Luah lo D,
Thrangkhat zet liam tawh mahse nang nena kan intawn leh hian lunghlui a leng thrin. “Tunlai in dam em?’ tia ka rawn phone thrin che pawh hi zahzel a i aw-ka hriat ka thlakhlelh vang a ni tih lah i hre der si lo. Tunah chuan fanau maltluan chawiin kar hla–ah kan truan ta si a.
Phai a engineering college kan kal lai khan zep thu awm suh hrilh ngam si lo che in ka lo star ve lutuk thrin che a, mahse keini ang nu leh pa ten neih thinglung khawnga an chawm, pocket money tak ngial pawh nei zo lo leh mizo sikul chhuak tan chuan nang hmelthra leh zei, DPS sikul thra ber atranga zirchhuak, officer hausa fanu kha chu mitsir lo chuan ka melh ngam ngai lo che a nih kha.
Engineering kan zirlai a i mipa kawm – vai leh North East dang te nena water park, movie leh mall a in bazaar te kha khawhar leh insit takin ka lo uipui tuilian thrin che tih lah i hre ngai si lo. Pawisa han neih deuh va, han “khilai” ve che ka chak thrin nen Raju-a Chai Dukaan-ah pawh a ba a thingpui in a ngai thrin si a, rethei min va ti rethei leh zual thrin tak em!!
BE kan pass hlima ka hlim zia te kha, mi te rual phak ve tawha ka in ngaih avangin ka skaw (scholarship) dah thrat khan KFC-ah khilai ve ngei tum che in in hostel ka rawn pan a, nangni lah chu farm house-ah pass lawmin in lo riak chhuak daih si a, ka hrilh a haiin hnar ka hmu lian larh larh teh asin.
Nangzawng hausa tur a siam reng i nih avangin kha mi kum khan hna nghet i hmu ta mai reng a, kei zawng private sikulah in hlawh in kum nga zet ka tangkhang a, chhungte hmaizah a na ngei. Thlakhata city bus ka chuan zah pawh i dam chhungin i chuang ve dawn si lo! Private sikul teacher in SDO va bem thu lah awm suh.
I pasal neih dawn a sawmna card min rawn sem ve kha chuan ka la dam ve tih i hriat avangin ka thinlung hi a lo lawm ve det a, mahse i pasal turah kha chuan ka lung a va awi lo em, an hausa tih mai lo chu!
En teh, Pathian khawngaihna a MCS ka tlin a ka chhungte an lawm ni khan, ka thinlungah civil engineer hnathawk tur a zirin administration ka khawih kumkhua tur kha ka lunghnur deuh asin, i hna hmuh dan ka awh vang ni lovin.
I pasal zuruiin a vua che an tih ri te, addict vanga phaiah an refer tih ka lo hriat te, nupa kar thu buaiin nei tih ka lo hriat te hian; aw luah lo D, keima chungah hian ka va thinrim em! Ka retheih leh insit luat avangin kei mizo tlangval hian ka duh leh hmangaih zia che vawikhat temah ka lo hrilh lo che a. I tan tling zo lo in in ngai thrin mah ila ka hmangaihna avang chauh tal chuan min lo khawngaih ve in, ka in pumpekna che chuan hlimna a thlen ka ring leh hnuhnawh thrin si a. Ka thiam lova ni.
Phengphehlep khua ka tlai zo tawh si!!
Min ngaidam rawh aw…Matea nu, luah loh D vanga ka van chang hian, I hmangaihna in min dawm ang che….
Matea pa, Ex-Mizo Tlangval
Similar Posts:
- Ka ar thai
- Love – Blessing or Curse?
- Mirethei palzutna a ni thei em?
- I vanglai hian i siamtu hre reng rawh
- Hmangaihna 131
April 5th, 2012 at 10:22 am
DPS chhuak nih ve ka van chak e..
Report this comment
April 5th, 2012 at 10:29 am
Luah loh D.
