Kan veng hi a len vak loh nen kan bit phian a, tlangdung kawngpui ber a hlat loh avang leh Inrinni tlai thim hnua Bazarpui nuho chawhmeh tihtlawm tawh naupang va lei tir maina tur pawha hla lutuk lo anih avangin eng luikawr kâwm bul pawh ni raw sek sek, keini ang tan chuan hei lo liama awmna fuh a awm thei lo. Kawng ân hnuai nga-na vela awm mah ni ila kan hlim ve thova, in neitupa electric bill zat pawh thawk chhuak lo chung hian Burma thosilen hnuaiah kan chhungkuain hlim takin kan nui ve fo thin.
Anni chu an fate phaia awm an lo haw dawnin huphurh satehin an huphurh a, keini chu khawi ilo va kan fate an chhuah ve pawhin lo haw thuai thuai se tiin Tlumtea thlir takin kan lo thlir thin asin, mahse kan fate an la te deuh pawh a ni mahna le. Kan in luah neitute rel ka tum hrim hrim pawh a ni lo, thil nih phung ka’n thal vaube rah puah pui ve mai mai zawk a ni. A dik a dik chuan mi lainatna ngah tak mai an ni zawk a, in luah tur zawnga beidawng taka kan awm tawh hnua vai mistiriho chhuahtira min lo tuam hlawmtute kha an ni a, keini chhungkaw tan chuan an hlu khawp mai, an nu ber phei khi chuan fate enkawl fuh loh pawizia te, fimkhur tulna lai tur nia a hriat ang angte kan nu hi a lo hrilh ve koh koh thin.
Keini chu lo indah tha phawt teh ang. Kan thenawm te pawh saw an khawsak enin keimahni ang thova he venga rawn invawm bei ve an ni ngeiin a rinawm. Pa berin thing mitiri hna a thawk deuh ber a, a chang chuan lei lai leh huansama han riah bo vang vang chang pawh a nei thin bawk. Mitiri thiam tia han sawi tur chu a ni hauh lo, mahse a nawt hnum peih ve hrim hrim a, tih tak takin a siam thin a ni ber mai. Design mawi leh nalh a hriat loh danah Aizawla eizawn bul tan nan a rawn inti-mitiri ve ringawt nia han rin changte ka nei rum rum thin. A eizawnna chu eng pawh lo ni rawh se, chhungkaw hrawkchawm nan chuan a la hmang ve zel chu a ni a. Kan inbe tam lo nain chanchin eng eng emaw hi chu kan inhriat pawh ve reng a, an nu pawh saw chhunah mi ina buhthlei leh insuk eng eng emaw ti pahin a inhlawh ve bawk thin a ni awm e.
Fa patum an nei ve a, pakhatin pawl 5 a zir mek a, a nau chiahin nakkumah sikul a lut ve tan dawn a, a pang ber chu a nuin a la pawm a. Keini aia la berh leh chhawng an nih avangin chawhmeh ilo han pek chang te pawh kan nei leh zauh thin. Kar kalta Ningani zan kha nitain ka hria, thim hlimah current a awm lova, bati zawnga kan buai vel lai takin tap pura nutling tawng thawm ka hre ta tlat mai. Kan ngaithla chiang deuha kan thenawmte in atang ngeiin a ni. Pa ber chuan ‘Naupang ho hi I ngaihtuah tak tak lo anih hi! Engatinge min rawn miah lova I lo hman a ? Bawihpuia school uniform leina tura ka dah that ania sin!’ tiin a’n ang bawrh bawrh a. ‘Awngphah hnuaiah a lo awm a, ahmain engmah I sawi si lova…Vawiinah Millenium-ah an unauvin ka kalpuia naupang dangin motor lem leh eng eng emaw an lei an hmu ve sia, motor lem hi Bawihpuia’n a hmua kan kalsawn thei ta ngang lo a nih kha’ tiin nu ber pawh fiah deuh zawkin a rawn tawng chhuak ve a. ‘A vaiin I hmang zo vek tihna em ni?’ ‘Cheng sawmnga a la bang alawm, avaiin cheng zali a lo awm a…’ ‘Ka rilru ang hi in van pu pha lo thin tak em! Tunkar atangin kan hna kan tawp rih tawh dawn asin! Bawihpuia pawh uniform ha lovin…’ pa ber tawng a zuih ral a, engmah a sawi ka hre hlei thei lo. ’Nang pawh hian i nupui fanaute hi min ngaihtuah tak tak bik pawn’n ka hre love. Krismass dawn karah pawh faten an thlakhlelh teh lul che nen hma tawkah thovin i leng chhuak daih a, chaw ei dawna chauh i lo haw a…’ Pa ber chu a hnu deuh chuan a rawn tawng chhuak leh a. ’Mama nu, chutiang lam a ni hlei nem…Bawihpuia’n sikul a lut ve tawh dawn sia tiin zingkarah bazarah chawhmeh leh thuamhnaw ilo phurin ka inhlawh thin zawk alawm. Mama te an fing ve tawh sia an zak ang tih hlauvin ka sawi duh lo law law anih kha…’ Nu berin engtin nge a chhan dawn aw tiin kan nghak deuh vang vang a, mahse engmah ka hre zui ta lem lova.
Similar Posts:
- Panlai Nun – Furkhua leh kan nun
- Misualte zawhna
- Ka nu pawnfen par (Part-l)
- Ka nu: Phuahtu – Nuchhungi
- Mimal holam
December 21st, 2011 at 2:05 am
Masi dawnah inhauh a tha lo!! First ve tlats em aw??
Report this comment
December 21st, 2011 at 2:07 am
Mambawisuk..i first e..ka phawikhalh thei reng che a..mahse..
Mangtha phawt u lemm..nula rim a hun tlats..
Naktuk lamah kan in tawng leh dial dial dawn nia.. :kiss:
Report this comment
December 21st, 2011 at 2:13 am
In thenawm te chu an va khawngaihthlak ve..Retheih vang a ni maw?.. Pa ber pawh a khawngaihthlak, hna a theih tawkin a thawk ve a, thawh hreh a nei lo bawkin a lang a, hetianh ang tak ho hi Misual Charity hian tlem tal han pui thei ila…. ka ti vawng vawng… :?
Report this comment
December 21st, 2011 at 2:14 am
Lrp nang aiin ka phawirang zawk!! tun ang hunah hian kan 2 hian kan sual fal ve ziah leh nghal!! mangtha le…
Report this comment
December 21st, 2011 at 2:15 am
an inhau pawh anih chiah loh chu..lung an tichhe zawk alom le..
Report this comment
December 21st, 2011 at 2:20 am
Hnuk ulh
Report this comment
December 21st, 2011 at 2:21 am
Enge i rawn post chhan niang awww…. an khawngaihthlakawm kan ti zawk dawn nge ni ang an ho ve ṭhin hrim hrim niang…a chianglo mange te ka tia
Report this comment
December 21st, 2011 at 3:34 am
comment ve leh teh ang….Gud pawst! Thumbs up!
Report this comment
December 21st, 2011 at 4:08 am
Kawmen ve hrim hrim te’ng.. :kiss:
Report this comment
December 21st, 2011 at 5:27 am
Khitiang dinhmuna ding khi chhungkaw engzat tak Aizawlah hian awm ang maw??? tiin ka ngaihtuah zui neuh neuh. Misual charity-ah rawn report phawt mai rawh Post-tupa.
Report this comment
December 21st, 2011 at 6:08 am
zingkar karah min vel trep a lawm? Mahni anga harsatna tawk ve thin chanchin han ngaithlak hi chuan hnuk hi a ulh deuh tlat zel… good post.
