Archive for the ‘Opinion’ Category

Eng nge in ngaihdan?

Friday, April 19th, 2013

Thuhmahruai
Thla hmasa atangin chhun lamah ka mi(sual) thei ta meuh lo va. Zan lamah ni se, chauh tawh nen, mi(sual) run lawi lovin lengi bawk ka chhai leh thin si a. Heti reng renga kar tluana hun hman hnua, kar tawpah lah buaina nasa zawk a lo awm ve zel bawk si a. Mi(sual) ngaih veng veng chang ka nei fo nia!

Kuang lo ka nawr ang em?
Ka hre law. Ka kuang lo ka nawr turh turh palh a nih chuan min zilh fawk mai dawn nia; ka rilruah a lang ve tlat. Mimal sawisel emaw diriam bikah min ngaihsak lo hram dawn nia.

Hnam dang nupui-pasal neih hi
Mizo nula zinga ka ngaihsan ber zinga mi leh zirna leh hnthawhnaah pawh entawntlak leh chhuanawm tak; chu achhapah Pathian rawngbawlna kawngah pawh zahpuiawm lo tak chuan sakhaw dang be mi pasalah a vuan tih ka hria a. Engati teh tlat nge maw ni, ka rilruah a cheng reng mai.

Hnam dang nupui pasal neih chungchangah, Mizo mipa te hian hmeichhe chungah thikthu kan pe na tlangpui awm e, kan sawi zing na rawh e. Hriatthiam a har, ngaihdan siam a khirh; bakah ngaihdan siam ringawt pawh ni ila, inven dan tur a vang hle thung. Midangte nuna va inrawlh kan ni dawn bawk si.

Enge a chhan?
Thenkhat chu an hnathawh avang leh an dinhmun avanga Mizo tlangval tawng remchang lo te, thenkhat chu an khawsakna hmunin a zir loh vang te leh chhan dang tam tak a awm thei ang. In ngaihdan ka lo ngaichang ang e.
(more…)

Posted in Mizo Society & Culture, Opinion | 22 Comments »

PENTECOST

Tuesday, April 16th, 2013

Pentecost han ti ngawt ila, eng emaw tak sawi ka tumna pawh a ni lova, 2010 a ka post hmasa ber Ngah Vrs Nei Ngah tih thu ka post atang khan post 50 na ka lo tlin ve ta reng mai a, hemi 50 na sawi nan hian Pentecost tih hi ka hmang mai a ni e. 50 n.o. tih hi hman ka chak deuh na in ka hman lai hi a common lo deuh zawk ah ka ngai a 50 na tih sawi nan chuan tha ve hle ah ka ngai.

2010 a broadband ka neih atang khan kum 4 a lo ni ve ta reng mai a, he kum 4 chhung hian ka site ngainat ber leh ka luh tamna ber, ka home page a ka la hman reng ah hian post 50 na ka han type ve ta hi ka lawm em em a ni. TuaiSiala ten post 100 na an post kha a rei ta fu mai a, keini’n tunah 50 na kan ti ve dek dek a nia le(h). Thla khat ah post 1 leh tlem post ang zel ka ni a, keini ang thu leh hla lam a tui vak lo leh thu thiam lo tan chuan thil awl ai a ni hauh lo mai le. Nimahsela,  post a tlem deuh lai te schedule/ last modified tih vel a lo awm meuh loh emaw a tlem deuh hian chhiartur a khat dawn tih hriat avanga post tur ka ngaihtuah chawp tum a tam khawp mai. Chuvang chuan post ning nel tak tak leh spelling mistake tam tak tak te pawh ka ngah thin, chuti chung chuan misual ten min lo chhiar sak a, min lo comment sak thin hi ka lawm em em a ni.

Tin, he site atang hian thil tam tak ka zir in ka hriat phah a, mizo tawng pawh ka thiam belh teuh a ni. Mizo tawng hi thiam ve tawk tak ni ah ka in ngai thin a, tawng upa te pawh hre ve thawkhat tak ka niin ka in hria a, mahse misual dot commer ah hian kei aia thiam an lo tam hle tih ka hre chhuak ta bawk a ni.

