Duhliana (1600-1700 AD)
Duhliana hi Tuchhinga tuchhuan Khawlaichhuna fapa a ni a, mi piang danglam tak a ni. A pa chuan a lal laiin Ramsial sa leh Sazuk sa chauh a ei duh a; arsa leh sa tënau sa rëng rëng a ei duh ngai lo. Chuvâng chuan a pa chuan, “Fapa ka neih hunah Duhliana ka sa ang,” a ti thîn a. Fapa a nei ta ngei a, Duhliana a sa ta a. “Ka duh a len êm avângin Duhliana ni rawh se,” a ti a ni. Duhliana hi a chak hle a, a sairawkherh chu a rul thei lo va, “Phelpui rul thei lo a nei,” tiin an sawi thîn a; a hming a lo thang ta a ni.
A lalna khua chu Zampui khua a ni a, hetih hun lai hian Damlukima (1000-1600 AD vêla Hmarh lal) thlahte khan lal chak an nei ta lo va, chuvângin Rangte hote chuan, “Kan lal fanu hi nei la, kan khuaah lalberah lo tang ta che,” tiin an sâwm a. (Thenkhat chuan Lusei nula a ni e an ti bawk) Duhliana chuan a nei ta a; Maipawl khuaah chuan Rengte (lal)-ah a thu ta a.
Duhliana hian thal kah a thiam em em bawk a, Mizoram khawthlang lamah pawh a hming an hre vek a; chuvâng chuan a hming a lo thang ta hle a ni. Saphote’n 1800 AD hnu lama Mizoram an rawn luah lai pawh khan an tawng atana an siam chu DUHLIAN TAWNG tih a lo ni ta hial a ni.
Thulâkna: Mizo Chanchin (BC 300 – 1929 AD) by V. Lunghnema.
June 11th, 2011 at 5:15 pm
A bengvarthlak leh ta e. Tunlai chu MIZO em em zel ila ni mai alawm. Mahni hnam history hriar ril hi a hlu si a.
Report this comment
June 11th, 2011 at 5:28 pm
Var leh ta hawk mai… heng ho hi compile in lehkhabu pui pui ang ni lem lovin download tur te hi awm se a va tha dawn em tih te ka ngaihtuah a.
Report this comment
June 11th, 2011 at 5:33 pm
@veepee: Lo copy char char mai rawh.
Engtikah emaw chuan lehkhabu rotling tak….>>>>
Report this comment
June 11th, 2011 at 5:43 pm
Kawpi chu kan kawpi ve chawr a, mahse chan reng kan hman si lova, zawng let chir chir ila ni mai lawm.
Report this comment
June 11th, 2011 at 5:49 pm
Duhlian lo chhuahna chung changah hian Theory hrang hrang a awm a, he theory hi ka lo la hre ngai lo anih hi. Duhliana Pu leh Pa hmingte a Lalna khuate a awm thlap a, a awm ang ve khawp mai. Mahse, khawnge a thlah kal zel te? pu V.Lunghnema hi Pu R.Vanlawma ang deuh a thil chhui dawn thiam tak chu ani phawt mai. mahse, kei chuan he a theory hi rin harsa ka ti. Lusei an tih hoin thlang an rawn tlak ve khan, Zahmuaka te chhungkua Parual tak mai kha Lalah an han nei ta a, Anni chhungkua hi an parual ani satliah lova, an tangrual thiam em em mai si a, an vela hnam dangte hlauh an lo ni ta thuai a. Ram lah chu an han duh lian em em khawp a, Tiau atanga Tlawng thleng mai kha an hauh ta tlat mai si a, an vela hnam dang ho khan, an do ngam chiah si lova, “Duhlian ho” an ti ta a, an tawng pawh “Duhlian tawng” an lo ti ta a ni. Mimal ai chuan hnam tawng sawina a nih hi ka ring zawk mah mai ka ti.
