Archive for March, 2012

message not delivered

Tuesday, March 27th, 2012

Tuan zai rela’n ni tlangsan hmain vala tho e
Duh reg vang ni loin nunhlui muhnu rawn tho ve e
A riang tuara’n a na chuang e
Dawn ve che maw hlimlai nite

A chuh nghal e, a biakhlatna chu
A thlir thla e, number ho chu
A hmu ta e, a number ngainat ber thin chu
Hril thiam har e, a riang lairil chu

A thawn ta e, ‘ni hman nuam le’
A ri nghak e, a khawl tlawm te
A chhiar reng e, second tin te
A rei ngei e, hun rei lo te

An zep ve lo khawl thil te hian
Zahngaihna a nei lo thudik sawi tur hian
A chhiar e rilru hnual rawih chung hian
Hrilh a hai ngei ‘message not delivered to ..’ tih a chhiar hian

Posted in Luangliam, Poetry | 43 Comments »

Mizo tlangvalte tan zei dan thuruk

Tuesday, March 27th, 2012

Mizo tlangvalte hi inngaihzawnna lamah kan lo zei lo hle a, hei hi kan nulate’n hnam dang min hawisan ṭhinna chhan ni paw’n a lang. Chumi a nih avang chuan kan nula lamin min duhkhawp lo lek lek niin a lang a, chuvangin zei dan tur tlémtë ka han dah a ni. Zawm a harsa lem lo bawk a, zawm ṭheuh kan tum dawn nia. A duh chuan HEI HI chhiar hmasa ila.

1. I ngaihzawng nena kalkawnga in kal dunin, motor hnaih lam zelah kal rawh. Hei hi ngaihzawngte kher lovah pawh mipate’n kan tih tur a ni. Tin, thil an khai chuan kan ken chhawk ang a, an duh loh chuan ken chhawk ṭalh tum loh tur.

2. Kum 21 i tlin chuan hnathawk lova awm mai mai zak hle rawh. Zirlai i la ni a nih pawhin hnathawh tur chhetë tal neih tum ang che. Sawrkar hna chauh um lo la, a ṭul chuan cement chawk mai rawh, mahni intodelhna a nih phawt chuan kan nulate hmuhah kan mawi zawk.

3. Mahni intodelh kan sawi zo chiah a, car pawh mahni thawhchhuah ngei aṭanga neih tur a ni. I car-a nula i phurh dawnin, a luh leh chhuahah car kawngkhar hawnsak ziah rawh. An sawi lang lovang, mahse, an phût em em ang. Hei hian car nei thei chin chauh a huam.

4. Pangpar leh thilpek dang i pek dawnin a hun tak hre rawh. An chhungte boral champhaphak ang chi-ah te pangpar pek hi tih miah loh tur a ni. Tin, duh hun huna pek loh tur.

5. Restaurant-a i chawlhpui a nih chuan a chawlh duhna hmun tur thlang chat la, ṭhutthleng pawhchhuahsak ngaia a awm a nih chuan pawhchhuahsak mai rawh. Mahse, pawhchhuah saa a awm a nih chuan hetah ṭhu rawh i ti ang a, a tawk mai.

(more…)

Posted in Advice | 66 Comments »

Chhimbuk leh A Note

Tuesday, March 27th, 2012

Chhimbuk thla ThaiBoy nen kan lak dan chungchang chu sawi duah lovin post nghal pawp mai ang.

(more…)

Posted in Mizoram, Nature, Pictures | 34 Comments »

Rih Dilah kan Hairehai e…

Tuesday, March 27th, 2012

Sunday chawhma inkhawmbanah, Champhai a, States lam atanga ka mikhual te chhungkua hruaiin, misual.commer thenkhat te leh Facebook thiante bakah, silent readers ho nen Rih Dilah kan va MI a. Mahse Rihdil tui chu kan dai lo. hahaha.


(more…)

Posted in Adventure, Event, Pictures, Travel | 107 Comments »

Khawvela zaithiam ber One Direction

Tuesday, March 27th, 2012

Kan naupan lai khan boyband leh girlband ho kha an rawn lar huk a,  Boyzone, Backstreet Boys, Boyz 2 Men, N Sync, Blackstreet Boys, O’Town, Mytown, Code Red, Westlife, 98 Degrees, 5ive, Hanson, Human nature te mipa lamah, tlema upa deuh ho tan New Kids on The Block, All4One leh Take That te an lar hle. Hmeichhe lamah Spice Girls, TLC, All Saints, Solid Harmonie, Destinys Child, Atomic Kitten te kha an lar hle bawk a. heng bakah hian mixed group s Club 7, VengaBoys, Steps te pawh kha an lar thin em kha.