Report this comment
April 5th, 2012 at 10:34 am
Matea pa chu luangliam hle mai
‘Nghakzel na’ng lenlai dinthar zawlkhawhermawii’ te pawh an lo tih ve bawk thin kha maw le
Report this comment
April 5th, 2012 at 10:36 am
Tarmitbun, tarmit i bun chhung chu ka ngaidam lo ang che; Bun loin lo vuah tawh rawh
Report this comment
April 5th, 2012 at 10:46 am
Ka nui a za tlat
Report this comment
April 5th, 2012 at 10:57 am
Ex-Mizo tlangval.. Tunlai thalai hi chu kan vannei tawh khawp a. Nula tam tak, hmeltha tak tak hian tlangval hausa aiin tlangval fel melh nachang an hre tawh a; tlangval ho pawhin fel an intihhmuh sup sup tawh mai.
Report this comment
April 5th, 2012 at 11:05 am
“Thrangkhat, thrin..adt” anga ziak kher lo hian, Thangkhat, thin tiin ziak mai la; a sentence a zirin kan thliar hrang thei vek tho asin maw le. Mizotawng ziah dana ka ngaihmawh zawng taka ni.
Tarmit ka’n bun/vuah ve lawk a ni e.
Report this comment
April 5th, 2012 at 11:15 am
I nick rawn hman hian hmanna ka lo comment ve na min ti hre chhuak zawk mai.
28
bulaya Says:
October 2nd, 2011 at 3:22 pm
Tarmit vuah/bun(?) chungin ka chhiar chhuak dap mai.
A chhanna Ka dawn:
31
lushai_er Says:
October 2nd, 2011 at 5:02 pm
Tarmit vuah chungin thalai deuh te paw’n lehkha in chhiar thin.
Report this comment
April 5th, 2012 at 11:16 am
A va han pawi thin tak em, a huntea rah tur kha tlai khawhnuah i ran rah ta mai a nih hmel. Luangliam zel mai teh. A ngaih nawm phian a nia.
Report this comment
April 5th, 2012 at 11:17 am
Tarmit i ziak tha e
Report this comment
April 5th, 2012 at 11:20 am
Ka hriat ve dan chuan.
Correction:
Thangkhat lian zet liam tawh mah se.
Report this comment
April 5th, 2012 at 11:56 am
A ziaktu hi chhuichhuah a har loh hmel. Hausakna aiin nungchang dik leh zahawm a hlu zawk a, Pathian tih mi dik tak te hi khawi hmunah mah an che sawngnawi lutuk ngailo bawk. Rethei tak chung pawhin nungchang zahawm tak leh mawl bik lo takin a awm theìhin ka hria.
Report this comment
April 5th, 2012 at 12:29 pm
Pu pkfanai hi #12 example a ni nghal. A nupui a hmelthain a fel surh surh emai, hetiang hi ni lo se a chhai thlu hauh lovang le..
Report this comment
April 5th, 2012 at 12:46 pm
I ziak thain a ngaihnawm dap2 hle mai. Ka nghilh dupin ka hria..
Report this comment
April 5th, 2012 at 1:01 pm
Ngaihthlak nawm khwp mai??? Retheih hi chuan min duhtu an tlem a, fel min ti tu an tam, sual lem loh chuan…..
Report this comment
April 5th, 2012 at 1:13 pm
#15 Virgo hian a lo ngaithla bik a ni maw
Report this comment
April 5th, 2012 at 1:19 pm
#15
Ngaihmawm tih tur.
Report this comment
April 5th, 2012 at 1:20 pm
#15
Ngaihnawm tih tur.
Report this comment
April 5th, 2012 at 1:29 pm
@ A ngaihnawm kher e.
@ 15,
Report this comment
April 5th, 2012 at 1:59 pm
Report this comment
April 5th, 2012 at 2:00 pm
A hmuhnawm khawp mai
Report this comment
April 5th, 2012 at 2:08 pm
LOL @ Sandman, sacrament i tan tawh mi i va nawi ve.. hahaha
Report this comment
April 5th, 2012 at 2:22 pm
Keimah ka inchan…!!!
Report this comment
April 5th, 2012 at 2:42 pm
#”KFC-ah khilai ve ngei tum che in in hostel ka rawn pan a”
I BE zir chu India rama KFC luh hnu chu a ni ngei mai ah!!! (1995 kum tawp lamah B’lore-ah an hawng tan chauh !)
