Thuhma : Hmanni ka post pakhat Ral run titi-ah khan PKFanai khan Mi zawn inchuh kha rawn post tur khan min rawn request a, High School-ah khan Pi Pu Len Lai kha a zir hman lo em ni aw ka ti rilru a. Hei kan High School kal laia kan zir thin ka rawn cut & paste tawp mai. MUP Tlangauah hian mi thenkhatin an ziak nual bawk. Remchangah kan la post leh ang chu.
MI ZAWN :
Fehnaah emaw, ram kalnaah emaw, mi intipalh emaw, dam lovin awm ta sela, mahni in pan thei lo khawp a nih chuan mipa awm remchang apiangin an zawn haw tur a ni. Zawn thei khawp an awm loh chuan remchang hnai apiang an pun khawm mai tur a ni.
Khualpang zinnaah mahnia kal thei lo khawpin lo damlo sela, a damlohna khua chuan an khaw ramri thlengin an zawn ang a, an va pek tur khua khan an khaw ramri chinah an lo va hmuakin an lo zawn chhawk ngei ngei tur a ni. Chuvangin damlo zawntu khuain an va pek tur khuate hnen va hrilh lawk hmasa turin zualko an tir thin.
MI ZAWN INCHUH :
Khual khuaa thi an awmin an in thlen turin zawn a lo ngai ta a. Chutah chuan a zawntu khua leh a lo la chhawngtu khua kha an inchuh ta vak thin a. Chu chu “Mi zawn inchuh” an ti. Damlo zawn tum chuan tihnat zual a hlauhawm avangin an inchuh duh ngai lo. Inchuh tum tlat pawh in damlo chhungten chuh lo turin an ngen thin. An ngen theih ngang loh pawhin damlo chu an dah chhuak a, hlang ruak chauh an inchuh thin.
Mitthi zawn tur a awm tum erawh chuan incho tawk an nih phawt chuan zualko an tir hmasa te te a, ramriah mahni ram lam ve ve atangin an inep tuar a. Hlang zawntu lam khan chak deuh deuh pali emaw vel, tuma chhuhsak loh tawp tura hlang pu tlat tur an thlang chhuak sauh sauh va, mi dangho zawng zawng chu hlang rawn put tuma rawn chuhtute lo theh kian zat zat tumin an an inralring thap mai a.
Lehlamho pawhin mizawn chu va chhuhsaka zawn tumin an inrem fel thap bawk a. Ti chuan kut bengin an haw haw tawn dur dur mai a; chutih lai tak chuan tlangval chhuanvawr deuhte chu zau thauvin an awm hle hle thei tawh ngai lova, tleirawl deuh te chu an zam nasa tawh mai thin a ni.
Nakinah chuan a va hmuaktu lam khan tha takin “In rawn zawn thui tawh bawk a, kan lo la ve tawh ang e, min kir san tawh rawh u le” an han ti a. Lehlamin phur em emin, “Kan la zawn rei hlei nem. Hah pawh kan la hah bawk hek lo. Kan la zawn rih zel ang chu le,” an lo ti ve hlauh si a. Zawn chhawk tumtute khan, “Ni tawh lo ve, kan lo zawn ve tawh ange ,” tih leh hlang an put lai chu chhuhsak an tum ta a.
Annin an lo pe phal mai si lovin, ramri pel rawkin kalpui an tum a. Lehlamin an phal si lova, an innawr ta chiam a, hlang rawn bawr tur apiang kha kawngthlangah an theh thla tawn zel a. Kawng thlangah mipui nawlpui an liam thla duak zel a. Mahse tumah mimal inchai fal rei an awm ngai lo. Hlang kha lehlamin an lo pu daih mai ang tih hlauin put tumin an rawn pan zel a. Chu chu midangin an lo bei leh thin a ni. An inbawh beh pawhin rei lo teah an inthawhsan leh thuai thin. Kawng sira an inbeihna chu a bel nasa hle thin a. Inthawhsan thuai thuai lo phei sela chuan piansual phah khawpa intina pawh an awm thin ang.
