Thuhmatheh:
Mizo zingah hre lo fa kan awm lo ang tih hial khawpin WCC hi a lara, a chanchin hre thui fe fe pawh kan katnuk awm e. Chutihlaiin tamtak chuan a lampum pawh hre mang lovin tlangkam titi kan sawi chhanga, sakawlh ni hialah kan chhuah ta. Kan hlauh em em hi a lo hlauhawm teh reng em? A tlangpui i han en chhin teh ang, bihchhian ngam loh khawpa khawlh a nih tak leh min seh mai a ni ang chu!
A Din tan dan :
World Missinay conference chu Edinburg-ah 1910 khan Kohhran hrang hraqng missionaryte thahnem ngaihnain neih a ni a. Khawvela chanchintha zauzawk leh awlsamzawka hrilh a nih theihnan leh kristian pawl hrang hrangte inlungrual taka thawhho a nih theih nan tih a ni a. Chu conference chuan International Missionary Council, Faith and Order Movement leh Life and work Movement-te a hring chhuaka; chungte chu WCC dinna atana a sulsutu leh a dintanna a lo ni ta.
Faith and Order Movement leh Life and work Movementte tangkawp chuan chakzawk leh mumal zawka hma an lak theihnan thawh ho an rel a. Amterdam-ah August ni 23,1948 khan conference neiin World Council of Churches(WCC) kan tih chu a lo ding ta rup mai a,a hnuah International Missionary Council chuan zawm ve lehin member pawh Kohhran 147 an nei nghal a ni. WCC hi Kohhran mal emaw Synod mal emaw, local church kan tih ang hian zawm theih a ni lo a; entirnana,a pumpuia Presbetyrian Church of India tawp emaw eng Kohhran pawh ni se, an vai a hmuap chauhin an zawm thei a,chu chu member pakhat a chhiar an ni bawk.
Central Committee a chairman hmasa ber Bishop G.K.A Bell chuan “ WCC chu Kohhran hrang hrang, Lal Isua Krista Lal leh chandamtua pawmtute inzawmkhawmna hi a ni” a ti hian WCC dinchhan leh kalphung chu a chhiang mai awm e.
A inrelbawl dan tlangpui:
Wcc headquater chu Geneva-ah awmin, General Secrectary rorelna hnuaia awm a ni a. Assembly chu rorelna sang ber leh thu tlukna lian tham siamtu a ni bawk. Assembly a tel tur hian WCC memberte’n an Kohhran aiawh an tir thin a, a tlangpuiin kum sarih danah assembly hi a awm thin.
Assembly hnuaiah hian Central Committee a awm a, chutah chuan member 349 an awm mek a ni. Assembly loh kar rei takah hian Central Committee chuaqn rorelna tam zawk a khawih thin a, heta member tur hi Assembly emaw annual meeting a thlan an ni thin.
A thiltum leh Hmalakna Tlangpui :
Rinna leh Rawngbawlng lamah
Langtheia Kohhran inpumkhatna tih lan hi a pawimawh ber zing a mi a ni. Kohhran(denomination) hrang hrangte rindan leh ngaih dan bible kalsan si lova inang thei ber leh pawm tlan theih ber tur hi ngaihtuah a ni reng bawk a ni a, Doctrine bik erawh siam a ni lo( He huangah hian Sakhaw dang seng luh tel a ni lo).
Khawvela thu hril hmanga chanchintha thehdarh hi a hnapui ber pakhat a ni a. Chutiang ti tur chuan WCC member hrang hrang te pawh fuha, hrilh an ni reng thin bawk. WCC hian missionary tam tham tak a chgawm mek bawk a chu mi tur chuan thawhlawm pawh memberte hnenah ngen a ni thin.
He khawvel thiamna sang tak, science thiamna leh Technology hmasawnnain min nuai vel karah hian Kristian rinna uartak zirtir hi a ni a; nuclear power, genetics leh environment chungchang pawh hi uar taka in zirtir a ni reng thin.
