Zofate hian ‘piangthar’ tih hi kan sawi zing em mai, i han bih chiang ve lawk teh ang u. “….mi tupawh tuiah leh thlarauvah an pian loh chuan Pathian ramah an lut thei lovang ” Joh 3:5 thu atang hian.
‘Mi tupawh’ tih awmzia kan hria e: Mi dum mi ngo, nausen atanga tar thlengin, a hmei a pa, mi fing mi a, mi ang lo leh piangsual thlengin a huam vek a, tuiah leh thlarauvah kan pian loh chuan Pathian ram lut lo tur chiang sa kan ni. Pathian rama luh ve kan duh si chuan kan pianna tur tui leh thlarau chu kan hriat chian a ngai. ‘Tuia piang’ tih hi engnge a awm zia chhui hmasa phawt ang. Sawifiah dan tlanglawn chi nga (5) te chu:
1) Mihringa kan lo piang chhuak ve (natural birth) hi ‘tuia piang’ chu a ni. ‘Tisa chuan tisa a hring’ (tisaa piang apiang tisa a ni – Lehlin hlui). Tisa tan thlarau fa hrin ngawt theih a ni lo. Isa 48.1- ‘come forth from the wellsprings of Judah’ (KJV) tih chu ‘Juda thlah i ni’ a tih a ni. (Juda tuite laka chhuak – Lehlin hlui)
2) ‘Baptisma sawina a ni’ tih ngaihdan a awm bawk a, mahse kalpui dan fuh tawk lo a awm thei. Tuia inhnim kher loh chuan Pathian ram lut thei lo tur emaw piangthar lo emawa kan ngai anih chuan rinna avanga khawngaihnaa chhandam kan nihna kha a kalh tlat a ni. Inhnim hrim hrim hi chu mihring thiltih mai a ni a, Pathian ram luh leh luh lohna kawk thei thil a ni lo. Isua bula misual khenbeh pawh khan baptisma chu a chan loh hmel viau a ni. ‘Chhandamna hi thiltih vang a ni lova, rinna avanga khawngaihnaa chhandam kan ni’. ( Eph 2.8, Joh 3.16,36)
3) ‘Tui’ chu Thlarau Thianghlim entirna a ni (symbol of Holy Spirit). ‘Tu pawh a tui a hal chuan ka hnenah lo kal sela in rawh se’ (Joh 7.38). Thlarau Thianghlim puihnain Pathian duhna leh tuihalna miin a nei tur a ni. Chuti ang mi chu ‘tuia piang’ chu a ni.
4) ‘Tui’ chu Pathian thu (word of God) a ni. ‘Kohhran chu thu leh tuia sil faia tithianghlim turin Krista chu amah a inpe a ni’. (Eph 5.26) Chuvangin he laia ‘tui’ hian Pathian thu a entir.
5) ‘Tuia piang’ tih chu inchhirna leh simna (repentance) a sawina a ni. Sual simna chuan Isua thihna tawmpui vena (baptism) a kawk tel a ni tih hretu tan chuan Baptistu Johana simna thuhril nen pawh tuia piang tih hi sawirem a nuam khawp a. Chuvang chuan sual vanga inchhira simna thinlung pu mi chu ‘tuia piang’ a ni tih ngaihdan pakhat a ni ve bawk.
Heng hrilhfiah dan chi nga zingah hian a eng ber hi nge pawm nuam i tih le ?
Point khatna ang khian kan thu i han kalpui zel dawn teh ang. Isuan ‘tuia piang’ tih chu hrilhfiah zuiin ‘tisain tisa a hring’ a ti a. Nu-in nau a hring thin. Mihringa lo piang chhuak ve lo tan chuan engti kawng maha Pathian ram beisei ngaihna a awm lova. Lo piang chhuak ve tawh hrim hrim tan chuan Pathian ram chu beisei theih a ni ta. Pathian rama lut tur erawh chuan chatuan nunna neih a ngai thung. Mihring te’n chatuan nunna chu kan hloh tawh a, nei leh tur chuan mihring tan tih rual a ni lo. ‘Keimah lovin nun in nei lo’ Isua’n a tit awl mai. Chuvangin thlarauva pian nawn / pianthar a ngai ta a ni. ‘I piang thar tur ka ti che hi mak ti suh’ a ti.