Chutiang reng renga rei fe an inbeih hnu chuan an upaten, “Khai le, a tawk tawh e, bang tawh rawh u; I inpe tha tawh ang u,” an han ti a. Upa thu chu awihin an bang ta thin a ni. Mi zawn inchuh dawn tum chuan tar chhia lrh naupang lutuk tih loh chu an inphut chhuak dap thin.
Inbuanah an incho leh a, inbuan zawh chuan a tawkah ngaiin an inpe tha thei ta a. Chawhma chu a awh ngei ngei thin. Mi zawn inchuh tum chuan ruang zuitu, mitthi chhungte an khawngaihthlak thei khawp mai. Mitthi ruang lainatna nen, an inthlen thuai thuai duha nghahhlelh nak alaia rei tak han khawtan leh ta mai chuan rilru a hrehawm em em a ni. An inchuh chhung chauh kha a khawtlaina a ni lova, inchuh tuma mipa zawng zawng an inphut chhuah chhung a rei duh khawp a, miruang chu rei tak zawn lovin an khang thin.
[Source : Pi Pu Len Lai by Selet Thanga]
P.S : MUP Tlangau a mi chi hrang hrang ziah ai hian Pu Selet Thanga ziah hian a fun kim zawka, ka rawn mal khalh ta mai a ni.
Similar Posts:
- Miruang kan inchuh kha!
- Kan thiam theihloh thil pahnih
- Ka vei zawng
- Thlan laih hi
- I ngam chiangkuang em?
a tha khawp mai
June 5th, 2011 at 1:03 pm
A bengvarthlak leh pek khawp mai.
Report this comment
June 5th, 2011 at 1:05 pm
Mi zawn inchuh hi engtik atanga tawp nge aw..? 1950+ vel niin ka hria a, a dik em?
Report this comment
June 5th, 2011 at 1:17 pm
tha hle mai a.. Good Post..
Ts, ka pa ka zawt a, “Rambuai hnu ah an ti tawhlo a, Rambuai hma chuan anla ti thin.” a ti
Report this comment
June 5th, 2011 at 1:20 pm
1980 chho velah Rawpuichhip leh Hmunpui pa rual, mi zawn inchuh an inkhuainuai chiam. Abik takin khua leh khua, ramri-ah ngei an inchuh thin. A pe hen hun mai thin a. Val chak tawk indim lova an han innuai tak tak chu sapui chetna ang hiam huam a ni mai zel. Raw-hungte pawh hi a pe hen hun zel mai maw le. Intihnat an pawiti tawh lo va, damlo–hlanga an zawnte–an khawngaihthlak duh letling. Ruang chu a nih nihin an vawm thal a. Chak zawk nih hrim hrim tum khan an inhlan tha duh mang raih lo! Hawihhawmna tel lo, tlawm maka kan hnamin kan neih thinte zinga mi a ni ber e. Hliam pawh an tam thei, sil hlen lah bo lo!
Report this comment
June 5th, 2011 at 1:20 pm
ava lunglen thlak ee..tidaih teh ang.. khaw nge, kei baptist val hi kan fellowship teh ang,, bible quiz awm dawn bawka,risk leh ngheng ila ni mai..
Report this comment
June 5th, 2011 at 1:23 pm
@TS: Motor a lo chhuah hnu leh kawng tha kan neih hnu pawh khan a la tlawh loh khua tam takah chuan mi hi an la zawn nasa. Late 70′s & early 80′s chho khan Aizawl hnaih deuh khua mi zawn an la awm nual. Entirnan Silchar tlangdung motorin a tlawh pawh khua ho chuan mi zawn an nei tlem viau ang. Mahse Mualvum leh Hortoki khua damlo zawn erawh chu a rehna a la rei lo ang.
“Zualko tlan a reh rual hian inzawn hi a reh ve deuh chu a ni nghal mai! “te han ti ringawt dawn ila, vawiin thlenga la inzawn an la awm bawk si ! Abikin Tuikuk leh Takam khuaah hian an la inzawn nasa…!
