Archive for January, 2013

My parent vs Myself

Monday, January 14th, 2013

A thupui khi kan sawi pop dawn rih lo. Ka thu khel tur chu zirna lam leh hna thawh in kan tan ang.

*  Zirna : Mizoram hian zirna tha tam tak kan nei tawh a. Zir-na in (Institute / College / University) zawng zawng in tha tak in an zirtir ka ti vek lo. Kan zirlai (syllabus) te pawh a changkang chho ve ta zel in ka hria. High School leh Higher Secondary / Senior Higher   kan kal lai te ngaih tuah chuan tlem in tunlai a zirlai te hian zirna chang an hre deuh mah in ka hria a, a chhan chu Project / assignment leh home assignment tam tak an neih thin avang te hian. Khang hun lai vel (a la rei em em lo na in – Kum 9 vel kal ta khan) a ka zir pui tam tak te kha chuan Class 11 kan kal lai khan an sawi tam ber chu Class XII pass a, sipai a luh / peon a luh / etc kha a ni. Tunlai a kan zirlai te hi chuan tlem a Competition kan ti hi an nei ta deuh bawk in ka hria. Class 11 leh 12 ka zirlai a ka zirpui tih tak tak a zir thin kha, an vai in panga pawh an tling kher lo mai thei. A ho pawl ah ka la tel ve leh ta nghal a. Pass chhe ve tak ka ni. ;-P

Tichuan, ;-)  tunlai a kan zirlai te hian an zirna chhun zawm zel ah, tu Officer emaw nih tum, etc ka ni deuh nual tawh a. Class 12 zawh a nupui pasal neih tum chu kan tam ta vak lo in ka hria……..

*  Hnathawh : Thil tha lo deuh mai Mizo ten a kan huat deuh (thalai te a bik in) chu kut hna thawh a ni a. A chhan chu tam tak sawi tur a awm awm e. Govt hna lah hmuh mai a har bawk si nen. Hmmm!

(more…)

Posted in Education, Opinion | 12 Comments »

The Good Samaritans

Sunday, January 13th, 2013

Frederick County a Fire & Rescue Services leh police te training neihna hmun thlalak tlem kan dah ang e. Lak phal chin chin, a pawn lam a ni ber!

Emergency Medical Technician – Paramedic te zirna (MFRI- University of Maryland), main entrance:

Canadian Geese Hotel..hemi chhungah hian kikawi tak mai bawhvak luh kual vakna a awm. In kang nasa tawh tak leh chim ṭhen tawh, chhuahna vak awm lo leh lang tawh lo aṭang a indap chhuah dan zirna:

(more…)

Posted in Information, Pictures | 17 Comments »

Fiamthu Panga

Sunday, January 13th, 2013

1. Tlangval: Ka hmangaih che.
Nula: Het!
Tlangval: I tâna thih pawh ka huam.
Nula: Het!
Tlangval: I tel lo chuan ka tlei zo lo.
Nula: Het!
Tlangval: Ka la nei ngei ngei ang che.
Nula: Tak tak maw?
Tlangval: Het!

2. Chiang zãn lo tlangval pakhat pawh hi hna pakhat dilin a interview ve a.
Officer: A opposite word zel min hrilh ang che – Vawt.
Tlangval: Lum.
Officer: Hmeichhia.
Tlangval: Mipa.
Officer: India.
Tlangval: Pakistan.
Officer: Tha lutuk! Tang sauh sauh rawh.
Tlangval: Chhe lutuk! Tang duh miah suh.
Officer: Ngawi hmak rawh!
Tlangval: Tawng leh rawh!
Officer: I mâwl lutuk, chhuak nghâl rawh!
Tlangval: I fing lutuk, lo lût rawh!
Officer: Lalpa leh!
Tlangval: Setan leh!
Officer: Hnâwl i ni e.
Tlangval: Lâk i ni e.
(more…)

Posted in HAHAHA | 26 Comments »

Kan sawrkar

Sunday, January 13th, 2013

Tun hma leh tun hnu thleng pawhin Mizo-te hian sawrkar awmzia dik tak hi kan hre thelh fo thin. Sawrkar (government) hi kalpung (system/type) chi hrang hrang a awm a. A hmasa-in lo thlir thuak thuak ila:

Federal government – Thuneitu sang (top authority/central) a awm a, chumi chuan thuneihna hrang hrang sawrkar te zawk (smaller government/state)-ah a sem darh thin. Hna chi hrang hrangah thuneitu sang zawkin thuneitu te zawk hnenah aiawh (delegates) a tir thin.

Monarchy – Thuneihna sang ber mi pakhat kutah a awm. Inthlah chhawng zela lal rorelna hi monarchy chu a ni.

Despotism – Mi pakhat rorelna a ni. Roreltu chuan mipuite chu a chhiahhlawh ang lekin a chhawr thin. Tunlaiah chuan tyrannical rorelna te pawh an ti.