(more…)

Posted in Opinion | 12 Comments »

Hringnun a pawimawh pasarihte:

Saturday, April 13th, 2013

1. I hun liam tawh ngaihtuah run lo la, I tun hun I hmang ṭha thei zual sauh ang.
2. Miin an ngaihdan cheah buai suh, I thu a ni lo.
3. Hun hian engkim deuhthaw a liampui thei. Hun pe fo rawh!
4. I nun leh midang nun khaikhin ngai suh la, an nunah ngaihdan nei bawk hek suh. Eng thil chiah nge an paltlang I hre lo.
5. Nun kalphung chhut buai lutuk suh, hriat loh kha a pawi hrih lo thei. A hun takah ṭul chu I hre tho ang.
6. I hlimna kawng daltu leh siamtu chu nangmah chiah I ni.
7. Han nui seih mai teh khai, khawvel a harsatna I ta vek a ni lo tlat!

Heite mai hi nise. Dr.John ngenna vang a rawn tihchhuah a ni e hairehai :)

Bonus: Kan chenna leh kawngpui inkar a Tlaizawng par:

Posted in Information, Opinion | 16 Comments »

YMA CHANGREL FUH TAK MAW ?

Sunday, April 7th, 2013

Hei hi Fb lama group pakhat a post a ni a, a post tu phalna in helam ah hian ka rawn suan lut ta mai.

YMA CHANGREL FUH TAK MAW ? V.Lalchhawna,Ex-MDC,Saiha 
Source – Moonlight Daily Newspaper, 4th April 2013 (opinion)

Mizoram NGOs te zingah hian YMA te hi pawl lian ber leh zahawm ber an ni tih kan haiin ka ring lo. Mizo hnam tlawmngaihna vawng nungtu an ni a, chhiatni thatni ah kan inthlamuanna leh innghahna ber an ni thin. Nikum kumtirah khan Saiha Bazar ah In 27 tehmeuh kangin chhungkaw 40 dawnin an tuar a. Hemi tuma sawrkar atanga sum tanpuina hmuh chu nuai 27 zet a nih laiin, YMA General Headquaters tanpuina chu nuai 32 chuang a ni hem mai! YMA tanpuina tling khawm hi nuai 40 chuang a ni a, YMA nge nge an fakawm takzet a ni. Hei chang a la ni lo, Dt.27.11.2012 ah Tuipang Bazar ah In 4 kang leh in chhungkaw 6 in an tuar a, Lunglei YMA Sub-Headquarters chuan rang mangkhengin INR.10,000/- theuhin tanpuina an rawn hlan bawk a ni. Kan Bible-in, “Tualkhat leh Pathian chhungte in ni” a tih ang deuhvin Marafa hi Zo hnam peng khat,unau chhulkhat chhuak kan nih zia YMA te hian a takin an rawn lantir a ni a, a lawmawmin a ropuia, fak tlak leh chhuan tlakin YMA te hian hna an thawk a, kan chhuang tak meuh a ni. YMA dam reng rawh se.

(more…)

Posted in Copy Paste, Opinion | 10 Comments »

Sawiho lawk i la

Friday, April 5th, 2013

Tribulation, Rapture, Wrath of God chungchang hi. Post hluiah a awm tawh leh tawh loh chu ka hre lo naa, admin ten an publish a rem an tih chuan discussion neihho a chakawm riau mai. Controversial issue a ni naa, he thil avang hian mi tam tak chuan Pathian an phatsan dawn chiang a ni(?)

1. Pre-Tribulation Rapture nge dik ang Mid or Post Tribulation Rapture.

2. Tribulation hi Wrath of God nen hriat pawlh loh a tha.

3. Jentail Kristian (Piangthar= Mi Thianghlim) te min lawr phawt anga, chu mi zawhah Israel/Juda te a lawr ve chauh ang tia an sawi hi i pawm ve em? Kei chu ka pawm lo.

