Tun tum chu Lamkhuang chanchin i han tarlang daih teh ang! Lamkhuang hi tunlai Mizorama thei kan ei uar pawl takte zingah a tel ve a, thenkhat chuan a thatna pawh hre lem lovin a tui avangin an ei liam mai mai a, a thente lahin thei hrisel a nih an ring lo a, mahse thei hrisel a nihzia rawn tarlan kan tum a ni.
Lamkhuang hi Asia chhim leh hmar lamah hian a tam hle a, khawvela thingkunga theirah lianber ti pawhin an sawi a, Bangladesh ram thei (national fruit) a ni nghe nghe. ram hniam deuhah hian a tha duh an ti a, English tawng chuan Jackfruit tih a ni, a hming put chhan hi an sawi danin Malayalam tawnga chakka leh Portugal tawnga Jacca tih atanga lak a niawm e. William Jack hming chawia phuah ni pawhin an sawi bawk. Hindi tawng chuan ‘Kathal’ tih a ni a, Chinese tawng chuan Boloumi tih a ni bawk.
Sri Lanka-ah chuan Kos leh Hera-li tiha hriat lar a ni a hmeichhe pakhatin lamkhuang a ei atanga mipuite thei hlutzia a hrilh dan thawnthu atangin an hre lar ber bawk. India chhim lamah chuan chihnih ‘Koozha chakka’ tih leh ‘Koozha pazham’ tia then a ni a, Koozha chakka hi chu tereuh te, a mu pawh te tak te, nemtak mahse thlum em em si a ni a. ‘Koozha pazham’ erawh hi chu pum lian thatak, hralh kaltak a ni.
India ramah pawh lamkhuang hian hmun pawimawh tak a lo chang tawh thin a, mi thiamte chuan kum 6000 kalta pawh khan India ramah kan ching tawh niin an sawi a, India lal Ashoka the great(274-237 BC) pawh khan lamkhuang chinna huan hi a lo nei tawh an ti bawk. Kerala state-ah khuan tiauvut hmun tih loah chuan hmun tin deuh thawah lamkhuang kung hi hmuh tur a awm an ti. Asian chhim lamah chuan lamkhuang hi chawhmeha ring an tam a, a mu te hi chhum hminin bean angin an ei thin. A la hmin lo hi Sri lanka-ah chuan ‘Polos’an ti a, sa aiin an ngaina zawk an ti!. A thing hi musical instrument siam nan an hmang thin a, lawng siam nan pawh an hmang bawk a, furniture siamna atan hian hman ve thin thin a ni a, a thing laimu hi Buddhist sakhaw puithiamte pawhin an kawrfual chei nan an hmang thin.
Lamkhuang(Jackfruit) thatna hi mi thiamte sawi danin :
* Potassium a tam a, chu chuan thisen sang tur a veng.
* Ashtma tan dawmdawi thatak a ni.
* Lamkhuang zung tang hi khawsik leh kawthalo damdawi-ah a tha.
* Thawk that theih loah te, pum nuam lo leh pumpui ulcer-ah te a tha an ti.
* A zung hi vun natna neite tan a tha.
* He theiah hian phytonutrients an tih a awm a, chu chuan cancer veite enkawlna atan a pui thei an ti.
* Thau tihtlem nan leh rih lutuk tur ven nan a tha.
* Zunkawng tha lo tur a veng thei.
* He thei-ah hian Vitamin C a tam.
Lamkhuang gram 100-a rita nutrient awmte :
Calories – 94,
Polyunsaturated fat – 0.086 mg, Monounsaturated fat – 0.044 mg,
Saturated fat – 0.063 mg,
Total fat – 0.3 mg,
Selenium – 0.6 mcg,
Manganese – 0.197 mg,
Copper – 0.187 mg, Zinc – 0.42 mg, Sodium – 3 mg, Potassium – 303 mg, Phosphorus – 36 mg,
Magnesium – 37 mg,
Iron – 0.6 mg,
Calcium – 34 mg
Folate – 14 mcg,
Vitamin B6 – 0.108 mg
Niacin – 0.4 mg,
Riboflavin – 0.11 mg
Thiamine – 0.03 mg
Vitamin C – 6.7 mg
Vitamin A – 297 IU
Protein – 1 g
Dietary fiber – 2 g
Total Carbohydrates – 24 g
Sodium – 3 mg
A hnuaia mi hi ram thenkhata an ei dan tlanglawn ber a ni a, a dangte chu a telh tur (ingredients) te thenkhatte chu mi nawlpuiin kan neih mai theih a ni lova, chuvangin tuna mi hi a awlsam dan ber tui bawk sia an siam dan a ni.
