– Lalthakimi Pa
Kan chhungkaw dam lohna hre chungin mi hi enge an a’n ve hlawm tiin ka vak chhuak a. Kawngka bianga hmai lehlam chauh tilangin Liana te chu, “In chhung in dam tlang em?” ka va ti dek dek a. “Lo lut rawh. Pang te chu dam tlang e; kan rilru erawh thu hran,” tih pahin thuthna min kawh hmuh a.
Nu leh pa te Kohhran mi ni si, an faten an puih lohzia an sawi atangin an chhungkaw dam lohna chu ka hre mai. Fapa 3 an neih zingah an mi lai chauh chu an thlamuanpui fa a ni. A u leh naute chu an len bo chhung an thla a muang a, an lo hawn hun a huphurhawm thung.
Pawisa an dil in an pe lo ngam lo. A U zawk phei chuan a Pa pawh a kek dak awrh duh a. An ruih buai chang chuan a ruk in thenawmte an pun a, YMA in Home a an dah lahin an awm rei thei si lo.
Thu tha an hrilh lo a ni bik lo, an awih lo a ni tawp mai. Keini ai mahin an chhungkaw dam lohna chu a na zawk tih hre chungin ka kalsan a.
Hla deuh hleka Liani te chhungkua ka va tlawh leh a. Pa tel lova a hmeithaipui a fapa neih chhun chu naupan lai atanga meizial zuk ruk ching, a len hnua Denrite hnim leh Damdawi chi hrang hrang ti thintu a ni. A ruih in inchhung bungraw tihchhiat ching a ni lehnghal. “Zu hi chu mimawl apiangah a thawkna,” an tih thin chu hepa zurui hian a tidik thin.
A pain a boral hmaa a nu hminga a dah an In leh lo atang chuan a hringtu nu chu a lo hnawt chhuak a. Thenawmpa vangin tun hnaiah Pi Liani chu a Ina hruai luh a lo ni. Kan inkawmna atang chuan sawi ngam loh chin a nei tih ka hre mai. An thenawmte atangin Pi Liani khawngaihthlakzia chu ka hre chiang hle.
Mual hrana Pu Sawma te chhungkua ka tlawh leh a. Milian chhungkua an ni bawk a, an in leh lo a tha kher mai. “Khawnge in nula leh tlangval te? Exer’ an la em ni?” ka’n ti chu nu berin, “Khawi lamah exer’ lak te chu a, an la mut vum thur saw. Mutna chang hre lo, thawh na chang hre lo an nih saw.
Kan tlangval phei chu mau tlawn nen lo chuan kaih thawh ngam pawh a ni lo, min lo tlawh loh leh min vai vak thin a. Hla deuh atanga hawlh a ngai. Mami lah khawsak rel chu sawi loh, khumah thingpui kan pe lo chauh a ni,” a lo ti bawrh bawrh a. Pa ber Sawma chuan zan khat mit chhin pawh lo tawk se, lehkha zir peih lo an tlangval kuta in leh lo a han awm tur chu a ngaihtuahawm mange, hna thawk peih si lo, retheih an hmabak mai dawn chu a ni a, tiin an hmabak ni thei awma ka hriat ka ngaihtuah a.
Kunga te In erawh ka dak hman ta lo na in tlangval inchei duh dak tak tak, mi hran hran tlai deuh a rawn hruai haw thintu an nula khawsak dante chu tlang hriat a ni a. Nupui nei reng chunga nula kawp thin a pa lah chuan a hau tha ngam bik lo nge ni a tha en mai mai a. A nu rilru hah thinzia chu sawiin a siak lova; sawi loh lahin a siak chuang hek lo.
Thanga te chhungkua thung chu Tuk zana chhung inkhawm nei thin. Pathian Ram thilpek leh inkhawm ngai pawimawh mi an nihzia chu an inchhung a hawi vel pawhin a hriat mai a. Sawrkar hna a thawh ang thawk ve Buaia in leh lo nen a khaikhian chuan hlawh inang reng si inthlau tak a ni. Pa ber rui reng mai Buaia te thung chu thla tawp hmaa batna tur zawnga an nu vak da da thin a nihte ka ngaihtuah a. Thanga te erawh mirethei leh damlo te tan malsawmna an ni ngawt mai a.