Report this comment
June 5th, 2011 at 1:44 pm
A tan tirhna chu a tha viau. Mahse a tawp lamah chuan tute nge tlangval leh pa valai chak nei, tih inelna ani. Damlo leh chhungte tan chuan a tihchi vak lo.
Report this comment
June 5th, 2011 at 1:45 pm
Mi zawn inchuh tak hi a nia. Ka hriat dan chuan kum 1956 vel kha chuan mi zawn inchuh thawm hriat tur a awm tawh lo tih a nia. Matea_tmj pu hriat dan nen pawh a inang viau a. Mahse, chawnghilh comment kha a dik a nih chuan kum 1985 velah mi zawn inchuh hi a bo fel tawh tihna a nih hmel. Tuikuk leh Takam lam dahtha ta ila.
Report this comment
June 5th, 2011 at 1:47 pm
Sorry.. Matea pu ni lovin pa zawk.
Report this comment
June 5th, 2011 at 1:48 pm
@NIa, TS mi zawn tak hi chu an la inzawn reng ang. Mahse, a chuh a inchuh tak hi chu a tawp takna chin ka hre hauh lo mai ka ti!
Report this comment
June 5th, 2011 at 2:05 pm
Kan inchuh ve lem lo nain ka zawn ve thin.Tlangval kha chuan mi an zawn kan tawh te hian thui lo te tal chu kan letin kan zawn pui thin kha a ni ngai a!
Mitthi zawn kha thil nuam lo a nih vangin a tih hot nan an inchuh thin a nih hmel pakhat.
Report this comment
June 5th, 2011 at 2:16 pm
Ka thil chhiar tawh ka chhinchhiah kilh kelh thei lo lutuk hi a pawi khawp mai.
Mi zawn inchuh hi a zawntute leh a chuhtute paw’n khaw dang an pûn thin. Eng khua nge ka hre thei ta lo. Khua leh khua tangrual khan an lamtang zawng an inhriat theih nan tiin an chalah thil sen an tât a. An inbei ta a. A hnuah an thlan tla chuan an chala thil sen an tah chu a tireh a, mahni pawl pawh hre hrang lovin tangho pawh an inbei ta vak niin an sawi. Ka hrechiang tawh lo va. Champhai versus… emaw, Biate versus… emaw tih vel a niang!
Report this comment
June 5th, 2011 at 2:25 pm
1956 velah a tawp lo tawp. 1968 vel pawh khan an la inchuh an ti, Serchhip khaw bul velah chuan. Hei hi Mizo culture zinga ngaihnawm ve pawl tak ani.
Report this comment
June 5th, 2011 at 2:38 pm
Ziak tha khawp mai, a bengvarthlak e, Kudos. Kan thudang alai chuan Central Engineering Service (GrouP-A) ah Direct Recruitment Quota hi engzat percent nge? Kan thianpa-in 3% a ti teh chawk a, kan ramah 65% lai a ni si a, min hrilhfiah thei em aw?
Report this comment
June 5th, 2011 at 2:48 pm
@ts: i soi khi chu Champhai vs Lungdup a nih hmel. Sikul ah khan kan zir thin. Lungdup lam kha an tlem deuh zawk a, an khaw thenawmte an pun a, an inhriat nan an chalah thil sen an hnawih a ni awm e. Mahse Champhai tlangval ho khan an nuaireh sak a, an thlanin a tireh bawk a, a tawp lamah chuan lamtang bik pawh awm loin an inpawng beih luai luai mai an ti. Kei chu awm ve ila ka haw daih ang hehe
Report this comment
June 5th, 2011 at 3:02 pm
Kan khua leh kan thenawm khua mi zawn inchuh tum hian ka tel ve tak alawm. A pui khawp mai. Mahse Pu Luishai_er-a post a in ziak dan ang lo deuh hian kan in chuh thung. Khawhnih VCP te inbiak ngai khawpin kan chet buai kha… Kum 2000 kum khan a ni bawk a, tel ve rual pawh ka ni lo a mahse kan thianza ho khan kan kal lui ve tlat a, a thlirtu nih pawh a nuam vak lo… Mahse tlawmngaih vang ania tha ve em asin!
