Archive for November, 2011

Mizoram Agriculture

Monday, November 28th, 2011

Rual hluite thu khawchang  – Dr.Zokhuma Vety

Kan Zoram thang zelah chuan Kum 1952 vel kha thil danglam tan tirhna a ni a. 1972-a U.T kan nih atangin engkim a thang chak ta phut a, Kum 1986-a State puitling kan nih chinah pawh kum telin Central pawisa kan hmuh a pung a, hma lam kan pan zelah ngai ila. Sawrkar Department anga lo awm hmasa pawl leh a lian ber pakhatah Agriculture Deptt. chu a tang chho zel a ni.

Thawktute lo pung zelin thiamna peng hrang hrangah pawh kan lo phuisui sawt hle a. Thangtharte tan kan Zoram tunhma dinhmun te chhui let thiam ngaihna a awm loh avangin kawng engkima thahnem ngaih a tul zia leh hunk al liam tawh atanga thil chhut thiamna te anih beiseiin – “Rualhluite thukhawchang” han tarlan ka duh ani ber mai a. Ka hriat theih an gang han tarlan kan tum anga, a dik lo lai leh a hrechiang zawk te chona ni nghal bawk se.

Kan hmanlai nun leh pipute tih phung hi chu a awm ve vek a. KHawvel eng kan dai chin kan sawi dawn apiangin “Sap ho” min rawn awp chin hi a lang thin a. Chuvangin Agriculture lam hawi reng rengah pawh kan Bawrhsap hmasa te ho kha an lang hlawm a. Capt. T.H.Lewin te, Maj. John Shakespeare, H.W.G. Cole leh Col. Loch ang te.

(more…)

Posted in Copy Paste, Mizoram | 27 Comments »

Puitling ka nih theih nan

Monday, November 28th, 2011

Min zirtir suh ang che,
Thawhrimna ngai lo hausakna;
Min zirtir zawk ang che,
Thawhrimna rah thlum zia chu.

Min hrilh suh la,
Hmangaihna tel lo leplerna;
Min hrilh zawk ang che,
Hmangaihna tak tak hlut zia chu.

(more…)

Posted in Poetry | 25 Comments »

Tunlai news lar – FDI Policy

Monday, November 28th, 2011

Retail Sector a FDI – Foreign Direct Investment Policy chungchang hi Parliament lamah an khel nasa em em a. Opposition mai nilo, UPA allies te ngei pawn he policy hi an dem zia an ti lang a ni. Vawiin Lok Sabha leh Rajya Sabha session pawh an inhnial nasat lutuk avangin naktuk a tan an adjourn phah bawk.

Engtin nge he policy hian retail sector leh kan economy a tih danglam ang? He FDI policy sawi dan chuan khua (city) 1 million population ai a tam awmna ah chuan multi brand retail outlets ah 51% FDI a phal mai bakah single brand outlet ah 100% FDI a phal dawn a ni. Hemi awmzia chu khawvel a retail outlets lian ber ho Walmart, Carrefour, Tesco leh company dang lian tak tak tamtak te hi India ramah awlsam deuhvin an rawn lut thei dawn a ni.

He cabinet decision hre duh tan he slideshare hi han en thuak ru:

Cabinet decision on FDI In Retail

 

(more…)

Posted in Economics, News | 94 Comments »

Ka mut a chhuak!

Monday, November 28th, 2011

Ka mut a chhuak thei lo emaw ka tih pawhin a tawpah mutchhuakin a zui tho tho thîn.

*Thawnthubu leh thu ho mai mai ka chhiarin ka harh kar a, zirlaibu leh Pathian thu ka chhiar chuan – Ka mut a chhuak!

*Ka duhtak ka biak chuan ka mut a chhuak thei der lo mai a, Pathian thu ka hriat erawh chuan – Ka mut a chhuak!

*Film hmuhnawm tak tak leh insual bur burte ka en hian ka meng thei fu a, Pathian thusawi leh inkhawm lai ka en chuan – Ka mut a chhuak!