Mamawhte :
* Lamkhuang tak, a mu tel lo, kg 1 sin te tea zai lep
* Tui 300 ml
* Chini 400 ml
Tih dan tur :
Lamkhuang kha fai takin sil la, tui leh chini kha noah chawk la, minute 10 vel gas thukah a hniam(simmer)-in chhuang la, a hnuah minute sawm bawk a pangngaiin i chuang lehnghal dawn nia. Tichuan i ei thei ang mahse nghak dai phawt la..
Similar Posts:
- Thei tangkai te
- Lamkhuang Vengtu
- Tawng Chungchanga Chhim leh Hmar
- Mizo tawng thumal
- Dal (lentil) ei chu hriselna.
July 19th, 2010 at 10:28 pm
Ei a va chakawm ve awwwww !
Report this comment
July 19th, 2010 at 10:34 pm
A hrisel vak lo mw ka lo ti Zephenath hnuai chiah a.
Report this comment
July 19th, 2010 at 10:38 pm
Pawl nga kan nih laiin kan sikul bula lamkhuang chu a hmin nasat tawh em avangin kan bulah a rawn tla pherh duai maia; a tenawm lo tih kan hre si. Kan ei tak teuh kha. Lamkhuang hi chu a tui chiang a lawm.
Tumkhat ka nau nen huanah thing dahsa la tura kan kal tum paw’n lamkhuang hmin hi a lo awma; kan ei zo veka; a mu kan chhum leha; kan la ei zo vek zui. Tui rura..
Report this comment
July 19th, 2010 at 10:39 pm
Ei teuh chuan pum a na duh. Pumpui chak lo te tan ei tam loh a tha
Report this comment
July 19th, 2010 at 10:47 pm
Kan nei ve, an thi trep tawh ang.
Report this comment
July 19th, 2010 at 10:51 pm
lamkhuang rah no hi a tui an ti a, chawhmeh atan. A siam dan min lo hrilh ve teh u a, please…
Report this comment
July 19th, 2010 at 10:53 pm
Thlak chung ber chu a va hel hmel ve! Jackfruit hi puar khawpin ka ei thei.
Report this comment
July 19th, 2010 at 10:55 pm
A lova tha em em ve … a mu dawlh lovin kan chhak chhuak leh zuap zuap a. Kan SMART lo rura! Kan naupan lai chuan naya paise 3-in Lamkhuang Garo-ho zingah kan lei thin, kan ei zo seng lo va, ramhnuaiah kan thukru a. Va ei leh tumin kan va kal leh a, a lo awm tawh si lo. Sihalin a ei duh tih kan hre phak si lo! Kan va mawl!
Lamkhuang rah sen hi chawhmeh atan an hmang uar. A rah hmin tawh chu ei hlawih hlawih mai tur, a mu chhak chhuak zuap zuapin! A mu pawh kawlbahra anga la chhum theih, ei chiam mai tur … ka ei fo tawh ang, ka thatpui dawn chuan.
Report this comment
July 19th, 2010 at 11:01 pm
Tui hmel ve….ei tam chu a hrisel lo in ka hria, amu hi hmin deuh in chhum i la chuan kang leh ila tui in ka hria..a duh xual tan!!!
Report this comment
July 19th, 2010 at 11:25 pm
vai ho hian chawhmehah an hmang thin, a hmin lei tur ka hmu ngai lo, a hel hian an zuar a, an kang thin, arsa te pawh ang lek lek in ka hria..tui tak a ni,..
Report this comment
July 19th, 2010 at 11:26 pm
Lamkhuang hi chu tui ka ti khawp mai. Tunah tak hian ei ka va chak em :lol: Ka ril a tam chil a put.