Report this comment
June 5th, 2011 at 3:11 pm
@bbney: Chumi chu a nih ngei chu! Hahaha.
@K’u Krista: A nih chuan mi zâwn inchuh hi a la reh tak tak lo a va nih hmel ve aw.. Tun thlengin khawi emaw lai hmun kilkhawrah an la inchuh laih laih lovang tih pawh a sawi theih tawh loh a nih chu mawle.. In khua leh in thenawm khaw hming chu hriat law law a va châkawm ve aw..
Report this comment
June 5th, 2011 at 3:24 pm
khatih hunlai kha chuan telve hman nita ilang chuan TSA te hi chu ka thehphar nasa dawn si ah..lolz
Report this comment
June 5th, 2011 at 3:30 pm
A bengvarthlak hle mai. A ngaihnawm e. Kan tlawmngaihna a taka lantirna hmanraw tha tak niin a lang. Thil hahthlak leh hreawm tak nia lang kha, a tuartu leh hah zawk nih an han inchuh tlat mai thin a, thil ropui tak mai a ni. Mi zawn inchuh vang hian buanchak leh buan thiam ten ngaihsan an hlawh phah a. An chakna kha tlawmngaih nan an hmang a. A ropui e. A hunlaia an sport neih hlu tak leh tangkai tak a ni ka’n ti hial teh ang.
Report this comment
June 5th, 2011 at 3:37 pm
Min lo hrethiam teh u, Misualho zingah ka rawn tel ve tan chauh a(a hma zawng khan ka tha e ka tihna chu a ni law). A post-tupa hian a chung #14 a ka zawhna khi min chhan theih ka ring deuh tlat.
Report this comment
June 5th, 2011 at 3:43 pm
Central Engineering Service (GrouP-A) ah Direct Recruitment Quota hi engzat percent nge? Kan thianpa-in 3% a ti teh chawk a, kan ramah 65% lai a ni si a, min hrilhfiah thei em aw?
tih hi maw??? chhan sak teh
Report this comment
June 5th, 2011 at 4:02 pm
Tunlai thangthar zingah kan Pi leh Pu te tlawmngaihna te sel kan awm ta fo mai. Mi zawn in chuh chhuahna chhan tak ni a lang pawh an tlawmngaihna lantir an tum vang a ni ber. Ani hah lose kei zawk hi hah a tul pawn hah ila tih rilru pu an khaw thenawm te awl an tum vanga hetia in bei chiam hi an nih hmel.
Thangthar lokal zel ten an tlawngnaihna chu ani lo zawng a la in, hmelma in beihna hmanrua ah te kan hmang ta mai zawk ani. Kan Pi leh Pu te nun mawi kha hriat thar nan keini misual ho hian i hmang theuh teh ang u.
Report this comment
June 5th, 2011 at 4:26 pm
Kum 1930 hmalam kha chuan Mizawn inchuh hi a tha in, infiamna chikhat anga ngaih ania, amaherawhchu hun a kal zela, kan thiam lo telh telh a, ‘Ruang chhuanlama inphek sual’ a ni ta hrim mai. engtik kum vela bo nge tih erawh ka hre lo!
Report this comment
June 5th, 2011 at 4:26 pm
#14, “The Gazette of India : Extra ordinary Part II
Establishment D Section)
NOTIFICATION
New Delhi, the ISthMay, 2004″ hi lo chhiar la i chiang mai ang.
Direct Recruit-ah Quota hi ST/SC quota nge i sawi a ? Ka va hrethiam lo ve ?
