I Nupui chu– I thinlung chhungril ber neitu leh mihringin hmangaihna a neih sang ber i hlan a ni a. Atan i rinawm a, atan engkim i huam a. A tel lo chuan zan khat pawh i tlei thei lo a, a hmel hmu lo chuan ni khat pawh i awm thei lo a. Rualawta a awm loh nan thahnemngai takin hna i thawk a, a duh leh ìt zawng apiang lei nan sum duh tawk i pai a. Chutia’ng khawpa i hmangaih chu– Nun khawhar takin a lo awm reng thei a sin!
Pathian hmangaihna tluk zeta nasain hmangaih mah la, a mamawh tinreng (nia i hriat) te pein, tlachham loin siam mah la, thuam tha ber ber leh rangkachak man to ber te nen chei mah la, chutia’ng khawpa i hmangaih chu– Nun khawhar takin a lo awm reng thei a sin!
Zingah i tho a, chaw i ei a, hnaah i kal a, tlaiah i haw a, i inbual a, zan a lo ni a. Inkhawm, Committee, khawhar In len i ti a. I chhuah loh zanah TV, Computar hmaaah i thu ‘pa’ ringawt a, tawkfangah lehkhabu i chhiar san leh a. Chutia’ng chu i nitin hun hman dan a ni a. Leng dang chhai lo leh luangno tlan loin atan rinawm tlut mah la, chutia’ng khawpa i hmangaih chu– Nun khawhar takin a lo awm reng thei a sin!
Hmeichhia chu hmeichhia an ni miau a, an rilru a nêmin suangtuahna leh zeldin thu an kawm nasa a, pangchan te hi nuam an ti em em a ni. Khawvel thila an mamawh engkim pein, hmangaih rumrut mah ila, ngaihsak hlawh loa inhriatna leh, an mahni aia pawimawh nupa kara tlazep awm nia an hriat tlat chuan, an rilru a nâ mai thin. Chu chua’n nun khawharnaah a hruai lut a.
I nupui kha a nun khua a lo har ve dah ang e– Ngaihsak fo rawh. Ngawi renga hmangaiha intirinawm tlut lo khan, i hmangaiha i thlahlel takzet a ni tih hunawl i neih apiangin, a tam thei ang ber lanchhuah tir thin ang che. Hna/ Sum & Pai/ thil dang zawngte aia pawimawh ber leh, i thinlunga hmun chang thuk ber a nihna te kha ren lek loin fah mawlh mawlh thin rawh. Hnampui ho hi kan tluk lo fo… Kan hre lo nge, kan intih pa vang nge, kan tum lo hrim hrim aw…? Han bawl a, han chhaih/ fiam vel te hi nuam an tiin, an hlimpui em em a ni. Nun khawhara a awm loh nan– I Nupui Bâwl rawh!
Similar Posts:
- I Nupui Duhzawng I Hriat Sak Em?(Mipa pual )
- Aw Lalpa
- Hmangaihna Ka Ngen ani
- Virgin kher a ngai lo!
- Nupui ka neih hun chuan…
November 9th, 2010 at 2:48 am
Hmm..2:48am maw.. Meng phuau in phek thar hawng ang aw..
A chhiartuten ‘Nupui Bawl’ lamah hlawkna in neih ngei ka besei..
A bik takin zeus-a fans te…
Report this comment
November 9th, 2010 at 2:55 am
Pi Aduh: Tlema senior deuh hi chu, “duhtui” antia, an senior leh deuh hlek chuan, “khirh” anti daih
“khirh” category-a ka awm hma chuan neih ve chu kala tum ve trang trang. Mahse monu lam tur hi… hehehe
Report this comment
November 9th, 2010 at 2:56 am
Tunah khan i duhtui mek tihna ni maw chu ti :twisted:
Report this comment
November 9th, 2010 at 4:29 am
Kan nu a lo tho, bawl te’ng…
Report this comment
November 9th, 2010 at 4:55 am
POst tha piap piap hle maia….!!!!
Ka Putarte Ozima chu ka nghatebak hlanin i lo va han tal buai nasa khut khut ve :lol:
.
Report this comment
November 9th, 2010 at 5:42 am
A va’n dik tak em. Kan nupuite chauh nilo kan fate pawh hi kan bawl peih a ngai takzet a ni.
Report this comment
November 9th, 2010 at 8:04 am
“Min bawl” an ti ve leh chhen si a, eng ual kan chan thei lo! :lol:
Report this comment
November 9th, 2010 at 7:42 pm
hehhee..a ron post tupa hian nupuite chhawnchhaih peih leh tulzia a rawn sawi tum ber aniin a lang.A bawl a bawl lam kher hi chu bawl tih hriat hi chuan a tu amah hian kan duh vak si lova..Nupuite chu fiam hlim peiha,chhawnchaiha,fiamthu uang tak tak pawh a,fiam hian hmeichhia chu an nun a hlim thar reng in a a tha ngai e atih na ah i dah sak ang u…lolzxx…..
Report this comment