Kristian mai bakah Sakhaw dang vuantute hmelma en ringawt lova kawma , thiana siam a, zir chhian leh chu inthian thatna hmanga Kristianan chituh hi a tum ber a ni bawk ( hei hi a ni mahna kan ngaih sakawlh hru chhan hi).
Rorelna leh Chhawmdawlna Lamah
Dollar maktaduai 35 aia tam ram 80 chhuangah kohhran harsate chawikannan leh raltlante chhawmdawlnan pek a ni tawh a. Rorelna dik kohhran leh khawtlangaha awm theihnan tan lak mek zel a ni bawk. Ram hrang hrangah vung rawng leh chi inthliarna ti bo turin chaktaka hmalak a ni bawk.
Community health care leh damdawiin damlo chhanhai te tan din a ni a. Khawvel pumah remna leh muanna a awm theihnan hma lak zel a ni bawk.
Zirna leh Harhna lamah
Kristian inzirtirna mumal tak peka, hetiang lama mite zirtir leh fuihphur hi a tum lian tak leh pawimawh ber pakhat a ni a. Hmeichhiate leh thalaite zirna hmanga chawikang turin Kohhran tinte zirtir an ni bawk.
Biak In chu Pathian biakna hmuna siama, Kristian nundik, Lal Isua rawngbawl leh zauzawka chanchintha hril darh tura inzirtirna leh infuihna hmun a tana hmang uar tura zirtir a ni bawk.
Thlipna:
WCC hian kohhran kaltlangin kumtin Missionary tamtham tak a la a, hmun hrang hrangah a tawn darh thin. Rinai takin mi tamtakin sakawlh emaw kan tih tlat hi a nun a nemin ka hria, a kawlh lo ber zawk awm e. Sakawlh pawh nise sakawlh nunnem chi a ni tal ta ve ang! Kristian leh kristian kan Bible chhung ngeia tanga kan rindan inanloh vanga kan do chuan Krista ram hi kan zauh dawn lo va, chu mai ni lovin ‘ringlo mi’ ti a kan sawi thin te hian min hmusit zawk dawn a ni tih rilru puin Missionary kal hmasate thahnem ngaihna a vanga WCC hi lo piang ta a ni a, phung hlauh taka hlauh chi a ni reng em tih chu mimal thu thu a ni ta e!
Similar Posts:
- BCM Assembly neih mek a ni
- Thalai Kristian Pawl (Diamond jubilee 1951-2011)
- Thalai rawngbawlna enfiah a ngai e
- YMA Day (78-na) Chibai vek u le!
- Kristian chhungkua leh kan tehdan diktawk lo te
July 5th, 2012 at 6:10 pm
A va sei e, tih awih lo(h).
2
century child says:
July 5th, 2012 at 6:10 pm
Lo hawi dawn ila.
Report this comment
tren tren
Report this comment
July 5th, 2012 at 6:10 pm
Lo hawi dawn ila.
Report this comment
July 5th, 2012 at 6:32 pm
#1
Ka hul hle mai.
Report this comment
July 5th, 2012 at 6:34 pm
Western Clothing Company(WCC), Women Christian College (WCC) lam pawh hawi ta tho ila.
Report this comment
July 5th, 2012 at 6:37 pm
Chhiar hmain ngaihloh lamah ngaih awihloh…Century child hian ka ha a ti ziau…pichiu
Report this comment
July 5th, 2012 at 6:46 pm
WCC hi ka hmelhriat lutuk lo nain sakawlh anga sawi hi chu ka pawm lo bur, Kristianten kan thil chin thalo em em chu kohhran huangchhunga danglamna lo awm, satus quo rawn sawinghing tu tawh phawt chu kan hmu tang hru nghal ringawt zel hi. Chik taka belhchiana Pathian thlarau hnathawh a ni em tih chhut ve phawt hi kan tihtur a ni, mi thusawi leh ngaihdan ringawta innghat lovin.