A hnai pawh hi engngemaw atan a that ka ring tlat.
Report this comment
July 19th, 2010 at 11:29 pm
A la hmin hma hian Alu Chips ang deuh hian an kanga a tui ve khawp mai :grin:
Report this comment
July 19th, 2010 at 11:35 pm
Ka ril a ti tam tlat, ei tur kan zawng th ang :lol:
Report this comment
July 19th, 2010 at 11:40 pm
@Shailendra: A rah la no tak kha i lo anga,a pil kha a tak lang rawt khawpin i thel vek anga,chuan chan darh tawh mai tur. Tel tam tawk nena mawm deuhva kan chuan ARSA te pawh a ang ve deuh lek2. A tui ve phian a nia. Aieng telh ngat ni thei nghe2 se..
Report this comment
July 19th, 2010 at 11:53 pm
A lo van hrisel teh hrep vele mahse, kan naupan laia kan ei ang kha chuan a hrisel vaklo a nih hmel, pum lamin a tuarlo thin. Engkim mai hi a lutuk chu a lo thalo fo reng a ni.
Tun hma chuan Lamkhuang hi kan duh thei khawp ah. Ka pu Luaia te in MSV ah ka len ngun phah thin khawp mai. Kam sir lehlam ah kan hmawm a a lehlam ah kan chhak chhuak pah zel a, ei a kal duh char2 viau thin.
Tun hnu kum 20 emaw lai a ni ve leh tawh ang chu, ka ngaina ta reng reng lo mai hi mak ka ti ngawt mai. Hman deuh pawh khan kan lei ve a, mi chuan tui takin an ei mahse, a tuina ka hre talo reng reng mai
Report this comment
July 19th, 2010 at 11:56 pm
Lamkhuang hi pum tha lo tan a tha miah lo tih ka experienced tawh, mu khat lek ei paw’n ka pum a na vak thin
Download tih awmzia ka hria ve a, upload hi a opposite ni turah ka ngai. ImageShack ah ka in logged in ve a, a bak ka thiam der lo…phone atangin a nia. Min pui peih an awm takin tharac7@gmail.com
Report this comment
July 19th, 2010 at 11:58 pm
Nitin zu no thum tal in ziah nge tha ang a, nitin lamkhuang, balhla leh thingfanghma rah hmin tlem te tea ei ziah thin?
Report this comment
July 20th, 2010 at 12:01 am
Hmanni a ka lamkhuang hmin lei ve chu a UIH hmun mai nia. Ei a chakawm loh asin aw.
Lamkhuang in tih thin hi keini chuan Laui kan ti daih asin le.
Report this comment
July 20th, 2010 at 12:01 am
Lamkhuang kunga inthazo lo zet chunga han lawn a,hmeh lawr dan2 tawh hnu a dup tha zet mai han khawih nem nuak mai hi chuh…hlawhtling hi kan inti em2 tawh mai ni! Tin,kan Khua/Veng ah chuan Lamkhuang hi La-ui tiin kan sawi ve nawk mai.
Report this comment
July 20th, 2010 at 12:07 am
@ninja: ‘ka hria ve’ tih aiah hian ‘ka hre ve’ tih zawk tur a ni e…!! He3
Report this comment
July 20th, 2010 at 12:09 am
ei hnem lutuk chuan Thlan ah te hian a rim a nam thei..
Report this comment
July 20th, 2010 at 12:18 am
Dik maw diklo maw, hmanlai kan pi leh pu te khan Lamkhuang-hian thla(ghost or evil) a nei an ti, naupan ve deuh lai khan lamkhuang upa lam tawh hi chu kan hlau viau zel, a thla a tak kha chu kan hmu ngai lem hlei lova :twisted:
Report this comment
July 20th, 2010 at 12:33 am
Lamkhuang aiin Laui a thlum tui fe zawk.
Report this comment
July 20th, 2010 at 12:52 am
luak phah nghek toh a sim top…mongah nen kaah nen huizz….a kung a lon neitupa kha min duhsak viau nain tun hnuah chuan ka fak leh hnuhnoh top…
Report this comment
July 20th, 2010 at 1:11 am
A lo va tha ve. Tui ka ti. Naupan deuh lai khan kan in ei hnem siak thin. Mu sawmthum vel han ei chuan a puar theih khawp mai.
