Rumliana hi pa lian leh rual pawl thiam tak, a duh chuan an hotute tih-lawm pawh thiam tak a ni a, nula lakah pawh a luck hle a. Silchar-a a awm lai khan vai nupui a khawih nual niin an sawi. An hotu vaiho runluih rëng rënga khawsa a nih avangin sazai pawh a hmu fo va. A hrem nana thil rit tak an phurhtir chuan zâng ti âwm deuhvin a lang lui tlat a. A zâng deuh an puttir lahin rit ti âwm takin a kal pai leh chawn chawn thin a ni.
Vawi khat chu an parade-naah mawza khing leh pheikhawk khing chauh bun ve vein a lo chhuak a. An hotupa chuan, “Hei, Rumlian, engtizia nge?” tiin a zawt a. Ani chuan, “Field-a chhuah a hun tawh si a, kan rawn tlai chuan min hrem ang tih ka hlau va. Ka hmanhmawh tawh bawk si a, a lehlam lehlam chauh ka rawn bun hman a ni,” a ti a. An hotupa thinrim chuan, “Misual, lammual hi vawi li tlan hêl rawh,” a ti a. Rumliana chu zawi tëin a tlan a. An hotupain, “Tlan chak rawh a tih pawhin a tlan chak duh lo va. An hotupa thinrim chuan vak tumin a ûm a. A vak phak loh tawk chiah chiahin a tlan chak ve zel a. An hotupa lah a thinrim tawlh tawlh a. An pahnihin mual chu vawi li an tlan hel ta ringawt a ni.
A chang chuan a pheikhawk khing lehlam chauh siai tle taka hnawia bun chhuah a chîng a. An hotute’n an hrem dawn chuan, “Siai bur khat chauh kan dawng si a, lehlam hnawihna a daih lo,” a ti ve tlat a. Siai bur hnih an pêk phah ringawt a ni.
Vawi khat chu a chhuti a kîr leh har deuh va. An hotupa hnena a han in-report chu an hotupa chuan, “Engati nge ni Rumlian, chu chen chen i awm? I va rawn kîr leh har em dm ve?” a ti a. Ani chuan, “Tui lianin min dang a ni,” a ti a. An hotupa chuan, “Thâl laiin tui a lian ngai em ni?” a ti a. Rumliana chuan, “Kei pawhin mak ka ti rëng a ni,” a lo ti sam ët!
Bel a kai thei lo chuan hla a phuah a.
‘Kei zawng promotion kai ve rëng hian ka mawi lo,
Vaiho zawng zawng ka hmêlma in lo ni e.’
A tawpah chuan bel khat a kai ve ta hram a. A kawr pathuma bel tur an pek chu a kawr pakhatah a bel vek a. Hming lamnaah an hotupa chuan, “Het Rumlian! Engati nge bel thum i rawn bel?” a ti a. Ani chuan, “Ka kawr dang ka su a, a ro awm chhunah ka bel ta mai a ni,” a ti a. A bel hmuh chhun pawh chu an pawhthlaksak leh ta a. Hla bawkin..
‘Sangthangpa lal lai a tawi mang e,
Lal lai bangin Thadang run kai ka rel e;
Chhai lai leh dî zûn ka thlang zawk.’
Sangthangpa a tih hi amah Rumliana, a fapa hming koh a ni. (Chhunzawm tur)
Similar Posts:
- Rumliana titi
- Rumliana titi-III
- Mahatma Gandhi-te nupa thlalàk
- Chungleng leh Hnuaileng indo
- Ral run titi
July 21st, 2011 at 1:02 pm
a van ngaihnawm em!!!
Report this comment
July 21st, 2011 at 1:18 pm
Rumliana story hi amah hriat lemloh chuan atak2 a anglo kan ti deuh..sipaiah pawh nunphung pangngai anung tha duhlo chu…Khawi khua nge anih le aw??A nu leh pa te hming hriat chakom khop mai..
Rumliana athih dawna mizo mipuite hnena a thu chah chu ka tihdan/nungchang ang hian tumah ron ti ve suh u..At vang mai2 leh thil hloklo leh tullo tak a ni tiin asawi
Report this comment
July 21st, 2011 at 1:25 pm
Zodaifim@2: Rumliana Titi tih post kha a la rei loh nen, a nu leh pa chu paragraph khatnaah a awm kha maw le. Lo chhiar ve mai teh.
