Zanin, September ni 9, 2012 khan zaithiam CFL Hmingthanga chuan Khawbung Hospital-ah TB natna avangin mual min liam san ta.
A tribute to Mizo Lengzem icon CFL Hmingthanga
In tawng leh ngei ang aw.
https://youtu.be/T0AsjCPtpZg
Chhuahtlang Hmun Hlui
(more…)
Mizo te zingah hian Sarah-i chanchin hrelo kan awm mang lovang ti i la, ka sawi sual ka ringlo. Naupang lainatawm Sarah-i chu tukin zing dar 7:30 vel khan chatuan ram min lo pan san ta a ni. Vawiinah vui a ni ang.
Rest In Peace, sweet Sarah.
Huivalenthiam: April 22, 2012 Sunday tlailam dar 2:30 khan Pu Thangvela Zodi, kum 57 chuan Kalaymyo Damdawi Inpuiah a dam beiseia a inenkawl mek lai chuan, a natna thisen thlum leh zun thlum hnathawh chu a dampui theih tak loh avangin a hmangaih em em a nupui—Pi Ramfangthuii leh a tu leh fate chu he khawvel atangin fam khawpui a lawisan ta a ni.
Awle, Zoram khawvela Music group lar tak lo ni tawh thin leh Zofate Music khawvela a hming dai ngai tawh lo tur ZODI group khaipa Pu Thangvela chanchin tlangpui chu a hnuaia tarlan ang khuan a ni.
Pu Thangvela Zodi hi hring chan atanga ngaihtuah mai chuan a la naupang em em a, he ti mai a—fam khawpui min lawisan ta thut hi ZOIN hian pawi a ti tak zetin , a sun tak meuh a ni.
[ A pil atanga a kum 100-na (April 15, 1912-April 15, 2012) pual atan ]
Hmuh phak leh chuan ve phak ni lo mahse April 14, 11:40 PM , 1912-a vurtlang a sut avanga darker hnih hnu leka Atlantic tuifinriat mawng, 13, 000 ft. a thuk, 41°46’N, 50° 14′ west a pil ta Titanic hian ka lung a len ve reng thin nia mawle! Kei ang bawka lo lunglenpuitu in lo awm ve takin, tun tumah pawh hian a pil atanga a kum zana pual atan mi thenkhattena kan lo la hriat loh tur thil tlem a zawng rawn tarlang ila. Facebook lamah chuan sei tak takin ka post hlawm a, hetah erawh short-cut deuhvin dah ta ila.
1.Lifeboat Drill cancelled a ni: A hunlaia lawng lian leh changkang ber Titanic hi an thlamuanpui em vang pawh a ni mahna le, lifeboat an phurhho hi a hmandan leh mipui tena rang leh felfai taka a chuan luh dan an hriat theih nana tihchhinna nei tura ruahmanna siam a ni a. He an ruahmanna siam hi Titanic-in vurtlang a sut hma ni chiah, April 14, 1912 kha a ni a. Mawlhtu a awm te pawh a ni maithei, chhan tha em em pawh awm chuang si lovin lawng Captain, Capt. Smith chuan an ruamhmanna hi a sût leh ta mai a ni. He thil hi lo kal tlangpui chu nise nunna tam tak chhan a nih ring an tam hle.
2.Mitkhap kâr tak meuh a ni : Khawthlir buka duty-in entlang phîr( Binocular ) pawh hmang lem lova mit lâwnga an hma lawka vurtlang lianpui, toh lurh a han hmuh veleh chuan ralkhel dar a khawng ri nghal a. Lawng hnathawktute pawh an che rang tak zet zet a ni. An lawngin vurtlang a sut hma leh Officer ten information an dawn inkar hi seconds 37 lek tak tak chauh zu ni a. An hnaih chilh tawh tak zet. Chu veleh First Officer Murdoch chuan rang lutukin lawng chu veilama kuai her turin thu a pe nghal bawk a. Lawng engine lama thawktute hnenah pawh a engine chu a lêt zawnga vir tir turin thu a pe ve bawk a ni. Nimahsela an tawpna chu kan hre tlang vek tho e. An lainatawm ngei mai.
March 2012 a chhiatna thleng langsar zualte (ka hriat theih chin)
03.03.’12:
* 1 March 2012 atanga chin hriat lohva bo N.Vanlaiphai naupang Lalchhuanawmi ( 8 ) D/o Lalpana chu ni 3 March 2012 zan khan an in atanga kilometer chanve vel a hlaah a ruang hmuh a ni a, kawrteah a ruang hi zalhin hnah thel a hai vur a ni a, a taksaah hian hliam a awm nual a, a biang a pawp a, a lu ruh a keh a, a mit veilam a chhia a, a chal chung veilamah a pawp bawk.