(more…)

Posted in Advice | 54 Comments »

BioPiracy leh a kaihhnawihte

Monday, November 28th, 2011

          Biopiracy chu ram leilung faten a chhehvel nungcha leh thlai chungchang hriatna, an pipu te atanga an rochun, a ram leilung fate tana hlawkna tel si lo va sumdawnna atana mimal leh ram changkang leh hausa zawk te’n an hmansak/ruksak hi a ni. Tin, nungcha leh thlai hmanga sumdawnna hi Biopiracy nena inthlun zawm tlat a nih avangin thil thuhmun, sawihran theih loh a ni hial awm e.

          Hmelma hriatchian loh hi do an har thin. Helna (Terrorism) hi ram changkangte (developed countries) hmelma hnawksak ber angin an sawi thin. Ram thang mek (developing countries) tan chuan Biopiracy leh a kaihhnawih te hi hmelma hnawksak leh do har ber a ni hial ta ve ang.

Heng ram chi hnih daidantu lian ber chu an thilsiamna (Industry) hi a ni awm e. Heng industry zingah hian Agro-Based (thlai lam kaihhnawih) Industry leh Pharmaceutical (Damdawi lam) Industry te hi langsar vut lo mahse, engtiklai mahin an te tak tak ngai lo.

(more…)

Posted in Information | 31 Comments »

Vawiin leh tun

Monday, November 28th, 2011

Ka ṭhian pakhat chuan “Nimin kha chanchin a ni tawh a, naktuk erawh chu thil inthup a ni a, vawiin hi thilpek a ni,” tiin hmanah a lo sawi tawh a, he thu hi hnial rual lovin thudik a ni awm e.

Mi tam tak chu nimin leh hun kalta a kan hun hman dan avangin kan inchhir a, siamṭhat leh theih kan duha, kan hman tur leh tur loh pawh kan hriat loh ‘naktuk’ avangin kan buai bawk a; a pawimawh ber vawiin leh tun hun erawh kan ngaihthah tlat lawi si a.

Vawiin leh tun kan hman dan hian inchhirna min thlen thei a, naktuk atan hlimna min thlentu a ni thei bawk a; chuvangin, vawiin leh tun hun hi ṭha thei ang berin hmang ila, nimin leh naktukin min tibuai lo vang.

Hman avangin tun hun hi lo awm a ni si chuan, tun hunah zel hian awmin, tunah zel hian thil ṭha ti ila, naktukin naktuk a nei zel ang hian tun hian hman a nei zel si a. Chuvangin hmana kan inchhir loh nan tunah thil ṭha i ti zel ang u.

Posted in Advice | 33 Comments »

A ngaihna reng ka hre lo mai

Monday, November 28th, 2011

Vawiin ka Mail ka han hawng chu Message mak danglam tak ka hmu teh nawlh a. Africa a Bank lian tak pakhat a Auditor pakhat (hming thup rih) chuan an Bank a sum tam tham tak dah Chhungkaw pakhat chu thlawhtheihnaah an chesual a, an thi vek mai a.(a link pawh a rawn dah), an bank account Dollar Million 12 zet mai chu khawih chet ngaihna awm lovin a awm ta ringawt mai a, ka bank account a rawn dah min rawn dilna ka hmu teh nawlh a.

Ka Bank Account pakhat pawisa pawh tihtham awm lo hi ka kawhhmuh chhin dawn aeawni chu aw? ka ti deuh a, Mahse tunlaiah inbumna a tam si a, Tin, tul lova Criminal case awrh nawlh theih anih ka hlau deuh bawk si a, in ngaihdan ka han rawn che u a ni. Chaw tak khuka khuk pui chi loh nge? thil awmzia hriat chian nan pawisa minimum dah a, hrilh mai tur nge ni ang? Thurawn min han pe teh u le.

