Thupui: Mai a lum e, hui-ah.
Sawitu: James Laldika.
Chângthlan:Thangsira pa’n mai a lum e, hui-ah. Inpui sakawl a zuan e, hui-ah. (A kâwmsena mi.)
A ni, unaute u, Chatuan Thangsira pa’n mai a lum thu hi kan beng chuan kan hre fo tawh. Mahse, a takin kan la hmu lo a nih hi. Pa pakhat pawhin mai ka lum ve ta a ti, mahse, an han enchian chuan maipàwl a lo ni. Chutiang bawkin pa pakhat chu mai ka lum ve dâwn tiin tlâng sáng takah a lâwn. An han enchian chuan basaike a lo ni. Mai lum hi a lo va han har êm ti rawh u.. Zaninah hian unaute u, ka lung a va han chhe êm! Tûn maiah hian mai lum tur nei kan awmin ka ring lo. Thangsira pa chuan a lum asin.
Unaute u, kawng leh lamah chuan Zofate hi kan va vânnei êm! Kan ram leilung pianzia hi mai lum nan a va han remchâng tak êm ve le. Miin tih tak zeta mai lum a tum chuan khawii lai pawh hi Inpui sakawl zuan khum turin a remchâng si. Phai ramah te chuan miin mai lum duh em em mah se, aw unaute u, a lumna remchâng awihpang an nei ve si lo. Silchar pa pakhat pawhin mai lum tumin inchhâwng a pan; mahse, a lum thei lo. Lei chârah a tla mai, a tla keh pawp mai. A va han khawngaihthlak tehlul êm!
Lehkhabu kâwm senin a sawi angin, mai lumtu der tam tak an lo chhuak dâwn a ni. A ni, tûnah pawh an lo chhuak tawh mêk. Mai ka lum an ti ang a, maipâwl te, maitè te, bapui te an lum chauh dâwn si. Maipar eng ka en an ti ang, mahse, derhken pâr a ni dâwn si. Maian hi behlawi a ni titu te, dawlrêp a ni titu te, dawnfawh hi mai bial a ni titu te an lo chhuak ang.
Aw unaute u, i fîmkhur ang u. Chuti lo zawng kan tawlh bo hlauh dah ang e. Mai lumtu der lakah i fîmkhur mawlh ang u. Kan thusawi chu a tha laite a awm chuan K. Hmingthanga pa’n malsâwm rawh se. 
Similar Posts:
- Misual thiante u, Kumthar Chibai u
- Ho tak a ni
- Quarry neitu leh hlawhfate hriat tur
- Kum 5 an bo hnuah a fate a hmu leh ta!
- Têk
January 26th, 2011 at 10:31 am
Thangsira pa’n Mai a lum e…..
tih thin kha.. TuaisialA’n Misual-ah post a lum a ni ti mai teh ang…. sawi belh tur ka hre lo… ka hul.
9 minutes lai No Comment a in ti reng a, ka comment ta mai… sorryReport this comment
January 26th, 2011 at 10:41 am
A va han ril reuh ve. Aw ka ramriangte hi ka va han chhuang tak em!! Mai lum duh bikna pang nei alo nih bik hi
Report this comment
January 26th, 2011 at 10:43 am
. Chatuan mai hi lum mai mai tur a ni lo a sin…
Report this comment
January 26th, 2011 at 10:48 am
Zephenath pawh khi ka la lum ang mawle..
Report this comment
January 26th, 2011 at 11:06 am
Hlap tha pap pap hle mai. Sermon zawh hian mi 5 an inhlan nghal an ti…
Report this comment
January 26th, 2011 at 11:24 am
@Ts, awih pangper ah kan awma, zopa inziniar ngei mai in duh thâlin in an sa a, nakin lawkah chuan “in a lum e hui. . . ah hui ah” kanla ti dawn chiang funi. . .
Good post.
Report this comment
January 26th, 2011 at 11:37 am
Report this comment
January 26th, 2011 at 11:57 am
A va han ropui emmmmm,,,,aw hetiang reng reng a mailum lo pawimawh zia hi……a nei te kha chuan i lum sup sup ang u hmiang….lumtu der an lo chhuah hma khian….
