thawnthu hi kan mizo society, KA kaw na zawng in midang kan sawisel na hian min hnem tu ah a tang hnem ta khawp mai
Report this comment
May 12th, 2011 at 9:47 pm
Kan principal hian zing tin min chhiarchhuahsak thin..
Report this comment
May 12th, 2011 at 9:50 pm
Esopa mo, a bu hi ka nei in ka hria..
Report this comment
May 12th, 2011 at 9:58 pm
Esopa thawnthu fing ho hi a tha hlawm khawp mai. I rawn ngai pawimawha a tha viau e. Mahse, i’n ti teh ang, duh aiin i ti pawlawh deuh ka ti.
Tin, A lai Bu kha kei pawh ka zir ve hman a, a tha khawp a sin ” an tih teh chawk hi” han tìh hian a ngainep aw deuhvin ka’n hria a, i ngaihhlut thu i sawi bawk si a!
Nia, ‘tawngnawng’ hi kei pawh ka vawikhat hriatna a nia a awmzia i sawi thei mai em ? Nge ni tihsual palh zawk?
Report this comment
May 12th, 2011 at 10:04 pm
Esopa bu kan ti mai thin a, Alai bu nen chuan a dang. Tet laiin ka zir hman ve ve. A saptawng Aesop’s Fables hi book stores lar Barnes and Noble te, Books-a Million ah te leitheihin a awm. Sermon illustration ah ka hmang fo, a remchang phian mai.
Report this comment
May 12th, 2011 at 10:16 pm
duh duh hunah mizo tawng thar ka phuah eee in tia maw ni….mak thei ngei mai. Engmah ni si lo in la genius duh mai mai ah kan ngaih tlat che u chu
Report this comment
May 12th, 2011 at 10:17 pm
Vawi khat chu chakai hian a awmna hmun chhuahsanin phullengah a vak a,sihal hian a lo hmu a,a ei ta mai a.
Esopa thufing bu kan hmuh ve a a tawi ber a ni maithei
Report this comment
May 12th, 2011 at 10:19 pm
6
Asteric Visc.# Class 6 vel a Hindi a in zir thin Ui duham tak a hming ‘Moti’, chu AEsopa thawnthu a mi a ni chiang e..
Report this comment
May 12th, 2011 at 10:20 pm
Mizo thawnthu in duh chuan in duh sawi ula, Synod Bookroom atanga ka lei hoah hian a awm chuan ka rawn type chhuak vek zel dawn nia. Bu 6 vel ka nei.
Kei chu Mizo ten thawnthu kan neih ve ang ang te hi kafa te hian hria sela ka duh avangin ka ngai pawimawh khawp mai.
Report this comment
May 12th, 2011 at 10:27 pm
Pafa Sabentung zawn kha ka thlir dan atanga a tum ni a ka hriat tak ber chu- ‘Mi zawng zawng a tih lawm theih loh’ tih hi a ni. A bik takin Hruaitu nih hian he thawnthu hi ngaihtuah chhuah a tul leh thin…..
Report this comment
May 12th, 2011 at 10:50 pm
Tunlai hi Mizo thawnthu kan uar riau mai, nie, finna leh thiamna lama harhtharna a thlen apiangin Identity zawnna lamah pawh hmasawnna pawh a thleng thin an tih kha, Kum zabi 2-na vela Renaissance thlarauin Europe a nuai tum khan, a ken tel pawimawh ber pakhat chu mahni leh mahni hnam nihna Identity a tih theih ang. European ho khan hmasang thawnthu leh Literature hluite, hmasang Architecture leh Art-te an buaipuia, chu chu mahni Identity hriatna pawimawh tak a ni. Keini pawh he lamah hian hma kan sawn ve zela mahse, kan hmasawnna erawh duhthusamin a la sang lo hle. Hei ai hian kan History leh Ethnography ngaihsanna chang te hre leh zel ila, tun ang reng hian kan ni bik lovang. Post tha tak a nie, kan misual ten kan han belh liam liama, Ka lawm e, lawm nemem in ka lawm lo love,..
Report this comment
May 12th, 2011 at 11:04 pm
Vanneihtluanga’n a let nual a, a buin a chhuah tawh kha mawle. Aesop’s Fables hi thu tawi te te zirtir nei tha tak tak an ni a, a tam em avangin hriat zawh a har khawp ang. English a ziak 800 vel bawr chu ka nei ve a, a dang tam tak a la awm ka ring.
