I lo sawm ang. Ani hi Youth Icon 2012 Pahnihna a ni. Durtlang Kawnveng a awm a ni. Kum 13 a nia, Zikpuii’n rim ala phal lo. Chuan pawl 9 a nia, NET a la clear lo.
Lalduhsaki – Zan Thianghlim
Archive for December, 2012
Inkhawm ban hma in Lalduhsaki zai turin…
Sunday, December 23rd, 2012Heroda Khan A Tisual Lo {Sunday Pual}
Sunday, December 23rd, 2012Thu Kamkeuna
Matthai 2:1-29-a kan hmuh angin, Lal Heroda khan Isua tihhlum a tum avangin Bethlehem leh a chheh vela nausen a thah-tir vak a, kha kha kan dem nasa êm êm a, kan ti dik chiah em aw? Thil rêng rêng hi side khat chauh aţanga thlir hi chuan a dik mawh a, thudik dik tak pawh a hriat theih loh. Hei vang hian, Secular Court-ah pawh, lehlam lehlam thusawi uluk taka an ngaihthlak hnuah Judgment an siam chauh ţhin a ni. Lal Heroda kha interview neihpui ta ila, a sawi dan a dang viau-in ka ring. Heroda khan a tih tur dik tak a ti a. Dem chi a ni lo. A tirtu duhdan leh a tirtu-in tih tur a pek ang chiahin a ti a, a ti dik chiah a ni.
1. Thil Engkim Hian Tum An Nei Vek
Thufingin, “Everything has a purpose” a lo tih angin, ‘engkim hian tum a nei vek’ a, chhan neia awm leh chhan neia thleng vek an ni. Lal Isua phei chuan, “Chawngzawng pakhat pawh a chhan awm lovin leiah a tla lova… in samzai-te nen lam pawh chhiar vek a ni” a ti (Mat.10:29, Lk. 12:7). Mi tam tak chu kan fellohna te, kan dinhmun ţha lo tak-te aţanga harhchhuak turin vanduaina te, chhiatna te leh thihna te hial kan tawh phawt a ngai ţhin. Malsawmna-in a kaihthawh zawh tawh loh te chu Chhiatna hmangin Pathianin a kaitho ta ţhin a, chhiatna hian mihring nun-ah thu a lo sawi ring zawk nge nge ţhin bawk.
Mahse, chhiatna hriatthiam phak loh (series of unfortunate events) tawn sek erawhchu kan hrethiam vek seng lova, kan hrethiam vek lo hrim hrim. Mahse, ‘everything has a purpose’ tho hi kan nun-a Pathian thiltum chu a ni.
2. Pathianin Ringlomi-te A Hmang Ţhin!
Pathianin Lal Isua ringlote hi hmanruaah a hmang ngai lo emaw i lo ti ngawt ang e. Ringlote, misualte, thil ţha lo (nâtna, chhiatna, thihna etc.) te thlengin Pathian siam tho an ni a, Pathianin hmanrua atan a hmang ţhin. Pathian thilththeihnaa a innghah lehzual theih nan Tirhkoh Paula hnenah pawh khan ‘nâtna tihdam theih loh’ pek a ni a. (more…)
ṭhi, pheikhawk leh thlalatute
Saturday, December 22nd, 2012
Mi Pangngai Isua
Saturday, December 22nd, 2012Mihring dang ang thovin he khawvel hmeichhiain a hring a. Amah chu ropuina leh thiltihtheihna zawng zawng neitu a ni a, a nihna ang takin he khawvelah lo kal se chuan mi pangngai mai a ni thei lova, hmuh hmaih chi a ni lul lovang. Mahse mi pangngai nih a thlang miau si.
Mihring a ni a, tisa leh thisen a nei a. Lungngai thei, hrehawm hria, hlim thei, riltam thei a ni. Mihring pangngai angin a nuin thla 9 chhung a pai a, a hring a. Nausen a ni a, naupang a ni a, tleirawl a ni a, puitling a ni a. Mihring pangngai taksain a paltlang zawng zawng chu a paltlang ve vek a ni.
Mihring dang ang bawkin mo lawmnaah a kal a, lusunna inah a kal a, ruaithehnaah pawh a kal zel a. Mi dang ang bawkin a inchei a, midang ei leh in ang a ei bawk a.
Chutiang mihring pangngai, he khawvel mite aia danglamna nei lo chu a hun laia mite pawhin an hrethiam lova. A hmaa kal Baptistu Johana chuan mihring pangngaite angin a eiin a in lova, mahse a hun laia mite chuan an hrethiam lo, “Ramhuai zawl a nih hi” an ti a. Mahse, he mihring fapa, mihring famkim leh mihring pangngai hi a lo kal ve a, mihring dangte angin a eiin a in a, an hrethiam chuang lo. “En teh u, chaw heh mi, uain heh mi, chhiahkhawntute leh mi sualte thian saw,” (Mat. 11:16-19) an ti leh tho va!