4. Tribulation hi Israel/Juda te chauhvin an tuar dawn.

Heng suggestion palite hi han chaiho teh ang u. A nuam dawn em mai. Mahse, point by point in, felfai takin aw. Bible bung leh chang tanchhan tha tawk tak hre lo tan chuan tel ve loh law law chi. A awmzia chu- Bible sawi dan nena enmil awmsam theih nan references a tam thei ang ber tarlang tel i la. And now, Lets beginnn..

Posted in Ask | Help | Suggest, Opinion, Religion | 14 Comments »

Aizawl Bazarpui…

Wednesday, April 3rd, 2013

Aizawl Bazarpui.

Mangkhâwng lian ber: Aizawl Chawhmeh zawrhna Bazar pui hi Lirnghingin hian han sawi det se’ng chuan, Swine flu ai in kan tah pui nasa zawk daih ang!!! Road lawr fer fur te hian kan nu leh pa te thin hnun a chhun tlang a, a chung kau ter tuar te hian kan fa te a chhipthlaka, a ban khi reh ruah te hian kan nupui te a delh hunah chuan tah leh ha thial mai loh chu enge kan tih tak ang?

Bawlhlawh bâwm lian ber: “I hnap ak la, i chil lem rawh” ti a tet lai a tanga zirtir na dawng tu te hi hnawmhnawk ngah ber ber te kan ni leh lawi si a!!! Tlai lama kan Bazar hnawm bawm lian khu in hmu ve tawh em? Hnawmhnawk tam vanga kal harsat dan khu in hre ve tawh ngai em? Hnawmhnawk felfai zawka paih inzirtir hi kan mamawh a ni e.

Thianghlimna : sa zawrhna leh chawhmehzawrhna khu hei ai a hygienic/ thianghlim zawk a tih theih a nih i ring em? ke a pal khuk kar a chawhmeh pho, vaivut leh diak ina a per berh ei reng hi kan hrisel loh pui thei angem?

(more…)

Posted in Opinion | 21 Comments »

Tute nge him ang le?

Monday, March 25th, 2013

Bawhchhiatna avanga vawiin thlenga mihring chhunga lo awm, kan pianken ze ril ber leh thuk ber anga ngaih theih pakhat chu ‘SEX’ hi a ni. A thuk a, a zau a, a ril em em bawk. Dik taka sawi chuan he sex hi Pathianin mihring a siam khan anmahniah chi thlah a, lo punga, leilung hi luah khat tura tih an ni a, a nihna takah chuan sex kha siama kan awm tirh atanga kan thih ni thlenga kan chhunga awm tura tih a ni. Mahse, vawiina kan sawi tur erawh chu kha Sex nen khan a inang lo em em thung. Chu chu ‘HUR HERHNA’ a ni.

Kan sawi tawh angin Bawhchhiatna khan mihring sex awm kha a tibawrhbang ta a, a loa luakchhuak khawpin mihringah hna a thawhtir a, Nova hun lai khan chu hurherhna chu a nasa em em a, chu chuan LALPA Pathian thin a tiur em em a, tuileta tihboralin an lo awm phah ta a ni. Hun a kal leh deuh a, Abrahama hun laiin Sodom leh Gommorra vanglai khan chu hurherhna chuan mihring a fan chhuak a, Lota mikhual pahnih, vantirhkohte takngial pawh kha tenawm taka tih an tum a nih kha. Chu hurherhna avang chuan Sodom leh Gommorra khua chu mei leh kata hremin an awm a, a mihring leh a khua chawpin an boral ta vek a ni.

Tunlai khawvel hi han en teh le, Lesbianism, mawngkawhur (gay) etc.etc, pa leh fa inpawlna, nu leh fa inpawlna, ramsa/rannung laka inhrikthlakna, naupang laka inhrikthlakna, pitar/putar laka inhrikthlakna, mahni ngaihtuahna hmanga inhrikthlakna, a va tam tawh tak em!! Nova hun hma record kha kan khum a, Sodom leh Gommorra record pawh tunlaiah chuan zero (0) a ni tawh. Eng hremna kan tawrh ve dawn le? Tute nge him thei tur list-ah awm ang le?

