Awi-Thang Pa Lehkha Thawn !

September 11th, 2012 6:30 am by lushai_er

[Source : Mizo leh Vai Chan Chin Bu – Bu 8-na August 1912 ]

Khawvel a ka thian te u, ka hming hre phak tawh phawt chu, lehkha ka thawn a che u; Nangni’n ‘Awi-Thang pa chu a thi ta’ min lo ti a : tun a zawng Pathian zar a ka la dam rih ani. A chang leh “Pathian thu a awi ta e” min lo ti bawk a, ka la awi bawk hek lo, misual ka ni avanf in.

Awithangpa

Tun a ka thian Makthanga Borsap khawl Babu hnen atangin ka rawn thawn a che u. Tun hnu an pawh ka thian Makthanga’n a awi chuan, ka la han hrilh leh thin ang che u. Dam tak in lo awm theuh bawk ula.

1. Fam a awl kher mang e di ngaih chu,

Tuah khaw awm thing len-tu zing ri riai hnuaia,

Awi-Thang pa nau ang ka nuar ngawi e.

2. Mi hal lo la I an-ka ka dawng nuam e,

Sap-bawi-pui pa hmar tlang sial mah hian lung-di,

Sih-zawl an buan ang a pawm leh thin.

3. A sakhming tlai-len pui ka bang nem maw,

A par a par ka ngai chul thei lo mi u,

Ka ngai zual mang e hlei hluan a.

4. Ka tawng-mang reng Nikhum pa’n ka tuar zo lo,

Lung-len zai nem ka vawr ang dawl lung shang a,

Tah ruai ruai Lalhniang a awl ngei e.

5. Pual-va dar-khang ri a thang zawi e,

Khua tin sel val Samtlang lel-te Khumchhing pa,

Thin lai a nghawr dim e lung-len a.

6. Kawl a vir-thli leng chhem nge ni Lal-hniang zun,

Awi-thang pa leh Sam tlang thingribuk kur e,

Dawn lai an kuai reng e ni chhun a.

7. Chhawl ang uai na khua riai ruai hi tlang dum dur,

Nu-hnun tui ngai sen lai nau ang Awi-thang pa,

Sawng pui zau lai a a tlei thei lo.

8. Thlang chhuak dar no, no tin chhing a no mawi a,

Chawl tui dawn nan a shiam e Sap-bawi-pui pan,

Van hnuai a khuavel a thang leh tur.

Sap-bawi-pui pa no thar tangka 20/- man phuah na. Nikhumchhingi leh Awi-thang pa.

Hmar a, Maubuang.

24 Responses to “Awi-Thang Pa Lehkha Thawn !”

1
Kawnga Says:
September 11th, 2012 at 6:38 am
No chungchang chu a tawp lamah chiah hian a lang a ni maw? A helkual nasa hle mai.
Report this comment
2
H.Vangchhia Says:
September 11th, 2012 at 6:43 am

Report this comment
3
lr hlonchhing Says:
September 11th, 2012 at 7:15 am
Ni tha tak hmang theuh nang che u…
Report this comment
4
H.Vangchhia Says:
September 11th, 2012 at 7:17 am
#3 nang pawh le. Kei zawng laikhum belh a hun dawn ta thuak mai
Report this comment
5
Phivawk Says:
September 11th, 2012 at 7:52 am
‘Ni chu ni, nilo chu nilo’ ti chi tak a nih hmel. Tunlai mi tam tak Pathian thuawih tak tak chuang silo Sunday-ah chuan Pathian thuawih ber emaw tihtur nileh si ho aia a ngaihsanawmna chhan chu miin Pathian thuawih nia an lo hmuh tawh laiin huaisen takin Pathian thu a la awih loh thu a sawi ngam khi. Pathian thuawih loh a tha tihna lam nilovin, nun lem lutuk a nei ve lo khi a ngaihsanawm letling.
Report this comment
6
Jacka Pi Says:
September 11th, 2012 at 9:09 am
Engatinge Awi leh thang inkarah hian hyphen a awm a? Awithangpa (Lalawithanga pa) emaw ka tia
Report this comment
7
sheldon Says:
September 11th, 2012 at 9:45 am
‘Fam a awl kher mang e di ngaih chu’

‘Ka tawnmang reng Nikhumpa’n ka tuar zo lo’ – a lunglenthlak. Tunlai hlaphuah thiam hian an va tluklo tak. A vai khian a nalh vek mai.
Report this comment
8
chhangteval Says:
September 11th, 2012 at 10:33 am
Hla a nih zawk hi
Report this comment
9
evergreen Says:
September 11th, 2012 at 10:44 am
‘Fam a awl kher mang e di ngaih chu’, Ka hrethiam lo..

