Kum 5 pumhlum teh meuh mai (keini ang tan chuan ‘teh meuh’ a tling tlat) mi rama han tal kual ta chu hunpui a lo thlen dawn hi chuan chhungte leh thiante leh mahni ram ngaih ana in haw hlan hi ka nghakhlel ve thei thin hle a. Mahni inchhungkhur ka chhuahsanna Mizoram chhung chhut tel phei chuan kum sarih lai ani ve ta.
Chuvang chuan he hunpui, kan Lal pian cham a lo thlen dawn hi chuan chhungte pawhin min lo beisei thin ve hle bawk a, amaherawhchu mahni hna lam tul avang leh thil dang dang vangin haw tak loh chang pawh ka nei ve ta zeuh zeuh mai.
Chuti anih avang chuan ka nu in, “Tun tum I rawn haw thei leh dawn lo anih chuan, I pa nen, I nau nen kan rawn hmanpui ang che a”, a ti ta tlat mai le. Haw ngei ngei a ngai ta. Inthlahrung deuh chungin ka thawhpui te leh kan pu te chu ka han be rawn ta a, leave ka khawl nual tho avangin thil theih loh turah ka ngai lova, anni pawh chuan an lo phal khawp mai.
Ka inthlahrung ka han tihna chhan hi midang te chu ni hnih thum lek lek thangin inah an va haw zawk a, an lo let leh mai thin a, keia haw ve tur erawh hi chu kal chhung nen cham chhung nen, let leh chhung nen hian ni hi a liam hman teuh thin a.
Tunah erawh chuan ka hnai ve ta deuh bawka tiin thlawhna ticket lam ka han en ve ta a, khai khai khai ! Dec 24 thleng Cheng 7,6**/-(a tlawm ber, a figure ka chiang chiah lo) vel a lo ni fur mai, Dec 25 atang a hnu lamah chuan cheng 2530/- (a tlawm ber) ah a tla hniam leh ta dawrh mai a.
Engtin nge ka tih tak ang ka ti a, Krismas hmang tura haw ve lem a niah emaw ruaitheh nia han haw em chu ka ti deuh bawk si, mahse a chuan man a let thum aia tam maha a into hleih avang chuan pawilo, kumthar ka hmang tlang mai ang tiin ka rilru ka siam fel ta a.
Engpawh nise, ka ngaihtuahna a thil lo thleng daih chu “kan Airline company ho hi an va phakar em !” tih hi a ni daih a, ka rilru ah te te chuan email emaw eng emaw ka thawn anga ka vui vak nang chuan ka ti rilru bawk. Ka ti lovang tih pawh ka la sawi thei rih lo.
Diwali, dussehra (Hindu ho hunpui) ah te hian a to phah pawh ka lo hre ngai si lova (ka hre sual em aw?), engatinge Kristian te hunpui abikin Mizoram thlawk hoah (Destination dang ani ve em ka hre lo) a to em em mai bik thin le tih te ka ngaihtuah a, ka thin te pawh a rim deuh roh. Ka tui lo zo vek, mahse haw thovang, tih theih dang nei nghal suh i.
Note:Ka rawn ziak dul na a, he post ka rawn ziah chhan tak zawk chu a para tawp ber leh a dawttu te khi an ni e.
Similar Posts:
- In hmangaih tawn ang u
- Zu leh Zoram khawvel
- Corruption runpui a thleng e.!!!
- A va’n zahthlak em (chhunzawmna)
- Nokia 6070 restriction code
December 7th, 2011 at 6:41 pm
Tlat mai a.
tren tren
Report this comment
December 7th, 2011 at 6:42 pm
E khai i va awhawm ve hlim leh lawm tak in i chhungte leh thenrual tha te nen hlim leh lawm tak a in inhmuhkhawm theih nan duhsakna ka hlan a che.
Keipawh sumneihloh leh hnatul bawk nen kum 5 ka haw tawhlo.
Report this comment
December 7th, 2011 at 6:52 pm
Ani ngot asin, keipoh book ve ka tuma…lo to toh lutuka Imphal ah ka kal daih mai dawn.
Kolkata to Aizawl sing chuang ani veka toha, Kolkata to Imphal erawh 4500
ala nia. Imphal ka kal anga chhungte an tam tho boka(lo om toh na te ni bawk nene) muangchhang in
Kumthar dawn ah Aizawl lam ka pan mai ang ka ti ta a… kar 3 leave ka neia
a zau thei ang ber in zinkual ila ni mai…mai sala hehe
Report this comment
December 7th, 2011 at 7:07 pm
@ltvangchhia, i ti lawmawm hle mai. Ka phur rual rual in ka phur dan a nep deuh. Nangpawh i haw thei lo nanga, hlim tak leh nuam taka i hman theihnan duhsakna ka hlan let ve a che.