WCC erawh hi chu a hmalakna a tha ka tih rual rualin mihring remhriatna leh finna ah a innghat mah mah em aw chu ka ti.
Report this comment
July 5th, 2012 at 7:05 pm
kapi (kum 90) sawi hi ka innghahna a ni e….
“in sakawlh sawi hi ka lalpa hian a ngam tih ka chiang…
Khawvel tawp in tih lah isua zara kan ropuina ni tur……”
A van thlamuan thlak tak em…..
Report this comment
July 5th, 2012 at 7:24 pm
#5 charice lehh
Charice hian ka lung a dum, oink.
Report this comment
July 5th, 2012 at 9:13 pm
WCC hi eng ang pawhin lo ropui se, Presbytarian Synod-in zawm loh a relthlu kha a lawmawm ka ti. Keini daikil kara mite tana hriat phak loh thu inthup hi a tam lua deuh a ni. Zoram Kristiante hian kan sawtpuina em em tur pawh ka hre hran lo.
An zaidam/huapzau lutuk hi conservative kristiante ngaih ti tha lo tu tak chu a ni reng a. Missionary an tir chhuak un un a, a lehlamah missionary tiduhdahtute chu lawm niawm takin sum an pe ang teuh teuh a. Communist guerrilla group pakhat Patriotic Front of Zimbabwe an tihte hnena sum an pek tum pawh khan Germany-a Salvation Army, Irish Presbyterian Church leh Lutheran Church-te chu lungawi lovin chhuahsan an tum a nih kha !! Kristian missionary tiduhdahtu lo tanpui kha thil thaah an pawm lem lo a ni.
An inter-faith dialogue policy te lah hi Krista chanchin tha puanzar lam aiin sakhaw dangte nena insiamrem dan kawng zawnna mai mai a ang bawk si. Khawvel danah tha viau chuan lang mahse, sakhaw dang nena hetiang zawnga ‘rinna contri’ hi kristiante tan a him lo. Bible zirtirna nen pawh inkalh tlat a ni. “Tin, thim thiltih rah nei ngai lovahte chuan telna reng nei suh ula, tel ahnekin a thiam lohzia hriattir zawk rawh u” [Eph 5:11] tih ziak a nih kha. Religious pluralism rawng a kai lo maw ?
Engati nge Bible thuziak mawlte hi an pawm mai loh? Hei hi thilmak a ni lem lo. A chhan chu an thuchhuah pakhat chuan tihian a ti kulh mai: “YET WE ARE ALSO AWARE OF PROBLEMS CONCERNING THE AUTHORITY OF THE BIBLE REMAINING UNSOLVED AMONG US… and about the QUESTION OF COMMON WORSHIP BETWEEN THOSE OF DIFFERENT FAITHS.”
Hengte hi a then chauh a ni. Sawi tawh angin thu inthup kan hriat ve rual loh hi a tam em em a ni. Hetiang controversial lutuk hi tuten emaw an lo hmu sakawlh pawh hi a awm ve tho a ni; sakawlh a nih loh vek paw’n sakawlh tawlailir a lo ni mial mahna
Report this comment
July 5th, 2012 at 9:28 pm
Oikoumene tih hi WCC symbol-tuifinriata lawng kal lai, a laiah Kross a inphun a. Grik tawng a ni a, “Mihringte chenna khawvel pumpui” tihna ang a ni. WCC symbol hian a entir tum ber chu, khawvel mi zawng zawng khualzin mai kan nihna hmunah hian; lawng pakhatah i chuang tlang ang u tihna a ni berin a lang.
Kum 1948 a Amsterdam a kohhran 150 laiin an din a ni a, a chhangchhe hle bawk. Member Kohhran 150 lai chu rin dan hrang nei, biak dan leh duh dan dang nei, thlir dang chi hrang hrang neite an ni hlawm.
