Peihlo chung chunga dawr nghak tura tirhluih ka ni nangin dawrtu an tam vaklo nen kan dawr vel chu remfelin ka tifai a. College chawlh avanga haw leh nimin a thleng chauh nimah ila ka awm hi chuan “Nakina ila enkawl tur ania, inzir rawh, tiin ka chhungte hian dawr nghak turin min ring chawt thinin, peih vaklo thin mah ila ka hnial ngai lemlo.
Dawhkan chhung vela lehkha leh register inchhawp hnawk nuai te chu ka rem tha in a pawimawh vaklo ho chu ka thianfai a. Chutia ka tihfai lai chuan inneih sawmna card rawn tla chhuakin, special invitation card mawi tak chuan ka mit ala in ka ngaihtuahna erawh thui takin a vahkual tir nghal a.
Card mawnga, ‘from Lalrinsanga and Zonunpari’ tih chuan ka ngaihtuah fo thin leh ka rilru a awm fo thin min hriatchhuah tirin, ka hnuk tiulh fo thintu ka thiannu Parte-i hmangaihna nunkawng leh tawrhna rapthlak zia chu rilru ah a rawn lan thartir leh si thin.
Parte-i, Zonunpari hi kum tamtak ka lo kawm leh ka hriatchian aniin kan inkawmngeih a. Thuruk, lawmna leh hlimna leh lungngaihna thute inhrilh ngam leh in lawmpuia, intahpui fo thin, in thiantha tak kan ni. Kum khat lai a liam ta, chawlh lai anih avanga ka haw lai aniin dawr ka nghak a, hemi ni hian a pasal tur nen an rawn bazar a, kan dawr ah rawn chawl haw in min hmelhriattir bakah a Mo kawr turte min hmuhtirin kan tleirawl laite kan sawi a kan hlim dar dar hle a.
An inneih hun thlaleh mai anih tawh avanga tihtur ala tam thute sawi pahin ka awm ve hmanlo tur pawi a tihthu a sawi siam siam a. Ka thiannu, kum tam ka lo kawm leh unau ang maia ka lo en thin hlim taka a awm leh amah hmangaihtu a tawng chu ka lawmpuiin, kal thei lo mah ila present tha tak pek ka tum thu te ka sawiin kan nui uar uar a. Mahse tah leh rumna khawvel hi zawng a buaithlak ani e, ka haw hnuhnun ber khan Partei chu kan dawrah a rawn kala, a hma lawka hlim taka he dawr chhung ngeia hlim taka nui uar uar ka thiannu Partei erawh a dang ta si.
A hmel a dangin, a cher hle a, mut hmu thalo tih a hriatin a mitkhur thuk tak leh mitmeng zuai tak te chu ka thiannu mitmeng nung sar thin kha ani tawh silo. A hmel ah hlim hmel a awm lova, thingkung mawitak nunna nei tawhlo ro taka ding ang mai ani ta si. Ka haw tih a hriat avanga rawn leng aniin ka hmel a hmu chu “Lame, a va hrehawm ve” tih bak a sawi theilo, lungchhiat avangin a bianga mittui a rawn luang a. Ka thiannu lungchhiaa awm chu hnem ngaihna ka hre lova, Ka banah vuanin lungchhe takin a tap a, hre tawh tho mah ila a chanchin mi hrilh ta a.
Hmeichhe dang ang bawkin tleirawl chhuah tirh ahte chuan star te nei ve thin mah ila, ngaihzawng tak tak hi college ka kal hnu ah bak ka nei lova. Ngaihzawng la runtlak mi ka nih avangin ka bialpa chu ka duhin ka atchilh hle a. Ani pawhin min duh ve in ka hre thin. Ka nun a ti hlimin ka tan chuan ka engkima engkim aniin, hmeichhe duat nachang a lo hre bawk nen, a lakah chuan ka beiseina nghatin ka thinlung ka hlan a, ka khawvel anisi. Nitin kan inhmu a, hunawl ah kan leng dunin, kan nui a, kan titi a, hmalam hun sawiin suangtuahna khawvelah kan cheng dun thin.
Kei hi ka nu leh pa ten min duat hle mahse hringnun kalkawng ngil tak zawh dan min hrilh nasain ngaihzawng chungchang thlengin kan tleirawl tirh atangin min hrilh a. Ka theih ang angin kei pawhin zawm ka tum hram hram thin. A bik takin mipat hmeichhiat chungchang phei chu ka Nu hian min hrilh nasain, nupui pasal neih hma a Sex hman that lohzia te, buaina mai a thlen lohzia min hrilhte chu ka thinlungah vawngin ka ngaipawimawh thin.
