Mizo te hi infiam ngaina leh infiam nuam ti tak hnam kan ni a. A khel ve thiam lo pawhin a en hi nuam kan ti viau zel tho mai a. Tun tum chu khawnge Left ho tarmit hawh sak in kan infiamna ngaihnat pahnih hi inbih chiang teh ang. Lo ei lo fal leh lo helh deuh kan awm ta nih pawhin in duh leh in rawn chhan ve mai dawn nia. A nawlpui anga han invaihma takah chuan a nikhua deuh thleng hian kan hrut tel ta thin a. In mi ngaihhnathiamna kan dil hmasa lawk bawk duh a ni.
F1 : Infiamna kawkalh (Paradox game)
F1 hi khawvela infiamna sum leh pai mamawh hnem ber pawl a ni hial awm e. Motor intlansiakna a nih vang hian sum leh tha a duh tam fal lo thei lo.
Petrol a hek in a ke thlak chhen a ngaih avang te, mihring hrim hrim in tam hneh a ngaih avang te, nawmchenna lama infiamnna (luxurious sport) rawng a kai deuh avangin he infiamna hian pawisa a mamawh hnem dan tur hi sawi in a siak love.
He infiamna hi han belchiang lawk ila, motor intlansiak a ni mai a. F1 hi a ho zawnga ngaihtuah chuan motor tlan chak deuh mai kha a ni mai a. Kawngpui pangai a chak deuha motor tlan chu kan haw ru fu a, kan an khum bawrh bawrh a, Mahse, a tlanna tur hmun a duh tawka an han tlan chak lai chu chiang takin hmulo mah ila, Vroom….. tiin rawn ving liam vut vut mahse, a enna boruak nen chuan thil hmuhnawm tak zawng a ni ve pakhat mahna le.
He infiamna hi mi lian infiamna, mi hausa leh nei nung te lawm chi a ni zawk mah a. He infiamna driver pangai tana tuipui ve ngawt chi a ni hauh lo. A hmun a entur chuan driver aiin driver ruai thei khawp leh driver dawng pha khawp a changkang leh hausa te en tur a ni leh tlat si.
An en ber, cheng sing chuang an senna kha driver ho inelna a ni si. Nimin mai khan Formula One, Grand Prix hi India-ah a vawikhatna a tan an tlan ve ta. India ram hmsawn zia tarlanna leh changkanna kawng khat nih avang hian a chhuanawm ve khawp mai….Mahse ka la ti talh duh.
Mizoram lam tang pawh hian he motor intlansiak hi en pawh kan awm ve nual ni awm tak a ni. Mahse, heti zawng hian kan ngaituah ta mai mai a. Heng motor kalh rawn entute hian driver nih an tum ngai lovang a. An tum lo mai nilo hian Delhi tleng thleng a, motor intlansiak en tur ringawt a lo kal te zingah hian an driver te ngaisang tak leh kawm ngeih tak an tam ang em tih te min ngaihtuah tir mai mai a.
He infiamna tuipui a, atchilh ho hi la tlangval deuh tak tak te, pavalaitak leh hawklak rual, driver te pawh zah taka bia aia vin mai ching rual te an ni zawk mah in ka ring tlat a. He motor intlansiak an en zawh hian an driver leh driver hrim hrim te hi ngaihsan taka ruangin an iai leh zual sauh lo ang tih pawh ka sawi thei lo.
Mizo te hi changkang sa teh mah ila, F1 tuipui tur khawp a hawi zau leh hausa hi kan la tam em em lo. Thla khat hlawh lak loh a buai thin te hian nawmchenna sport hi kan han en ve chak tlat mai a. An advertisement pakhat man pawh thla khat a hlawh lo te hian a a mi lian sum pek belh zawnga kan mawng a za tlat mai te hi chu ngaituah a ti thui hle a ni. Sawi tawh angin F1 hi nawmchenna thil pakhat a ni kan tih tawh kha.
