News | mi(sual).com

Archive for the ‘News’ Category

Exit Poll a a lan danin Chhatisgarh, Delhi leh Mizoramah rorelna siam thei an awm dawn lo – Times of India

Wednesday, December 4th, 2013

Kumin India ram state thenkhat inthlan a India TV-CVoter in Exit Poll projection a neih danah chuan Chhatisgarh, Delhi leh Mizoram te chuan Hung Assembly (rorelna siam thei party mal awm lo) an neih hmel a. Source in a tarlan zel danah chuan Mizoram bikah hian seat 40 atangin rorel lai Congress in seat 19, MDA (MNF leh MPC tangkawp) chuan seat 14 leh ZNP in seat 5 bakah a dang (tih hian independent turah ka ngai a) 2 niin a predict a.

Exit Poll projection hi dik ta se, Mizoram hian hung assembly nei ta i la, mid-term poll neih ngai ta se kan economy hian a tuar viau ang em? Stable government kan thlang ang em? tih hi misual ten kan ngaihdan i thawhkhawm teh ang u. India TV-CVoter Exit Poll Projections hi dik ni ta se, ZNP hi khawi lamah nge an bei kan rin? tih te thlengin i sawi ho teh ang u.

November, 2013, Mizo(ram) Diary

Sunday, December 1st, 2013

1st. Friday: Mizoram Foundation Movement chuan I&PR Auditorium-ah health worker zir chhuak thlahna, Capping & Lamp Lighting hun an hmang. MFM hnuaia nurse zirlai pass tharte hi 4 an ni a, sathau khawnvar chhi in an hnathawhna tura rinawmna thu an tiam a ni. MFM hian missionary nurse leh health worker tirhchhuah tumin tan an la mek a, nurse leh health worker 52-te chu an hnen atangin an zir chhuak tawh a, missionary 32 an tir chhuak tawh bawk.

2nd. Saturday: North Vanlaiphai damdawi-in (PHC) kum 100 tlin hriatreng nan leh lawmna atana N Vanlaiphai Youth Association-in documentary film, “N Vanlaiphai Damdawi In leh Khawvel Indopui 2-na” tih chu Inrinni khan Aizawl Press Club-ah Dr F Lalhmingthanga’n a tlangzarh. N Vanlaiphai damdawi-in hi kum 1913-ah British hoin an sak a ni a, kum 1913-a sak tawh chu tun thlengin a la ding a ni. Khawvel Indopui Pahnihna March 28,1944-ah Japan indo thlawhna parukin damdawi-in leh a bula doctor quarters-te chu a bei a, chung hnuhmáte tun thlengin hmuh theih a la ni.

3rd. Sunday: UPC (NEI) chuan India hmarchhak pum huapin Orphanage Sunday an hmang a; chawhma thawhlawm zawng zawng chu ASC Home (fahrah châwmna) atan an hlan.

4th. Monday: Mamit, Luangpawla Rokhuma in, Assam type, chhungkaw pahnih luah lai chu gas leak avangin bungrua chuh hman lohin a kâng ral.

5th. Tuesday: November 25-a Mizoram Assembly inthlan lo awm turah political party hrang hrangte candidate-te chuan nomination an file ṭan a; vawiin a tantirh ni hian mi paliin hming an pe lut. Heng zingah hian Chalfilh constituency-a INC candidate, Ngurdingliana Sailo chu nomination file hmasa ber a ni.

6th. Wednesday: Mizoram University chuan under graduate second semester leh fourth semester exam result a tichhuak a; second semester-ah candidate 4,803 zinga 2,194 an pass a, fourth semester-ah candidate 2,552 zinga 1,819 (71.27%) an pass.
Second semester exam-ah hian regular student zingah exam beitu mi 3,778 awmin, chung zinga 1,721 (45.55%) chu an pass a; repeater candidate 1,025 awmin, chung zinga 473 (46.14%) chu an pass a ni. Second semester leh fourth semester exam hi May 2013 khan neih a ni. (more…)

Posted in Mizoram, News | 2 Comments »

MNF BUMIN KAN AWM RENG DAWN EMNI?

Tuesday, November 19th, 2013

Hnahthial leh a chhehvel mipui ten kan nghahhlelh ber leh kan rilru luahtu ber Hnahthial District tih puitlin chungchang chu MNF party chuan Politics bu zawlah hnuhluh phet tumin Arpa chan chan tum takin hmala thin mahse thutiam zet zet ching mite hi chuan dawt an sawi chawk thin avangin thudik chu hailanin a awm leh tho thin a nih hi.

