Mizoram Kristian ram, za a za Kristian tia in chhal fo thin te ram hi Krista Lalna ram niin kan hria em? Kan velah sual chhah takin min tuam mup mup a, kan hai der fo thung si. Kan duh tawkin Bible kan pawt fana, ti chuan Biakin leh pulpit tlanga kan amen thum dut chuan kan ngaih a tha em em. Mahse sualna chhumpui chu kan zoram chhungah ngei a zam phui mup chu anih si hi. Engvang nge? Tu vang nge?.. Engdang vang ani lo..nang leh kei hian Isua hi kan lo hrechiang lo em ni.
Isuan riltam leh tuihal a tih te kha : Bible kan chhiara, rorelna ni a Isua tehkhin thu, “ Ka riltamin eitur min pe a, ka tui a hal in tui in tur min pe a etc..” a tih te ho kha kan chang thlan a. Tleirawl awm tha duh lo, Isua chanchin tette a Sunday school a tanga zir, zir zawm duh lo, drugs addict a chhuak emaw, KS a tang ta te a sawina emaw kan ti tlat. A ni lo, heng ‘riltam te, tuihal te, silhfen nei lo’ a sawi te hi, A MAH KRISTA avanga tuar tute a sawi na ani. Keini zu no khat leh arsa hem hmin ka thlahlel e, tih emaw, mipat hmeichhiatna nawm chen ka thlahlel e tih a vanga, nawm chenna lama tlan a, kan tuh rah senga tuar te lam a sawina a ni lo tih kan chian a hun ta. Isua ringtu an nih a vanga tihduhdah tuartu te leh, hmuhsit leh endawng tuar a, Isua a vanga hreawm tin reng tuar tu te leh, chung ho lo puitute chanvo liau liau ani.
Camping leh Speaker Boruak: Mizoramin kan ngaihsan ber chu misual , nundan ninga inti piangthar te, engemaw team hming in vuah a ‘speaker’ a lo tang ta te te ho hi an ni chawk. Camping emaw crusade na ah emaw..”Chutiang kha tiang chuan ka lo nung thin a, mahse Isua min chhandam tih ka hriat hian ka lo lawm ta em em a..” tia mittui tla zawih zawih a an han sawi hi chuan kan ‘Amen’ thum huk a, kan ngai ropui bik riau. Sualna emaw..chanchin tui hnai lo sawi tur nei ve lo chu kan hmu ro nghal rawih rawih mai ani. Hei tak hi ani kan kalsan a hun tawh chu. Tette a tanga Isua tana lo in pe, tleirawl nawmsakna te, zu leh ruihhlo te tlansan ngam speaker hi kan ngaihsan a hun tawh..Kohhran te pawh hian chu chu kan hriat a hun tawh. Rihartui phur ang zia zanga, sual bul leh a chheh vel, sual ngaihdamna ringawta buai lo hian, “ HRE RENG CHUNGA TISUAL TE NGAIDAM LO TUR PATHIAN” a nih zia hi kan in zirtir a va hun tawh em.
Zoram population VRS piangthar population : Zoram population ai chuan Synod charchin thar leh Baptist today a piangthar zat hi an tam fe tawh. Engvang nge? Enge a chhan? Isuan sual a huat zia inzir tir si lo a, a ngaihdamna thu ringawt kan in zirtir vang ani mai. Rei lo te kan piangthar a, ka peih ta lo ve tiin sual lamah kan tlan leh a. E khai ka nundan ka ning e tiin campingah kan in ti piangthar leh a..Hetiang system ringawta kan kal vang hi ani mai. Lal Isua hi Lal leh chhandamtu ah i pawm anih chuan i zui tlang ngam tur ani. I phatsan leh a nih chuan a ngaidam hauh lo ang che. ‘Biakina thil zuar ho a vuak chhuah ‘ ang kha i chan tur chu ani mai. Chuvangin piangthar, da leh, piangthar leh etc..a hun a zira in adjust tum te tan chuan he thu hi i hria ang u “ I lum chuan lum law law la, i vawh chuan vawt law law rawh. Lum si lo, vawt si lo a i awm a vangin ka ka atangin ka chhakchhuak dawn che” tih thu hi..Isua hi bawl kan tum rei mah mah ta e.. Chutih rualin Kristian, Isua zuitute ten kan tih tur chu..heng ho, a changa piangthar, a changa drugs addict leh, KS a tang leh te ho buaipui khuk luai hi kan mawhphurhna ani lo..Lal Isua hre ngai lo te hnena chanchintha hril erawh kan mawhphurhna ani.
