Sum leh pai leh dam chhung khawsak nawmna ringawt hi hlawkna tehfunga kan hman chang apiangin kan zui Krista avang hian chan ta duaihah inngaih mai hi a lo awl takzet mai. Ni e, Krista kan zui miau chuan chaan tawk chu kan nei ngei a lawm; ka rinna avanga mite sawi ang sawi ve thei lo tura kan hmui phuar a nih a, mite tih ang ti ve lo tura kan kut leh ke min hrensak tawh chuan leh mite neih duh ang duh ve zel lo tura thinlung lama chelhtu a awm tawh hi chuan a chaan pawh kan chaan tur a ni reng a ni. Mahse chu nihna tak chu khawvel mite hian an hmu thiam lo; an ngaiha atthlak mai a ni.
Kan hloh hlepa chhiar thei tur leh kan chaan zawng zawng hlawknaa puang thei tur chuan mihring chakna hian a daih seng lo; chaan si, chaan si lo-hlawkna tela nun tam neitu nun hi nun hausa a lo va ni em. Kan awh kan lei mai hi lungawina famkim a lo ni lo, kan chan kan hlimpuina zawk hi a Petu chunga lawmthu sawina nun-nun awhawm chu a ni-khawvelah lawmna a kim thei si lo.
‘Dam chhung mi hmuak apiang I tirh ni se’ titu nunah hian vuivaina a leng ngai lo vang, lungngaihna hian Ama lamah min hnuh hnaih sauh a, manganna hian Amah min auhtir thin a nih chuan kan tan chaanna hi hlawkna a va ni rua em!!
Kan rin Lalpa hi kan mamawh min Petu kan nunna hnar a ni tih kan hriat phawt chuan lawmthu sawina tur a lo va tam em. Mihring nun derthawn zia leh mamawh kan ngah si zia han chhut chet chet hian lawmna tur kan lo va ngah em!! Harsat leh mangannaten kan khualzin kawng hi lo bawhbuaiin khawvel lama letlehna remchang kan hmaah lo inhung hnawk thin mahse ‘kan hmaa mi huai kalte kha, an ding nghet he hmunah hian an puanzar an thing e- en ru, Isua zara hnehtuten’ an tih chhung hi chuan han pen bosan ziazang a ni nem le.
Mite an beidawna an tlukna hmunah leh seihlei pawt hreh hauh loten ‘ani zawng a fing lo a ni, ti ve duh hek lo’ tia min cheksawlhna hmunah hian; kan chhungkua, kan nupui fanaute hian mi neih ang nei pha lovin an nawmsak angin khawsa ve dawn lo mahse; mi ngaiha mawl khawpin Isua leh a duh zawng hi tran ila Krista avanga mi aa nih chu ‘a pawi lo, a pawi lo, chatuan nunna chang thei ilangin’. Eng pawhin awm ila hlawhchhamna a ni lo, kut ruak pawhin awm ila enge lem chuang? He dam chhung rei loteah hian enge chatuana nunna lo chu han lungkham em em tur awm le? Amah nen kan inpawl phawt chuan…
Kan Lalpa Isua Krista tuarna Kraws daihlim hnuaiah chuan a tlansate kan lengza a, a hmangaihna far chauh pawh kan tan damna a ni a, a famkimna chu engtiang takin nasa ang maw le? He khawvelah mah min battu hruikawihnawk karah pawh lawmna kan neih chuan chung zawng zawng kian hun tur chu sawi hian a siak lo-khawvel zawng eng pawhnise lawmna tur hlir a lo ni. Amah avanga kan chaan zawng zawng hnawhkhahna turin Amah kha kan hnenah a lo cheng thin a ni zawk.
Lalpa remruat dan hi mihring tan chhuichhuah rual a ni lo; thlipui laka himna a ni lo va, thlipuiah pawh himna a lo ni zawk. Chaan ngam apiangte tan malsawmna leh hlawkna a ni a, thihpui ngamte tan nunna a ni. Lalpa hniakhnung zui hi a phawvuak thil a ni lo va, hriat ril leh tam lam a ni na hek lo-dai chilh nun- Amah nen chuan trahna ruam pawh hlimna hmun a ni. Ringtu chuan tisain chan mahse thlarau lam a hausa thin; hringnun zin kawngah hian mara hmun chu harsa hle mahse, Elim tuihna hmunah an chawl leh thin; khawvel zawng engpawh ni se lawmna tur hlir a lo ni si.
Ka Lalpa hnungzui tur hian channa emaw ka ti thin;
Mite ngaiha hlawhchhamna a lo thlenin;
Aw ka tan a hnungzui hi channa emaw ka lo ti.
Mahse hlawkna a lo ni si.
Tahna reng a awm tawh lo, lungngaih mangan buaina pawh
Amah nen kan inpawl chuan,
Dam chhung ka tawh apiang hi,
Lawmna tur hlir a lo ni si.
Harsat mangan buainaten, ka kawng min chim buai lai leh,
Mite ngaiha beidawnna a lo thlenin;
Hrehawm tuarin chau ila, kut ruak pawhin awm ila,
Hlawhchham reng reng a awm lo ve.
Kalvari tlang chungah chuan, a tlan sate kan leng za,
A hmangaihna far chauh pawh kan chanin,
Chatuan nun daih a ni si, khawvel zawng engpawh ni se,
Lawmna tur hlir a lo ni si.
(phuahtu-K.Lalthanzama)
Similar Posts:
- Tih nun kan ni (Easter pual)
- Hmangaihna mak
- THAWHLEHNAA TIHNUN KA LO NI TA
- Ka nun hian Lalpa a ngai (Sunday pual)
- Beidawngte Pathian lungngai te Thian
July 3rd, 2011 at 6:13 am
A dik a ni, lawmthu sawi mai loh zawng….
