Lirthei tam tak inhung zingah hian,
‘Ka ta’ tih tur pakhatmah ka nei lo va.
In sang tak tak ding fer fur zingah hian,
‘Ka in’ ti a sawi tur reng ka nei lo va.
Pawisa chhiarsen loha tam zingah hian,
Pawisa chhiartham lek pawh ka nei lo va.
Kawvel thil neih tur tam tak zingah hian,
Ka ta tih tur reng reng nei lo mah ila;
Amah(Pathian) avang chuan mihlim ber niin,
Engkim hi ka ta a lo ni zawk si.
Chhawrthlapui van zawl kaiin a her,
Hleinga par chawiin chhuahtlang a mawi;
Phungrual si-ar nen thangvan an tial e.
Lunglen thal chhuakin zan tlaia’n,
Ziakfung chawi loh zia reng em ni le?
Zaleng an ngir, lawi ang thang vangkhaw kawnah,
Tlangza hlim zai-relin tual sangpar an chuan;
Run nghak lawhleng mi u lungrukah.
Khartung sawn maw a di Lengzahmawia’n,
Duhaisam vai ang thang lo se.
Run sawngka leh lumlang daiah,
Vanglai an hril e, hring chang hmaten;
Chhawrhthla engah sulihnu a chul ngai ne’m.
An chhal e, lenlai sakhming than hawl renga’n,
An hril zel ang zingphul thlen hma chuan.
(more…)
Like a swarm of bees
Soaring up in the deep sky with the same tone,
Like the village cattles grazing on the meadow.
Like the lilies merriy shaking in the north wind,
If we join our hands,
Toil and moil to grip the rope of unity,
Together we will shine!
Brighter than the midday sun,
Stronger than the leopard.
Tears and empty hands would be the tales for our sons,
Pain and empty hands will vanished like a seasonal bird,
That sings just for a symbol.
Vul lo tura par kei ka hringnun,
Hnuchhawn run iang ngui ruai hi,
Vang leh chhan awm maw hlimzai rel nan?
Hringmi zingah hrilh theih chang se,
Piallei zau hrut vel ka nuam;
Mahse beidawn khua sei chuang ka tan,
Van mi iang nunnem angel ngei khan,
Hnemin buan ang min pawm se aw!
Angel ka ngai
Angel ka ngai
‘Always’ is no man’s nature
‘Sometimes’ is every men future
Sometimes sad, sometimes care
Sometimes fear, sometimes rest
Sometimes sick, sometimes fine
Sometimes cry, sometimes smile
Sometimes fight, sometimes hug
Sometimes war, sometimes peace
Sometimes close, sometimes open
Sometimes broke, sometimes love
Sometimes angry, sometimes happy
Sometimes bottom, sometimes apex
Sometimes failure, sometimes success
Sometimes discourage, sometimes encourage
There is no perfect ‘Always’
So, ‘Sometimes’ is ‘Always’
College kal lai kha chuan vairama la awm ngailo tih takah mahni tawkah ka lungleng ve thei khawp maia. Lunglen awmzia pawh hre fumfe velo vai thiante zinga ’lunglen’ thu han sep rawtui chiam reng ai kha chuan ziakfung hmanga mahnia kurpui ka thlang fo thin. He poem hi B.A II year ka zir kum tawp lam ni tain ka hria (a ni tak ka lo chhinchhiah tawh lova), hostel-a ka awm laia ka phuah a ni. Khawiahmah publish lovin ka dahtha renga, ka dahna a ril thei lutuka, a bo tawh emaw ka tih hial laiin ka hmuchhuak leh hlauh mai, a ngai ngai hian ka han share ve reng reng teh ang che u.
A saw raltiang Leitlangpui tual nuam ah sawn,
Mawiten a vul chiai e leitlang dingdi;
Zawlkhaw phunchawng, nauban leh ainawn ai pawn,
Kei ka tan a mawi zawk leitlang dingdi.
Ami zaleng zawng ten engtin ngai ve maw,
Chhim khawpui tual mawitu Leitlang dingdi;
Partin chhing zo tura khuanu duan ngei saw,
Kei ka thlir bang thei lo leitlang dingdi.