Johana ziak hmang zuiin thlarauva pian thu-ah hian sermon pate i thlak lawk teh ang. Thli khawiah nge a tleh dawn kan hre lo ang hian thlarauva pian chu mihringte tih ve lam ni lovin chunglam thil a ni. Chung lam thil hre turin tumah vanah an lawn ngai lo. Mihring fapa chu van atangin a lo chhuk a, thu chu tisa-ah a lo chang ta a ni.. Mosian thlalera rul a khai kan kha a en apiang an dam tih kan hria. Chuti ang chiah chuan Mihring fapa khawvel tana khai kana awm chu ‘tupawh a ring apiang an boral lohva chatuana nunna an neih zawk nan’ a ni kan thih aia a thih ni. Chu chu kan hriata kan rin chuan tuiah leh thlarauva piang chu kan ni reng tawh a, piangthar kan ni. Thil dang kawng dang a awm thei lova, sawifiah dan leh kan tehkhin thu hmante lo dang deuhvin, kan hriatfiah chinte inang kilh kelh lo mah se, a pangngai reng chhandamna chu kraws a ni. ‘Thlarauva pian’ han tih hian pian thlarau tir viau lam a ni lova, thlarauva kan pianna tur, kan rinna siamtu leh ti famkimtu Isua chu tisaah a rawn chang tawh zawk a ni. A tir lama ‘mi tupawh’ kan tih, khawvel mi zawng zawng, mi mawl ber thleng pawhin rinna avanga chhandam nih mai theihna ‘Kawng zau taka hawnin a awm’ ta zawk a ni.
Zosap missionary te’n kan pi leh pute hnena ‘Isua hi lo ring ve rawh u’ an tih kha chhandamna thu tling a ni a, ngaihtuahna mumal nei thei lo khawpa rualban lote hnena chhandamna thu kan hrilh thin hi chatuan nunna a ni. Mi thiam rual zinga thufing tak leh changkang tak hmanga chhandamna thu kan sawi pawh hi chatuana an nun theih nan a ni a, nuho leh mihlim bula no nghilh dupa kraws thu kan sawi hi chhandamna thu tho a ni a, dak nal nalh taka sawi leh chi buh deuh nuai chunga sawi pawh a tum chu a inang reng tho. Tichuan, a tawi zawngin tupawh Isua ring chu tuiah leh thlarauva piang kan lo ni a, chatuan nun neia tho leh tur kan ni ta a ni. ‘Tin, nikinniah chuan anni chu a kaitho vang’.
Tuiah leh thlarauva piang kan nih hnu chuan nunna kawng chu kan zawh tan ta a. Buh chi theh thu-ah leh, tiaudup leh lungpui chunga in satu tehkhin thu-ah khan ringtu nun kawng chu fiah takin a lang. Thu chu hriain lawm takin kan pawm a, Chu veleh hmelmapa Setana chu a che tan; hmanraw chi hrang hrang hmangin min bei thin. Kan kawngah hling leh buarte a chhuah a, hnim hling neiin min chhun a; thutak dawnsawnna tura kan thinlung lei tha hmun chu pialtlepah te, lei pan hmunahte a chantir a. Savate chuan kan nunna thutak chu chhuhsak tumin min hel reng bawk a. Ruah a lo sur a, tui a lo lian a, thlipui a lo tleh thin. ‘Vanram panin kan kal laiin chhumte a lo zing thin a’. Galili dila thlipui khan tuifawn nasa tak a siam a, lawngahte chuan tuifawn chu a lut hlup hlup a, mahse en tur dik, thlamuanna dik Isua entute chu an va nihlawh em! Keini pawhin Thlemna thlipui hau reh Theitu kan nei. Ringtute hi lawng ang mai kan nih changte a awm thin a, tuifawnin min len vel thin, chutih hunah chuan Hruaitu Hmar Arsi chu kan ngai thin a ni. ‘Thlipui lo hrangin kan velah, thlipui ruahpuia kan phen tur’ Lungpui chu tunge ? Isua a ni. Chuvangin thih thlenga rinawma awma nunna lallukhum chu chang turin Krista Lungpui nghetah chuan kan din reng loh zawngin hmun dang zawng chu tiaudup a ni si a.