Report this comment
July 3rd, 2011 at 6:20 am
A tha hle mai. Keimahni a Setana kihhnawk thian turin kan piang ani si a, paih tur/chan tur hi engtik lai pawhin kan nei reng mai dawn a nih hi.
Setana hmanrua lah kan hre der mai silo….ka hnuai chiaha comment tur pawh hian a hre hek lo…
Report this comment
July 3rd, 2011 at 6:22 am
Chain saw nge a hman hreipui
Report this comment
July 3rd, 2011 at 6:33 am
#2 second paragraph chu ka va sawi lawk dik tak em, setana hmanrua hrelo in a rawn comment ang ka tih chiah khi maw…”A hre reng reng lo, kei pawhin ka hre lawk hek lo i fimkhur ang u” hairehai
Report this comment
July 3rd, 2011 at 6:50 am
Engkima lawmthu sawi hi Kristian te tih tur anih lai hian Lawmthu sawi reng erawh a har anih hi… Mihring kha kan la ni tlat a……
Report this comment
July 3rd, 2011 at 7:35 am
Sunday zing thawh hlima min lo hmuaktu atan duhthusam ani e. K.Lalthanzama hi kan naupan lai khan pu F.Laltuaia leh Pu Lalthlamuana te zui khan a lar thin khawp mai. vawikhat thingtlang lama an zin chhuah naah a bag/suitcase a tibo daih mai a(bus in a phur tlang daih a nih hmel), a hak lai nen chauh a awm ta a, chuta a hla phuah a han sa mai kha chu aw, mi rilru a khawih teh a sin. “Chhiahhlawh fel Joba ang khan, Fiah tlak em ka nih le? malsawmna min pe a, a la kir leh a ni. Lalpa chu fakin awm rawh se. Saruakin ka lopiang, saruak vekin ka kir leh dawn. Mahse mamawh ber Isua, tunah ka neih phawt chuan, ka tan a tawk a ni.” Lung hlui a leng e.
Report this comment
July 3rd, 2011 at 8:15 am
kan chuanna lawngah chuaan mahni chauhin kan chuang emaw tiin min thir fo thin mahs a ni lo! krista a chuang tel tal alawm.
khawvelah hian lungngaihna tur zawn chuan lungngaihna tur sawi sen loh a awm mahse krista kiang atanga thlir chuan beiseina leh lawmna tur hlir a lo ni,
Report this comment
July 3rd, 2011 at 8:48 am
A va tha in a vaw hlu em ka tan hian, mizo tawng ngeia thuziak(sermon ka ti dawn nge) tha tak2 chhiar thei a ka awm hi; mi(sual).com hi chu ka va han hlawkpui tak em….ka lawm zel nange LALPA ah chuan…
Report this comment
July 3rd, 2011 at 8:55 am
A va tha em..
Hei hi ka rilruah a lo awm thung a..Miten an hlawh bak hui a, an ta ni lo hmanga an in chhek arbawm anga ti ve duhlo hi Krista avanga chan ah kei ka ngai lo. Ka ta ni lo na na na chu ka chan thei lo. Dik taka ka thawh hlawh chin ka lak ah hian ka lung a awi a, hleptu te nen ka in khaikhin hian zahawm ka inti zawk a, chhungril takah hian inchhuanna ka nei a ni.
Krista hnung ka zuina kawngah hian khawvel mite avanga ka tawrhna aiin sakhawmite sakhuana avanga rilru lama tawrhna ka ngah zawk a hriatna ka hei.
Sunday tuka chhiar atana post tha tak a ni e
Report this comment
July 3rd, 2011 at 9:04 am
Lal Isuan,’He dam chhung la la in’ kan hmu leh dawn a tih kha hre mah i la hringnunah hian duhamna hi a lian thin si a le!Post tha tak a ni e.
Report this comment
July 3rd, 2011 at 11:45 am
Report this comment
July 3rd, 2011 at 2:25 pm
A van han thra tak em! Nun stressful lai tak hi min ti harh sawng² mai lawm
Print hmaks teh ang!
Report this comment
July 3rd, 2011 at 2:25 pm
Tha lutuk tlat!
Pkfanai, Evan Lalthlamuana (Fam ) te i rawn sawilanga lung avan ti leng em !
Report this comment
July 4th, 2011 at 1:19 am
Hei chu ka motto a ni ve tlat- Lawmloh pawn lawm tur, ka sawi awmzia chu lawmloh pawn lawmlohna tihlan loh tur,Pathian hnen ah lawmloh avanga lawmthu sawi tho tur, kan weakpoint hi thlarau sual ten an hre tur a ni lo.
Hei hi a nia idle words ka tih chu @vakul. kan lawmlohna, phunna point ah chat chat a dang an rawn kal tuam tuam mai ang, lo chik mah teh. ‘Ka hrisello si’ ti ti chu natna chi hrang hrang in a tlakbuak ngei ngei.
“Kei chu ka hrisel si, tlakchham engmah ka neilo bawk, misual.com kaltlang a I thu puanchhuah ve min phalsak avang hian ka van lawm tak em, thiantha tak tak, a post tupa te ang,inhrelo mah ila min pek avang hian ka van lawm tak em, LALPA ka lawm e, ka chung ah hian i va han tha tak em, Halleluiah, Lalpa, ka lawm e”
“YHWH chuan awmpui che se la, i thiltihna ah YHWH malsawmna chu ni ang in lo eng zel rawh se”
Report this comment