mi(sual).com

Tukin chu President Ronald Reagan thusawi, “ Freedom is never more than one generation away from extinction. We didn’t pass it to our children in the bloodstream. It must be fought for, protected, and handed on for them to do the same,” a tih kha ka rilruah alo lut zawr zawr mai a. Ka ngaihtuahna a kal thui ta zel a, Mizoram alo lang leh ta a. Mahni ram, ka pianna ram hi chu ngaihthah mai a har chu a ni e!

President Ronald Reagan sawi, zalenna hi ṭhangkhat lian lek kar a bo thei anih zia te, a bo lohna a tan venhim tlat a ngaih thu te leh, chutiang chu kan fate kan chhawm thlak zel tur thu a sawi hian ka rilru a khawih em em mai a ni. A ni tak a, kan zalenna leh, “Mizoram hi kan ram a ni,” kan tih theih chhung hi ṭhangkhat lian lekah a liam mai ang tih a hlauhawm ta hlein ka hria.

Mizo te hi mihring inti fing tak, mob rule ang chi lo va ṭangrual thiam miah lo, mahni hmasial tak leh ngaihsam tak kan nihna hian (no denying the fact), kan ramah hian keimahni Mizo-te ngei minti chep zel dawn ni hian ka thlir ṭhin.

Hnam fing zawk ten kan chereu emaw, kan riral mai loh na’n ILP leh invenna tur chi hrang hrang min duan sak a, danah hman a ni chho va, hman mek zel an la ni bawk. Mizoram leh Arunachal te ngat phei chu zin veivak (tourist) te tan pawh ‘restricted area” ani a, phalna bik lak loh phei chuan ramdang mite tan a lo luh mai mai theih loh a ni. Tin, kan ngaihsam vang a Mizoram pawn aṭanga lo pem lutte tam tawlh tawlh zel mai hi kan intih Kristianna emaw chhuanlam a, ngaihsam pui mai tur niin ka hre lo.

Kan ram chhung a kan dan neih ang angte hi, dan kengkawhtu te puitu niin, dan lova awm nia hriat.. rinhlelh emaw te chu theih phei chuan ziak thlapin report thehluttu nih i hreh lovang u. Duhsak bik emaw, thlei bik nei hauh lovin chet a ngai tawh. Entirnan, Aizawl bazar a vai kutdawhte kha, an lainatawm em em, mahse, Mizoram ILP danah, Mizoram a lolut tur hnamdangte chuan ILP an neih angai a, ILP nei tur chuan Mizo tu emawin a sponsor angai a, a sponsortu hna chauh a thawk tur ni bawkin ka hria. Ka hriat dan hi a dik anih chuan, tumahin, kutdawh chhawr tur an sponsorin ka ring lo. Anni thleng khan an ILP check sak ni sela ka ti hle.

Tin, sawi leh sawi hnu, ‘Chakma an pung chak lutuk‘ ti a kan sawi sek hi, sawrkar hian uluk takin check sela ka ti hle mai bawk. Ram chhia, Bangladesh leh Arakan vel aṭanga lo lut an nih hlawm avang hian, an damchhuahna tur chuan an fin thiam em em angai tih pawh hriat a pawimawh hle awm e. Dan dik tak a awmte ka sawisel a ni lo, dan lova lo lutte leh, an thlahte a ni ka sawi zawk chu. An fin kan chelh si lova, hetiang reng reng a kan vau pung chiah a kan thawm a len chuan, thiam takin, ngawi rengin (!), dan chhungah thiam tak a che zelin, Mizo te chungah ro an la rel ngeiin ka ring a ni. Tunah pawh minister pakhat aia tam mah kan neih fo tak hi. Tripura ang a ram neitu zawkte an rem diak ang khu kan ni duhin ka ring lo. Zohnahthlak zawng zawng, Lai, Mara, Lusei, Hmar, Paite, Ralte, Zahau, Thadou te kan ṭanrual a ngai. Kan inkohna (identity/in identify-na) dang fo mahse, mihrang kan ni si lo!

YMA te pawh zan lam a an duty reng peih ang hian, sawrkar lamah dan kengkawh turin emaw nawr peih ta sela chuan, “dan kengkawhtute hian an hna an thawk ṭha lo,” tih tur a vang sawt bawkin ka ring a ni. Mipuiten kan puih erawh a ngai ang. Ngaihsam hi i sim tawh teh ang u!

Similar Posts:

• Inkawm khawm naah!
• Nunphung
• Ngaihsam
• Fa enkawl
• Beiseina

Recent Posts:

• NANG NEN NGEI HIAN
• June 2017, Mizo(ram) diary
• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!

This entry was posted on Saturday, December 1st, 2012 at 12:32 pm and is filed under Advice, Luangliam, Mizo Society & Culture, Mizoram, More than words, Opinion. You can follow any responses to this entry through the RSS 2.0 feed. You can leave a response, or trackback from your own site.