Posted in Advice, Ask | Help | Suggest | 62 Comments »

Ka Hun Tawp Ta Se..

Sunday, November 27th, 2011

A khuhhawnna

He khawvelah hian kum tam ka la cham lova,lei mihringte chhiardanah chuan kum tam la cham theitur anga ngaih ka ni. Mahse, he lei mihringte ngaihdan chu lei chhanna a nih ve ngailoh avangin thil kan hre lawk theilo. Chuvangin he hringnunah hian ‘mahse’ hi a rawn thleng thei tlat mai..

Kaihthawh theihloh zingah chuan…

Engtik zingah emaw chuan khawfing chu a ngaitein a lo chat leh anga, chu khawfing lo chat chu lawmin nungchaten thawm an chhuah anga. Chhun lamah engtiangin nge an chunga thuneitu mihringten an sawsak anga, damin zan hun an thleng leh angem tih pawh ngaihtuah lovin; an tihmakmawh leh an tihtur hlenchhuakin Siamtu fak zai an rel leh anga. Tukdanga tho nalh thin kha ka tho duh tawh tlat lo ang.

Chutah, chhiara arpa ngei mai khan thiam takin zai a rawn sa leh anga, ral lehlam arpain a rawn zawm anga, hlimtakin an zai ta.. Mahse, an hriatthiam theihloh turin ka tho duh leh tlat lovang. Dang thler dawn dawn khawpin rawl chhuah mah se..ka ngeng lui tlat dawn si a.
(more…)

Posted in Luangliam | 17 Comments »

Kut min thlak leh ta

Sunday, November 27th, 2011

                          Nimin November 26  tlai dar 5 vel khan Lunglei Tlabung Peng Bazar an tih maiah Lalpawlliana Burma mi, awmna hmun nghet nei lo chuan Lalrotlinga seat chuh buai luiin a nghawngah a sat a. A bula lo awm ve Rotlinga nupui pawh a hliam nual. Zu an rui bawk. Lalrotlinga U interview-na ka thlir zo chiah a, rilru a na duh vawng vawng hle mai. Burma mi kut hi na tawk takin vawi 2 kan tuar tawh a, tuna Lalrotlinga hi kan nute laina hnai tak bawk a ni.

                          Tunah hian Lalrotlinga hi Lunglei Civil Hospitalah a awm mek a, a thi chhuak an la ti reh hlei thei lova, a la biak theih loh bawk. Ti em em mai a kan khawchhak lam unau kan tih thinte’n thihna khawp hiala kut min thlak an awlsam mai hi eng nge a chhan ni ang aw?  Engmah an pawisa lo a nih hi maw le!  An thlavang hauh ngar ngar thin tute khan a mawh in phur ngam em? Ka rilru hi a va na tak em!

Posted in Information | 89 Comments »

Rolling Stone kam chhuak!

Sunday, November 27th, 2011

Music ngaina mi chuan Rolling Stone magazine kan hre theuh turah ka ngai chawt! Tuna Rolling Stone magazine chhuak thar ber chuan tingtang awm tirh atanga khawvel a perh thiam ber (100 Greatest Guitarist of All Time) a thlang tiap mai. A thlang tih CNN lamin an puan chuan ka rilru leh mithlaah mi pakhat hming leh hmel alo lang nghal a. Ka rin ang ngeiin Seattle, Washington tlangval Jimi Hendrix ngei mai chu alo ni a.

Jimi Hendrix hi November 27, 1942 khan Seattle, Washington state ah a piang a. A pian tirh a a hming chu Johnny Allen Hendrix niin, a hnuah James Marshall “Jimi” Hendrix tiin a thlak ta a ni. A pi kha Native American (Red Indian) Cherokee dik tak (pawlh dal loh) a nihna chu a chanchin sawi hian a lang ngun hle thin.

(more…)

Posted in Information, Music and lyrics, News, Opinion | 49 Comments »

« Older Entries
Newer Entries »