(more…)

Posted in Opinion | 9 Comments »

Police hotu zurui man!

Tuesday, March 19th, 2013

Khawvel a Irish awmna tawh phawtah chuan March ni 17, 2013 kha an hawksak ni a tih theih ang! Hemi ni hi mithianghlim (Saint) Patricka’n Ireland chu ringlomi (paganism) aṭang a a chhanchhuahna ni a puan a ni a, an patron saint a nih ber chu. Mizoram a kan gospel centinary ang deuh te pawh ani mahna! Tichuan, Irish ho hi hawksak/hlimhlawp (party) nuam timi an nih takah chuan hemi ni (St. Patricks Day) ah hian ruih chiam an ching ta mai a, a ni chhawm nen erawh a inmil lo viau awm e.

Engpawh nise, kumdang ang bawkin USA lamah pawh Irish thisen kai ho chuan St.Patricks Day chu an lawm leh ta a. Zurui an tam dawn tih an hriat lawk vangin sawrkar lam pawhin zu rimnam hnu a motor khalh an tlem theih na’n tiin, a thlawnin taxi a hman theih thu radio leh TV lam thlengin khawpui hrang hrang ie., Washington D.C. ah te chuan an puang leh a ni.

St.Patricks Day chu alo thleng leh ta a, dan bawhchhia a zu rui pawh an awm leh ta nawk mai. Chutih karah chuan langsar tak mai pakhat a awm a, chanchinbu lamah an ṭial nasa teh e.

Baltimore county a an police Captain, Captain Matthew McElwee chu a thisenah phal chinbak alcohol a awm vangin an man der mai. Motor khalh chungin thisenah alcohol hi .08 chin chunglam chu khap tlat a ni. Chutiang, .08 tling tur chuan zu shot 3 lek a ngai reng bawk a! Captain an man tak hi kum 16 lai Baltimore county a police hna lo chelh tawh niin, chumi county a Franklin Precinct-ah kum engemaw zat commander nihna chelh tawh a ni bawk. A hna chelh mek chu chawlh lailawk tirin, chhui mek a ni a, chutih chhung chuan police hovin an nin em em mai ‘administrative duty’ thawh tir mek a ni. (more…)

Posted in Information, Lifestyle, News, Opinion | 13 Comments »

Statistics versus Reality

Monday, March 18th, 2013

Nichin lawk khan sevendiary.com ah he thu hi ka va chhiara -

8, 51,664 MOBILE PHONE USERS IN MIZORAM

Two in every three persons in Mizoram have their own mobile phones. Out of the total state population of 10, 91,014, the mobile phone users make up to 78.06% in the state, says the survey carried out by Mizoram Economic Survey 2012-2013.

In 2011 March, mobile phone users is 5, 52,254 people and in March, 2012, the figure has increased to 7, 01,959, at the growing rate of 21.32% in a year’s period.

Mobile phone user awmzat hi engtin nge an chhut aw, min lo hrilh thei em?

Mobile phone subscriber awmzat atangin an chhut chu a nih hmel a (ka hriatsual chuan min lo ngaidam u la). Subscribers atanga an chhut a nih chuan kan hriat theuh angin, mi tamtak chuan mobile phone 2-3 vel an hmanga, network a chhiat avangin network tha ber phone an hmang ta mai thin a. Chuvangin mipa pakhatin phone pathum lo nei ta se, phone subscription pathum tihna a ni mai a (dual sim lam chu sawi rihlo mai i la), subscriber pathum angin a kal ta a mahse mobile user tak a kha chu mi pakhat chauh a ni a sin, mobile phone user pathum nilovin.

Chuvangin he 2/3 in phone an nei tih pawh hi statistically chuan dik mahse reality chuan a nilo thei tlat a ni.