1) Trinitarians: Pathian pakhata minung pathum- Pa, Fapa leh Thlarau thianghlim ringtu an ni.
2) Unitarian: Trinitry an pawm duh hauh lova, Pathian chu mi pakhat chauh (Oneness) a ni an ti.
3) Liberals: Hengho hian “Pathian lehkhabu chhung thu chauhva innghat lova-mihring finna leh remhriatna te, Kohhran thurochhiah (Traditions) thleng pawhin kan innghat tel tur a ni” an ti.
A kal zel dan tur i thlir thiam ta em le?
Report this comment
July 5th, 2012 at 9:47 pm
Post leh comments a bengvarthlak hlawm khawp mai. Zirchian deuh phawt loh chuan ngaihdan fumfe tak ka la nei rih lo. Mission policy/strategy pakhat ania, kristian denomination hrang hrangte intai mai lova thawhho te hi chu tha ka ti reng mai. Sakhaw dangte thiana siam lampang policy erawh hi chu ka la hrethiam vak rih lo.
Report this comment
July 5th, 2012 at 10:00 pm
@10. Trinity ringlo ho, Oneness ho chu an tel ve lovin ka hria. Ka hresual em lovang chu maw
Report this comment
July 5th, 2012 at 10:37 pm
Tello chuan ka hria keipawh UPC chu ka niah..
Report this comment
July 6th, 2012 at 12:09 am
Sakawlh tihvêl hlau hnam kan ni hi chu a zahthlâk ngawt mai; zahthlâk lo emaw kan ti hi a zahthlâk lehzual
Report this comment
July 6th, 2012 at 8:08 am
WCC bawk maw
Report this comment
July 6th, 2012 at 8:24 am
@Rawihteamizo, UPC ten “Keini chu Oneness pawm kan ni a, WCC ah a tel ve theih loh” tiin an inzirtir a. Chutih laiin Unitarians tho Church of Christ (menonite) etc. Christian Council of Zambia ah pawh United Penticostal Church chu member puitlingah an tel thlap.
Report this comment
July 6th, 2012 at 9:31 am
# 7… Saint-a Pi Kum 90 khi ka * …
“..in sakawlh sawi hi ka lalpa hian a ngam tih ka chiang… Khawvel tawp in tih lah isua zara kan ropuina ni tur…”
Report this comment
July 6th, 2012 at 10:33 am
Mizoram ringtu te bak a sakawlh hlau hi an awm lo ang. Dawihzep thlak lutuk. Thenkhat lah chuan Election Commission in census a neih te lah an lo hmu sakawlh thul nen. Zirtir na dik lo tam lutuk rah chhuah ani. Kohhran thenkhat lah unau kohhhran dang sakawlh a lo puh tawk lah bo lo. WCC zawm leh zawm loh hian kawngro a su vak in a rinawm loh.
Report this comment
July 6th, 2012 at 10:59 am
Post tangkai tak chu a ni e. Mahse a positive side lam chauh a ni a, a kimchang lo deuh a nih hi. Tin, Mizorama sakawlh ‘hlau’ kan tih ho, kan nuihsawh viaute hian a nihna takah chuan an hlau lo lutuk zawk a ni. Sakawlh nena inzawmna reng reng an duhlohna hi (an sakawlh tih hi a dik emaw dik lo emaw)a huaisen thlak zawk. Sakawlh biak duh loh chu tuarna, channa leh tihduhna a ni a, chu chu hlau lovin sakawlh nia an hriat chu an zawm duh lo a ni mai. Census hrim hrim hi hlauh chi pawh va ni suh, a kaihhnawih thil hi thim thuneihna nena inzawma an hriat vangin an tel ve duh lo a ni zawk. Lo diriam vak tur a ni lem lo ve. Thil atthlak tak chu a ni maitheia, dawihzep vang erawh a ni lem lo ang. Pathian tih hi dawihzepnaa kan ngai a nih chuan thuhran.