Report this comment
June 5th, 2011 at 4:30 pm
ava gud post leh pek ve
khatih hunlai vel kha lo nang ve
hman ila chu an sawi hat2 tur ka ni ngei awm sia le
Report this comment
June 5th, 2011 at 4:31 pm
E khai TS(#17) kan thangmawi lo viaua han sawi tam vak chi pawh a ni lem lo. Kha mi tum khan insual ang zawngin ka ti deuh reuh a ni, a zia lo khawp mai. An khaw bulah kan dil a, an remti lo va. Kan in nek zel a, kan tlangvalte an pawng tual tual a.Tin, Khami tuma kan Val Upa tel ve( roreltu ber) kha hot ve chi deuh hlek a ni bawk a. A tam zawk kha rang takin mizawnte kha kan tlan pel a, kan ramri ah kawngchhak leh thlangah kan biru a. An lo thlen veleh kan chu-kha ta a nih kha. Pui miah miah tak a ni. Kan ute tam zawk chuan an kut an tuam fur mai lawm. Mahse tlawmngaihna avang ania lawmawm ka ti thin. Tlemin kan abuse deuh e tih mai loh chu…..
Nia hmunthenkhatah te hi chuan an la ti reng ang. Chawngte nen kan inkarah hian kan khaw thenawm ka tihte hi an awm a. Chawngte Thalaite hi chu tlemin an tunlai deuh bawk a, awlsam tein an lo pe mai zel a. Mahse keini khawhnihte hi chu thalai an chhuah hnem deuh tum hi chuan kan in chuh deuh ziah thin, awlsam tein kan in hlan ngai lem lo. Mahse tunah chuan PMGRSY hnuaia kawnglaih a ni ve ta a, motorte a tlang that hnu chuan motor hian phur a ni zel ta a, kan bansan ve ta chu a ni maiin ka hria.
Report this comment
June 5th, 2011 at 4:42 pm
Ngaihnawm khp mai
khawi maw lai ah chuan in chuh a la ngai zeuh zeuh .motor kawngpui dung ah pawh motor a awm remchan loh chuan in chuh a la ngai tho . 90 hnu lam ah a kum ka chiang ta lo Darlawn tlangval Khawruhlian a a thih pawn an zawn a .hman lai a in chuh ang em em in inchuh lo mahse han in nawr deuh laih laih chu a awm YMA hruaitu te VC te in be zel in an in hlan deuh zel. thangthar a awm zia tak hre phak lem lo ten a sual a insual tur emaw ti pawl an awm thin a .a hlut na ang tak a tih a harsa
Report this comment
June 5th, 2011 at 5:00 pm
Kan comments hi a bold vek mai ?
#20 & 21 : Direct recruit Quota Group A entry grade-ah chuan quota a awm lo. UPSC direct recruit hi AEE vuah an ni a.Mizoramah chuan AEE kan ti ve lo A.E tho kan vuah.
AE kan tih hi chu B.E/B.Tech Group B UPSC Direct recruit 80% leh Promotee 20% ten an fill up a.
EE hian feeder post pahnih a nei tihna a nih chu. AEE leh AE
Quota ang zawng chuan EE kai tur chu 85% AEE post atangin leh 15% A.E post atangin fill up tur. A chiang em aw ?
Report this comment
June 5th, 2011 at 5:06 pm
bold tawhlo e
Report this comment
June 5th, 2011 at 5:07 pm
#24, “The Gazette of India : Extra ordinary Part II
Establishment D Section)
NOTIFICATION
New Delhi, the ISth May, 2004″ hi eng nge a shortcut hnai ber. ST/SC quota ni lovin direct quota leh promotee quota lam a ni. Post thar “Mizo Superstar…” a relevant zawk em aw, ti raw…
Report this comment
June 5th, 2011 at 5:40 pm
Lushai_er, kd request i rawn ti hlawhtling a, a lawm awm e. Mahse ka bei sei dan erawh chu ani lo deuh. Pi pu len lai te chu kan zir ve hman a lawm. Mahse vague or general lutuk a, particular deuh a, khawi khua leh khawi khua emaw inbeihna chan chin kha ka bei sei tak zawk chu a ni. mahse khi Krista teho pawhin an lo hriat chian riau khi a.
Report this comment
June 5th, 2011 at 6:03 pm
E khai, a va zahthlak ve. Similar post ka en a, Keimah Thingtlangpa in ka bei sei ang chi chu a lo post tawh reng anih khi. Ka chhiar nghal e.