Dik tak chuan Mizo tumah awm ve lohna hmun leh Krismas hlutzia a mik a mak hre ve miah lo te bula awm char char hi chuan, a hun a lo thleng a, eng teh ual ni turin ngai lo mah ila, rilru chu a kal thui ve vang vang thin a nia. Tin, thlen hunah eng teh ual ni lo mah se, chhung leh khat inhmuhkhawm ringawt pawh a hlu ve hrim hrim.
@3POD, a hma zawnga passenger hmu tam lutuk lo kha an hmuh tam hun veleh an ti to hmak hi chu hriatthiam har ka ti ve deuh. Thlawhna indaih lo tham turin mizo zin veivak te hi kan lo tam ve teh reng emaw ni? Ka ring si lo.
Report this comment
December 7th, 2011 at 7:25 pm
Ekhai! Mizoram i hmuh lohna a rei lutuk tawh. Ticket man to tih mai mai, i rawn haw loh rei tawh dan nen a inhen tawk, i dam a i hna atanga i chawl theih anih chuan rawn haw mawlh teh. Mizoram hmel pawh a danglam nasa tawh ania.
Air Ticket man to chungchang hi a hrechiang in han sawi teh u. An duh duh a san a hniam thei an ni em? Henglai Aizawla thawk ho han zawt ila ‘an rawn ti to a…’ tih vel bak chhanna kan dawng chuanglo. Krismas dawn anih vanga han to vak zel mai chu. Mizo zin veivak maw… tam tehreng mai.
Report this comment
December 7th, 2011 at 7:33 pm
A chang chuan advance deuh a lo book hian a tlawm ve thei bawk..ti ngawt ila India ah chuan ka hre leh lo!!
Nia, Sheldie sawi ang hian a danglam tawh khawp ania, a tawt tawh lutuk!! han hmu ve reng reng teh..
I chhungte nen dam leh hlim taka Krismas in hman ka duhsak a che..
Report this comment
December 7th, 2011 at 7:38 pm
Puja dawnah an tih to ve si loh chuan a fair lo ngawt ang. India tak hi chu a; hahthlak thin em mai.
Report this comment
December 7th, 2011 at 8:00 pm
Peak season (ie:Christmas, Diwali adt.) velah hian thlawhna ticket hi a to duh bikin ka hria. Indiaah pawh ni 20+ hma lama book lawkin a tlawm zawk thin ngei kha mawle. A thawk ten an hrechiang ber ang. Ka thiannu pakhat thawk mek kan zawt se se ang a, ila hriat loh chuan ka rawn sawi ang
Thu belh mai mai:
British Airways Washington, DC – Kolkata a thlawh thin lai khan tun aiin thlawh man ala tlawm zawk ania, round trip atan khan $1500 vel ka sengin ka hria.
Air India thlawhnaa 2009 April thla ka haw khan Washington, DC (Reagan National Airport – Kolkata) kha round trip $1000. Airlines tha an sawi hmingthang ve tak, ka thlawhna deuh ziah British Airways aiin an service a tha mahin ka hriat tlat pek chu. An thlawhna pawh a hluilo, a thawkte pawh an hlui love, an no niak mai hairehai
Report this comment
December 7th, 2011 at 8:10 pm
2001 krismas urlawk zan kha ‘Bramaputra train’ ah kan hmang!kan thian za ho thumin!a nawm dan a dangdai ve mai mai
!hairehai
Report this comment
December 7th, 2011 at 8:17 pm
Vui vak rawh.
Report this comment
December 7th, 2011 at 8:33 pm
A in kung kaih tho…ka OT em em bik lo ang chu maw…
Kei pawh hei haw ka tum ve leh thut sia…niminah khan ticket ka va la ve a…Kolkata-Aizawl kha a tlawm ber e tiin Kingfisher-ah 22nd december atan ka la a..discount a awm thin avang hian return nen lam ka la a…mahse ka haw chu ka thianten Kingfisher an thlawk tawh hleinem an lo ti daih mai a…ka zawt kual nghal a Kingfisher a thlawk tur te pawn an cancel nual thu leh thlawhna danga an lak leh daih thu te min hrilh hlawm a…a thenin kar khatah vawi khat an thlawh thu te min hrilh bawk a…ka buai khawp mai..A hre chiang in awm chuan khawngaihin min hrilh chiang thei em…??…exam lai ka la nei bawk si…ka ngaihven hman lutuk bawk si lo…ka awmna hmun atanga Kolkata pawh return nen ka la vek tawh bawk sia…rilru a ti hah khawp mai…cancel leh a ngaih phei chuan thlawhna dang a to uchuak bawk si…tum ve uk tawh a haw theih loh ka hlau viau mai…Hre chiang in awm chuan khawngaihin min han hrilh teh u…
Report this comment
December 7th, 2011 at 9:41 pm
sum tam tak senga zoram in pan lai hian.. keini chhung ve thung zawng tun kum chu ram pawnah ti ve chhin ang kan ti thung a…
Report this comment
December 7th, 2011 at 10:23 pm
Ka va khawngaih tak che emmmmmm..Air line ho hi an mak khawp mai..Person with Diability (pian phung a rualbanlo)tan hian dan angin public service chi reng reng ah chuan concession a awm vek tur a nia, mahse Airline ho hian an pe miah lo..