Sentimental idea bansan ngam ang u: Sentimental han tih hian engtin nge kan tih ang..han no nghulh deuhna system kan neih hi i bansan ngam ang u. Mizote kan puitlin lohna ber ani hial awm e. Thil tha chu kan hria, chumi zawm nghal kher ai chuan, sual phawt a, chu mi rawn zawm tum leh te chanvo leh an thu dik bik ta riau a kan ngaihna hi i ti bo ang u. Engchen nge rihartui phur ang zia zanga sukna ngaia kan suk dawn?. A tawp berah chuan Isua Krista hian ‘misual sim tak tak te a lawm a, sual sim si lo, engemaw changa in ti piangthar, a hnu lawka phatsan leh tu te..leh heng ,hre reng chunga tisual a, nun kawng tha lo zawhtu te, an tuh rang seng tute hi,a khawngaih hlen lo a, a vaw chhuak thin..’ tih ah hian i chiang ila. He kan no nghulhna rilru a tang hian, puitlin i zir ang u. “ Kan thlen chin a tang hian hmasawn zel i tum ang u”
Similar Posts:
- Camping leh crusade rau nge Thlarau thianghlim?
- Sual fa lu bâwk (Sunday pualin)
- I tan liau liau
- Duhthlanna sang ber
- DUHTHLANNA SANG BER By Denis Lalfela, Rome
September 13th, 2012 at 3:23 pm
Zoram Kristian te hi chu kan puitlin lawk hmel loh ani. Sual bul leh a chheh ve ah hlir hian kan la tang tlat. Kan Biakin a ropui tual tual a, a ro pawh a ro, a pui pawh a pui tial tial tih theih khawpin kan awm tawh.
Fapa tlanbo ah te kan in ngai emaw ni?? Kha fapa kha a tlan bo nawn leh em? Tehkhin thu te hi kan lawm em em mai ringawt anih hi..A taka nunpui chiah si lo hian..PIANTHAR hi nuam kan ti a, PIANGTHAR in a ken tel DUTIES erawh kan peih leh chuang lem hlei lo a ni berin a lang.
Report this comment
September 13th, 2012 at 3:30 pm
@51, Doc_lib, a dik chiah! Pianthar chuan Pianthar! Pianthar loh chuan Pianthar loh!. A laihawl a awm tur ani lo!
Misual inthup mawi nan (mask) ah kristianna hi kan hmang mai mai ani e..! tam tak chuan!
Sakhuanna ‘tarmit’ hi hlih a hun!
Report this comment
September 13th, 2012 at 3:31 pm
doc_lib, Kristian puitling loin kan hrinchhuah te chu an puitling tawh lo dawn lutuk asin. Nu ber a hrisel loh chuan fa pawh a hrisel thei lo.
Report this comment
September 13th, 2012 at 3:39 pm
Trawtte, chuvang renga, Kristian kum 100 na kan lawm hnu kum 18 a ral leh tawh hnu ah pawh, Mahni pawh in chawm zawm lo state ah kan la awm. Kan nihna dik tak hi han sawi fak fak chuan pawm thiam lo a tam zawk kan la ni zui.
Pathian thu te hi a nihna ang anga sawi ai chuan, a sir vel ah lungphur thleng tlang hel a hel..Vau titih thlem titih nen a han sawi kur thiam a piang hi a sawi tha hle mai kan ti liam puat zel a. Kan Commendian search pakhat thukhaw chang ang deuh in, ” Thiannu, Pathian mi hmangaih zia hi tih pahin mi bawkbawn an lo dun char char” anih loh vek leh, ” Lalpa min hmangaih zia hi tih pahin ” Dawt bill siam zeih zeih ” thei tawk a Kristian nih hi kan bansan a hun tawh.
Report this comment
September 13th, 2012 at 3:42 pm
Kristian inti, mahse Lal Isua zuitu (disciple) erawh kan ram ah hian kan tam lo. Churvangin discipleship ministry lam kan uar thar leh a pawimawh tak zet a ni.
Report this comment
September 13th, 2012 at 3:55 pm
KU PkFanai in chunglamah fapa tlanbo teh khin thu a rawn tarlang zauh bawk a. Sawi zau zel ang. Kha fapa tlan bo kha, camping ah alut em? A luh thu a awm lo. Amah leh a mah ngeiin a dinhmun a in hre chiang a, a pa in ah a let leh ani mai.Chuvangin a tlan bo nawn leh tih pawh a hnu ah a awm zui tawh loh kha. Kei ni ve chu, Keimahni zawkin kan va buai pui khuluai a..Ruihlo ngai te pual kan ti, Eng enge maw pual..a tam lutuk..Mahni ah Lal Isua zui duhna tak tak a awm loh chuan, in thlem leh in duat..in vau emaw hmangin camp ah kan luh tir a,.an rawn chhuak a, an pianthar lawmpui nana Kamis thar rawng pawh a dak hma in an da leh hman ziah anih hi..
Heng system te hi siam that a hun a sin.
Report this comment
September 13th, 2012 at 4:03 pm
Docte, religion leh economics i rawn sawi zawm daih a.
