Abraham Lincoln-a Lehkha Thawn

May 19th, 2011 4:31 am by CFL

(A hnuaia thu hi Abraham Lincoln-a, America president in a fapa luhna school Headmaster hnena a thawn a ni)

Zirtirtu zahawm tak,

Ka fapa hian mi zawng zawng hi an insawi ang he huin an awmin an fel famkim vek lo ani tih hi a hriat ka duh. Mi tenawm ho awmkhawm zingah hian mi chhuanawm tak tak an awm a, Politician tawmkailo zingah pawh hian ram hruaitu tha tak an inphum thin ani tih hi zirtir ang che. Hmelma te zingah pawh hian thian tha an awm ani tih hi zirtir la, a hun a daihrei deuh dawn tih chu ka hria, mahse i theih hram chuan chengnga chhar aiin chengkhat thawhchhuah hi a hlu zawk ani tih zirtir ang che.

Chaklo zawka tan dan thiam tur leh hnehtu nih nawmzia hre turin zirtir la, itsikna suala a tlukluh loh nan lo chelhbet tlat ang che. Bengchheng lova nuih dan thuruk chu hrilh la, mi tihduhdah ching tak te hi mi rilru duap tak anni duh tih hrilh bawk ang che. Lehkhabu makzia hi hrilh la, vansang a thlawk thin sava te, parzu dawt khuaite leh tlangram hring dup hmun a pangparte thuruk chu a ngaihtuah chhuah theih nan hun tlem pe ang che.

Entawn aiin fail a ropui zawk zia hi zirtir la. Miten diklo tiin sawisel mahse maihni ngaihdan a rinawm taka dingnghet ngam turin zirtir bawk ang che. Mi zaidam te bula zaidam a mi luhlulte bula luhlul ve thiam turin zirtir bawk ang che. A hniak tam lam apiang zui ringawt lo turin lo zirtir hram teh. Mi thusawi apiang ngaithla tur leh chung a thu ngaihthlak te chu thlifim thiam a a tha chauh pawm turin zirtir ang che. Lungngaihna karah pawh nuih dan zirtir la,mittui chhuah hi a mualphothlak lohzia hi zirtir bawk ang che. Mi kherkhiap te endan thiam turin fuih la, pawnlang mawina laka inveng thiam turin zirtir ang che.

A thluak leh tihrawl chu a ngam huai ber hnenah hralh mai turin hrilh la, a thinlung leh thlarau erawh a man chhiar ngailo turin hrilh ang che. Mipui sahawkah a beng hupin amahin dik nia a hriatah chuan huai taka dinga bei ngam turin zirtir hram bawk ang che. Zawldawh takin lo enkawl la, a lakah vuakna tiang lek hreh suh ang che. Fiahna meipui atang hian ani tangkaraw tha tak tak pawh an chherchhuah thin ni. Nghakhlel leh dawhthei thiam turin huaisenna nei se la, mihring zahawmna hre turin mahni zahawmna hum ngam turin zirtir ang che.

Hei hi thupek khauh tak zawng a ni ngei mai… i theih ang tawkin hma lo la ang che. Mi tlawngtlaw tak ni mahse ka fapa a ni si a.

[Source: Tuivar khua]

16 Responses to “Abraham Lincoln-a Lehkha Thawn”

1
Ozima Says:
May 19th, 2011 at 4:33 am
Pu Linconl a chuan ava thawn zing teh chawt ve, chhiar ang hmiang!!

Report this comment
2
D_auaChwngthu Says:
May 19th, 2011 at 4:37 am
het…. 2nd….. Ozima trit tret chu aw.. …. lol

Chhiar pawt teh ang…. !!!!!!!!!!!!!!

Report this comment
3
D_auaChwngthu Says:
May 19th, 2011 at 4:43 am
A thu a tha hle mai,…. ka ziah ni zawk awm tak anih hi maw le…..

Report this comment
4
Maisek Says:
May 19th, 2011 at 6:30 am
A tha khawp mai!

Report this comment
5
paeia Says:
May 19th, 2011 at 6:58 am
Lehkhathawn kalsual/darhzau tak chu a ni phawt mai! Mahse a phu e.

Report this comment
6
thian tha Says:
May 19th, 2011 at 7:14 am
Abraham Lincoln hi chu ka mi ngaihsan zawng tak a ni…a zirtirna hi a ropui a ni.

Report this comment
7
awmawmpuia Says:
May 19th, 2011 at 8:06 am
khai a, hetiang chiah hi ziah ka lo tum mek a. Abrahama hi ka va ngei mai mai eee.

Report this comment
8
TuaiSialA Says:
May 19th, 2011 at 8:15 am
He lehkhathawn zet hi chu a ropui a ni. Post tha khawp mai.

Report this comment
9
eL Says:
May 19th, 2011 at 9:15 am
min hneh tlang maw….a fapa ni lo mah ila….ka tan a lo ziak reng a nih hi..

Report this comment
10
shailendra Says:
May 19th, 2011 at 9:52 am
Ka ziak i awm tak a ni…

A ropui hle mai

Report this comment
11
swiftymcvay Says:
May 19th, 2011 at 10:19 am
Cfl chu post tha khauh2 khawp mai khipui

Report this comment
12
kiddo Says:
May 19th, 2011 at 10:45 am
“….chengnga chhar aiin chengkhat thawhchhuah hi a hlu zawk..” ho tê ni mahse a sawi tum a va ril em!!! Lincoln hian min hre hman se la chuan tiang khi min thawn ve ngei ngei ang…

Report this comment
13
PKfanai Says:
May 19th, 2011 at 10:47 am
Mizo tawnga dah tu hian, a let nalh bawk a, prymary sikul mizo subject a dah tel ngei chi ani. Naupang rilru la thiang hlim tak te rilru a tuh ngheh tlat chi anih hi. “Dawt ka sawi thei lo”, “Aia upa te zah thiamin”, “Ka nu ka nu duh tak chu”, etc., etc., te kha ka nun kaihruaitu leh khalh ngiltu anni tlat. pu Lincoln-a chuan, NLUP ai chuan, NREGA ava duh zawk hmel ve. Tin, “naupang hrem loh tur” tih mawl tawp mai hi chu, a biblical loin ka hria. Pu-a paw’n a phal zau viau hi a.

Report this comment
14
Asteric Visc. Says:
May 19th, 2011 at 12:25 pm
Pu CFL_ Pu Lincon-a ziah ani takmeuh ang maw
:ringhlel deuh:

Report this comment
15
mm_matil Says:
May 20th, 2011 at 5:40 pm
A hun leh hmun thliar thiam tu nih hi a zirtir anih hmel

Report this comment
16
Amah Charice_mizo Says:
October 27th, 2012 at 10:00 pm
he lehkhathawn hi class 9 ka nih laiin ka dictionary hman thin pakhat phek tawp lamah hian a awma, ka letling ve ngial tawh, tha hi ka’n ti khawpa

Report this comment