Vai ho zinga hian an neih chuang liam a tang en an nih deuh fur ka ring a, keini Mizoramah hian mi nawmchena hi neih thinglung khawng hian, insawi theih nan mai mai hian kan lo zuk en ve ngawt ang em le? Mi tih ang lo tih rim duhna, mi hmuh lo hmuh ve hrim hrim duhna vang hian rim taka kan thawh chhuah hi kan lo paih ral mai mai ang em le….a a thawk chhuak tu te thu a ni e, sawi thui lo mai ang aw.
Basketball : Khawtlang ram ngaihsanna infiamna (Westernization game)
He infiamna hi ka hre tam lova, US lamah a lar hle tih erawh ka hria. US-ah a market a that em vangin infiamna changkanga hriatna kan nei tlat. NBA lam khelh hun hi a hma deuh avangin he infiamna ngaina Mizo thlai, zing mu rei thin pawhin an thawhhma phah fo ta ve ang. A infiamna hi a changkang ni a kan hriat avang hian inti changkang deuh lo tan khel chi a ni lo va, kawt zawl zau deuh a ban pakhata net khaia khelh mai thei mah nise kawt zawl nei satliah mai mai tan khelh ve ngawt chi a ni lo.
A khel hrim hrim hi thil har a ni hran lo. Mahse, a infiamna khel tur hian ken tel a ngah em avang hian Mizo pangai tan chuan khelh a chak awm vak lo. Kekawrbul pangai leh pheikhawk pangai nen khel chi niin an hriat loh avang hian a nawlpui in an khel ve mang lova.
Pheikhawk pawh Burma brand leh China chhuak eng brand brand aiin company lar pheikhawk man tam tak nen lo chuan local tournament ah pawh khel duh an awm mang bar lo ang. T-shirt pante nen a khel mai mai ai chuan T shirt ban bul emaw nalh ve deuh nena khel zel tur emaw an tih avang sum leh pai a hek lo thei lo. Tin, music pawh Coutry lam aiin R& B atang Rap lam i ngaina zawka nih loh chuan khel khel ve duh suh, hrehawm i ti zawk ang.
A infiamna hi Westernization game – dik a dawk pawh thlu lova changkanna ringawt umna infiamna a ni ti ila thinrim fe fe kan tam mai thei a ni. Mahse, Basketball ngaisang tur chuan saptawng tlem thiam a ngai a, a chhan chu changkanna hi saptawngah awm in kan hre tlat a.
Slang word i thiam phei chuan bonus a ni mai. Infiamna i thei a, i in fit hle a nih pawhin he game a tui tur hi chuan changkang ve duh a ngaih a vang hian a star lar tak ni tur chuan veng chhunga mi enge maw deuh te i kawm a, an zinga i tal ve ngei zawng a ngai ngei ang le.
Basketball khel thin te hi an Mizo lo ti ila thinrim fe fe kan tam dan tur hi sawi in siak love. Mahse, he infiamna khel thin, tui pui tak zingah hian thlan lai leh mitthi lumen naah hian tel fo, Mizo tlawngaihna lan tira tul huna phe vat vat an tam lo khawp ang. Biak in lam a regular taka inkhawm thin phei chu an tam ka ring lo. An lo tel ve fo thin a ni ngat chuan ‘Basketball star da leh tawh’ an ni ngei ka ring tlat. A tam zawk phei chu vai ramah kum 2 emaw kum 3 emaw tal emaw lo awm tawh an nih loh pawhin an venga enge maw deuh chin an nih loh nakah.