Dictatorship – Mi pakhat rorelna hnuaia ram pum tluk luhna hi a ni. Mi tlemte-in a rorelna tichak turin an pui thin. Inthlan a awm ngai lo va, a dam chhung chuan lal a hrawt mai thin.

Oligarchy – Mi tlemte, thil tithei leh hausa zualte rorelna.

Democracy – Mipui rorelna a ni. Democracy chi hnih a awm a, pakhat zawk chu mipuiten tlang (direct) taka ro an relna, dan leh hrai an siamna a ni a; pakhat zawk chu aiawh (representative) thlang chhuaka ro an relna a ni.

Communist government – Party pakhat chauh rorelna a ni. Party chu thuneitu sang ber a ni.

(more…)

Posted in Mizoram, Opinion, Politics | 14 Comments »

Misual Secondhand zuar

Sunday, January 13th, 2013

Sumdawn hrim hrim hi ka lunglenna lam a ni vak lova. Secondhand nen ngat phei chuan kan inhnim hnai ngai meuh lo. Mahse tun tum chawlh ka han hmang chu Lunglei Bazar Secondhand lane ah nalh takin ni thum lai ka han thu ve a. Ka ni te an buai deuh avanga pui ve ka nia. Hritlang a zual duh tih lovah chuan a nuam ve phian reuh zuia. Krismas vuakvet a ni bawk nen bazar a luna, mihring pawh an tam angreng.

Han thut ve tak miau si-ah chuan zeihawi leh mi biangbiak peih alo ngaia. Inhralh han tum tak tak chuan tumloh thleng thleng sawikai a awl khawp. Thenkhatin Secondhand an lo iai rawl nen. Ka puanthan zawrh aia ka puan awrhlai duh zawk tlat te pawh an awm nawka. Thawmhnaw rawn en thenkhat chuan ka biak that em avangin lawmthu min hrilh let zaw hlauha, mak ka ti angreng.
(more…)

Posted in Lifestyle, Mizoram | 23 Comments »

Nova Lawng (Noah’s Ark) – (Sunday Pual)

Sunday, January 13th, 2013

Vawiin chu Nova Lawng atanga zir tur kan neih lam I han thur chhuak dawn teh ang aw:

1. Nova Lawnga chuang hmanlo/duhlo te tan himna a awm lo; chutiang chiah chuan, tuna I damlaia hun tha I neih lai hian, Hmangaih Pathianin Chatuana boralna I pumpelh theihna tur atana Chhandamna Lawng(Novah’s Ark) a buatsaih sakah che , ISua Krista-ah hian I chuan luh thuai loh chuan, I tlai palh hlauh ang e, a pawi thui lutuk ang, Ka Unau.

2. Nova’n Lawng a tuk tluk tluk lai khan, Ruah a sur hran lem lo; mahse a hmalama thil lo thleng tur mi naran hmuh phak loh kha hmu phak bikin, ‘hun lo’ anga langah khan a inbuatsaih lawk tluk tluk a, a hun takah inpeih a. Chuvang chuan, amah leh a chhungte kha an him ta a ni. Nang pawh, hun tha leh muanawm I neih a, I rilru a la fim that lai leh ila chak that lai ngei hian, I chatuan hmun atan inbuatsaih lawk ang che.

3. Nova kha Kum 600 mi anih tawhah khan Pathianin khatiang Lawng lian tuk tur khan a tir ani a, Nang pawh I taksa leh Thlarau nun fit takin vawng tha reng ang che. Hna pawimawh leh hautak ang reng tak thawh tur I hmaah Lalpan(Mihring pawh anni thei a, tisa lam hna pawh ani thei) a rawn chhawp chhuak thei reng a ni. “Ka tar tawh em mai” tih mai tur a ni lo ang. (more…)

Posted in Advice, Religion | 18 Comments »

Zogam a Sial lo awm tan dan

Saturday, January 12th, 2013

Zogam(zoram)ah Sai a awm vak tawh loh avangin Zogam(Zo Land) chhunga Ran lian ber hi Sial(Mithun) a ni tawh mai awm e. Sial hi khawvel hmundangah pawh awm bawk mahse Zogam ang in a tam lem lo a ni. A chhan chu hmanlai Zomi ho khawtlang nunah Sial hian pawimawhna lian tak a neih vang a ni. Hman lai kan pi leh put e chuan Pawisa(Currency) ang hian in Sial hi an lo hmang a ni. Hla ah te an chawi a, thil lian leh tha lam sawi nan an hmang tlangpui. “Kong itna Sial bangin lian”(Ka hmangaihna Sial angin a lian) tite in hla thu ah an hmang.

Zogam a Sial lo awm tan dan tlem ka han sawi lang teh ang. Hmanlai Khumhnuai khua din tirh in 10 vel lek an nih lai in an khaw bul lawk ah hmun khuar deuh hi a awm a. Chu hmun lamah chuan “UmBawww” tih ri ring tak hi a khat tawkin a awm thin a. Ni khat chu an khaw michak deuh pakhat in chung hmun khuar chu a va bih ru dek dek a. Chutah chuan Ran lian deuh “UmBawww” tia thawm nei Lu chu a va hmu ta a ni.