Report this comment
June 11th, 2011 at 5:50 pm
Duhlian tobul chu a va mak ve!!!! Luseitawng hmang ho kha an chheh vela miten Duhlian tiin an ko emaw tia. Mimal hming a lo ni daih a ni maw?
Report this comment
June 11th, 2011 at 5:57 pm
a bengvarthlak leh ta e.
Report this comment
June 11th, 2011 at 6:10 pm
@PK: V. Lunghnema hian Mizo lehkhabu a râwn mang hauh lo. Kan chhehvel hnam hrang hrang history a chhui a, tawng hrang hrang lehkhabu a chhiar bawk a. A theih chin chinah a hmunah a kal nghal zel a. A lehkhabu rawn a zau khawp mai. Inah ka awm lova, a thil chhui dan vel han ziahchhuah ka duh tehlul nen. Dawithiam pathum a rawn a, chu’ngho chuan dawi hla an lo hrilh a, chuta tang thahnem tak a chhui thei. Lersia chanchin pawh a ziak tha khawp mai.
Amah hi rambuai laia China rama han kal zingah khan a tel bawk.
Report this comment
June 11th, 2011 at 6:14 pm
@TS: A lehkhabu hi ka duh ve e…..lei tur a awm loh pawn xerox ni mai.
OT lok………Misual a thil tam tak post hi Misual Anthology emaw……Prose/verse section ang hian siam tham chu a awm tawh ka ring. Poem ringot pawh lehkhabu a chhuah tham a nih ka ring tawh siam keuh chi mawle………..
Report this comment
June 11th, 2011 at 6:32 pm
Khai a, dawi thiam ho dawi hla history-a rin ringawt chu. Mahse ziaka dah engmah a awm bawk si lo le. BC300 atanga AD 1400 inkar a chhuina hriat va chakawm ve.
Report this comment
June 11th, 2011 at 6:46 pm
Rin mai harsa ka ti tawh. Mi dangin ‘chutiang chuan a lawm’ an rawn ti leh ang a, keini mi mang lo, sawi hnuhnung hnung awih thin tan chuan ui benga hlin tur awm lo hian pawm vek chung siin mahni ngaihdan pawh a insaikah nuaih leh mai dawn chu a ni si a. Saptawng(Term) hi Etymological taka han thlek chuan derived from… hi a ni deuh zel a, Mizo erawh hi chu….’chu pa chu a awm a’ kan ti leh thin.
Report this comment
June 11th, 2011 at 6:58 pm
@ZerO: Ka hriat sual loh chuan Mizo history chhuina tam tak hi hmanlai dawihla atang niin ka hria. A dik ber a ni phei chu ka ti miah lo a nia. He lehkhabua inziak tam tak leh lehkhabu danga inziak inang lo a awm nual.
@malsta: Dawrah lei tur a awm ka ring lo. Kei paw’n library atanga ka hawh a nia.
Report this comment
June 11th, 2011 at 7:07 pm
Ts. History hi ka specialized subject ani a, ka tui mai pawh ani lova, Politics nen hian ka thisenah hian a zäm tel tlat a ni. Hetiang i thil rawn post thin pawh hi ka tuipuiin, ka ngaihlu em em a ni. M.A. Mizo zirlaiten Duhlian lo chhuahna an zir a, Debate te an neih hunah pawh, Pu V.Lunghnèma hming hian sawi chhuah a hlawh hle thin dawn a ni. mahse Zirlai thluak hmang leh thlir zau deuh chuan, “Pu Vakulan Fanai pain Lusei chung changa pawm dan lo neih ve chu ngaihthiam har ti viau mahse, Pu Pk an Misual.com-a, a sawi hi a pawm nahawm ber a ni” an tih chuan, kut an beng dur dur anga, Judge te pawh an bu nghat nghat mai ang. ( fiam thu).