A infiamna hi keini Mizo te hian kan infiamna a ni hloh lo ti ila, mit pawng zawr zawr a min hnial peih in tam khawp ang. India ram aiawha khelte hming pawh in lam chhuak chul ang a, mahse, mi bik pahnih khat bak chu kutzung chala thliah tham, India ram aiawh tawh sawi tur an nei kher lo ang. Mizo te chawhruala feet nga leh a chanve vel awrh te tan hi chuan talent danglam tak kan dawnga nih loh chuan khuavel hi kan denchhuah har hmel ka ti…
India ram khawpui pakhat a Mizo he infiamna ngaisangtute an sawi danah chuan an tlawmngai vak lova, Mizo thil tihnaah na tel tha duh vak lo an ti. Basketball khel thin te hian Mizo tlawmngaihna lan chhuahr tir hunah an tel ve ngai lova, thisen pek ah an hmel kan hmu ngai lova, zirlai pawl thil tihah tel an tum lova, Mizo hrim hrim an pawh hek lo an ti…
Mahse, he infiamna khel huna awm chuan an lo kal an khel mai a, a then te phei chu an khel zova mi dang inkhel pawh nghak lova haw mai tum tawk te an bo loh avangin Mizo infiamna leh intihhlimna neih hun lai phei Mizo thil tih puia tel pawh tum lo Mizo pawh bawk silo te tana Mizo intihhlim huna an hlimna lo siam hi kan ba emaw ni tiin ban an tum that that hman hial a ni. Enge sawi tur in neih ve le……….
Similar Posts:
- Thamna hrim hrim
- “Delhi Resident Commissioner in Mizo min hmusit”
- Vai lung thlan
- Hmasawn
- Mizo Chawhmeh Tenawm Ka Tih
November 2nd, 2011 at 12:03 pm
duhtawk love a lushai_er pawhin F1 chungchang ala rawn sawi dawn chauh alawm le.
Report this comment
November 2nd, 2011 at 2:08 pm
@Chhinga: Enge i rilru chu a hriat khop mai ta a na. Hmeichhia nge mipa i nih poh kei phei chuan ka hre lova, tunge i nih poh ka hre lo.
Hetianga chhan nei a midang i tih vak2 hian i thohpui te maw, i thurual pui te emaw i chhungte/thiante/i bialnu/
bialpa te i ti hming chhia tih hre roh.
Keimah min lo tih chhan a nih phei chuan ka nun a in rolh thei turin ka thian i ni lova, ka chhungte poh i nih ka ring lova, ka bialnu i nih poh ka hre lo
(nei awm zia zanga bialnu te kan soi ve chu a 
). Basket ball i soichhiat a i tih vak avang khan ka khelh loh phah in lo ring lo mai ta che………..
Report this comment
November 2nd, 2011 at 2:16 pm
@malsta badminton thatzia rawn ziahsak vak mai teh
Report this comment
November 2nd, 2011 at 2:20 pm
Duh duh ziah theih alawm….Opinion neih theih alawm…last time i checked. HTFU in duh loh zawng a sawi anih pawn.
Report this comment
November 2nd, 2011 at 2:39 pm
malsta27: Gentleman takin debate ula mawle. Rinthua min lo countertute nungchang niawm sawi chhuah zawk zawk hi debate tha tak a ni ngai lem lo. Basketball sawi chhia ni lovin rilru put hmang dik lo a ngaimawh a nih ber hi. Tin, a ngaih dan a sawi a ni. Chutia in chal tauh vak tur chi ni paw’n ka hre law….
On a light note: Basket ball inkhel ve thin tak tak a, tin in rilru put hmang leh nunphung a dik a nih chuan a pot tu tan pawh a lawmawm zawk daih ang chu. Hma sawn nan tiin mi in a vei zawng a lo sawi a, thlawp tak aruanga lo chuk luai luai thin hi a fuh lo deuh thin lo maw?
Report this comment
November 2nd, 2011 at 2:45 pm
@Ignatia#155: A basket ball ngor2 lam poh a nilo a thil tum a hi…………Thil tha ni om ang tak, midang khei ran leh an in ngaihbel theih tur a a ron dah a nih zok hi mole…………I hre thiam ngam nih chuan i hre thiam khop ang nang pawn,
Report this comment
November 2nd, 2011 at 2:49 pm
Pu Sandman-a meuh pawhin inti changkang tih chu a duhlo hleee aniang a coment sei eeemai.
