«
»

Lehkhathawn Hmasa Ber

July 17th, 2012 3:20 pm by Dr Mahminga Sailo

(Tawnhriat nei tlem ber hian, tawng tam ber ang hrimin; tawn chhun chhun ziak kur luai reng mai ang aw… ;-) )

U-te thu min chah
Sms thawn turin thawnna hmanrua ka nei reng reng lova. Lehkhathawn ziak rual lah ka ni hek lo. Mahse, kha’ng hunlai atang tawh khan, rual u te’n hei hi min hrilh thin. Tu hnen atang paw’n lehkhathawn dawng ta la, I vawikhat dawnna chu dahtha ngei ngei ang che. Lehkha thawntu che kha, I duh leh ngainat mi ni lo mah se, lehkhathawn I paih emaw I tih rilralsak mai mai chuan, ngaihzawng I hmu zo lovang tiin. La tawn ngai loh a nih avangin lehkhathawn ka dawn ve hun chuan aw tiin an thu chah chu ka vawng ve reng a. Vanduaithlak ka ti dawn nge, vanneihthlak zawk pawh ka hre lo; hmangaih lehkhathawn dawn ni reng ka nei lo. ;-)

Kum 20 ka tlin hma chu…
Pathian malsawmna zarzovin, mi khawngaihna ka dawng a. Pawl sawm ka zir kum chuan a thlawn liau liauvin hostel-ah ka invawm lut ve a. Ngaihzawng nei rual chu ka ni ve ngei tawh chuan ka inhria, mahse nu leh pa te chawm pawh ni lo, kan sikul neitu’n duhsak avanga hostel-a awm ve thei kan nih avangin; lehkha zir bak tih tur ka nei lo. Tin, kum sawmhnih ka tlin hma chu ngaihzawng ka nei dawn lo tia mimal project lian tham tak ka siam ve ngawt chu bawhchhiat ka tum lo bur. Min bawhchhiat tir tur lah ka tawng hek lo. :-P

Eheee.., ka lehkha tur maw?
Ngai teh, tuk khat chu pawl riat zirlai tleirawl pakhat chuan, hei I lehkha tur tiin, ngeiawm thiam taka min nuihkhum deuh seih seih chungin min pe a. Ani teh daihin lehkhatthawn min pe ta chu mak ka ti, ka chhungte lehkhathawn a ni dawn lo tih chu ka chiang bawk si.

A rang a rangin, lungphu inthum rawn dut dut pahin dorm-ah ka tlan lut a. Lehkhathawn chu ka’n pawt hawng sawt sawt a. Khai aw, rin loh lam mi a ni ngei e! Pawl riat zirlai, Z***i, a thian te’n mi a * thu an sawi fo hnen atangin a lo ni a.

Engtinnge ni dawn? Lehkhathawn kha ka paih chuan, bialnu ka hmu zo lo mai ang tih ka hlau ve deuh si, dah tha ila hostel warden te’n kan bungrua an check zeuh zeuh bawk si. Eng rilru pua min lo thawn ve ngawt nge a nih chu le? ka ti rum rum.

Tin heti hi a ni a, rawlthar lungmawl tih takah, keia kara min *-vetu chu ka ngei ta tlat mai le. A thian te’n min han chhaih fiam hnu phei chuan, ka ngei ngawih ngawih. A va’n atthlak tak em! Mahse a hunlai hi a awm ve tlat si. Ngaihzawng neih kha ka zak tlat pek a, chu a kara min han chhaih fiam vel phei kha chuan, awmdan ka thiam lo a ni ber awm e. Tun hnua ka ngaihtuah let leh hian, ka inthiamlo leh fo thin.

Lehkhathawn min man sak
Ka lehkha dawn kha, thingrem mawngah ka dah tha ve ta ngei a. Hun a liam deuhva, exam te kan neih hnu phei chuan, lehkhatthawn chu ka hre reng tawh lem lo.