Report this comment
December 21st, 2011 at 7:17 am
Retheih lutuk chuan chhungkua hi inngeih a har khawp a sin. Khi tiang dinhmun ang khi a takin ka tawng tawh a, ka rilru a khawih kher mai. Mahse, pa ber rilru leh tumruhna khi chu malsawmin ala awm ngei ang tih ka ring tlat thung.
tren tren
Report this comment
December 21st, 2011 at 8:09 am
Khitiang chhungkua khi Mizramah ngei pawh an tam awm si a le. Kan Lapa Isua min zirtir agin mirethei leh tanpuingaite tanpui hi Amah Kan Lal Isua tan a ti an ni tih hi a neite hian hrechiang zel ta i la (Bible zirtirna hi a tak(practical) in hmang ta i la) Kan Society pawh hi ava nuam dawn em. :cry:
Report this comment
December 21st, 2011 at 9:20 am
BP sang leh Diabetes nei kan tam ta lutuk te hi, kan awm awl leh ei tui tak vang a ni ber mai lawng maw?( A neite rilru tihnat tumna ni lovin)…Inrinni zinga kan vawksa lei zo zai te hi thla khata vawi khat pawh vawksa kg 1 pawh hmeh pha mang lo kan thenawmte inhnuaia awmte hi a vawi khata vawi khat chu han hleh ve ila, kan rilru te pawh a hrisel phah zawk mai lawng maw ti tein ka ngaihtuah ve mai mai thin
Report this comment
December 21st, 2011 at 9:21 am
an va lainat om ve..ka chhiar jog rigot pohin ka lug an ti chhia…. ka lainat ltk…. Chhungkaw pa ber hi ka gaisag khop mai… neih nei lo hle mah ila tlem a jong chuan ka tanpui chak hle mai…
Report this comment
December 21st, 2011 at 9:29 am
An va khawngaihthlak ve leh chhawng em… I ziak thiam khawp mai.
Report this comment
December 21st, 2011 at 9:50 am
An va lainatawm em! I thuziak chuan tum loh lam ah min dek tlat mai!
Hringnun hi zawng a mak thin teh e. Pathianni khan kan Biak In kawt ka thlenin, kutdawh thukhawm kha an lo inhau nasa khawp mai a. Kawngka (gate) veilam a thu te khan, dinglam a thu te ai khan an lo dawng tam deuh nge ni. An inhnial fe hnu ah, Rs. 1 thir hian veilam a hotupa deuh ber chuan, dinglam a thu pawr deuh ber chu a va vawm a. An lungawi ve leh ta mai…
Inkhawm ban ah ka thianpa ka hrilh a. Ani chuan, “Pathian hian duhsak bik leh vohbik chu a nei chiang a lawm” a ti a. Ngaituah a thui duh vawng vawng hle.
Report this comment
December 21st, 2011 at 10:10 am
#17 Dr Mahminga…ngaihtuahna tikal thui tak a ni mai a. Kumkhuaa ding chhuak ve tawh lo tur chhungkua te hi a lo awm theih dawn anih hi tia ngaihdan keuhthluk mai a awl fo mai ka ti
Report this comment
December 21st, 2011 at 10:37 am
Tak tak hrula phuah belh a ang. Engpawh nise mirethei leh mihausa an awm za a, an vaia siamtu chu Lalpa a ni. Mihring dinhmun inang lo lutuk hi a mak a, vannei riaute hi an awm ni hian hriat chang kan nei fo a, vanduai bik riaua inhriat tlat chang lah kan nei fo bawk. Pathian remruatah hian thuawih takin intulut hmiah thei ila chuan, tumah hi rethei kan awm hauh lo tur.