Report this comment
November 2nd, 2011 at 2:52 pm
malsta27: He thusawi hi i hre ngai em?
‘We do not see people as they are, but as we are’ tih hi. This is true specially in this virtual world!
I la ulh lutuk a nih kha. Sandie paw’n tha lutuk a lo counter a chhanlet pawh a chhan leh hran loh khi mawle. Kan game duh ber pawh an sawi chhe fo alawm…..
Report this comment
November 2nd, 2011 at 3:00 pm
Comment vel ka lo chhiar hlawm miah lo a, Post tu thlir dan hi a zim mah mah a nih hi
I post na chhan rilru nen hian ka lo experience tawh atangin kan sawi mai mai ange:
1996 khan ka khel ve tan a, phai ah ka awm ngailo hrim hrim kan rethei bawk. A khel thang te rilru pawh ka hre ve thawkhat viau in ka hria. Basket ball ngaina tute hi mi chihnih an awm in ka hria
Sandman ai khian kum 1 in ka lo uar har hret a nih khi
1) Entertainment a hmang tute: Hei hi alo chhuah chhan chu a khel zinga player tam ber te hi Negro an nih avangin Negro ho in a uar em em Hip-Hop lam ngaina tute chuan an hnampui te game khelh uar ber chu an hla sak leh an chetvel hmangin an lo chawi vawng ve a, chu chuan Hip-Hop leh rap ngaina tute a influence a, a game thiam miahlo pawhin an HipHop leh Rap ngainatna avangin he game hi an ngaina ve ringawt. Mahse a game khelh ah an tui tak tak lo. Heng incheina leh inlak changkanna i rawn sawi zawng zawng te hi a game hrinchhuah nilo in a chawivawng tu Rap ngaina te vang a ni.
2) Real Player: Hip-Hop leh rap an ngaina kher lo, chung zingah chuan keipawh ka tel. A game hi rule ngaih em em mai a ni a(football aiin a tam daih zawk) rilru sen a ngaiin a hahthlak em em a. Incheina leh kits tih vel hi real player tak tak tan chuan lungkham lian ber ah an neih ka ringlo. Tlawmngaihna nen i rawn sawi zawm phei khi chu heng ho hian an pawmlo teh ang chu…no. 1 ami te zawk khi annih ka ring. Tin, zirlai lama hnufual tehnan te i hmanga India rama institution tha tak tak ah pawh hian lehkhathiam tak khel an tam teh a sin.
Ka sawi thui dawn tlat. I generalize na hi a zim ka ti khawp mai….a real player lo zawk te hmangin, entertainment hmanga rawn chawilar tute atang khian a game i rawn scrutinize ni in ka hria.
Report this comment
November 2nd, 2011 at 3:00 pm
@Ignatia#158: A dik a lawm, A game an sawi chhia chu engpon lo ti se ka haw lem lo………..a intention a hi a lawm le tha lo ka tih a, kan tih deuh na chhan a chu…….
Report this comment
November 2nd, 2011 at 3:00 pm
Ehe in lo va la hot luih luih ve,in chhawl a hal tawh hlawm ang a ,kha u
Report this comment
November 2nd, 2011 at 3:05 pm
its gettin’ hot in hea….
..basketball hi hmuhnawm ka ti… 
Report this comment
November 2nd, 2011 at 3:12 pm
Tin, post hian argument defend tluan parh tum hi a dik kher lo vang. Chutiang bawkin post kal lai meka mi nena thu in chuh lai chak zawk nih tum hi a ni ber lo bawk. Chu ai chuan eng chen nge impact a neih tih lam hi a ni. Propagation lam hi a pawimawh em! Misual site hi DEBATE PLATFORM ang deuh a nia, Pathian thu sawi pawh harsa tak a ni. Tumah hi kan in hneh(convince) mai mai dawn lo. Chuvang chuan kan inhnial fo pawh hi a awm. Mahse fimkhur erawh a tul chang a awmin ka hria.