Ni, chu mihring pangngai chu Messia a ni ang tih rin ngaihna a awm lova. Chhandamtu lo piang tur hre lawktu khawchhak mi fingte pawhin mi pangngaite zinga zawn chi-ah an ruat lova, Lal leh mi ropuite zingah an zawng a, an hmu lo. (more…)
UGC-NET Exam !
Saturday, December 22nd, 201230th December 2012. A va hnai leh ta ve. Center hrang hrang a exam tur te, sang tel meuh an nih leh hmel….
Mizo zing ah pawh UGC-Net passed an awm ta nuam (kei pawh ka tel ve). Subject hrang hrang ah 100 tel…(za ai chuan an tam mai theih MU ah pawh). 
Computer Science & Application (87) ah Mizo te hian kan la clear tam lo hle. Ka hriat chin ah mi pahnih chiah in an la pass.
Pass te ka hriat chu :
- Vanlalruata Hnamte (NEHU Center June – 2012)
- C. Lalnuntluanga (Mizoram University Center June – 2012)
Hriat belh te in neih chuan han ziak ve teh u. 
Computer Science & Application (87) hi a syllabus a zau in pass a har hle bawk a. Christmas in tih theih nan han ziah belh ve teh u !!
DMZP Press Release
Saturday, December 22nd, 2012DELHI MIZO ZIRLAI PAWL
(Delhi Mizo Students’ Association)
New Delhi-110021
DMZP/pr-01/2012-2013 Dated: New Delhi, 21st December, 2012
PRESS RELEASE
Delhi Police chuan North East mite himna tur leh harsatna tawk an awm palha tanpui thei turin North East Cell a din a. He North East Cell-ah hian India hmarchhak hnam hrang hrang aiawh dah an ni a, Mizoram aiawh atan Chakma zirlai pahnih (2) dah an ni. Hemi chungchangah hian Mizo mipui te’n thu dik tak an hriat hi Delhi Mizo Zirlai Pawl (DMZP) chuan a duh a, thil awmdan dik tak chu hetiang hi a ni:
North East hnam aiawh thenkhat ten Doner Minister an hmu a. Hemi tum hian DMZP pawh min rawn sawm ve a. North East Student Federation din tur chungchang engmah sawilan a ni lo. Hetih lai hian Delhi Mizo khawtlangah chhiattawk(mitthi) an awm avangin DMZP aiawh te chu he meeting-ah hian kan tel ve thei lo a ni. Hemi tuma meeting chuan hriatlawk leh rinlawk miah lovin North East Student Federation a lo din ta mai a, DMZP aiawh kan telloh avangin Mizoram state aiawh turin Chakma Zirlai dah an ni ta ni(Chakma Students Union aiawh te meeting ah hian an tel).
Hetianga Mizo aiawha DMZP kan tel loh chungchangah hian kil hrang hrang atangin DMZP demna thu hriat a ni thin a, hei hi DMZP chuan pawi a ti takzet a ni. North East Student Federation-ah DMZP hian tel a duh lo a ni lova, duh a duhlo turin NESF din a nih chungchang hi engmah kan hre lo a ni. North East Cell a Chakma Zirlai pahnihin Mizoram state an represent hi Delhi Mizo te chuan hriatthiam harsa kan ti a ni.
Hemi chungchangah hian Mizo aiawha Mizo ngei dah turin rawtna pawh Chief Coordinator (Robin Hibu, IPS) hnenah thlen ani tawhin tun thlengin DMZP chuan chhanna kan la dawng lo a ni. North East Cell a Mizo aiawh telh a nih loh chungchangah Mizo tan thil pawi leh hlauhthawn tur engmah a awm lova, North East Cell hian tun thlengin eng ang in nge hma an lak tih pawh kan hre lo. North East Cell hnathawh tur ni awm tak chu Delhi Mizo Zirlai Pawl leh Delhi Mizo Welfare te’n kum tam tak kal ta atang khan an lo thawk tawh thin a, Delhi a Mizo te tanpui turin an la thawk zel dawn a ni.
(more…)
New Year Resolution
Saturday, December 22nd, 2012Kumin (2012) atâna ka paws hnuhnung ber a ni tawh maithei si a. Misualdawtkawmer zawng zawngte Krismas leh kum thar hlim taka hmang tûrin duhsakna ka hlân a che u. 
Kum 2011-in malsawmna leh duhsakna tam tak nêna kum 2012 chibai a bûk a; kan la tawn ngai loh hun an inhlan chhâwn lai khân, mi a zawnga chên beh leh hriat hlawh lêm lo hian kum thar thiltih tum (New Year Resolution) ka siam ve a. Mite chuan thiltih tum tam tak an dah maithei; kei erawh chuan ka beih fat fat a, ka tihhlawhtlin theih tûra ka ngaih thil 3 chauh ka dah a.