* Vawiin chhun dar 12:30 khan Aizawl atanga Vaitin pan MST bus chu Darlawn khaw pelh, Darlawn atanga 1km vel, Sihbial kawng, PWD kawng hlui shortcut-ah a chesual a, mi 16 an thi.
04.03.’12:
* KTP General Conference, Thenzawl a Thiak atanga kal te haw lam sumo Serchhip peng thlen hma quarry bulah a accident a, thi leh hliam an awm lo.
Kum 2009 khan, kan thianpa Lalmuanzova (Pa-sîna) chuan vanvawm khua min lo chansan a. A ngaihhrui nân ka ti deuh, damlai khawvelah kan inhmu leh tawh awm si lova.
Duhin duhlo mah ila, ka nu’n heti taka mi lo kapkalak chhuah ve nawlh takah chuan; ka khawlo ta sa sa inpuang vek mai te’ng ka ti ta a ni. Ka nu’n thla kua zet mi paipawn ûr ûr lai khan, Titanic film tal lo en ve se; Amitabh Bhachan tal ka chhûn ve túr hi a nia maw le.
Mahse, mi dangdai tak chu ka ni ve-in ka hria. “Tet laia tahbelh leh sawngnawi ve tak thin kha, bawkkhup miah lovin ka kal thei niawm tak a ni” an ti an sawi thin. Mahse, “an ti” tih chu “dawt” an ti.
Khawnge thiante nên lam hian, inpuang fai vek dawn teh ang. Laih loh buichhia kan inpuang dawn e.
Whitney Houston zaithiam lar chu nimin February 11, 2012 chawhnu lamah khan Beverly Hilton Hotelah thi a hmuh a ni. A hmu hmasatu ber nia sawi chu a bodyguard a ni a, theihtawp an chhuah hnuah pawh a harh zo thei ta lo a ni. Drugs kaihnawiha thi a nih an ring. Chhiar chiang duh tan Dailymail ah.
Foxnews ah ve thung:
At her peak, Houston the golden girl of the music industry. From the middle 1980s to the late 1990s, she was one of the world’s best-selling artists. She wowed audiences with effortless, powerful, and peerless vocals that were rooted in the black church but made palatable to the masses with a pop sheen.
Her success carried her beyond music to movies, where she starred in hits like “The Bodyguard” and “Waiting to Exhale.”
Whitney, we will always love you 
Kut pui an ur,
Zaleng an phur.
Hlim ni a thleng,
Lawmin an leng.
Naunawn an nui,
Rawl thar an rui.
Laitual an fang,
Arva an kang.
Thang khat a liam ta
I hlutna leh ka ngaihna che,
Ka mamawhna leh thlakhlelhna che,
Nitin mai hian..,
Ka hriat belh deuh deuh thin.
Tluk leh nat chang ka neih fo a
Ngui leh chau a ka lu a kun te,
Thlaphan mangan chang te,
Nitin mai hian..,
Ka bul ah awm la ka ti zual thin.
Van malsawm ka dawng fo a
Hlimna leh lawmna te,
Beiseina leh phurna te,
Nitin mai hian..,
Hrilh hmasak che ka chak ber fo thin.
(more…)
Dt. 27.12.1910 ah Bukpui khua-ah a pianga. Kum 1923 -ah Hrangliana khua Nisapui-ah an pem ta a ni. Kum1924 -ah Lower Primary a zo a. Tin, 1925 -ah Pu Banga, Assam Rifle bel nawt a inhlawh in kum 1927 -ah Middle English School chu Second Division -ah a passed a ni. ME School a zawh hnu hian mizo lo neiin kum nga lai hna a thawk a.
Hetih lai hian Kuli a kal a ngaih fo avangin thingtlang tlangval nih a Kuli a kal fo loh dan tur ringawt a ngaihtuah ta a. May Myo (Burma) -ah a chhova 1st Battalion Burma Rifles -ah Dt. 23.05.1933 -ah a lut ve ta a ni.
A vannei hle a Dt. 1.4.1937 -ah ‘Less Naik’ ah a kai a, Dt. 1.5.1938 -ah ‘Naik’ ah a kai leh a, Dt. 1.11.1941 -ah Jamedar -ah kai in Quarter Master hna a chelh a ni. Dt. 15.8.1942 -ah ‘Subedar’ -ah a kai sang leh a, sipai a a tan lai hian I.A. First Division -ah a zo leh a ni. Hetih lai hian Intelligence Officer hna a chelh a, a thawhhlawk hle an ti.