Lamkhuang ei hian dawlh nghal lovin thial ila, a fe kha chhak chhuak leh ila, pum na tih vel a awm lo deuh. Tawp duh deuh mahse ei tam in pum nuamlo a awm ve lova, a tha phian.
Report this comment
July 20th, 2010 at 2:00 am
Lamkhuang hmin hi tui ka ti in a rah hun lai chuan ka ei nasa thin hle.A hrisel tehchiam ka lo ring lova, thei tui tak a nih avangin ka ei mai a ni.A hel/sen ka ei ngai lova, a ei thin chuan tui an tiin, arsa te nen pawh an kan pawlh thin. Tin, a hming hi La-Ui tiin ka hre hmasa ber bawk.
Report this comment
July 20th, 2010 at 4:45 am
Lunglei ah chuan La-ui kan ti. lamkhuang pawh an ti tho.
Report this comment
July 20th, 2010 at 5:44 am
mkima… Aizawl ah lamkhuang kan tia, Lunglei ah la-ui pawh ti ula… Jack fruit ani tho alawm. A tuina a dan phah hleinem. Lunglei nuam ka tih nakalaia… sas in nei chhe lo hlawm si hehehehe
Report this comment
July 20th, 2010 at 5:54 am
gothica, #28 kei chu sawi tur ka nei ve love
hairehai
Report this comment
July 20th, 2010 at 5:57 am
HV chu leh lolzzzzz :lol:
Report this comment
July 20th, 2010 at 6:00 am
Lunglei hi ka kal tawh ngei mai mahse, GOOSH hi ka hmachhawn pui chak khawp mai che, Saitawk kaihhruai na in
Heta kawr leh a hnuai lam ( ahming pawh ka hrelo a thil hak hi) dum tho, Thihna awrh hi (star awih loh)
https://i30.tinypic.com/35brxmu.jpg
Report this comment
July 20th, 2010 at 6:05 am
hahaha Hv… i photo dah chu.. extreme left ami khi ini maw? lolzzz
Report this comment
July 20th, 2010 at 7:58 am
HV, i picture dahah chuan ka ban leh dar a lang veu veu… :lol:
Report this comment
July 20th, 2010 at 8:07 am
OT lawk. ‘Your comment is awaiting moderation’ hi enge awmzia le. Kan va synod sawt ve a, moderator kan nei elaw?
Report this comment
July 20th, 2010 at 8:33 am
ZerO: link pathum emaw a aia tam emaw dah hian, “awaiting moderation” a inti thrin.
spam lak atanga invenna tepawh ani ta ve ang
kava tho hma e.. ka duh aiin ka thawh hma chule. lolzzz
Report this comment
July 20th, 2010 at 8:40 am
funny, i mu leh ringawt ang e. In football team ho khan practice mai ula… :lol:
Report this comment
July 20th, 2010 at 8:48 am
funny sap pachal kawm hi an nuam phian mai… kerh2 lam sawipui chuan ka hriat phak bak hi an lo hre ziah lolzz
Report this comment
July 20th, 2010 at 8:52 am
31
Pu Hv # I pic a ding, veilam ber (keimahni lam atanga thlirin)khan ‘an’ a va nei zaw zaw ve aw.
Report this comment
July 20th, 2010 at 9:17 am
Calories – 94, Diabetes lam tan chuan a tha vaklo a va ang ve.
Report this comment
July 20th, 2010 at 12:20 pm
# 31 HV……mami varte chu lamkhuang dum khum a va ang ve..
a bula ding hi i EX tuna gothica current kha ni em?
Report this comment
July 20th, 2010 at 12:32 pm
zualbonez aw shaala hahahahahaha
Report this comment
July 20th, 2010 at 1:27 pm
Lamkhuang hi chu ei a har e mai
Kan naupan deuh laiin Pu Ketlawna huan a mi kan lo ru a, a lawn zawkah ka trang sia, ka thehthlak kha kan thrianpa in lo dawn a tum ringot mai a, a zuk deng thlu tawp mai
Report this comment