NULA BIKE-A KA’N PHURH TAK CHU
Friday, December 21st, 2012Rawn hruai ve rawh a ti miau si a, hruai loh ngam rual a ni lo. Chaw ei khawm tur kan ni a, chu nula chu a hun leh nite ka ruat felpui vek tawh a, min sawmna lama kal tur chuan thu kan titlu dun ta a. Zana ka’n mute chu nghilh deuh dup hian ka inhria a, ani nena han chhuahdun pawh chu Bike nen lehnghal kan thianpa pakhatin ‘nula nena Bike-a inphurh fo hi a tha lo chetsual a awl’ a tihte kha ka bengah a la cham reng a, kan chesual a nih vaih chuan a na zawk tur lah ka ni pang mai si a. Mahse thu ka tiam tawh chu sut si se tulin ka hre lo va, thah thiang lo that tur ang hrim chuan ngaihtha chiah si lo chuan ka muhil ve mai bawk a.
Helhhawlh an tih ang deuh hi ka ni nge ka hre lo, kan hun tiam aia hma feah chuan kan innghahna tur lam chu ka pan a, ani chu mi dangin chumi hmunah chuan an rawn thlah dawn a ni. An inah pawh ka va lam ngam lo a chha chu a ni a, mi dang nena kan han inhlanchhawng turte chu ka rilru hian a ngaihtuah ru neuh neuh va..Bike a lo tlan a, ‘khi khi an ni tawh ngei ang’ ka tih rilruk laiin an ni hlei thei si lo. Min phatsan ta em ni ka ti vawng vawng mai. A rei lu ta, ka phone mai dawn em ni ang aw, ka tih rilruk lai chuan an lo thleng ta, ka nghak chhuak ta ngei e…kan hotunu Aduhi chu a rawn paw thla vo vo mai a, khi ngei khi a nih khi, la intawng lo mahila a thuziak ka chhiar fo va, a thuziak atang ringawt pawhin khi lo khi chu ni tur dang an awm lo, ka ti rilru a, a lo ni ngei bawk a..ka lai tan.
Chaw ei tura min sawmtu hi tu dang a ni lo, kan hotu pakhat Chemtatrawta pa Maisek a ni tlat. Maisek zet zawng sawrkar hna pawh thawk lo mahse ‘pu’ tham a lo ni a, a hma ni pawhin an inah chaw ka ei tawh a, ka la ei leh chak pheng khan ‘Aduhi rawn ei ve se’ ka ti a, Aduhi kha amahin a kal thiam dawn lova ka hruai a ngai a, hruai chuan ei ve leh mai kha a chawh ru riau va…a nihna takah chuan chaw eia a sawm duh lo ru chung chu ka sawm luihtir ni ber hian ka hria…an hre lo kha ka vannei ber mai.
(more…)
Lalpa’n Khawvel a ti mualpho leh ta..!!! Atheist te pawh a la timualpho zel ang che u..!!
Friday, December 21st, 2012Tuna ka post ziah hi, ni 20 December 2012 a ka ziah a ni a, khawvelin naktuk, December ni 21, 2012 hian chhiatna rapthlak tak thleng avanga khawvel chhiat vek tur thu leh kan thih vek tur thu an hrilhlawk sup sup a. Kan Pathian hian heng khawvel mite hi a timualpho dawn tih ka chian em avangin RINNA nen ka rawn thai rang hram duh a ni, A ropuina a lo zual zel theihna turin.
Mayan Calendar an ti, Science an ti, NIbiru an ti, khawvel hian engang pawhin hrilhlawkin, lo inpuahchah tum mah sela, Pathianin a hun a tih takah lo hi chuan khawvel hi a tawp dawn lo tih a va chiang em ti rawh u??
Tunah ngei pawh hian, ni 21, December 2012 a lo ni ta a(Rinnaa ka ziah), khawvel hrilhlawkna ropui leh rintlak ber ang hiala an neih, film hialah te an lo siam hmang hian Pathianin khawvel finna a rawn rapbet leh ta anih hi. Tunah kher lo pawh, khawvel finna hmang hian khawvel chhiat hun tur hi sawilawk a lo ni leh fovang, mihring finna Science hmang ngei pawhin an la hrilhlawk ang, mahse a thu danglam ngai lo Pathian hian Bible-a hrilhlawkna a sawite a thlen kim tir hma chuan khawvel leh ni leh thla, van boruak zau takte hi a sawinghing dawn lo.
Engati nge khawvel chu a tawp loh ang? Eleee… Pathianin rem a la ti hleinem… Bible ah khawvel tawp huna thil thleng tur tam tak a sawi a, lirnghing te, tam te, indo thuthang te, tam tak chu a thleng tawh a, a thleng mek zel a, thleng tur a la awm tlat alawm le. Sakawlh betute chauh lo chuan thil lei leh hralh an tih ve theih tawh loh hunah, tuna kan awm dan ang hi chuan kan hlat tawh lo, hetiang hun harsa a thlen loh hi chuan Hrangchhuana leh Chawngmawii te hian an kalkawng bosanin, khawvel hi rawn su mah sela khawvel hi a chhe dawn lo.
(more…)
SIAL ??
Friday, December 21st, 2012Heng hi Sial kan tih thin kha a ni em aw? Hetiang hi Krismas nikhua kha chuan an talh thin a, tunah chuan hmuh tur a awm ta meuhlo ni in a lang. A ki hi a tha ngawt mai…Mustang (Tibet ramri bawr) ah anlo la awm a… Masi nan rawn kaih haw a chak-awm hle mai. 