Report this comment
July 21st, 2011 at 1:31 pm
Rumliana kha Rumliana ngei kha a ni, sawi kai hat a ni thin reng a ni. Dirty Dozen-ah tel ve se, a ber a nih loh pawhin a dawttu a ni hrim hrim.
Mizoram Police zingah pawh tuna Guwahati-a awm, Ngaihdawla, N. Vanlaiphai khua hi, hetiang chi mi tho hi a ni, an puten an duh za-lel zawk. Tangkaina tam tak an neih sawi lan a ni lo mai alawm!
Silly sides so very stressed!!
Report this comment
July 21st, 2011 at 1:32 pm
@zodaifim: Tar rilru leh thalai rilru a inang thei lo. A that laia a awm dan kha a tar hnua a rilru khan a pawm lo a ni mai. Mizo mipuite tan mi hlu a nih theih phah a, a pawi ka ti hran lo ve.
Report this comment
July 21st, 2011 at 1:32 pm
Rumliana chanchin leh tualte vanglai sawi chuan mi a tihlim zel dawn a ang khawp mai Zindabad!
Hnialhrat sawi takah chuan ka naupan tet lai hian ka hnialhrat ve khawp mai a, ka nu le pa te khaw lam thingtlang kan panna ah tuirial ah kan bus a chawl a, naupang tawng thei tir chauh chuan a tui chu ka va pan mai pek a, “Mama kal suh, tuiin a la ang che” min han tih chuan “Tuiin ban a nei em ni?” kan tih pek ah.
Tun thleng hian ka u te ho chuan ka hnialhrat sawi nan an la hmang.
Report this comment
July 21st, 2011 at 1:48 pm
ngaihnawm ve
Report this comment
July 21st, 2011 at 1:48 pm
@zodaifim: uang la, ho rawh. Tuktinpar pawh tluk lo, chhum reilote lo langa ral leh mai thin he hringnun hi tum bur chunga hman liam zawng ka zuam lul lo mai.
Report this comment
July 21st, 2011 at 1:58 pm
Kan thianpa pawh thian ho picnic na ah rawng a bawl a, tumahin bawlpui tum lo in nuam an tawl a, an kalsan vek a. A thinrimin chaw a ei puar te te a chaw chhumna cooker ah a vawih a, a chhin phui leh hmaka a haw san nal nal
Report this comment
July 21st, 2011 at 1:58 pm
hmm….tha thei hle mai…..
Report this comment
July 21st, 2011 at 2:07 pm
Fiamthu pawh a ninawm chin a awm thei a,engkim a chintawk hriat a tha fo.
Report this comment
July 21st, 2011 at 2:17 pm
@lr: ninawm chin kan tih a inanglo thei viau ang, midang nuih laia lo tum tlat, nangni ang hi ‘ninawm’ ka ti (fiamthur)
Report this comment
July 21st, 2011 at 2:29 pm
Ka chanchin miten an hlimpui leh chhuan (generation) engemaw zat liam hnua mite sawi chhawna an hlimpui viau tur hi a va han awm lo tak. Rumliana meuh zawng, tluk loh rim a nam e!!
Report this comment
July 21st, 2011 at 2:32 pm
saint shampoo.
in hau ru.
(teh ngawt a. lolz)
Report this comment
July 21st, 2011 at 2:43 pm
Rumliana ang mize fing dangdai deuh pakhat a hming Vuttaia pawh a awm kha mawle, kan naupan lai chuan an chhanchin hi kan sawipawlh nawk2 zel, kan han sawi ve a aia upa, huai leh fing deuhin chumi tihdan zawk chu a lawm an tih kha chuan thu awih takin, e kan ti leh mai zel. A hre chiang kan awm lo maw le..
Report this comment
July 21st, 2011 at 2:49 pm
Chhiar a van manhla ve.. Lawmthu kan sawi lok teh ang.. ta tang hian awm ang lo viau mahse… MISUAL.COM User te hnenah Lawmthu ka sawi mawlh mawlh e.. ka thil post te ho thin hle mahse.. Sawisel lem lova.. tha taka.. min lo thlir liam sak a.. in lo comment ve zela
Report this comment
July 21st, 2011 at 3:07 pm
Mizo Rajnikanth ve a nih ber chu!
Report this comment
July 21st, 2011 at 3:53 pm
Thluak Bura inlo chai laih laih a ni maw…
Amah vang hian alawm Mingo ho khan kan bawrhsap hnenah(tuber nge ka hre chiang ta lo- NE Parry emaw G McCall emaw A.Mac Donald te zing ami hi an ni ta in ka hria) hnenah ‘Mizo chu Sipai atan an tha lo’ tiin thu an lo thawn vel a. Sipai atan Mizo an la duh tawh lo a ni awm e.