Chhiartu duhtak, piangthar lova inngaiin sual kawng zawhin i lo tlan vel dah ang e. Mihringa i lo pian chhuah khan kaihruaitu i nei a, i banah an kai che a, kal an zirtir thin che a ni lawm ni? A changin i tlu a, a changin khumbetin i na a, accident tawkin i inhliam a, i piang leh ta lo tihna a ni lo. Thlarauva nun bul i tan lai khan i tlu thei a, kawng dangah i peng kawi thei bawk, thui tak i kal hnuah i in palthlu thei a, thlarauva pian that leh tur tih lam a ni lo. ‘Hneh theih loh nun ka nei’ titu chuan kum eng emaw zat a vei hnuah chuan ‘Bo hmang ka ni, aw ka Lalpa;Keimah mai chuan ka kal thiam lo’ tiin a testimony hla-in a puang chhuak hial asin! Lalpa chu nghak la, beisei rawh. Ani chuan a ngaidam nasa khawp dawn si che a. Tichuan mupui angin i chakna chu siam thar leh ang che.
Similar Posts:
- Kristian sakhua leh Mizo hnam sakhua danglamna
- Note pianghlim chu a hrisel chuan a tap ngei ngei tur a ni
- A ram leh a felna zawng hmasa la engkim a pe ang che.
- Thihna
- Thihna
July 8th, 2011 at 3:13 pm
Hetiang hian an mamawh
https://i55.tinypic.com/ljlfb.jpg
Report this comment
July 8th, 2011 at 3:15 pm
Aw, Isu tuinunglui i ni. he tui hi han in leh rawh natna veitu te zawng zawng dam na…
Report this comment
July 8th, 2011 at 3:33 pm
#2 hetui han hmang leh rawh. tih a nih kha ma le..
Tui sawifiahna 2-khi ka pawm zawng tak a ni..!
Report this comment
July 8th, 2011 at 3:40 pm
3 @ a nizawk tak ang a, ka camment lehlo ni mai rawh se. UPC viau dawn a maw ka tiat.
Report this comment
July 8th, 2011 at 3:43 pm
Post tha tak ani. Matthew 3:11, I indeed baptize you with water unto repentance: but he that cometh after me is mightier than I, whose shoes I am not worthy to bear: he shall baptize you with the Holy Ghost, and with fire:
13¶Then cometh Jesus from Galilee to Jordan unto John, to be baptized of him.
14But John forbad him, saying, I have need to be baptized of thee, and comest thou to me?
15And Jesus answering said unto him, Suffer it to be so now: for thus it becometh us to fulfil all drighteousness. Then he suffered him.
16And Jesus, when he was baptized, went up straightway out of the water: and, lo, the heavens were opened unto him, and he saw the Spirit of God descending like a dove, and lighting upon him:
17And lo a avoice from heaven, saying, This is my beloved Son, in whom I am well pleased.
Report this comment
July 8th, 2011 at 3:55 pm
#4. keipawh..lolll
Report this comment
July 8th, 2011 at 3:56 pm
#4
Report this comment
July 8th, 2011 at 4:22 pm
Tuia piang (born of water) = physical/natural birth. Tuia piang chu Repentance (point 5-na) chu ni theiin a lang lo deuh. Eden sual hi sim chi a ni lova.
Report this comment
July 8th, 2011 at 4:56 pm
Ngaihdante hi a tam a, nia, amaherawhchu Adama transgression avang nilo khan keima thiltih ngeiin judge ka la ni dawna, Pa hnen kan let leh duh anih chuan Lal Isuan example kan entawn tur a rawn set vek tawh hi kan zui ve angaia, chutih rualin Pathian thu chu changkhat chauh pawh keimaha a fiah dan kha keichu tizawng hian ka hriatfiah dan an rawn ti leh bawk a. Engpawh nise Pathian siam vek kan ni a, A fate chu min hmangaih em em vek anga, Chance te pawh vawi engzat nge min pek ang tih pawh kan hriat loh hi maw.
Report this comment
July 8th, 2011 at 4:56 pm
Haleluiah
Report this comment
July 8th, 2011 at 5:00 pm
A va tha ve.
Report this comment
July 8th, 2011 at 6:40 pm
Khitia soi vak2 ai chuan Penticost ni a chhandam nih duh, pianthar duh ho hnen a Peter-a thu sawi hi lo chhiar zawk ula fuh zawk awm tak.. Tirhkohte thiltih 2:30-39 te hi.