MTV ah an zai kan en tluk tluk thin a, khatihlai khan MTV leh Channel V tluka Tv channel lar a awm  ka ring lo! Aizawl leh  thintlang lamah pawh atchilh an tam hle e, an thlalak te kha 1 Rs 10 in Bazar leh a chhehvelah zuar an tam thin hle. Khatih laia Aizawla khawlaiah leh mi banga ziahran hrat ber pawh “I love Nick” tih te anih kha. Hetih lai vek hian Leonardo Di Caprio a Titanic hairstyle kha a lar hle bawk! Youtube video ah pawh mi in an parody ngun ber chu Backstreet Boys ho hi an ni awm e!

Mahse kum 5 hnu velah chuan an reh ta duak a, boyband hrang hrang an tam ta lutuk a mipuiin an hne ani deuh ber e. Hei vang hian band hrang hrang an kehdarh chuai chuai a, a then in solo in  bul an tan tha leh nangin a tam zawk  an hlawh chham laiin hlawhtling fe fe  (Justin Timberlake of N Sync, Beyonce, Ronan Keating etc) an awm nuk bawk.  Tichuan Kum 2000 hnulamah chuan Boyband an awm ta meuh lo a, hmeichhe lamah Britney Spears te an chuai lam an pan ve deuh tawh bawk nen tleirawl ho in han atchilh tur an van hle. He hmun awl rawn luahkhat tur hian  Justin Bieber a hian Boyband ho zawng zawng kha rawn luahlan in lar namen lovin a lar ta anih ber hi! A hla hit “Baby” ringawt pawh Youtube ah pawh Vawi maktaduai 700 chuang thlir ani tawh a, midang post zawng zawng nena chhiar phei chuan Vawi tluklehdingawt khat chuang thlir ani tawh hial ang.

(more…)

Posted in Music and lyrics | 26 Comments »

Kei ka thlang zawk

Tuesday, March 27th, 2012

Misual ho thuziak leh comment hi nitin ka lo en ve ziah thin, kei tlangval ve mai mai tan hian avan hlu thin tak em. Tichuan thu post ve duhna rilru a lo piangta a ni. Chhiar rawh le. Aizawl a primary school atanga college thleng kalchhuak ve ngat ka nia :-) hna ka neih hnu pawh hian Aizawl ah tho ka thawk leh a, college ka kal lai khan thiante leh classmate ten bike, car an keng a, athen te chuan an nei ve lem lova, kei lah kha thalai thil neuh neuhvah ka lo in hmang ve bawk nen wheeller ka mamawh thei khawp mai a..

ka Patea (uncle) select two ka hmansak thin a (Karizma te, pulsar 220 etc hengte hi a chhuak daih tawh ania) tlangval ve tan chuan thil nuam vak zawng a nih hauhlo mai..mahse thawhchhuah ka la nei lova, nu leh pa chawmhlawm ka ni, ka tibuai lovang tih kha ka inhnemna leh ka infuihna a ni fo thin. Tichuan le, fapa tlumber ka lo nive bawk si, ka pa chuan pawl 12 I pass hunah Bike ka lei ang che a tia,ka pass ta a, marawhchu petrol thuna tur pawisa ka nei dawnlova, nu leh pa ka tibuai lo theilo dawn ani tih ka hre ran mai a, chuvang chuan Bike lei ai chuan Computer lei ka duh ta zawk a, ka chhawr ta phian mai tih tun hnu ah hian ka hre ta a(hna ka hmuh phah ve tlat) mahse sas te kan lo nei ve a, thiante sas te an lo awm ve zel bawk nen, len a chakawm ve thei bawk si, ka pate a Scooter (select 2) chu ka hman sak thin a, nula in thlen hma kawi khat vel ah ka dah thin ;-(

(more…)

Posted in Mizoram | 33 Comments »

A lo fuh ber mai!

Monday, March 26th, 2012

Ka ṭhianpa, C. Lalrinawma nena kan inziahṭawm hi blog lamah ka dah tawh a, a zatve chhawkin ka rawn dah leh a ni e.

Mit hi tûna a awmna aṭang hian tukkhum lamah awm ta zâwk se, a dang zawng hi chu tûna a awmnaah hian awm sela, a buaithlâk ang! ‘Hnung lam aṭanga min chhiatkhum ṭhîntute kan hmu thei tawh ang a, a ṭha viau lo’ng maw?’ ti ngawt ila, kan hmuh theih loh lam, kan hnâr awmna lam aṭangin min la chhiatkhum thei tho dâwn si.