Report this comment
November 2nd, 2011 at 3:24 pm
A game lo chhuahna pawh hi zirna in atang a ni. Ka hriatsual loh chuan Spingfield College (Massachusetts) niin ka hria. Kum 1891 ah Dr. James Naismith, physical education professor ho a an chin chhuah a ni. A rule tam tak pawh hi he Professor pa siam hi a ni nghe nghe.
Tun ang laia Negro ho in an uar tak em avanga Hip-Hop leh rap te nen a intih changkannana hman hi chu a game rilru in a keng tel tampui lovang. Mizo ho hi kan sahawka chu lam chu kan sukthlek nasat vang zawk mai mai a ni.
Report this comment
November 2nd, 2011 at 3:27 pm
Report this comment
November 2nd, 2011 at 3:32 pm
@ignatia163#: Win leh lose lampang chu rilru ah a awm lem lo, a nihna a zawk kha hrilhfiah kan tum mai zawk a ni e…………hehehe NOI.
.
han hrilhfiah dawn in an lo chapo ve leh thin bawk si hi lawm le……..lolzzzzzz
Report this comment
November 2nd, 2011 at 3:36 pm
Tin, Basketball hi a tir chuan College Basketball/High School Basketball tih a ni thin (college leh zirna in ah deuh chauh a tournament hi a awm thin avangin). 1920 vel bawr ah chauh a ni Professional game ah an seng luh ni.
Report this comment
November 2nd, 2011 at 3:42 pm
mawiah hmana a post ah pawh vaivawm fak pahin football a rawn kheng tel tawh ania. A vaivawm hi khen sak ve ru.
Hot phah deuh angem aw
Report this comment
November 2nd, 2011 at 3:54 pm
Han sawi ve tawh teh u
Report this comment
November 2nd, 2011 at 3:56 pm
malsta27: Kan lo inrawlh leh lawk. Lei anchhedawngah hian Psychologist leh mi chikmi te’n an hmuh dan chuan mihring nunphung rilru puthmang – rinawm, fel, taimak, rilru tha/ thianghlim, dawhthei, chimawm, ngeiawm, CHAPO, induh, hmusit, itsik, ldt., hi sawi chhuak tam apiangte leh mi nia ngai tlatte hi an ni duh zawk fe an ni a sin.
A dik ka ring chawk bawk. Chumi awmzia chu miin a thiannu kha mi hmusit thin tlat anga a ngaih chuan amah khan mi hmusit a ching thin zawk tihna. Chutiang zelin mi in ITSIK tlat ang che a i ngaih chuan mi itsik thin i ni tihna a nih chu. Mi i hmu CHAPO a nih chuan nangmah lam kha a ni zawk mah tihna a ni.
Be like a flower malsta27, beautiful but not aware of it.
Report this comment
November 2nd, 2011 at 4:01 pm
168. Funny, a ka kua nazawngin a game ngainat ve ngawih ngawih “VAIVAWM” tiin an sel a, zaidam thin a thawk ve tawh anih hi. Rahul Dravid anga cool taka a tan khawng tlat theih chuan “Double Century” pawh a vuak chhuah theih lohna chhan tur a awm lo reng reng. Come on, tang fan fan!!
Report this comment
November 2nd, 2011 at 4:05 pm
Kan ti hot ange
Post tu hian a rule vel pawh engmah i hriat ka ring miah lo a. Academician hmuhchhuah a ni a, a interesting in changkang pawh a changkang reng a ni. Tin, Professor ho a chinchhuah leh zirna in hi a rawn chhuahna anihna hrim hrim avang pawh hian zirlai te chuan infiamna bik ah kan inti ta tu in zirna in ah chuan kan dah zel zawk tur ah ka lo ngaia. I lo thuai ler mah mah a nih kha.
@PKfanai hian funny comment a chhiar chianglo nimaw
Report this comment