Ka vei ngang a ni ang — hei!
Kan thiam emaw, thiam lo emaw, Mizo ṭawng ziah hi i uluk hram hram ang u! Mizo website hrang hrangah hian ka lut kual nasa khawp mai a, chu’ng zingah chuan misual.com hi Mizo ṭawngah a la pachhe ber! Eng vang nge kan tih chuan, mi chi hrang hrang thuziak thawhkhawmna hmun a nih vang leh thu thawhtute an ṭhathnem vang a ni thei ang.
Thuziak thlifimtute hi Mizo ṭawng lama pachhe tak tak an nih mai piahah an buai em em a, thuziak zawng zawngte edit tur chuan an hman bik lo a ni. Hemi chungchanga thurawn ka pêk duh chu — a awm ang angte hi ṭangrual rawh se. Theihtawp hi chhuah ve sela, hma kan sawn em em ang. Tin, a post-tute pawhin theihtawp chhuah ve bawk rawh se. Hman lo chung chunga post ai chuan a hman huna uluk taka post-ah dahṭha mai sela, a hmingṭha zawk ang.
Tin, Cable TV lampang pawh hi an bo thei khawp mai! Chhiartu aiin entu kan ṭhahnem zawk si a, theihtawp an chhuah takmeuh meuh a ngai a. Editor an lâk dawn hian Mizo ṭawng thiam ve deuh leh a nachang hre deuh hi melh deuh ṭhin sela tiin thurawn ka’n pe ve leh khanglang a nih chu. Newspaper lamah pawh daily hi an ṭha tlangpui a, monthly erawh a nazawngin an tih miau avangin a ngaihna a awm thlawt lo!
Mizote hrim hrim hi Mizo ṭawngah kan va pachhe tawh tak em! Hnam dangin kan ṭawng an rawn ngaihven dawn der si lo. Facebook te hi Mizo ṭawng suasamna hmunpuiah kan chhuah tâk hi! Hawh u, kan thiam loh ang angin theihtawp i chhuah ang u khai.
Thubelh: Kan site hi a muang rei ta hle mai. Mobile user eng emaw zat a hnawt ṭiau deuhvin in hre ve lo maw?
Similar Posts:
- Ngaihtuahna ṭawng (Mind language)
- Mizo ṭawng ziahphung – 0
- Siamkima Khawlhring
- Mizo leh Music (Production)
- Misual.com kaihhnawih ka vei leh rawtna
January 21st, 2012 at 1:57 am
@jin, ‘ho’ pawh kha ‘te’ ka sawi ang chiah kha a ni e.
Report this comment
January 21st, 2012 at 7:18 am
Ziak tha e
Report this comment
January 21st, 2012 at 7:35 am
Tsa nge nge, i titha thin e.
Mizote hi eng kan ti ta nge ni sap tawng dik inzirtir leh grammar dik tak hman inzirtir nasa viau si hi keimahni tawng zawk kan bosal leh tlat thin si hi a pawi a ni. Sap tawnga tawng dik loh hlau em em, mahse Mizo tawng hmang dik loh pawisa lem lo hi a tam zawk kan ni hial awm e. Tawng chu inbiak pawh tawnna atan a nia lawm, kan mi biak ten an hriatthiam chuan a tawk an han ti leh ngawt thin a; mahse English grammar hi kan zir chhung chuan Mizo tawng dik pawh hi kan zir ve reng tho turah ka ngai.
Report this comment
January 21st, 2012 at 9:51 am
#53 Superlike! A Tha kher mai.
Report this comment
January 21st, 2012 at 10:00 pm
AIR Aizawl chanchinthar chhiartute pawh hi an inzir nasat lehzual a ngai khawp mai. An chhiar sual nasa em em ziah tih theih a ni. A thluk leh lam dan te pawh hi an thiam lo hlawm ang reng riau bawk.
Report this comment
January 21st, 2012 at 10:13 pm
Tun atanga kum 20 a liam leh hunah chuan i thinrim lutuk hi i puak keh lo chauh ang…..! Kum 50 dang han vei leh se Mizo tawng hi a bo vek tawhin ka ring.
Post-tupa hian LK lama post tur misualah hian a rawn post palh ani lo maw
Report this comment