Khumhnuai khua hi Vangteh hnaih a awm khaw hlui tawh tak a ni. Chu an khaw mi chak chuan Ran chu sawm chhuah dan tur ngunthluk takin a ngaihtuah ta a. A han hawi chuan hmunphiah kung hi a hmu a. Chu hmunphiah hnah chu thliak in Ran pahnih awmna lam chu a pan ta a. Ran hming a la hriat loh avangin “Li…Li..Li.Li” a tiin a ko ta ringawt a. Kha hmunphiah hnah a ei duh zawng a lo nih hlauh avangin hmun Khuar atangin a sawm chhuak thei ta. Hmunphiah hnah tamtak a keng a tlem tlem a ei tir in in thleng a hruai thei tlat mai.

In an va thlen chuan Khumhnuai khaw mipui te chuan  mak an lo ti hle a an hlauthawng hman hial a ni. A hming atan ruang an Sial(zalh) thinna chawi in SIAL an phuah ta a ni. Kha hmun khuar atanga an hruai chhuahna hnim hnah pawh “Sial Luang” an ti nghe nghe.
(more…)

Posted in Mizo Society & Culture | 6 Comments »

Saizahawla-4

Saturday, January 12th, 2013

Saizahawla-3 chhunzawmna…

Khatia ral ramah amah chauhva a va rawl ta kha a thang rei tak em avangin mite chuan a va bo hlen ta ni te’n an lo ring hman rum rum hial a. An khaw pa pakhat Thanbuka phei chuan ‘tiang hian tawng a lo àm chuang deuh bik a. “Kan Hmar mi â pa kha a bo hlen ta a ni ngei ang,” tiin. A chang phei chuan Saizahawma fate hriat tur mang mang te hian a lo ti mawh hek lo. Thanbuka thu sawi Sazahawla’n a han hriat chuan ram en (lo en) a lo hun a, Thanbuka lo pawm chu vawm thum tlawng a luahlan ta zar zar mai a ni. Saizahawla’n hetia a tih theihna chhan pakhat chu an lalpa Pawihbawia’n, “Saizahawla’n a duhna lai berah lo pawmin a perh a tar thei ang a, in pawh a duhna lai laiah a sa thei ang,” a lo tih tawh vang a ni.

Thanbuka lo pawm vawi thum lai a luahlan ni chuan an thinur ve ta deuh ni ngei tur a ni, “Teh fo a…!” tiin chhuah duh loh tumin tan an khawh ve ta a. Mahse le, Saizahawla’n a bula mau pakhat chu a khingkhat hian a pawt phawng lawk a, a bul chhah lam atang chuan an lam hawi chuan a han zaifik thlawk ta fur fur mai a! Tu pawh deng fuh se tlukna ngei ngei tur khawp hian mau bung chu a thlawk ta fur fur mai si a, an tuar ngam lo va, an chhuahsan leh ta nge nge a. Mahse, a vawi thum hnu erawh chuan a luahlan duh ta bik lo va. A chungchang thua an tawng mawi lo tak kha hre chhuak se, ti tawh ngai lo se a duh vang niin a lang.

(more…)

Posted in Copy Paste, Mizo Society & Culture | 9 Comments »

An nun a nia…

Saturday, January 12th, 2013

Hetiang lampang post hi a khât tawh hrim hrim a, han rîk deuh laih laih te pawh hi a nuam a… An hmel a hmuh theih chuang loh bawk a, phunchiar nan hmang leh mai mai ila…

Kan sikul naupangte nun han zalen dan emmm em hi aw…

Admin: pic hi a “sexy” deuhhlek avangin main page a lang lo turin kan hliah .

(more…)

Posted in Education, Fashion, Lifestyle, Mizoram, Pictures | 34 Comments »

Mipui Sum Thawhkhawm….

Saturday, January 12th, 2013

Hei hi fb lama post pakhat ka rawn suan lut tawp mai a ni e. Kan awmna veng a ni a, ka hrechiang ve thawkhat tho bawk a.

via Marini Thlohthang

Chandmary Veng Lawngtlai, BRTF kawngpui atanga lane hnuai zawk PWD kawng a ni a, black topping hna hi mizoram ministry inrawlh miah lova thawh a ni.A sum lam hi mipuin an thawh khawm a, VC lam in a material an la khawm a, a hna hi PWD in an thawk a ni.Tin, Boulder phah hna hi NREGS hmanga thawh a ni a, a boulder pawh hi mipui thawhkhawm a lei a ni bawk. Tunah hian metre 300 vel thawh a ni tawh a, khaw hmawr lam an zo tawh a, khaw chhung lam ah sumin a daih chen chen an thawk anga, a bak chu sorkar nawr chetna atan a awlsam deuh beisei a ni e.

(more…)

Posted in Copy Paste, Information, Mizoram | 17 Comments »

« Older Entries
Newer Entries »