Report this comment
June 11th, 2011 at 7:07 pm
Duhliana hi kum 100 a dam tihna a ni maw? Kum za lai dam, hetiang khawpa hriat hlawh si, Mizo historian dangin a chanchin an ziak tam vak lo hi a mak ve mai mai hle mai.
Report this comment
June 11th, 2011 at 7:30 pm
@lianchhiara: Khi khi a dam hun chhûng ai mahin a hun lai vel a nih zâwk hmêl.
@PKa: Kan inang hle mai. Zau taka chhui hnua lehkhabu tha tak ziah ka tum mêk. (rilruin
)
Report this comment
June 11th, 2011 at 7:30 pm
A bengvarthlak hle mai. Theory leh thawnthu chi hrang hrang hi chu a awm ve fo thin reng a ni.
Report this comment
June 11th, 2011 at 8:22 pm
TuaiSiala sawi, Mizo history hi Dawi hla atangin chhui a nih ve thin thu khi ka pawm khawp mai. Dawi hla hi thu un leh ril pui pui a ni hlawm. Dawi hla bakah hla dang tam tak atangte, thawnthu atangte pawhin kan hre thei.
He post hian ka ngaihtuahna a tibuai angreng khawp mai. Rin dan leh chhui dawnna mai lo chu behchhan tur kan nei lo nain heti tehngawt hi chu Duhlian tobul atan chuan a thamlamin min hneh zan lo khawp mai. A dik love ti a han hnialkalh vakna tur tanhmun erawh ka nei tha lem si lo. Ka hriat ve dan- hnam dang hovin Lusei ram hauh tina deuh kha Duhlian ho an ti thin tih mai lo hi chu.
Report this comment
June 11th, 2011 at 8:32 pm
liandova nau nge2..duhliana pa khi k tan khawp mai..man rem2…
Report this comment
June 11th, 2011 at 8:47 pm
@Pu Muantea: K. Zawla ve thung chuan, “Sailo bul chhuitute chuan Nova (Sailo thlahtu bul. Sihsinga pa, Bawkua pa, Niguitea pa, Dongula pa Nova, bible-a mi ni lo) atanga Zahmuaka chin hi ‘Duhlian’ an tih thin hi niin an sawi,” tiin a ziak.
Ka lehkhabu râwnah hian Lusei thlahtu ni-a a ziah, Luseia (900 AD) chanchin tawi të a awm bawk. Hei pawh hi history bu danga inziak nen chuan a inang lo khawp mai.
Report this comment
June 11th, 2011 at 9:32 pm
19. Ts. Luseia mihring hi a awm meuh tak tak dawn amawni le? Lusei kan tih ho hi an tukkhum lama sam an zial vang ani a, Pawihho khän an chal lamah sam an zial a, “hrúm” anti a, “Lutawi ho” anti bawk thin niin ka lo hria a. mahse hriatdän mai ani e.
Report this comment
June 11th, 2011 at 11:25 pm
tha hle mai
Report this comment
June 12th, 2011 at 12:31 am
TS, a ngaihnawm khawp mai
Lersia chanchin a chhui dan chu han vawrh chhuak teh khai. Thlahtu hmun (Berhvatea thlah) kan ni a, kan upa ten an chhui thlak dan zai zai nen a inang emaw ilo en ila.
Report this comment
June 12th, 2011 at 1:57 am
Pu Lianhala ziak “Lianhala Thukhawchang” lehkhabu ah “Duhlian” chanchin a ziak nual a,
page 9 ah ” Lusei tih hi tun hmaa Seipui khur luahtute Chawngte, Chhangte, Chhakchhuak (Mauva thlah), Chuauhang, Chuaungo, Hauhnar, Hrahsel, Pachuau, Tochhawng, Vanchhawng leh Zahmuaka thlahte an ni…. An thlahtu bul chu Duhlian tih an hre chiang hle a, an trawng pawh Duhlian tawng an ti.”