Chhungkua hi kan lo va inang lo em! Kan venga chhungkaw tam zawk hi enge maw tak dam lohna nei kan niin ka ring a. Tam tak chu tha awma awm, a ruka harsatna lian tak nei kan ni in, Pawlho tute emaw thahnemngaihna avanga la ziaawm zawk chauh kan nitein ka hria a. Chak taka hma la tu Pawl kan va la mamawh em, ka ti thin. Kan na a ni, kan na. Gelead-ah thing hnai a awm lawm ni? Tah chuan tidamtu a awm nange?” tiin ka rum tlawk tlawk a. Nangni enge in an ve le? In chhungkua in dam tlang em?
Kr 15/9/2011.
October 7th, 2011 at 8:36 pm
Pathian zarah kan dam e, tiin ka la chhang ngam rih che a, eng chen nge kan daih dawn chu ka hre hauh lo mai.
Report this comment
October 7th, 2011 at 8:51 pm
Keini pawh kan dam a, Pathian hmangaihna kan dawn vang ani e. Mahse chhungkaw tin hi chuan eng kawng kawngah emaw hi chuan, damlohna, harsatna, buairukna, sawi mai chi ni si lo kan nei vek ang. Chhungkaw dam tlang tur chuan Pathian hlat loh hi a pawimawh khawp mai.
Report this comment
October 7th, 2011 at 8:53 pm
Kan la chhangchhe khawp mai, kan la dam e
Report this comment
October 7th, 2011 at 9:00 pm
kan la dam tlang hrih e….
Report this comment
October 7th, 2011 at 9:01 pm
A ni tak a sin, malsawmna hi hausakna te, thuneihna te, ropuina te hi a lo ni hauh lo mai. Kan damchhunga Pathian malsawmna kan dawn thin ropui ber mai chu hriselna/damna hi a ni hial a awm a sin.
Pathian zarah kan damtlang rih e.
Report this comment
October 7th, 2011 at 9:05 pm
ngaihtuah tithui post.tha ltk mahse coment ngamlo, nupui mai nilo, ngaihzawng pawh ka la hmulo tlats..
Report this comment
October 7th, 2011 at 9:12 pm
Chhungkua hi a lo pawimawh ber mai awm e, hringnun kawng zawh chhung hian!
Report this comment
October 7th, 2011 at 9:14 pm
Keini chhung pawh Pathian zarah kan la dam tlang e. Mipa fa hlir kan nei si a, hmalam hun sawingam erawh a har. Naupan tet laia pa te thihsan ho hi an dinhmun ka hriatthiam pui tan. Hmeithai chung a fapa hlawhtling tak a enkawl thei ho hi nu ropui, chawimawi tlak an niin ka hria.
Report this comment
October 7th, 2011 at 9:34 pm
A ngaihnawm ka ti hle mai a, chhungkaw mitthla tur ka lo nei zel lehnghala
Report this comment
October 7th, 2011 at 9:44 pm
Kan dam tlang thin a, a ngaihawm thin.
Pathian zarah kan chhungkua kan pung ve zel a, malsawmna pawh kan dawng na rawh e. Mahse, tunah chuan kan dam tlang ta lo.
Pathian erawh kan hnaih phah hlauh.
Report this comment
October 7th, 2011 at 9:49 pm
Pathian zarah kan la damtlang e. Hmalam hun erawh kan hrelawk lo va. Natna leh harsatna kan han tawk thin te hi chu kan ‘damna’ zawk a lo ni thin, Pathian kan hnaih phah avangin.
Report this comment
October 7th, 2011 at 9:59 pm
Pathian leh kan Nu leh Pa te zarah kan la damtlang e, thenawm dam tha lo te tan a damdawi dampui tlak ni lo mah ila nachhawkna tal nih I tum theuh ang u khai.
…Khrum
Report this comment
October 7th, 2011 at 9:59 pm
Dam chu kan dam a,mahse kei hi ka hnar a ping deuh roh tlat!
Report this comment
October 7th, 2011 at 10:28 pm
Kum 18 an tlin tawh a, chhungte chawmhlawm ni bawk, sual bawk si, lehkha zir tawh bawk si lo te hi chu hnawhchhuah hmiah mai tur!
Report this comment
October 8th, 2011 at 12:01 am
Thanga te chhungkua hian Buaia te chhungkua leh Liana te chhungkua hi an awtlo ngawt ang.Kunga hi chu ama zir loh hmasak a nia…. Pi Liani hi ka khawngaih e….mahse, ama thiamloh ve tho.
Report this comment
October 8th, 2011 at 1:55 am
civilizations rise and fall, but family lives forever
Report this comment
October 8th, 2011 at 2:27 pm
in chu kuta sak a ni a,chhungkua erawh chu thinlunga sak a ni.
Report this comment