Massi hlutzia an hre ve lo a..an phakar a ngai nih hi…
Vawi khat dam man ah hawna daih i nei a, haw tul i ti nih chuan haw mawlh rawh…pawisa te chu a awm ve leh mai zel lawm..Tluang deuhin
Report this comment
December 7th, 2011 at 10:40 pm
Ka lawm khawp mai in comment ah. Chawibelh huamin ka nu thurawn angin (krismas hman hman loh chu a ho em mai ati) ni 24 ah Air India ticket kan lak luih tak zan kha.
Ka sawi tum ka phawk zo lo tih chu ka hria e, Airlines ho te hi ka hau dawn !!!!!!! Sala !! mai mai !!! kan ziak nghal teh ang…
Report this comment
December 7th, 2011 at 10:40 pm
@Sheldon keipawh lo haw rawh min ti ve la, ka lo haw hnap2 ang Train in LOLZZZZZ
Report this comment
December 8th, 2011 at 12:31 am
#8 naa ka ziah, thawk ka zah tum khian min rawn chhang tawh e. Min chhanna:
Keimah:
Indiaah hian thlawhna ticket book lawk/lak lawk (ie:Thlakhat vel) hian a tlawm zawk ve tho em?
Ngente nula:
tlawm zawk ve tho e
Report this comment
December 8th, 2011 at 1:59 am
Nia Pu HVa sawi ang hian ticket lak hma chuan a tlawm ziah !Kum chanve velah phei chuan a tlawm duh rura…
Kan nau pakhat hian ticket tlawm hun min lo en rawh ka zin ve theih hun a ti thin a,internet lamah ka lo bih sak nasa thin khop…
Aizawl to Kol te Rs 500 lek anih lai te pawh a awm kha…mumbai to delhi….. mumbai to bangalore te, bangalore to Delhi te hi a tlawm thei rura..
Fellington, Kingfisher chu Aizawl thlawk an ti tawp tawh a,a la hma hi thlawhna dang zawng vat la…
Report this comment
December 8th, 2011 at 5:00 pm
Mi sumdawnna sum chuh hunlai ve te, i gaw ltk haha, khawiah pawh xmas lai chuan a to veks
Singkhat tlinglo in i haw thei a, i chhungten rawn hmanpui che sela, in seng hnem zawk long maw?? Kalman mai nilo ah ei leh inah te pawh, post tupa haw rawh xmas ruai min lo eikep treuh dawn nia haha
Report this comment
December 8th, 2011 at 5:11 pm
@18,
Sumdawng pawh ni raw sek sek, chhan leh vang mumal tak lo chuan customer te sawisak chiam hi an right a ni bik in ka ring vak lo. Sawrkar hnathawk hlawh pun vanga antam tel man lo tih to ve ringawt te petrol leh oil dang man to vang a rickshaw puller ho rate lo sang ve ngawt te hi…. huisssss
Ka chhungte rawn kal ka duh loh vang tak chuan alawm haw ka tum.
Mumbai, delhi leh B’lore offer ho hi va tlawm hlawm si ve…
Nia, ka lo ei kep dawn che nia…. bawngsa, leh vawksa, mizo te vulh ngei mai, khawlai khawi emaw culvert hnawk tlan (pathogen eng zah nge an pai pawh hriat loh tin castrate ni lo a paw rim nam huam)ni lo , antam hnah tharlam nen tin 8 dawng belpui liana an chhumpawlh hluai mai, chu a tuihang hawp kurh kurh pahin ka lo hre reng dawn che nia.
Report this comment
December 8th, 2011 at 5:47 pm
Heng Festival pui lai hi chuan Air ticket hi a to vek zel. Christmas kher lo ah pawh. A bik takin, Vaiho hunpui ah hian a to zual emaw tih mai tur, thlawhna chu sawi loh, Rel pawh ticket hmuh a har em em reng mai. Lo vui teh chiam duh suh.
Report this comment
December 8th, 2011 at 5:59 pm
19 haha organic ngat minlo eikep rawh i sawi ang sa culvert hnawk tlan ang khi chu ka ei ngailo, hmuh tur pawh awmlo hrim hrim
Well, a in relate vek chu a nih si hi, india chauh a ni lo, lphun lungawi bak tih theih kan nei lo, i va complain ta em, haha
Report this comment
December 8th, 2011 at 6:36 pm
Kan khaw Bus pawh chuan man an tisang tawh niin ka hria.
Report this comment