Hui hamm, thil duh loh ber a thleng ta! Tuk khat chu kan warden-in kan bungrua a check thut mai a. Lehkhathawn ka dahthat pawh chu hre chang lovin, inla-confi takin, warden bulah chuan ka ding a. Ka thingrem a hai a hai hnu chuan, lehkhathawn ka dah that ngei mai chu a haichhuak nawlh mai! Ka zak bawk si, hlauthawng bawk si, min thawntu lah ka ngei tawh lehnghal. Ka bing mup mupin ka hria.

Tichuan, kum te a tawp a, hostel kan chhuah a hun ta reng mai a. Z***i, hmangaihlehkha min thawn hmasa bertu chu, be miah lovin hostel ka chhuahsan ta a ni.

Lehkhathawn ka dawn hmasak ber, roh taka ka dah that ve kha, kan warden-in min mansak ta si a. Kawm karah emaw riralin, fur tuihawkin len vawn vawnin, a zawp ral vek tawh ngei ang. Tin, min thawntu paw’n, lungchim te’n khiangawia fanau maltluan chawiin; chhangchhe nu a ni ve tawh ngei ang a. Ngawi teh, khawlaiah a fanu/fapa te’n a hnuntuibur an peh fansak lawr lawr ta ve ang… Kei lah nuam ti leh engthawl takin ka la tlangval dawn leih leih si. :-D

Similar Posts:

Recent Posts:

This entry was posted on Tuesday, July 17th, 2012 at 3:20 pm and is filed under Luangliam, More than words. You can follow any responses to this entry through the RSS 2.0 feed. You can leave a response, or trackback from your own site.

29 Responses to “Lehkhathawn Hmasa Ber”

  1. 1
    Awmtea Khiangte Says:
    July 17th, 2012 at 3:38 pm

    Va ngaihnawm reuh e. Keipawh nakin lawkah ka nau lehkhathawn ka rawn ziah chhawn a rawn chhuak ve maithei (adm ten an remtih chuan)

    Report this comment

  2. 2
    hnarliana Says:
    July 17th, 2012 at 3:50 pm

    I ziak thiam riau mai…Kei mai pawh hian min duh der ve tu kan ngei tlat pek a..Tunah chuan mi nu ani tawh.A pasal lah kei aia tha.

    Report this comment

  3. 3
    ltachhakchhuak Says:
    July 17th, 2012 at 3:53 pm

    Hmangaih lehkhathawn part – 2

    Hmangaihna chu thalmu sei takin a kap puak ta maw :-D :-P

    Report this comment

  4. 4
    LaMea CâcTùs FLh Says:
    July 17th, 2012 at 4:45 pm

    Tunlai hi i Ler lutuk.i khai rei ve tawh anih kha..(ramhnuaiah biru nghal)

    Report this comment

  5. 5
    Dr Mahminga Sailo Says:
    July 17th, 2012 at 4:51 pm

    @ LaMea… Thutak un pui pui an post laia, thu ho deuh lo zeh ve zauh zauh hi a nuam alawm… :-D (Uite awh khaih, nula phenah biru ve nghal… :-P )

    Report this comment

  6. 6
    houdini Says:
    July 17th, 2012 at 4:57 pm

    Dr Mahminga Sailo ziah chu a ngaihnawm leh dawn chiang sa; mahsé ka buai êm a ka chhiar hman rih lo. Ka khêk mai teh ang.

    Report this comment

  7. 7
    houdini Says:
    July 17th, 2012 at 5:17 pm

    Ha ha ha! Ha ha ha!

    Ka chhiar leh hnuhnawh si a, a va inchhirawm loh tak êm!

    Tawng bungraw zangkhai deuh deuh hmangin thu ngaihnawm deuh deuh i ziak thei zël hi i thiamna ka ti lo thei lo.

    Tin, tawn neuh neuh hi i nei tha thei bîk hi ka tia…
    (Y) (Y)

    Report this comment

  8. 8
    sheldon Says:
    July 17th, 2012 at 5:30 pm

    Recent comment chu houdini nen kan tlar tuarh mai :-D Mahminga lehkhathawn hi kan chhiar teh ang.