Report this comment
January 26th, 2011 at 12:10 pm
@herc hi i nick ka van
reuh, hei ang deuh hi mi ka phuah sak tawh. 
Report this comment
January 26th, 2011 at 12:16 pm
ehhh, ka lo ni thut ange…ngoiteh mai i lum dun chhin phot ang….chuan kan soi tha don nia…
Report this comment
January 26th, 2011 at 12:18 pm
@Lersia: Rin ka nei..
Report this comment
January 26th, 2011 at 12:24 pm
Good Post. Philosophy lampang background neiin han sawi se a ngaihnawm dawn hi le.
Report this comment
January 26th, 2011 at 12:27 pm
@Ts, hets. . . I OT lutuk aw. . . I mai lum lai hian a ti harh ange. . . Shhh. . .
Report this comment
January 26th, 2011 at 1:11 pm
va ziak tha ve aw, mi tha hi chu kan ramah hi chuan in awm chiang alawm. a last para khi
Report this comment
January 26th, 2011 at 3:36 pm
Report this comment
January 26th, 2011 at 5:15 pm
Lum soi takah chuan … an balma nula awmpui in ” min lum don em ni , ka u ?” a tih k hrechhuak xok mai ..
Report this comment
January 26th, 2011 at 7:40 pm
Tsa chu(h),fiamthu deuh a chhiar ka tum a,a va tha lawi si e…
Report this comment
January 26th, 2011 at 9:32 pm
Mai lum hi a nuam ve mai thei.
Report this comment
January 26th, 2011 at 11:22 pm
Naupang an mutui ta… Mai ka lum(dawn) e, nuam singkhaw!!!
Report this comment
January 27th, 2011 at 5:50 am
He thuziak chuh…. ka chhiarna a rei tawh kher mai. Khawi atangin nge maw i rawn thur chhuah le? James Laldika Sailo te, Laltuvela te ho cowboy bu ziak tawite te kha i la kawl mial lo maw? An fiamthu kha a thianghlim a, pawi a sawi lo asin aw. Lo la post ta che.
Report this comment
January 27th, 2011 at 7:50 am
#20, Caribou, a bu in ka nei vel mawle….hahaha
Pu Jam Laldika sawi ka nuih ti za em2 pakhat chu, mi 1 hi a sermon dawn a, ‘tunah ilo tawngtai ang u’ a ti a. Tichuan mipui an inhup fel ta maw tihah khan, ‘hla ilo sa leh zawk ang u’ a rawn ti leh ta daih a. Amah lah chuan,pulpit atang khan, ‘ve hlauh mai a, thauh thauh mai a, leh thul thova’ te chu ala rawn ti zuah zuah a…a ti…
Report this comment
January 27th, 2011 at 8:28 am
Tuaisiala hi loneeagle26016 lo ni reng a ni maw????? Laltuvela ‘Bawng Essay’ kha i nei mial lo maw?
Report this comment
January 27th, 2011 at 8:36 am
#22, Ni em love ! Engtinnge nick/username 2 active deuh2 ka manage theih ang, FB nen…hahaha…Tuvela bawng essay kha maw…ka nei lo kei chuan,ka thianpa hian ala nei ang em aw ka lo zawt chhin ange….
Report this comment
January 27th, 2011 at 8:42 am
khaw bawng essay laltuvela lo zawk .. https://comedy.rajiv.com/cow.htm
Report this comment
January 27th, 2011 at 8:49 am
@Fonz, tha fu mai…sipai hoin All India Radio vela an hla thlanna leh an lehkhathawn pui deuh2 a awm kha mawle…khang ho kha nei kan awm hlom em ?
Report this comment
January 27th, 2011 at 2:20 pm
Pu Cari: A dang ka nei hauh lo mai. Post pawh khi lehkhabu hlui deuh, a kawm tlabal tawha mi ka hmuh a nia, a hming pawh a hriat loh.
Report this comment
January 27th, 2011 at 3:08 pm
Thangsira pa’n mai a lum e hui ah, a zuk chhar leh e hui ah
Report this comment