Pathian khawngaihna a vangin hei krismas kan lo thleng leh ta reng mai. Pathian hnenah lawmthu awm rawh se. Vawiin ah hian ka misual pui zawng zawng te krismas chibai vek u le.
Vawiin ni ah hian mifingte iangin Lal thar lo piang hi thinlung leh tih tak zetin chibai i buk teh ang u. Mifingte chanchin hi kan hriatsa vek a ni a, a thawnthu chu sawi ngai lovah dah ila, mahse anmahni atang hian zirtur tam tak a awma, thenkhat i lo en ho teh ang u.
1) Mifingte kha an thil hriat zawng, an nitin nuna tel, arsi atanga Lal Isua pian thu kha hrilh hriat an ni.
2) Heng hun lai hian khawchhak ramah hian arsi biak an uar hle.mahse chu chu a dik lova, arsi hi biak tur a ni lo. Mahse Lal Isua pian thu puandarh nana hman a nih chiah hian thil siam, siam chhan a nihna ang tak in hman a ni ta a ni.
3) Mifingte khan “khawnge lal thar lo piang chu ?” tiin juda hote an zawh khan mite khan an tan lal thar a piang a ni tih an hria. Mahse chibai va buk pawh an tum chuang lo. Mahse mifingte khan, juda ho zawk pawhin chibai buk lo mahse an va buk ta tho a ni.
4) Thilpek an pek hma in an mahni kha an in pe a, bawkkhupin chibai an buka, an thinlung an in hawng ani.
Keini pawh Pathian aw, kohna hi thil thar, kan la hmelhriat loh atang hian hriat i beisei lo vang u.
Kan nitin nuna tel, kan tih thin te atang hian a ni Pathian hian min pawl thin. Arsi chu biak tur ani lova, thil siam anih angin a siamtu fak leh a hmanrua nih kha a tih tur a ni ang hian keini pawh min siamtu fak leh A rawngbawl hi kan tih tur a ni tih i hre thar leh ang u. Tin, Pathian siam, A malsawmna kan dawn te ( pawisa, motor, in leh lo, adt) hi kan lo be lo chauh tawh mai lo maw? A ma tan a hman tur a ni si a.
Tin, Pathian rawng hi a bawl awm ten an bawl lo a nih pawh in i bawl tlat ang u. Pathian thu hi a nunpuitu ni awm zawk ten an nunpui lo a nih pawh in vawiin atang chuan keini chuan i nunpui ang u.
Tin, Pathian hian kan pawisa, in, motor, adt, ai hian keimahni, kan thinlung hi a duh ber chu a ni tih i hre thar leh ang u.
Vawiin, krismas, kan tana Lal Isua a lo pianna ni ah hian kan thinlung alamah hawnin, Ama hnenah i in hlan thar leh ang u.
Similar Posts:
- Krismas Thuchah
- Bethlehem Arsi leh Khawchhak Mifingte.
- Christmas hlathu diklo ka tih thenkhat
- Wise Men from the East to Jerusalem
- KHAW CHHAK MIFINGTE LEH NAUSEN ISUA
September 22nd, 2014 at 5:16 pm
A ropui viau naa; a session rih lo hle mai. Admin. thiamloh a ni e.
Report this comment
September 23rd, 2014 at 12:01 am
Ralte-a a boral in hre lo em ni? Admin ho Khan a pualin post Han Siam teh uuuu
Report this comment
September 23rd, 2014 at 9:39 am
Raltea pual post a awm ringin ka lo lut a.. ???
Report this comment
September 23rd, 2014 at 9:57 am
Chhana, nikum or even further before a submit tawh an nia. Xmas han nghak tir leh ngawt chu ti deuh.
Report this comment
September 29th, 2014 at 12:16 am
Nih tak chu. A hun dawna publish nise ka lo ti mai mai a.
Report this comment