Biak in sak dân: Kan ram ropuina leh mawina ber chu kan biak in hi a ni. Mipuite tanrualna leh inpêknain kan sa a, a chhûnga luh inthlahrunawm rum rum khawpin kan chei vul thin. A chhûnga inkhawm thin chu kohhran mipui – a pui a pang, a lian a te, dam lo leh khawphal, zeng, hritlang khawsik ser ser atanga cancer natna vei leh HIV+ve vei te kan ni. Amaherawhchu, dam lo leh zakdawh hman ngai, wheel chair-a nawr ngai te tân erawh pan buai loh mai a châkawm châng a tam awm e. Heti ang mite tâna sak a nih ve tho si chuan awlsam taka an kal ve theihna tûr ‘kawng’ kan siamsak a ngai ngei ang. Kan biak in te hi kan tithianghlimin kan serh viaua dam lote tân inkhawm kan phal ve lo a nih erawh chuan thuhran ni se. Pang damte tân kea kalna chauh kan ngaihtuah chhûng chuan dam loten eng tin nge biak inah Pathian chibai an bûk ve theih ang? Awlsam taka an kal ve theihna tûr kawng kan sialsak lo a nih chuan kan biak Pathian hi a lungawi ka ring hauh lo.
TV programme leh inkhâwm: Kristian ram kan inti a; nimahsela, Kristian inti te zîngah inkhâwm ngaihsak miah lo leh a tuma tum chhin eih lo pawh kan awm fur ta! TV channel neitute hi Kristianna leh sakhuana lamah chuan mi tha tak vek an ni. Amaherawhchu, inkhâwm awm hun laia TV programme hmuhnawm tak tak leh reality show neih kan la chîng fo hi chu a fuh ber lo maithei. Inkhâwm boruak tichhe thei leh thenkhat rinna kawnga chak vak lote inkhâwm kan thulhtîr fo mai hi thil pawi tak a ni. Kristian ram a nih ang ngeiin inkhâwm hun lai chuan TV programme pawimawh zual bîk te chu reh thuap sela, a inhmeh viauin ka ring.
Similar Posts:
- Khawtlang nun siam thatnan inkhawm
- Sual ni awm tak hi Sual a ni em ? (Mahni insiam chawp sual?)
- Krismas laia chhas neih thatna te
- A lo ni ta em?
- Min vei ve la
November 13th, 2013 at 12:11 pm
Biak In sak chungchang khi a dik ka ti khawp mai. Heng Wheel Chair a nawr luh ngai ang chite tan hian an Inkhawm ve theihna tura ruahmanna siam nachang hi hriat zel a tha khawp mai.
Report this comment
November 13th, 2013 at 2:42 pm
Biak in sak dan khi chu a tha lutuk a. TV program erawh khi chu ka pawm bau lo. Inkhawm loh zan hi a awm em ni? Eng kohhran inkhawm ber nge kan sawi? Kohhran azirin inkhawm zan a inang vek si lo. Zu a awm a, a duh lo chuan an in lo mai. KS an awm a, a duh lo chuan an dawr lo mai. TV program inkhawm laiin a awm a, inkhawm duh zawk chuan en loh mai tur. RInna fiahna tha tak pawh a ni zawk hial awm e.
Report this comment
November 13th, 2013 at 9:40 pm
A lo chhuak ve ta reng mai. A va inup rei ve le…
Report this comment
November 14th, 2013 at 10:31 am
kan thian ho ah hian sunday inkhawm kim thap leh inkhawm lo kim thap kan awm….
Report this comment
November 14th, 2013 at 10:37 am
1st kan inchuh thin lai leh recent comment a hming tlar thui a har em em lai te kha….. Hnam sakhua khin kan tum lai leh doc_lib vs Tuaisiala.(haha)..etc.. Te kha hmanni lok a la ni asin maw le.. Tunah chuan hmanlai ang mai a ni ta…
Report this comment
November 14th, 2013 at 6:27 pm
Biak in sak dan
Hairehai
Report this comment
November 14th, 2013 at 7:34 pm
Biakin sak dan chungchang khi i ngaihtuah chhuak tha khawp mai, tuman a nachang kan la hre lo anih hmel. pawimawh lutuk tlat.
Report this comment
November 15th, 2013 at 12:09 am
Nun Krista Program ah a hming ka hre mai ta lo an kawmna a, a thusawi ka duh em em chu kan Biakin hi a ropui in, a tha hlawm khawp mai a, amaherawh chu kohhran member zawng zawng inkhawm ila, min leng lo tur Biakin tamtak an awm ti a tap chung a a sawi kha ka hre reng mai
A sawi kha a dik hle chuan ka hria kohhran member zawng zawng inkhawm kim ta ila min lenglo tur Biakin ropui tak tak engzat tak awm ang maw!!!
Report this comment
November 15th, 2013 at 12:38 am
A pahnih hian a tha ve ve khawp mai
Report this comment
November 15th, 2013 at 10:55 pm
Part- II a rawn chhuak leh tep tawh.
Report this comment
November 16th, 2013 at 6:44 pm
Biakin chungchang khi full support ka pe e. I ngaihtuah chhuak tha ngei mai. Tv programme chungchanga I ngaihdan erawh ka thlawp lemlo. Inkhawm programme mila TV programme siam chu a taliban rilru tlat…haha.Ka comment chu ‘programme’ tih a van tam…lol
Report this comment