‘Fam a awl kher DAWN’/AWM mang e di ngaih chu’ te tal ti se…
Report this comment
10
Awmtea Khiangte Says:
September 11th, 2012 at 11:15 am

Report this comment
11
lushai_er Says:
September 11th, 2012 at 11:30 am
@Jacka Pi : Edit lohin a ngai ang angin ka rawn bel pawp mai. Lehkhathawn pawh khi a dik loh khi ! Mahse, Kum 100 kal ta a mi kha a nia, a print-na pawh hi Bangladesh-ah a ni a, an proof reading thei tawh lo pawh a ni mahna. Pu Maka hi a thu ber a, a ni tih ang ang hi a ni berin a lang.
Report this comment
12
lushai_er Says:
September 11th, 2012 at 11:39 am
#9: “Fam a awl kher ma nge di ngaih chu…”

https://dsal.uchicago.edu/dicti.....index.html

He thu-ah hian fam (thi) hi hmang lovin fam (senior) a hmang a ni mahna.

Pu Buanga Lushai-English Dictionary hi lo keu ve teh.

fam : (page 132)
support one for long; to be too old to marry and have children who would have time to grow up and support one.

fam
fam, v. to decorate, dress, deck, beautify, or dress up. (See infam. )

fam
fam, v. to die. (A poetical word used instead of thi in Lushai songs.)

fa mal
Report this comment
13
evergreen Says:
September 11th, 2012 at 11:51 am
#Lushai_er,

‘Senior a awl kher mang e di ngaih chu’…a la dik thei lo.
Report this comment
14
vakul Says:
September 11th, 2012 at 11:52 am
Awithangpa hi mizo hla phuah thiam zingah ka dah sang hle…chutih rual chuan a hun laia hla hmanga a inbeihpui Diriallova kha ka ngaisang em em a…promoter a nei ve lo nge a lar lo riau. an inbeihnaah khan diriallova a thiam zawk mahin kan hre thin…kan thianho khan.

Awithangpa leh a hlate tih buah khan lo chik mah teh u…Driallova kha neu lo tak a ni.

awthangpa hian…nikhumchhingpa..khumchhingpa…nikhumpa tih hi amah insawi nan a hmang fo va cial ve tak a ni…Diriallova khan lengzahmawia a inti thung.
Report this comment
15
Charice_mizo Says:
September 11th, 2012 at 12:06 pm
Classic Mizo hi hriatthiam a har ve thin khawp mai, an spelling hmandan thleng hian ala dang bawk si a. Awithangpa te ang kan nei hi kan vannei reng reng e..
Report this comment
16
Jacka Pi Says:
September 11th, 2012 at 12:38 pm
A fapa Lalawithanga thi a phuahna ho khan ka lungril a kuai ber mai
Report this comment
17
lushai_er Says:
September 11th, 2012 at 2:26 pm
#13 : “Fam a awl mang e” a tih hi lenrei(senior) a awl mang e di ngaih chu tihna pawh lo ni se a dik lohna hran pawh ka hmu lo kei chuan !
Report this comment
18
lushai_er Says:
September 11th, 2012 at 2:55 pm
#16 : Kha ka rawn chhawp chhuah sak ang che…!

“Puini chu lem ang zu der teh la,
Nang chu Awithang, ka tuai lungrun;
Hring lamah lo kir leh la.

Ka sa maw nuar, ka chuni nu, a i emaw kan sual e,
Ka tuai duhlai banah a kai,
Awmlai a nunrawng mang e.

Ka thin zo chhum ang a zing e, ka dawn lem a awm love,
Fam ka ngaih lai takin lelte,
A kiu kan sum tualah e.”
Report this comment
19
PKfanai Says:
September 11th, 2012 at 3:31 pm
An hunlai mizo tawng a lang thei a. Chubakah spelling mistake a awm zauh zauh. 7 na khi a va phuah thiam kher em.
Report this comment
20
lushai_er Says:
September 11th, 2012 at 3:52 pm
Spelling mistake khi a original ang chiaha ka dah a nia, a topic pawh hi Admin te’n an lo edit anih hi “Lehkha thawn” tiin a in ziak nghe nghe..!
Report this comment
21
lushai_er Says:
September 11th, 2012 at 4:10 pm
@Kawnga a hel kual hran lovang, hetih laia editor Pu Maka hian a belh anih ka ring zawk tlat.
Report this comment
22
Chhuaklinga Says:
September 11th, 2012 at 5:06 pm
Hrethiam tur chuan chhiar nawn fe ka ngai mai a, mizo tawng hi ka lo va thiam lo em.

A ril raih raih hle mai, lar pawh a lo phu e.

tren tren
Report this comment
23
Sangpuiipa Says:
September 11th, 2012 at 6:03 pm
https://www.hlakungpui.com/luah.....angpa.html
Report this comment
24
Ralte thlahtu Says:
September 14th, 2012 at 10:04 pm
MZP Changrel a sual ngailo..Lalawithang pa
Report this comment