Mifel sual sim chuan tur nei lo 99 aia misual 1 sim lawmtu Pathian kan zui chhung hi chu speaker, counsellor, rawngbawltu, upa, kohhran fawng vuantute hi sual hrep hnua piangthar anih leh nih loh ai mahin an thusawi “Thunung” hian Lalpa ram a la zel fovang. Chutiang ni lova, a “Thunung” aia a “Thukengtu” i ngaih pawimawh chhung chuan i duhthusam hi suala piang mihring zingah hian an awm dawn hauh lo mai. Zurui thle mai mai pawhin sawi sela, he “Thunung” hi a “Tinungtu thlarau”-in hna a thawh phawt chuan Lalpa’n a ram lak a thulh dawn lo. Nikum lawka Quran avanga Muslim tam tak Kristiana an inpekte kha pawm harsa chu i ti maithei.
Report this comment
September 13th, 2012 at 4:12 pm
Trawta, a sawi zawm loh theih loh. Kan nitin nun leh kan hnathawhna ah pawh Krista hmel lan tir thei lo Kristian chu eng Kristian nge kan nih?. Tin, Mihring leh mihring a in en loh theih loh. Chuvang rengin a lawm ” Eng pawh ni se, in awm dan leh Krista chanchintha chu lo in mawi phawt zel rawh se” tirhkoh Paula khan a tih lawm lawm.
Isua ngeiin, Lei chi in ni e, a tih kha. He ka thunung sawi hi lei chi a ni e ti lovin, nang leh kei ngei a hi a ni a tih.
Report this comment
September 13th, 2012 at 5:34 pm
Puitlin lam pan hi chu kan ngai ve hlein ka hria. Kum 118-a upa Kristian hi kan la puitling lo khawpin ka lo hre ve thin.
Report this comment
September 13th, 2012 at 7:35 pm
piangthar sa reng pawh hi han camping leh chuan inrinhlelh thar lehna hri ankai a,microphone ring over thum deuh bel bul a,’INHLAN RAWH.. INHLAN RAWH..ZANINAH PAWH I THI MAI THEI ASIN…’ an han tih thum sup sup a “I MUTHILH HLAN PAWHIN KHAWVEL A LO TAWP MAI THEI…’te anhan tih chiam hi chuan a bul a trangin kan inhlan leh nge nge a, ‘campers zawng2 an inhlan vek’ tih te hi ROPUINA ah zu ngai ia… chhawng thum a awm chuan chhawng khatna a mite kha anlo da leh tran tawh a…
Report this comment
September 13th, 2012 at 9:45 pm
Docte, fapa tlan bo khan camping lut duh pawh ni se luhna tur a awm lo hrim hrim, point baseless tak a ni. Hnamtin tihdan a inang lo ang bawkin kan hnam tihdan hian kan ti ve a, camping hmanga thlarau bo kan chhanchhuak a ni ve mai lovem ni???
Isua hunlaiin baptisma tuiah inhnimphum khera a chan avangin inhnimphum vekin kan chang chuang hleinem. Fapa tlan bo pawh heti khawpa beidawnga a nun a awm lai hian camping lo awm ta se amahin a pan lovang tih i sawi thei hauh lo.
Kan ‘GOAL’ vuak luh tumna aiin a ‘MEANS’ vel i buaipui zawk a ang mah mah ka ti deuh.
Report this comment
September 13th, 2012 at 9:47 pm
CONTEXT and BACKGROUND will help. Isua chanchin hi zir chian deuh a tul thin a ni e.
Report this comment
September 13th, 2012 at 10:25 pm
Ignatia @ 62, Context leh Background hmang chuan Mizo kristian nun hi tawi fel deuhvin min han hrilhfiah sak teh. Thianzahoa ti ti nikhua hian rinna lama kan puitlin lohzia ka sawi ve chhen si a, ka tehkhawng a dik lo reng te hi a ni ang e. Han share teh plse.
Report this comment
September 13th, 2012 at 10:32 pm
Bible uluk takin chhiar ula, Isua chanchin chu in hre chiang ber ang. hrilfiah leh chhawn hi chu mahni rilru mil a sawifiahna ani tlangpui
Report this comment
September 14th, 2012 at 12:18 am
Trawtte, camping hrim hrim kan sawi chhia pawh ani lo. Kan camping system te hi thlak a hun tawh a ni zawk e. Zorama chhungkaw awm zat aia tam camping kan nei tawh a, puitlin lam kan pan thei chuang lo chu anih hi..Nge kan kal dan ngai hian a tha e, tia sukna ngaia suk tlat kan tum lui tlat zawk..Miin Lal Isua hi tawh tumna tak tak a neih loh chuan camping ah vawi 100 pawh tir lut la, a da leh zing ani mai.
Report this comment
September 14th, 2012 at 11:24 am
Post tha tak zawng a ni e
Report this comment