Kar hla tlang tin mual tin dan atang pawhin,
Rinna in ka thlir reng leitlang dingdi;
Theih chang se khawiva ianga thlawkin;
Dawn ka nuam e vul lai leitlang dingdi.
Mawiten vul zel nang che hawilopar iangin,
I parmawina leh rimtui leng velte;
Zoram dung leh vang mawitu lo niin,
Chutin duh ten Zoram par ka vuah nang che.
Kum 1993 December thla ni 20 zana MST night bus, Lunglei to Aizawl a ka chuan puinu, a sakhming ka hriat si loh leh zawn chhuah ngaihna ka hriat tawh si loh hriat reng nana 1999 a ka phuah. Ka zirna ka zawh hnu a Mizorama ka haw hnu khan a copy hi ka ti bo ta tlat a, mahse vanneihthlak takin Aizawl lama ka thiannu in a lo la kawl tha hlauh. Khawnge tun thlenga ka zawn hmuh zawh loh pual hian in post ve leh phawng ang hmiang.
NB :Poem ka phuah vawikhatna leh la awm chhun a nia, in mit a tlung zo lo ang tih phei chu ka hre sa
A chang chuan min tilungngaitu a ni a,
A chang chuan min tilungawitu a ni.
A chang chuan min tithinrimtu a ni a,
A chang chuan min tihlim ṭhintu a ni.
Min tilungngaiin lungchhiain ṭap mah ila,
Min tihlungawi tumna aw nêm ka dawng fo.
Min tithinrimin lunghnurin tau mah ila,
Min tihhlim a tumna thil tih ka tawng fo.
Ka ṭahin ka mita mittui hru lo mah se,
Ka mitin a inchhir hmel ka hmu ṭhin.
Ka lungngaihin duatin min pawm lo mah se,
Ka mit hian a tlâwm lai hmel a hmu ṭhin.
Mite chuan anchhia an lawh a — an pa te,
Kei chuan hmangaih thu ka hrilh fo — ka pa chu.
{1st letter zel hi aw..haha..}
Comment chhiara ka nuih vur vur lai in,
Hmuh ngai loh sakhming a lo lang.
A thluak a fim, a ngaihtuahna a fing,
Rin thu leh dawt thu-
In rel leh in sel-
Chhakchhuak hian a mawi love,
Engan hmanah i lo lan loh.
I lenna vangkhua dang in,
Tuanna tlang hrang mah se,
Anpâi zaleng zingah pawh leng mah la,
Nangmahah zonunmawi lang zel se.
Lam ang leta i lo kir leh hun chuan,
Engdang dawn lovin ka lo… *beep*… Nang che..
Nang ngaih a zual chang hian sirvaah chang dawn ila!
Lunglen remin sirva chitin rengah chang dawn ila’ng.
kawlah ni lo chhuak se Kawlvaah ka chang mai awm e.
Ngambawmpar leh tuangtuah par vul lai ngei an.
Kumsul mah lo vei se lunglen a dam awm chuang si lo.
Nemtui lo kam se, sikni kawlan a lo her leh anga.
Lailenteah ka chang nange nang ngai luat vang hian e.
Ruamtin hrutin Lung tin suang ka zai vawr nan.
Chutin khuafur lo her in sirva ten hraichawi thlei se.
Kei ka suihlunglen thlei ni reng ka nei chuang hlei lo’nge.
Huivaah changin chulhnu bukthlam ka nghak mai tange.
I rauthla leng suihlung ka tawng dah law maw.
Theih se Kawlhawk mualliaman ka chang mai tur lunglen nen.
sang ah lengin, leng der der in thlang zamual liam ila.
Hnutiang chhawn ila hringchan leh nangngaih suihlunglen hi.
Aw ka phal theilo kha zawng sul ang kan zui….
Ka tawn...You can unsubscribe anytime!
Duhthlanna leh rinna chungchanga TMEF Zirtirna: A chinchhuaka chhuina leh thudik zawk kawhhmuhna.
Click here