A hlauzawk chuan an la be dur dur dawn a, Sakawlh an bia tih erawh an pawm ngam dawn der si lo.
Report this comment
July 6th, 2012 at 11:30 am
hlauh tur leh hlauh loh tur pawh hi kan hrechiang lo niin a lang.. WCC-te lo pawng hlauhve ringawt chu a thlir thui loh thlak ka ti. WCC ai chuan vawiin tlaia vawksa hmeh loh pawh ka hlau zawk daih mai..
Report this comment
July 6th, 2012 at 11:54 am
A nuihzatthlak thin teh e thil hi
Mizo zingah hian WCC hlau pakhatmah kei ka hre hauh lo. Zawm duh lo erawh a tam zawk kan ni tih a chiang. Hlauh vanga zawm duh lo an nih pawh ka hre hek lo
WCC hlauh aia vawksa hmeh loh hlauh hi a thil thlir thui thlak vak bikna pawh awmin ka hre chuang lo. WCC hlau hi an lo awm a nih pawn, vawksa hmeh lo hlau ten nen bawmkhata khung chi an nih hmel
Han in deusawh vak tur chuang an awm hmel lo eeeeee ..ekekekekke
kan hahthlak tlang zawng a ni e
Report this comment
July 6th, 2012 at 12:03 pm
he2..
Report this comment
July 6th, 2012 at 12:15 pm
Sakawlh hi kan ti hma thin ang reng, sakawlh ni kher lo pawh hian thil hi kn ti sual nasa viau thin tho chuan a rinawm
Report this comment
July 6th, 2012 at 12:31 pm
Pathian rawngbawl inti theuh si a, denomination hrang hrang te hian rawng kan bawl tlang thei chuang hauh bawk si lo.. Khawi lai hmun hmunah emaw te phei chuan pawl then khatin ringtu atana an siam tawhsa kha pawl dangin kan pawlah kan seng lut leha, ringthar kan nei kan ti leha.. Pathianin engtin tak lo ngaive ang maw…?? Keini ang dawn thui thiam lo deuh tan hi chuan dawn thiam phak a va har thin tak em…!!??
Report this comment
July 6th, 2012 at 1:44 pm
A bengvarthlak hle mai. Kan banner khi…
Report this comment
July 6th, 2012 at 2:35 pm
# 24…
A dik chiah asin. Mizoramah leh ramthar/ramthim hmun thenkhatah, i sawi ang hi a thleng reng a. A bawplawka lak phei chuan, a phurawm lo rawih thin…
Report this comment
July 6th, 2012 at 3:39 pm
Tute nge chutianga lo ti thin le? Khawi hmunah nge an practice? Chiang faka sawi tur hre mang silova, a him chin atanga mite rawngbawlna lo sel hi kan ngamtawk emni? A thuhrimah mahni hnaah theuh hian rinawm takin thawk ila, midangte hnathawh hi chu siamtha zawng emaw an diklohna emaw, a tidik lo tute sawi tur hre der silova, titi lengvel mai mai sawichhawng zet zet tu nih hi bansan a tha.
A tidik lo an lo awm a nih chuan huaitaka sawi siah siah mai tur. Chuti lova, tlanchhe chunga hmunthenkhatah mithenkhatin tihvel mai mai hian rinawm leh diktaka rawngbawltute kan hmer tel a, kohhran pumkhatna tichhetu kan ni zawk. A hmun ngeia tiktakzeta rawngbawltute hian hetiang lam hi an sawi meuh lo. A hminga mahni peih tawka rawngbawltu inti ve em em te hi hetiang sawi sawi ching hi an ni duh khawp. Thahnemngaihna avanga han duhthawh deuh changte chu a awm tih an pha lo, mahse an sawi ang em em hi chu a taka hmuh tur vang tak a ni. Campingah te reng duhthawh ltk vanga kan piantharna han inhnawl sak rap rap tawk pawh kan awm hi
Report this comment