Chutah Bawrhsap chuan Mizote huaisenzia(athuaizia) chu an hotute chuan hmu ve se a duh hle a. Hotu thenkhat a chah chho a. Lammualah Vai leh Mizo Hockey a khelh tir ta a. Hnungkhawn leh insehte pawh awih vek a ni a. Mizo teamte chuan nuam an ti viau a ni awm e. Mizo aggressive zia an hotute’n an hmuh chuan an lawm hle a. Chuan, sipai atan an la duh leh chauh ni awm a ni. Rumtea hian min chawkbuai hneh hle!
P.S: Ka naupan deuh laia mi autobiogarphy ami ka chhiar ania, ka chiang tawh lo. Hre zau zawk in awm chuan sawi chiang ula.
Report this comment
July 21st, 2011 at 4:36 pm
“Rumlian, engatinge thosilen hnuai ah ral ram ah lehnghal ti khan i mut mai le! ral in an sai zawt mai tur che sin!!
“Thosilen kar ah silaimu a lut leng dawn a mi??”
Report this comment
July 21st, 2011 at 5:07 pm
Chanchin hi chu a nei ve alawm. Mi pakhat a ni
Report this comment
July 21st, 2011 at 5:15 pm
Report this comment
July 21st, 2011 at 6:16 pm
Sir. Rumliana tih hial ani ka duh ni. An hotupa pawh in chunga atanga zunkhum ngam ve ngat kha ani ve hrim hrim a. Adang pawh ka la hre ve nual mai kei misual hian
Report this comment
July 21st, 2011 at 6:18 pm
Sir. Rumliana tih hial ani ka duh ni. An hotupa pawh in chunga atanga zunkhum ngam ve ngat kha ani ve hrim hrim a. Adang pawh ka la hre ve nual mai kei misual hian.
Report this comment
July 21st, 2011 at 8:34 pm
#18, @Ignasia : hei post hlui atangin ka rawn la chhuak e….
“Kum 1933-ah Mizo sipai thenkhatte avangin Major Shakespear-an Mizote chu discipline nei lo lutuk leh sipai a tang tlak lo khawp hiala sawiin IGP, Shillongah lehkha a thawn a.
Assam IGP chuan inspection rawn neiin Mizote chu silai kah, infiam, lehkha lam, huaisen leh thil dangah an lo tha hle mai a; Conduct sheet a han en chuan Roll Call a kim loh leh zana Barrack chhuahsan vanga hremna tawh thu a lo inziak sen ngiai nguai mai a. IGP chuan Mizo society zalen zia a han hmuhin khawtualah discipline kenkawh a harsa a ni tih a hre chhuak ta a. Ram pawnah sipai tha tak an nih a ring tlat a.
Assam IGP en tura Gorkhali leh Mizo sipaite’n Football an khelh chanchin te sawi thui tawh lo ila, Mizote 1-0 in an chak hram a niawm e. An inkhel zo IGP lo ding chhuak chuan Mizote hi hnam huaisen leh sipai tlak an ni a, tunah a dang 50 dang ka lak belh leh dawn tih a puang nghal a ni awm e. Mi 25 ve ve a in thenin Kohima leh Sadhya-ah training turin an tir liam ta a. Sadhya Party lam hi an hruaitu Naik Sabinga chu reiloteah a boral a niawm e. Hei hi Mizote a huhova sipai luh vawikhatna a ni in a lang. [Source :Mizote leh Sipai hna (mi hmasate chhuina) by Dr. Zokhuma (Vety),Chawnpui]”
Link: https://misual.life/2010/09/.....ut-lushai/
Report this comment
July 21st, 2011 at 11:36 pm
Rumliana leh mankebaia in sawipawlh fo. An pahnihin dam reng rawh se
Report this comment
July 22nd, 2011 at 1:39 am
Ka hre ve nual thin a sin mawle, pakhatmah sawi ve tur kan hriat loh chu… vawi khat pawh.. ih.. ih…. a e tih lam pang a ni ta in ka hria…. a witty thin khawp mai.. right place, right time chu ni se mi bik chu a ni e…
Report this comment
July 22nd, 2011 at 12:28 pm
Saint sammoo:ka nui ve tho,engkim hi lutuk chu a tha lo.Pathian thu pawh hre lutuk chu an no duh khop.
Report this comment