Report this comment
May 12th, 2011 at 11:13 pm
Tenghneng (trenghneng) chu a awm ngei maiah.
Report this comment
May 12th, 2011 at 11:35 pm
Alai bu hi B pawlah kan zir thin
Zawngte thirsakawr khalh thei thu te ,Sakawr belh leh paih thiam leh adt ka la rawn comet leh ang hun ka nei lo
Esopa thawnthu fing hi pawl thumah kan zir thin he lekhabu ah hian sihal chanchin a tam ber hial awm e.
lung len thlak ve le.
Report this comment
May 12th, 2011 at 11:45 pm
xaia i sawi dik khawp mai kha thawnthu kha a tawi ber .
Alai bu ah chuan George washington a naupan lai in apa huanah a kal a hreite neih tharin apa theikung duh ber a lo chek rek duk mai a.Apa tlai huan leng chuan a han hmuh chiah chu thinrim em em mai hian tuin nge ka theikung lo chek chu tiin a ang ruai ta mai a.Afapa naupangte chuan kapa dawt ka sawi ngsilo tih i hria e ka tih a nih kha a tia .apa chuan lawm takin Taite i thudik sawi hiawn engkim mai ai in a hlu a ti a.
He thawnthu zirlai hian kan thianpa poh in a pa zial a lo ruksak a .apa in an zawng chiah chu kapa dawi ka sawi ngailo tih i hria e ka lo zu ru anih kha an ti chiah chu a awmah a ri dap dap mai mo le.
Report this comment
May 12th, 2011 at 11:51 pm
#23 hahaha.. A va fuh lo àwm ve aw.. Ka nuih nasa lutuk!
Report this comment
May 13th, 2011 at 12:12 am
@23
Pu Hmingte, a nuih loh theih loh.
Report this comment
May 13th, 2011 at 5:28 am
Post tupa chu i thawh tha e.
N’e, khawvel changkang chho zelah hian mahni hnam rohlu (thawmhnaw, thawnthu, adt) tehi kan hluihlawn mai a hlauhawm tawh takzet a ni. (Esopa thawnthu hi kan hnam kutchhuak chu a ni lo na a) kan Mizo thawnthu hlui tha tak takte kha a hria khan han thawh chur chur teh u. Tunlai thangtharte zingah (ti ve khanglang ila) Tumchhingi leh Raldawna thawnthu te, Sichangneii thawnthu adt hre lo an awm ta nual mai. I tang tlang teh ang u.
Report this comment
May 13th, 2011 at 8:41 am
Vanneihtluanga khan a rawn thuikhawm that leh kha maw le. Lengzem press, Chandmari, Aizawlah va kal la, a bu lei tur an la nei ang.
Report this comment
May 13th, 2011 at 8:48 am
Xaia #15, kha thawnthu zirtir chu ‘phullengah vah chhuah loh tur’ tih mai a ni e
Zirtan bu, Alai bu, Aesopa thawnthu fing leh Serkawn tih bute kan zir thin kha maw le
Report this comment
May 13th, 2011 at 8:59 am
Æsop’s Fables thu hi a fing viau, ngaihnawm pawh a ngaihnawm. Mahse, heng Grik thawnthu mei nei fing tak tak hi Nazareth tlangval khan a rawn quote chhuak ngai lo, keini Mizo Christian pulpit rawngbawltu hmasate kha chuan an sawi tam hle thin. Isua namai lohzia kan dawnpui tam vak lo thin a ni teh chawk ang. Dam lai nun hi ei leh in leh zun leh inkara hrehawmna leh lawmna inkarthlak a nihzia a lang uar uar e. Sihal pawh infin hleih an lo awm ve leh zel a nih hi!
Report this comment
May 13th, 2011 at 9:12 am
#29 : zun leh ek
Report this comment
May 13th, 2011 at 9:19 am
Zir tan bu, Zir tirh bu, A lai bu, Serkawn Graded Readers ho kha ka kawl zui ta lo. 1996 khan Saiha-ah Æsopa Thawnthu bu chu an Book Room atangin ka lei tlat, tunhma chhuak ngei kha.
Report this comment