Kar hmasa lawk khan kan nute welfare chuan Durtlangah hmeithai khawngaihthlak tak mai pakhat an tanpui a, a kal nan motor thawh ve turin min ngen a, ka han kal ve a, a hlawkthlak tak zet a lawm. An dinhmun leh chanchin han hriat chian belh hlek pawhin, mihring ngaihtuahna atang chuan ‘Pathian pawh hi a!’ tih mai palh kha awl tak a ni. Ka thinlunga lo lang chu hei hi a ni- Tunah heti ang dinhmun hi ka dinhmun ni rih lo mahsela, ka hma lam hun ka sawi thei lo a, ka nupui fanaute dinhmun zel tur pawh engmah ka sawi thei lo. Khawngaih theitu dinhmuna ka din zawk rih avangin ka lainatin ka khawngaih mai tur a ni. Chu chu Pathian Thu a ni a, thiltih leh tihtak zetin, a tak ngeia lan chhuah tirin ka hlenchhuak mai tur a ni. He hmeithai hi a fate pahnih nen mi vawk chaw chhumna in hlui kha sethlama chei chawpin an khawsa ve naw naw a ni. :cry:
Report this comment
December 21st, 2011 at 11:01 am
An va lainat awm ve le
Report this comment
December 21st, 2011 at 11:03 am
#19 boihapa..”Khawngaih theitu dinhmuna ka din zawk rih avangin ka lainatin ka khawngaih mai tur a ni.” Ka duh hle mai he lai chang te hi
Report this comment
December 21st, 2011 at 1:37 pm
Misual bawm atang chuan sihchhuah ve theih nise ava lawmawm dawn em te ka lo ti ve mai mai
Report this comment
December 21st, 2011 at 1:59 pm
Hemi te chhungkua hi tak tak an ni em? Khawi a awm nge ka van hre duh ve aw…
Report this comment
December 21st, 2011 at 4:52 pm
Life hi chu a fair thei nganglo a ni e!! Vawiina ka thil hriat ve thung erawh chuan Pathian hian chance chu min pe vek, mahse mahni chance bawhpelh hi chu an awm chiang tih hi..amah chu inkhel thiam a ni, a inkhelh thiam vangin Indian Army ah an la tawp, mahse sipai training peihloh vangin a rawn haw, nupui fanau nei ve tawh bawk si, thiam dang nei bawk si lo, an khawsak chu berh ve tak a ni, thin hi a ti rim teuh thei :?
Report this comment
December 21st, 2011 at 5:06 pm
Report this comment
December 21st, 2011 at 9:36 pm
An va lainatawm ve le. An nupa chuan an lainatawm dun kher mai. Charity kha thehchhuahsak a tha mange. :cry:
Report this comment
December 21st, 2011 at 9:40 pm
Charity sem tur ho khan helai kan sawikhawm hi in lo ngaipawimawh ve thei em le??? Tiang ang ho hi puih tel theih an chakawm e.
Report this comment
December 21st, 2011 at 9:52 pm
a intro. lai vel chu dawt i sawi kual thiam peih vel hle mai
A moral chu Sunday school-ah naupangho hrilh chhawn leh atan a that dawn hi. Hetiang hi chhiar a nuam…
Report this comment
December 21st, 2011 at 10:30 pm
Nia mass ah inhmang ral thak kumtharah sikul kai ngai lehkha bu form mass nge sawn chi sikul luh hun zawk hi ti ten ka lo ngaihtuah ve mai mai.
Mizoram sikul uniform an ti hi tha ka ti em em lo ve.
ram CK tam zawkah hian zuk han hmang lova uniform hinhahah
Report this comment
December 22nd, 2011 at 8:55 pm
sikul form hi awmlo phei sela chuan, a nei vaklo ho te hian hrehawm kan ti zawklo maw? Bakah, discipline a keng tel a..mi a vawng viauiin ka lo hria a. A chhiat leh a balh chu thu hran nise.
Report this comment
December 22nd, 2011 at 9:01 pm
Charity sem ani tawh bawk a, Tarmit dang vuahin ka han comment mai mai ang e.
Hemite nupa nun hi an ngaihtuaham chhunzawm zel ka ring. An Pa hian Patling takin thil a ngaihtuah laiin, an nu hian an matress hnuaiah cheng 400 a chhar a, chuta tang chuan, cheng 350 in naupang Toys a lei thei a nia. Ngaihtuahawm tak anni in ka hria.
Mahni sum lakluk azira sum hman thiam hi Nu mawhphurhna pawimawh tak aniin ka hria. Tin, Pa ai hian nu te hi an inren chem zawk ani ngai a. An nu hi Counselling pek hlek chu a ngaih ka ring.
Report this comment