Report this comment
June 5th, 2011 at 6:33 pm
#28 A lawmawm e. Thianpa min hrilh dan nen erawh a in ang chiah lo deuh.
https://cpwd.gov.in/ ah Human Resources\Recruitment Rules\CES&MES\Group A,B&C kha lo en ve chhin teh..
Report this comment
June 5th, 2011 at 7:11 pm
Mi zawn inchuh hi tlawmngaihnaa bul tanin inbawlnaah a chhuak daih in ka hria.
Tlawmngaihna duplicate ka ti.
Report this comment
June 5th, 2011 at 8:03 pm
Hetianga inchuh hi tunlaiah han uar thar leh tak2 ila…Kut leh ke lian tak2,chak mang silo an tam ngawt ang.
Hmel en ringawt chuan huhphur awm fe2..hehe! Nuam ngawt ang,hlau deuh chung2 in kan han buan vel anga
an lo duap em2 sia nga….haha!
Report this comment
June 5th, 2011 at 8:58 pm
Mi zawn inchuh an lo bansan hi chu ka lawm ngawt mai. La bansan lo sela chuan mathei lovin tel ve a ngai ngei awm si a, ka rethei thin ngawt ang.
Tlawmngaia tanpui ngaite tanpui hi a Mizo zia a, a mawi. Tul miah lova midang laka mahni chakna tihlan chak tlatna hi chu Ramsa mawl zia a ni.
Report this comment
June 5th, 2011 at 9:01 pm
Mizawnah hian ka tel ve hman.Ram lam a in hliam palh ,danlo,boral te ka zawn ve nual.Tin khaw hrenawma ruang dah pawh in.
A posttu in pipu len lai a tih ni lo zawk
pipu nun tih kha meddle ah ni ta in ka hria kan zir ve ngei mai.
Vawi khat pawh lo a in ti palh kangvar lai in kan zawn tawh a lawm feh kawngah kan thenna ah pawh khan dam thalai hi zawn ta i lang a chauh vek ka ring.Kawngpui atangin motorin kan phur chhawng leh 1983 bawr vel khan.
Report this comment
June 5th, 2011 at 9:23 pm
An damlo zawn kha khua an kal tlang pui a, a lo hmu a piang mai khan ‘ kha eng na nge ? ‘ a zawn tu te chuan ” Khawsik a lawm mawle ” `mipa nge hmeichhia’ ? .hmeichhia . .an zawt zing tawh lutuk a zawn tu khan a ning deuh a niang, an lo zawt leh . .’eng na nge ? ‘ . .a khua a sik . . .mipa nge hmeichhia . .a zawn tu ning tawh lutuk chuan . ” a khua a sik kan tih te chuan hmeichhia a ni mai lawm.”
Report this comment
June 5th, 2011 at 9:48 pm
mizawn inchuh kha a ropui a niang. An han haw haw hulh hulh kha, a khawnah khan tlangval tha za tak tak kha an tlan lawn zawk zawk zel an ti.
Report this comment
June 5th, 2011 at 10:00 pm
av’n lunglen thlak tak mai em!!!kum 1995 ah khan,kan khaw thenawm nen ka in chuh chiam mai chu,nuam ve phian mai.damlo/ruang hi 50 vel ka zawn tawh ka ring tlat.1995 tum chuan kan khua upa leh an khua upa ho in remna sathi an chhuah hial ani kha,khami hnu khan Thalai,yma/mtp conference rorelnaah “damlo/mithi kan zawn chuan ramri ah inpe lovin khua thlenpui ngei tur” tih an rel hnukhan a awm taw lo?a tawp kan tih mai ang chu.
Report this comment
June 5th, 2011 at 10:25 pm
In comment hrang hrang han chhiar hian, “Mi zawn in chuh hi mizo tlawmngaihna atanga lo zi chhuak, amaherawhchu ZU ang maia hman thiam har, thil tha aia tha lo thlen thei zawk tu, zonunmawi mah ni se ZU ang bawk a khap ngai a ni e” kan ti, ani deuh ber mai maw?
Report this comment
June 6th, 2011 at 8:49 am
Mi zawn inchuh hi tul ka ti hranlo..
Report this comment