Hnahthial District Function Demand Committee (HDFDC) hruaitute, Khawzawl leh Saitual District Implementation Committee hruaitu ten Political party hrang hrang hruaitute District chungchang a an kawmna tlangpui chu Hnahthial khawchhung leh hmun hrang hrangah vawrhdarh niin kan hre tlangpui theuhin a rinawm tawh. Khatah khan MNF Party President Pu Zoramthanga chu kan hruaitute hmaah a lo intiam leh zet zet a, a intiamna tawngka bakah ziak meuhin intiamna hi a lo pe a nih kha. An kawm ni 22 October, 2013 (Thawhlehni) Zing dar 8:00-ah MNF President hian a thutiamna lehkha hi a office-a lam turin a lo ti a, tichuan HDFDC hruaitute chuan chhun lamah intiam kamna hi an han lam a, ziaka intiam kamah hian ni 1st October, 2013 (Thawhlehni)-a issue a lo ni daih thung mai!! Pu Zoramthanga hian he a intiamkamna lehkha hi TENAWM TAKIN A BACKDATE tih a chiang hle a ni.
(more…)

Posted in News, Politics | 20 Comments »

GENERAL ELECTION PARTY TINTE CANDIDATE

Tuesday, November 5th, 2013

1. HACHHEK

INC – Lalrinmawia Ralte
MDA – Saikapthianga
ZNP – LZ Tochhawng

2. DAMPA
INC – Lalrobiaka
MDA – Liansuama
ZNP – Lalrimawia

3. MAMIT
INC – John Rotluangliana
MDA – HB Lianmunga
ZNP – H. Laltanpuia
(more…)

Posted in Mizoram, News, Politics | 24 Comments »

Masihi Sangati Convention tluang taka neih zawh a ni

Wednesday, October 30th, 2013

Masihi Sangati (Non Mizo tia kan hriat lar) Convention vawi 28 na chu tluang takin Sihphir Presbyterian Kohhran Biak Inah tluang takin dt. 18th.-20th. Oct. khan hman zawh a ni ta. He convention a speaker chu Rev. R.Lalthangvunga a nia; thupui chu ‘Isua chu kawng, thutak leh nunna’ (Joh 14:16) a ni. Speaker hian thupui hi tum nga sawiin Pathian Thlarau Thianghlim pawlna nasa takin a thleng a ni. Convention chhung hian speaker in thupui a sawi bakah bible study-te neih a nia; councelling class neih reng a ni bawk. Pathian ni chawhnuah Sihphir bialtu pastor Rev.H.Laltlanthanga’n Lalpa zanriah Sakrament a theh bawk.

Kum 1965 daih tawh khan Nepali Kristian ten anmahni pualin inkhawmpui hi an lo nei tan tawh a; Nepali Kristian Fellowship tih hming pu a Synod hriatpuia an din chu 1975 khan a ni. (more…)

Posted in Event, News, Religion | 2 Comments »

Thu dik lo sawiah PWD E-in-C an puh Contractor thlangtu – Mizoram PWD: MNF

Saturday, October 19th, 2013

MNF Action Plan Committee chuan, NH-54 Kawnpui-Buichali inkar siamnaah Mizoram sorkar a inrawlh lo anga PWD engineer-in-chief, Lianchungnunga’n a sawi chu thu dik loh a niin an sawi a; kawng siam hna thawktu tur thlanna tura tender chhuahtu leh contractor thlangtu chu Mizoram PWD ngei an nih thu an sawi.

MNF Action Plan Committee hian nimin khan Aizawl Press Club-ah thuthar thehdarhtute an kâwm a; an vice president, Lalthlengliana chuan, NH-54 chu Mizoram PWD enkawl a nih thu sawiin, “Kawnpui-Buichali kawng pawh hi PWD National Highway Division-III enkawl a ni a, a enkawltu EE pawh Lalsangliana a ni,” a ti a; NH siam hna tender chu cheng vbc. 100 chin chunglam chu Central Road Transport & Highway-in a khawih a, vbc. 100 tling lote chu state sorkar buaipui a nih thu a sawi.
(more…)

Posted in Mizoram, News, Politics | 5 Comments »

NLUP Chungchang Rajya Sabha ah sawiho a ni.