    Report this comment

  9. 9
    Dr Mahminga Sailo Says:
    July 17th, 2012 at 5:38 pm

    Houdini – Sheldon = HS… Hnam Sakhua.. :-P He combination vang hi em ni, HS post-ah in tlar thlak dul mai le?! :-D (fiamthu)

    @sheldon… luck-loh biahthu bawk a nih khi… ;-);-)

    Report this comment

  10. 10
    saint sammoo Says:
    July 17th, 2012 at 5:42 pm

    thil hriat ruk ka nei a, ka komen huai vak ngam lo….haha..

    Report this comment

  11. 11
    mamboihi Says:
    July 17th, 2012 at 5:52 pm

    Mahming i he tih vang anih hi heti hi i lo nih tak! :-D
    A ngaihna i awm lo hahaha :-P

    Report this comment

  12. 12
    Chhuaklinga Says:
    July 17th, 2012 at 5:55 pm

    Ngaihnawm, lunglenthlak, nuizatthlak bawk si. (Y)

    @9, lolz

    tren tren

    Report this comment

  13. 13
    Dr Mahminga Sailo Says:
    July 17th, 2012 at 5:56 pm

    @ saint.. Ehhh, enge a ruktea i hriat chu..? :-D

    @ mamboihi… Kan warden-in, lehkhathawn ka dawn hmasak ber, min mansak vang a ni chiang alawm… :-P

    Report this comment

  14. 14
    saint sammoo Says:
    July 17th, 2012 at 6:02 pm

    a ziak ve mai mai a nih chu… Chutianga pa tap tawm leh in kl tawih tak a ni lo reng reng…. A tlangval ve vat vat viau a nia.. Ti a min hrilh tu hi awm ta se.. Mak ka ti vak lovang..haha..

    Report this comment

  15. 15
    Dr Mahminga Sailo Says:
    July 17th, 2012 at 6:04 pm

    @ saint… Eh eh.. a tawk chiah. Ti khian a zo vek… :-D

    Report this comment

  16. 16
    Kher Kher Says:
    July 17th, 2012 at 6:25 pm

    Hahaha #14 khi dik ka ring, keini a taka tawng te chu kan ngawih dak mai hi. ;-)

    A ti ve mai mai ni K’u Mahminga hian.

    Report this comment

  17. 17
    chhana Says:
    July 17th, 2012 at 6:35 pm

    A ngaihnawm e. Nakinah ka dawn ka la tarlang ve ang, a rem chuan.

    Report this comment

  18. 18
    Mama_B Says:
    July 17th, 2012 at 7:23 pm

    PU 2nd year nih thleng khan min * deuh tu te hi ka hnek hrep chak tlat zel…!!! Tun hnua ka ngaihtuah hian nuih a za zawk. Ka intitlangval har lutuk a…
    Mahse hmangaih lehkhathawn ka dawn hmasak ber kha chu ka la hre chiang ve khawp. Vawi engzat nge ka chhiar chhuah taak kha aw…? Mitthla-ah a la cham reh thei lo chu a nih hi….

    Report this comment

  19. 19
    The Biz Says:
    July 17th, 2012 at 9:08 pm

    Thu a tluang, chhiar a hahdam, a thuah min hruaiin mi chenpui, hun kaltawh min chhui let tirin min thlah fal ta keuh :-)

    Report this comment

  20. 20
    Dr Mahminga Sailo Says:
    July 17th, 2012 at 10:06 pm

    @ Kher kher… Ka tawn tawh zawng zawng ka rawn show a nih khi… :-D

    @ chhana… E, i dawn chungchang chu rawn ziak ve ngei teh, keini dawn ve ngawt ai chuan, a thlum ka ring tlat.. :-)

    @ mama_B… Kei chu, * hrim hrim hi chu ka nei teuh thin, mahse ngaihzawng tih a nih tawh hian ka zak tlat… ;-) PU 2nd year nih thleng khan min * deuh tu te hi ka hnek hrep chak tlat zel…!!! (Y) :-D