Report this comment
July 8th, 2011 at 8:32 pm
Mizoramah kohhran chi hrang 80 chuang a awm tawh a;Eng ber hi nge dik ber ang le? In lo ngaihtuah ve ngai em? Kan Pathian thu kalpui dan lah a dang nuaih mai si a..hei hi i hre reng ang u..”kei hi kawng leh Thutak leh Nunna ka ni…”ti tu hi…”keimaha kal lo chu tumah Pa hnen an thleng ngailo”….Vanram kal kan duh a nih phawt chuan(‘kohhran’ lam a ni love) zirtir kal hmasa te…Tirhkoh Paula, Petera, Johana..etc.te hniakhnung kan zui angai vek a ni….Isua vana a lâwn dâwn a a thuchah pawh hi kan thlauhthla thei dâwn em ni ? He post hi a tha tluantling lo deuh chuan ka hria…a kimlo va hril hi a pawi a sin.
Report this comment
July 8th, 2011 at 11:23 pm
Chandamna thuthlung atan Pathianin thil hote a hman hi, a ho leh lutuk a zawm a har a ni ange,ni e,Isua kan thuthlung thar chandamna tur min rawn pe a, a dam lai chuan chhandamtu a ni avangin athurochhiah in awmzia a la nei lo.vana a lawn hnuah chuan a thu kha a iaah pek kan zawm kha chhandamna a ni zawk,Engin buai in buai le Paula Isua damlaini tawng ve lo chuan baptisma a chang a ,a damlaini tawmpui tu Petera erawh chu a chan ve kan hre lo,amah erawh chu Peterate thusawi atang a piangtar reng reng chuan baptisma an chan loh kan hre lo, chu maibakah Bible ah hian nausen baptisma vawikhat kan hmu lo, baptisma changin thlawr ta lah hmuh tur an awm lo,’tui
ata ‘ tih vek ani Patian thu hi mahni remchang ang ang a kalpui chi a ni lo
Report this comment
July 9th, 2011 at 12:03 am
A ngaihnawm lutuk tlat. Tlemin theology zirna lam a ni bawk a, ka lo belh hlek..zoram Kohhran te hian serh leh sang atan baptisma kan nei ngei mai. mahse, a bikin baptist or Presbyterian hian baptisma ngau ngau hi chhandamna tiin kan sawi ka hre ngai lo. Entirnan kan hmang mai chauh a ni. heihi thuhran nise….
“Mosian thlalera rul a khai kan kha a en apiang an dam tih kan hria. Chuti ang chiah chuan Mihring fapa khawvel tana khai kana awm chu ‘tupawh a ring apiang an boral lohva chatuana nunna an neih zawk nan’ a ni kan thih aia a thih ni. Chu chu kan hriata kan rin chuan tuiah leh thlarauva piang chu kan ni reng tawh a, piangthar kan ni.”
heti anih chuan, o.k..ka ring ..Kohhran serh leh sang a ngai tawh lo i tihna em ni..? rin hi a tawk mai em ni..sawi awlsam lehlutuk pawh hian kawng dang a thelh thei tho lo maw..?
Report this comment
July 9th, 2011 at 12:45 am
Point 1-na khi tuia piang awmzia chu a ni e.
Report this comment
July 9th, 2011 at 1:07 am
Post tu pawm dan ani ka pawm, (Point 1 na)
Piangthar tawh te Nitin thlarauvah kan awm tur ani a, kan pianthar hian kan sual te kan kalsan vek in sawiselbo kan ni nghal thei ngawt lo. Tisa pu kan nih avang leh famkimlohna khawvel a leng kan nih avangin kan sual hlui ten min hip thin ang, chutih lai tak chuan kan tih theih loh leh kan chakna a kan ‘intihdam theih loh’ kha a ti theitu Isua hnenah thlen lova, mahni changna mai ringa kan lo bei anih chuan kan hneh dawn lo ani.
Chuvangin Drug/zu addict chuan a thinlung Isua hnena a hlan ni kha a pianthar ni ania, chu piangtharna chuan ngheina kawng a siam sak thin, a rin Krista chakna avangin.
Nghei phawt, fel phawt, sual te chingfel phawt, intidam phawt a pianthar kan lo tum anih chuan chutiang ni chu hmuh tik a awm dawn lo tih hriat tur.
Report this comment
July 13th, 2011 at 4:45 pm
in duh duh dan hian Bible thu hi lo hrilhfiah ve thin teh suh u.