Page 101 leh 102 ah
“Seipui khua a lo chng thrin Seifaten an thlahtu bul an hriat thui ber chu Duhlian a ni a, an trawng pawh Duhlian trawng an ti. Anmahni inkohna chauh ni lovin an chheh vela cheng Tedim(Paite) leh Lai (Paw) ho pawhin Duhlian an ti vek a ni. Duhlian a awm thu chu hla hlui tak Sanzawl lal hausa Lersia an phuahna Sabuan hla atrangin a lang chiang hle a ni. He hla hi chang sarih a ni a, chang hnih hi tarlang ila;
1.Ka do Lutmualate u Duhlian zathum tui ang seng aw t,
2. Tui ang seng ngai lo ka do kimah zan arang ka thah?
He hla hi khuangchawi mual lam hlaah Seifaten serh leh sang nei takin an hmang thrin a ni.
Duhlian Seifate chu AD 1770 velah thlang an tla a, an zinga chi khat Hualngo runpui erawhchu an hmun hlui Tiau chhakah an la awm a. ….. Chutichuan an ram pawh in Duhlian ram tih a hlawh phah a ni. Kum 1940 hma kha chuan Tedim mi (Paite) ho Tiau thlang lama an zin chuan “Duhlianah ka zin” a ti mai thrin. Tin, hla fiamthu an nei a, zahmawh deuh mahse tarlang ve mai mai ila;
“Sai pi pi mah vun ting a, Duhlian pa zang vun ting lo, Zang dial khim aw e.”
Tin, Pawi pakhat khawthlang zin chu a ke a rahfuan a, ke bai chungin Chinrang sava angin lui dung a hrawh thu heti hian hla a phuah a;
“Duhlian khua ka tlawnah ka ke dodup an ing, Vachin tialte bang len tikua hrawng thlai thlo lang.”
Tin, Vaiphei hlaah heti hian a chuang bawk;
“Duhlian chuan sawrthlapi bang rel, Nuhai dingin sawn insul leng a thra silsel, Sawrthlapi bang rel” tiin..
(Pu Lianhala hi ka pu a ni)
Report this comment
June 12th, 2011 at 2:07 am
ka Pu in Duhlian tlah i ni, min ti a, chuv
ang chuan ka pu chanchin ni maw…
Report this comment
June 12th, 2011 at 5:43 am
23. RDCA i rawn thawh chhuak tha hle mai. Mizo proffessors rual thil sawiho pawh kan ang tan e. 17 a Pu Muantea sawi khi ka tawm pui a, Mizo history chhui thui tak tak tur chuan, source dang vak kan nei lo, dawi hla hlui, bawhhla leh hlado te kha kan source neih thatte anni tawh mai a, hai chhuah a, vawn that a, zir chian an pawi mawh em em a ni. Duhlian tawga ziah an awm vak loh avangin, zo hnahthlak hnam dangte tawng thiam emaw, a thiam rawn peih emaw a tul hle a ni. Pu Lianhala hla thu rawn lak chhuah te khian mi mal aiin, hnam a kawk zawk tlatin ka hria. pu V.Lunghnéma leh Pu Lianhala te ka ngai sang e.
Report this comment
June 12th, 2011 at 12:13 pm
@Pu Hva: Berhvatea chanchin pawh a inziak tak asin. Nia, remchangah ka la rawn ziak ang. I document nena a inan leh an loh hriatchian a châkawm. V. Lunghnema hi ka ngaisang riau a ni. A chhan chu Mizo lehkhabu râwn a ngah vak lo. Tawng chi hrang hranga ziak a râwn a, a hmunah a kal zel bawk a. A dik ber e ka ti hauh lo naa, a kum nen thlapa confi taka a ziak thei hi a fakawm ka ti thlawt a ni.
Report this comment
June 13th, 2011 at 12:31 am
#26
Report this comment
June 17th, 2011 at 10:35 pm
Hetah Duhlian ka wm e…hoho…
Report this comment