Bus chuannaah driver-in passenger lam a hawi ang a, bus hma lam a en thung ang. Passenger-te paw’n hnung lam kan hawi ang a, driver kan hmu tho vang! A mak hë hû awm mang e! Sam dum ṭhîn tân phei chuan mita tihluh palh a awl ngawt ang. Kan hairstyle mak dân tur chu sawi lo law law ang!

Tukkhum lamah kan khap sak sak ang a, sam zawng zawng hi mithmul a ni nghâl ang a, a pawt kawlh apiang an hmêlchhe tawh ang. Eye-liner leh eye-brow vêl chu hmanna a tam vak tawh lo mai thei. Kan la hmang duh ṭalh a nih chuan a hek ṭha duh mai mai ang chu!

(more…)

Posted in HAHAHA, Pictures | 25 Comments »

Thangawk sate hian an tuar nasa thin awm mang e!

Monday, March 26th, 2012

Ransate chunga kan chet dan tam tak hi chu ngaihtuah chian chuan a rawng thin mang e. A bikin thang kamtuten Lo/Huan thlaite an khawih nasa emai tih vang pawh ni lem lo a; Ninhlei leh tlawngawl vanga Thang an kam ringawt thinte hi a pawi ka lo ti ve thin.

(more…)

Posted in Lifestyle, Nature | 35 Comments »

Vanapa Hall

Monday, March 26th, 2012

Mizoram Assembly 3-na inkhawm ṭum thumna, February ni 29, 1980-ah chuan Pu C. Vulluaia, MLA chuan Private Resolution hetiang hian a pu lut a — “He Assembly inkhawm hian, Aizawl Theatre Hall hmuna Community Hall sak mek chu Mizo zinga hmingṭha leh zah kai ber Vanapa hmingin Vanapa Hall tih ka rawt e,” tiin.

He rawtna hi sawiho a nih hnuah pawm a ni.

Vanapa Hall hi Pu K. Sangṭhuama, Electric Veng, Aizawl, Class I contractor chuan kum 1979-1983-a a sak a ni a, a design-tu hi Er. Saithanzama (RIP) Asst. Architect, PWD Mizoram a ni.

Vanapa Hall sak nan hian nuai za dawn lai sen a ni. Kum 1983 September ni 24 khan hetih laia Mizoram Chief Minister Brig. T. Sailo chuan ropui takin a hawng. Engineer-te chhut dan chuan tunlai huna sak ni se, nuai sangkhat lai sen a ngai awm e. Balcony-ah seat 246 a awm a, a hnuaiah seat 617 a awm a, VIP seat 20, a vaiin seat 881 a awm. A hma (platform) dawhsanah hian seat 100 dawn lai a rem theih bawk. Ruahman dan chuan mi sangkhat leng thei tura ruahman a ni.
(more…)

Posted in Mizoram | 35 Comments »

Aw Khawvel!

Monday, March 26th, 2012

Mizo te hi kan materialistic lutuk, khawvel thilah hian kan tlan nasa lutuk, kan in leh lo, kan thawhchhuah phu lovin kan inchei/lirthei/gadgets kan nei tha, kan ti a. A dik. Mi hlawhtling te chu kan ngaisang a, mahse hlawhtling lemlo bungrua nei tha te hi kan ngaisang tho.

Engatinge kan materialistic em em le ka ti? A bik takin khawpuiah hian. Engtik lai chiah atang khan nge bungraw nei tha hi mi ngaihsanawm an lo nih? Engtik lai chiah khan nge mi te neih ang neih ve lo hi thil zahthlak a lo nih le? UT hunlai atang khan emni? Rambuai hnu atang khan? MNF sipai te in surrender hnu khan? 70s chho kha emni? State kan nih hnu? Aaaaa hriat a har e, Pu chawnghilh te, pu Xaia te ho hian an hriat ka ring.

Tunlai mi te hi alawm, thil tha ber ber neih in duh a, kan ti maithei. Mahse kan nu leh pa te hunlai atang daih tawha lo intan tawh a ni he thil hi. Radio nei ve lo in an awt em em a, chutah TV an awt leh a, Colour TV an awt leh a, fridge, washing machine, car, bike, scooty…a tawp thei lo.
(more…)

Posted in Corruption, Lifestyle, Mizoram, Opinion | 97 Comments »

« Older Entries
Newer Entries »