Report this comment
July 13th, 2011 at 4:53 pm
18 rooney ka thlawp e, a ninawm bakah rinan a chaklo tak tak an awm a, an chhiar fuh ang tih a hlauhawm!
Report this comment
July 13th, 2011 at 10:15 pm
khobung ala ti deu deuh tih ang vel ni mo
… hahthlak teh e, ti ila, hahdamthlak angreng zok hle mai a, Piangthar kan ni reng toh nih cuan leh…Tirhkohte 10 thu a Kornelia hnena piantharna thu nen chuan a in hmulo angreng hle mai a…
Mihringa kan lo piang chhuak ve (natural birth) hi ‘tuia piang’ chu a nih ngai chuan Tirhkohte rongbolna bu (tirhkohte thiltih) a TUI A PIANG a tih te hi ‘a pentui hek thlak’ awm mange ka ti mai2 omze neilo an ziak teuh zu nia.
Baptisma sawina a ni tih hi ka pom a..hehe..tirhkoh Paula’n “rinna avanga khawngaihnaa chhandam in ni” a tih te (a hrilh a te) hi Baptisma (Tui leh Thlarau) chang toh zu ni vek a – (Tirhkohte 19:1-6)
Tui chu Thlarau Thianghlim entirna ni ngai se, TUI LEH THLARAU THIANGHLIM tih hi a tul awm lo mang e, leh a ‘pen tui a hek mai mai’ tin, ‘LEH’ tih poh hi awmze neilo aniang, a hma a soi zoh chiah hi ‘leh’ tiin an chhunzom ngailo hrim hrim.
Tui chu Pathian thu ni ta tehreng se, a chang lakchhuah berkher hi a fuh awmlo mange.. “‘Kohhran chu thu leh tuia sil faia tithianghlim turin Krista chu amah a inpe a ni’. (Eph 5.26) Chuvangin he laia ‘tui’ hian Pathian thu a entir.”” a chunga ka soi ang tho hi ni ‘Thu’ hi Pathian thu ni awm tak ania, “Kohhran chu Pathian thu leh Pathian thu a sil fai”?? ‘thu’ tih hi eng Thu tak ni ang mo?
Rinna avanga chhandam te hian an Tui leh Thlarau baptisma chu an chang zel chu a ni (rinna chu thiltih tello chuan thi ani tih ang khan)… thiltih (baptisma) nei silo in he chang kan lo la lawk ve viau ang tih hi thlih hlohom tak cu ni, Spinach bur ruak nena Popeye an Bluto beih a tum ang vel kan ni ang tih a hlohom tlat.. tin, thiltih th hi “Pathian ngaihsak, Pathian tih, mite hnenah thil tam tak a pe thin, Pathian hnenah pawh a tawngtai fo” tih na a nih ngai chuan soi tak ang in , Kornelia hian Baptisma a chang hauh lovang, Tirhkohte 10 thu ah hian Kornelia chu – Pathian ngaihsak mi a ni a, a chhungte zawng zawng nen Pathian an tih thin a, mite hnenah thil tam tak a pe thin a, Pathian hnenah pawh a tawngtai fo va” Pathianin a tongtai thinna te alo hria a, CHHANDAM A DUH TA chauh zok ani, “piantirh a piangthar (tui leh thlarauva piang”, “piangthar toh kan ni reng” tih lam a koklo hle ani. han chhiar thlak hian a chiang hle anih kha
Tirh 10:44 Tin, Peteran chung thu chu a sawi lai tak chuan thu hretute zawng zawng chungah chuan Thlarau Thianghlim a lo thleng ta a. 10:45 Tin, Serhtanho zinga ringtute Petera rawn zui apiang chuan Thlarau Thianghlim pek chu Jentailte chungah pawh leih a nih avangin mak an ti hle a; 10:46 tawng hriat lohtea thu sawiin Pathian fakin an hre si a. Tin, Peteran a bia a, 10:47 “Heng mite, keimahni anga Thlarau Thianghlim hmu ve hi baptisma an chan loh nan miin TUI hman an khap thei em ni?” a ti a. 10:48 Tichuan ISUA KRISTA HMINGA BAPTISMA CHAN tur thu a pe a. Chung zawhah chuan ni engzat emaw chamah an ngen a.
Report this comment