    @ The Biz… i hun kal tawh chu hriat a chakawm khawp mai… Kei hi ka inpuang reng bik maiah (buichhe laih lovin a inpuang tih zawng zawng ka chang ta a nih ber hi… (H) )

    Report this comment

  21. 21
    ItsMyLife Says:
    July 17th, 2012 at 11:05 pm

    I post thenkhat ka chhiar tawh a, thuziah i thiam ka ti… han ziak zel teh.. (Y)

    Report this comment

  22. 22
    mamboihi Says:
    July 17th, 2012 at 11:17 pm

    Sitar leh tu che an awm chuan ngei tawh miah suh!! :-) Pu Malsawm Colney anga kum 70 pelh a nupui neih i duh ve mi haha…. :-D

    Report this comment

  23. 23
    Mx Says:
    July 17th, 2012 at 11:22 pm

    Very ngaihnawm :p
    (Y)

    Report this comment

  24. 24
    Dr Mahminga Sailo Says:
    July 17th, 2012 at 11:41 pm

    k’u mamboih.. Zawn tak takin ranngo ka zawng tan dawn.. :-D

    Report this comment

  25. 25
    mamboihi Says:
    July 17th, 2012 at 11:51 pm

    Mahming a hun tawh viau a ni!! I scooty kha hman tangkai a hun tawh! mahse a sitar tu che ngei tawh suh! :-P Sitar tu che an awm chuan scooty ah phur nghal nal nal rawh aw haha!

    Report this comment

  26. 26
    Lamji Says:
    July 18th, 2012 at 12:54 am

    Thu pawi mah kan sawi lo bawk a,mahni chanchin khilai leh zeuh teh ang!

    Class10 kan zir lai hian a lehlampang kha hostel ah a awm daih sia,in hmu thei ngai hek lo,tih ngailoh lutuk angin lehkha kan inthawn thin anih kha. Alo zei awm ngawt mai,’Suih loh chibai ka buk a che,i chhiarna mitmeng mawi tak kha a kham tawh ange bla bla bla..’ te kha a rawn ti duah zel a. A pawimawh ber lai,hla ngaihthlak tur hi a rawn dedicate thin a,uluk deuh in lo ngaithla la,amah/anmahni kha ka duh thei lutuk ania…a rawn tih khan phur tawk in,’Keichu ‘tiang lampang hi ka ngaithla vak lova,tunlai phei chu Pantera bak ka ngaithla ngai lo.’ ka lo ti pek anih kha.. Awiiii…a chhiartu tana a thlum loh tur zia mai kha! a timi lo hi a awm ve theih tak tak dawnin ka hria,hawrawp nalh lutuk,envelope kah rimtui a thian te an rawn thawn thin kha paper pawh thlak tuat,thaichhiat tam em em khan kan han reply ve ngei zel chu ani sia. Hahaha! Ngaihawm ve phian. :D

    Report this comment

  27. 27
    Dr Mahminga Sailo Says:
    July 18th, 2012 at 10:03 am

    K’u mamboih… I thurawn khi ka zawm dawn chiang. Min lo * leh vaih teh se, pawisa hlawh paw’n scooty hian ka phur hreh dawn tawh miah lo… :-D

    @ Lamji… I zeromother ( an ti ngei zel.. :-D ) chuan tawngkam a thiam hle tak mai… (U)

    Report this comment

  28. 28
    Kosmovision Says:
    July 30th, 2012 at 3:51 pm

    Dr. Mahminga thuziah hi chu a tha lo thei lo. Misual.com a tel ve hi ka chak lutuk a ka rawn register ve ringawt mai…hehehe

    Report this comment

  29. 29
    Dr Mahminga Sailo Says:
    July 30th, 2012 at 5:59 pm

    @ Kosmovision… Lo lenglut thin rawh, mi(sual) zinga awm hi a nuam riau asin… (Y) Nula rim ai tiin ka lut tlut tlut mai.. :-D

    Report this comment

Leave a Reply

You must be logged in to post a comment.