“En teh, Pathian khawngaihna a MCS ka tlin a ka chhungte an lawm ni khan, ka thinlungah civil engineer hnathawk tur a zirin administration ka khawih kumkhua tur kha ka lunghnur deuh asin, i hna hmuh dan ka awh vang ni lovin.”
1997 khan Mining Engineer pakhat chu MCS-ah a lut ngei mai, a bak chu ka va’n hre lo ve aw….??? MPS lamah hi chuan an awm nual hlawm a!
Civil Engineer ni si MCS han luh daih chu ‘Civil Engineer’ i tui tak tak lo aniang (ka rin dan)! I dam chhan i luah zo dawn lo a ang hle mai
I luah loh D i pawh hi an sawi tawh ang khian zawnchhuah a har vak dawn loh hi
Report this comment
April 5th, 2012 at 3:06 pm
Lushai_er, Mining enginner pa khi i hre ve elo..hmanni khan ka ti buai hrep a..ka kid hlui ve tho ania!!
Min ngaizawng lo tu ngai a, nupui fanau neih hnu pawh a han hriatreng tak mai chuh!! Mak thin mange.
Report this comment
April 5th, 2012 at 3:08 pm
hahaha fiction aniang. KFC a khilai tuma ava kal a farm house a pass an lo lawm daih chuan KFC awmna khua ah a luahloh D tehi an awm tihna ani dawna, Mizoramah KFC awm heklo. Mizoramah private sikul ah a thawk anih hmela chuta tang chuan MCS a in ziak tling anih hmel bawksi a. Tin, a luahloh D hi mizoramah SDo anih hmel bawksi a, a in kalh nuaih ta mai. leols
Report this comment
April 5th, 2012 at 3:20 pm
a ziaktu ngaihtuah bak bak in ngaihtuah a ni maw
Fiction-ah ngaiin ka chhiar a, ngaihnawm fu e
Report this comment
April 5th, 2012 at 3:24 pm
Tarmit i rawn bun vel dan ah chuan, tute thuih hruai nge i nih tih chu chhui chhuah i har lo tawp ang le Pu Pk a soi ang deuh hian……………..
Report this comment
April 5th, 2012 at 3:43 pm
#25, @lrp: A ni te chuan a bawh chhe lo em a lawm…! In inrual vel a ni maw?
@Sandman: Kei pawh a hmuhnawm ka ti khawp mai! Mahse i la lathla lo a nia auh!
Report this comment
April 5th, 2012 at 4:20 pm
@29 Lushai_er, ka kid rual ka tih ka tih chu mawle aw..eiruk tur awm ve si lo a tih nuah nuah kha
Priya a mi french white wine ka hawnsak a , hawn harsa an ti ve khawp ang!! an tuai an tuai mai thei ani 
Report this comment
April 5th, 2012 at 4:20 pm
A ni maw… kei pawh ka hrilh ta miah lo kha pawi ka ti. Hahahaha. Chemtatrawta (tlangval fel )hi kan khuaah hian an luck riau a ni…. Mifa te chuan solfa te hi an vai senior thak a, a ni chuan a vai chhuak bi niin ka hria.A ngaihnawm hle mai.I MCS hlawh increment dawn hmasa berah va kan ngawt ang che….
Report this comment
April 5th, 2012 at 6:35 pm
Van ziak ngaihnawm reuh e. tr i hmang hian tlemin chhiar a tinuam lo deuh tih mai ani. I thuziak hi tak tak anih hmel, i ziakchhuak thiam e mai.
Report this comment
April 5th, 2012 at 6:54 pm
ngaihnawm viau.
Report this comment
April 6th, 2012 at 1:36 am
TARMIT BUN CHU A KEH DUHAWM E…hairehai….
Report this comment
April 6th, 2012 at 9:52 am
Nizan velah khan ka chhiar duh lawk lova, tunah ka chhiar chiah a, rinlawk ang ngeiin rilru a tihah.
Report this comment