«
»

Thihna kut vawt

September 16th, 2011 4:00 pm by Tluanga Chawngthu

Thihna kut vawt thlur chuan chûl riai riaiin,
Thlànkhur thim lamah a nék salh salh a;
Damlai nun reng thlahlel tawhlo turin,
A pui apangte hnuk a chhah sak ta.

Damlaia thiltih rah a langchhuak e,
Dikna leh thatnaa hun hmangtu chu;
Ropuina ramah chuan a hruai kai e,
Chatuana chawimawina hmu turte chu.

Khawvel sual hliam hnu rauthla lengte chuan,
Chatuana hremna lamtluang chu an chhui;
Mei leh kât alh tawp lohna hmunah chuan,
Tap leh rùma lunglai chhirin an ngui.

Thihna kut vawt chuan tumah min hmaih lovang,
Duhthlang thei kan nih lai hian i muang lovang.

(Dt.25th August,.2003)

Similar Posts:

Recent Posts:

This entry was posted on Friday, September 16th, 2011 at 4:00 pm and is filed under Poetry. You can follow any responses to this entry through the RSS 2.0 feed. You can leave a response, or trackback from your own site.

11 Responses to “Thihna kut vawt”

  1. 1
    hnamte_25 Says:
    September 16th, 2011 at 4:02 pm

    tha ve khop mai hei,,,

    Report this comment

  2. 2
    ReMpY_ScisSoR Says:
    September 16th, 2011 at 4:12 pm

    post ngai chiah2 hi april, 10 ah a chhuak tawh anih hi. See similar posts

    Report this comment

  3. 3
    rohlupuia chalrang Says:
    September 16th, 2011 at 4:37 pm

    Dikna leh thatnaa hun hmangtu chu; Ropuina ramah chuan min hruai kai e.. [Fiamthu] (Y) :-D

    Report this comment

  4. 4
    lr hlonchhing Says:
    September 16th, 2011 at 5:21 pm

    ” Damlai nun reng thlahlel tawh lo turin” tih lai tak khi ka helh deuh va. La piangthar miah lova boralte, mihring pangngaiah lo tho lehin pianthar te pawh an duh mai thei asin. Lungngaihna leh khawvel hi chu ngai tawh kher lo mah se ka ti mai mai a.

    Report this comment

  5. 5
    lushai_er Says:
    September 16th, 2011 at 5:24 pm

    #2 : ROFL (Y)

    Report this comment

  6. 6
    funny Says:
    September 16th, 2011 at 5:28 pm

    A hnuaia similar post a comment zawng zawng hi copy patse chhin teh u a. :P comment a ti tam deuh ang. lolz

    Report this comment

  7. 7
    Fergie Says:
    September 16th, 2011 at 6:00 pm

    #4 ka rilru a awm chiah a ni. Damlai nun la thlahlel tak chunga thi ta hi an tam zawk mai thei a nia. Post-tu chu kei ai chuan i thiam zawk tho tho e.

    Report this comment

  8. 8
    LR_rengsi Says:
    September 16th, 2011 at 6:52 pm

    A tha takzet…ngaihtuahna ti thui thei tak ani… GUD POST.

    Report this comment

  9. 9
    lianchhiara Says:
    September 16th, 2011 at 7:02 pm

    A tha reng mai. Mahse Sapho sitail ngeia phuah hi changkang riauva kan hre tlat reng mai hi a hahthlak. Shakespearean Sonnet sitail la lo ta la, hei aia lungrun hian i chhuah thei ngei ang maw le!

    Report this comment

  10. 10
    Ngente007 Says:
    September 16th, 2011 at 8:14 pm

    tha khawp alawm le

    Report this comment

  11. 11
    mate ainawn Says:
    September 16th, 2011 at 8:24 pm

    “THIHNA” hi ka Hua…Tuar leh hi ka zuam thlawtlo..Chuvang chuan, ka hmangaihte hian min SUN ve tawh zawk se ka duh a ni..

    Report this comment

Leave a Reply

You must be logged in to post a comment.