Monday, October 14th, 2013

Central atangin NLUP atan a hman tur sum rawn kal Rs 370 Crore chu tun Mizoram Annual Plan 2012-13 liam mai turah ah khan dah leh a lo ni tawh a, heti hian Kum 2010-2011 leh 2011-2012 & 2012-2013 Financial Year chhunga Central atanga NLUP atan ACA atangin Mizoram sawrkarin sum a hmuh belhkhawm chu a vaiin Rs 834.82 Crore a nih bakah Centrally Sponsored Scheme (CSS)- a pawisa hmuh thin NLUP convergence Plan atangin Rs 246.38 Crore hmuh ani bawk. Sawrkar kum 2012-2013 ah khan Rs 40 Crore chu RKVY atanga sum hmuh Rs 200.93 Crore atangin NLUP Convergence ah chan tirin a vaiin Mizoram sawrkar chuan Financial Year 2012-2013 ah khan Rs 410/- Crore teh meuh mai NLUP atana hman tur a nei. Kum 2010-2011 leh 2011-2012 chhung khan chhungkaw (NLUP beneficiary) 96, 139 hnenah NLUP atangin tanpuina pek an lo ni tawh a tun sawrkar kum tawp i.e., 31^st march, 2013 ah hian chhungkaw 1,20,000 in NLUP atanga tanpuina an dawng turah chhut a nih mai bakah sawkar kumthar(FY 2013-2014) ah hian NLUP hian chhungkaw 15,000 dang tuam belh turin Planning Commission ah ruahmanna thehluh a ni.

(more…)

Posted in News | 7 Comments »

ZoRO Press Statement

Wednesday, September 4th, 2013

People’s Conference Party, Mizoram leh Zomi National Congress, Manipur te tangkawp huaihawtin 1st World Zo Re-Unification Convention chu Date 19-21 May 1988 niin Champhai ah neih a ni a, chutah chuan khawvel hmun hrang hrang atanga Zo Hnam hruaitu kalkhawmte chuan Zo Hnam insuihkhawm lehna tur thuthlung an siam ta a.

Ziaktu hrang hrang ten Hnam pum koh nana hming an hman “Zo” chu hming atan lungrual takin an pawm tlang a, a hming ah pawh Zo Re-Unification Organisation (ZoRO) tiin an siam/din ta a, a thil tum “Zofate insuihkhawm lehna India Constitution chhungah tihpuitlin ni rawh se” tih chu lungrual takin an pawm tlang ta bawk.

Zofate hi ram hrang hrang : India, Bangladesh leh Myanmar ah te thendarhin kan awm a, chumi atanga insuihkhawma rorelna pakhat hnuaia awm kan duhna kan thlenna tur chu UNO a nih avangin India Constitution huang chhunga insuihkhawm tih chu UN kalphung pawnlam a nih avangin thil tih chi rual a ni lo a, chu bakah ram pakhat chhunga Political Party atanga beihchi a nilo bawk a. Non-Government Organisation (NGO) atang zawka beih tur niin tlawhchhan atan pawh Chin-Lushai Conference, 1892 thurolum tlawhchhana hmalak tur a ni tih ZoRO chuan a hmuchhuakta bawk a, chumi zulzuia kal dan tur thar duan leh thiltum siam that a tum tam tak avang chuan “Zo Re-Unification Convention” chu koh alo ngai ta a.

(more…)

Posted in Information, Mizo Society & Culture, News | 5 Comments »

Phaia chhungte dinhmun hre turin chah

Friday, August 30th, 2013

Chennai Mizo Welfare Association chuan thuchhuah siamin, Mizo nu leh pate chu an fate phaia lehkha zir leh hna thawka awmte awm dan leh an dinhmun hriat chian tum turin an chah.

CMWA chuan, Chennai leh a chhehvel hmun hrang hrangah hun eng emaw chen aṭang tawhin Mizo ṭhalai, hna thawka awmte zingtah hna thawk ṭha duh lo leh ruih theih thil vanga harsatna leh buaina siam an awm ṭhin tih an sawi a; Mizo hmeichhe ṭhenkhat, hnathawh mumal nei lo, khawlai leh hotel vela mawi lo tak taka khawsa hmuh tur an awm niin an sawi bawk.

CMWA chuan, “Phai lama kan fate emaw, kan chhungte emaw hnathawk turin kan kaltir dawn a nih chuan, ruih theih thila fihlîm lo leh nungchang ṭha lo chu inkaltir lo turin kan inngen a ni,” an ti.

Posted in News | 11 Comments »

Health minister bàn turin CM ngen

Wednesday, August 28th, 2013

Source: Vanglaini
MNF chuan an party general secretary, Zosangliana hmingin nimin khan minister aṭanga Lalrinliana Sailo bân tura ngenna, chief minister-ah ziakin an thlen.

MNF chuan an lehkhaah, Health minister, Lalrinliana Sailo chu kohhran leh tlawmngai pawl hrang hrangte’n an do leh ṭhalai tam tak nunna suattu ruihhlo siamna damdawi tawlhruknaah a inhnamhnawih ngei nia an ngaih thu an ziak a ni.
(more…)

Posted in Mizoram, News | 17 Comments »

mi(sual).com