Hei hian enge a affect theih?

sevendiary.com ah vek ti hian a inziak a ni…

Concerning the expenditure on mobile phones, at the ongoing Assembly budget session. It ruled out the possibility and calculated at the least possible amount, suppose if one person spend Rs.200 per month for mobile phone bill, even then the expenditure of Mizoram on mobile phone bill would be Rs.14,03,91,800 (14.03 crore) per month.

Entirnan mipa pakhatin phone pakhat lo nei ta se, zantin a bialnu lo be thin se, thla khatah cheng 200 a hmang dawn ta ni. Chuan mipa dangin, zantin a ma bialnu ve thung a bia a, thla khatah cheng 200 tho a hmang dawn ni. Phone subscriber pahnih atang chuan chenge 400 an la lut ta a.

Mahse heti hian lo ni zawk ta se… mipa pakhatin phone pahnih a nei a, zantin a bialnu a be ta a, a chang leh a airtel phone a hmanga, a chang leh a BSNL phone a hmang a, a network tha zawk zawka a zirin. Phone pahnih hmang mahse a bialnu biak hnem zat kha chu a la ngai reng tho ta a, thla tawpah chuan a phone bill te pahnih chu cheng 100 ve ve a ni ta daih a sin. Phone subscriber pahnih atang chuan cheng 200 lek an la lut dawn ta a, cheng 400 nilovin.

Chuvangin Assembly budget session a an plan te pawh hi a diklo daih thei a sin subscriber ang zawnga an chhut chuan. Mahse ka rin dan ang hian mobile user awmzat an chhut loh chuan ka thil sawi hi chu eng vakah lo ngai suh u. Chu chu kan rawn sawi ve duh zuai.

Posted in Ask | Help | Suggest, Opinion | 8 Comments »

khap ila..

Saturday, March 16th, 2013

Thianpa dawrah bawk chuan nikhat chu mi kawngkal thlir turin ka va leng leh a, ka hman em a ni.

Eng eng emaw kan sawi lai chuan nula pakhat kawngpuia kal mek chu min kawhhmuh pahin, “saw nula saw ka ‘englo’ tawh” ati nulh a, kei mifel thianghlim uchuak leh invawng fel uchuak tak ngial paw’n a thusawi awmzia chu manin ka inhria. Chu nula chu ka va en leh a, alo kal liam tep a, a back light ringawt paw’n min ti luhai thelh mai. Ka thianpa chuan min lo en reng chu niin, kan nui ta ringawt a.

Ka rilru chuan ka thianpa chu ka awt nge ka thik pawh ka hre lo, a nun chu nawmhmel bik riau hian ka hria a; mahse ka ngaihtuah chiang a, tisa hlimna ringawtin chhungril hlimna a thlen phak lo tih ka hrechhuak a, ka nunah chuan ka lawm tawk leh viau tho mai.

Thawk ka la a, aw then pahin, sin deuh rutin “engtin maw nichin nula chu?”

“Hmm, nangni mi fel-ho zawng kawm tlak lohna chin hi in nei thin, khawvel kalphung in man lo leh tlat thin” mi ti ta erh a. Ka lawm lo, “thlirdan a inang thin lo a ni mai a eng nge maw ka man loh bikna le?” ka ti let ve a. A ni chuan “kha3, i thinrim leh der emaw ni, fiam te hi in dawl lo, in fel lutuka tuma fiam phak lohah in inngai emaw ni” a ti ta deuh deuh a, ka dang duh bik lo, “chuti em mawni le, i sual vangin min hmu dik lo zawk aniang” ka la ti ve hram a. Han inhnial bawrh2 mah ila unau ang hiala in en inkawm ngeih kan nih vangin kan inhaw tak2 ngai lo, thiantha neih hi chu ava nuam thin tak.

(more…)

Posted in Luangliam, Mizo Society & Culture, More than words, Opinion | 15 Comments »

« Older Entries
Newer Entries »