Ka nuin mipa chu an inang vek alo tih thin kha alo dik aniange, Ka bialpa ka hmangaih em em a pawh chuan, hun a kal a, ka lakah a huangtau sawtin beisei a nei tam tial tial a. Vawi tam a tum hnu pawha ka la hnial avang chuan min vauin min then ta hial reng a. Ka hmangaih berin chutia ‘min hmangaih tak taklo anih hi’ tih chhuanlam siama a laka ka in phalloh avanga min then chu ka rilru ana hle a. Amah duhin hmangaih viau mah ila ka Nu thurawn min pek kha a dik tih ka hriat avang leh ka zahawmna anih avangin ka thutiam hlen loh ka duh silo.
Rilru nain kum tam ka awm a, ka lakah chuan Mipa hi engmah anni loin ka ring ngam tawh bawk heklo. Kei mi awmnem leh thinlung no tan chuan duhber chan chu ka tawrh ngailoh alo ni nen a na a, mittui tam tak ka sengin zan mu chhing thei lova hun rei tak min awmtirtu leh ka nun ti ngui a, hlimni min hmuh tirlo tu anisi. Hun hi rilru na hnemtu tha ber anlo tih thin angin hun leh kum a liam a, ka rilru na pawh chu a rehin ka mipa rinloh erawh ala ngaiin ngaihzawng lampang phei chu kum tam ka neilo in ka ngaihtuah peih heklo.
Mahse, Mipa hi anlo inang veklo aniange, U Tluanga ka tawng tain hei kum 2 chuang kanlo inzui ve ta. U Tluanga, Lalnuntluanga hi kei aia kum 4 a upa aniin kan in hriattirh kha chuan LLB zirlai ani a, mi pangngai ang tho nimahse mipa kalo hriat tawh thin nen erawh kha chuan an zia leh nunphung chu lei leh van ang hlauh anisi. Ani chuan kehthei dawma min dawm lovin min ngaihsak a, min hlau ni lovin ka thu a ngaipawimawh a, min ta neih ni lovin min thlahlel a, ka taksa leh sakruang te chu a it ni lovin a ngaihlu si.
Mipa a rinna ka neih tawh lo zia a hretrhiamin, ka rin ngam na turin a dawhtheiin min hmangaihzia a hunah a ti lang hreh silo. A tirah kha chuan ka tihsual leh ka hlauh avangin ka rilru pum ka pe ngam lova, mahse hun leh nite a liamin, amah ka duhna leh hmangaihna chu a zual in a so liam si.
Tichuan kum a liam a, kan zirna te kanlo zo dunin hna te kan han thawk ve ta bawk nen, kum 2 leh a chanve dawn kanin zui hnuah inneih chungchang min sawipui ta a. Hmeichhe tamtak te ang bawkin pasal neih hun tur hi suangtuahna nen kalo thlir lawk ve thinin, chutia mitthla mai ni lova ka hmangaih ber leh ka duh ber Pasala ka han nei tur chu ka hlimin ka lawm a, ka hmalam ah hlim reng thei dawn loin harsatna kala hmachhawn dawn tih hre mah ila, min hmangaihtu uapna hnuaiah chuan Khawvel hmachhawn ka zuam ni lovin ka huphurh silo.
Ani asin, ka tui ang min tuipui a, min tihlim a, dawm ka ngaih huna min dawm a, min hrethiam thintu leh kawppui ni lova, nupui atana min thlangtu leh tawngka mai nilova a huna min hmangaihzia ti lang thintu U Tluanga hi chu ka tan a hluin ka nuna a rawn teltir avangin Pathian hnenah pawh lawmthu ka sawifo thin. Thianpa, min hrechiang tu nang ngei pawhin min lawmpui thin tih ka hria asin.
A thil sawilai chu a chawl a, dawhkana ka tui bottle dah chu lain a han in khawlh khawlh a. A taksa cher leh dawldang tak chu ka lam hawi chuan a han her rem a, a mitkhur thuk tak leh mitmeng dul, sen rum mai a min melh kuau chung chuan,
Thianpa, i dawra kanlo kal ni khan kan inneih kawr tur, a fual kan duh ang ngei a kan thuitir kan lak ni ani a. Khami ni a ka hlimzia kha i la theihnghilh bikloh ka ring.
A hnu lawka kan inneihni a ka hak tura kan tih avangin kha kawr kha vawi tam ka ha chhin a, ka tan chuan ka nun kawng hlimthla tilangtu leh ka beiseina lantirtu a ni si. In chawlh a zawh avanga i haw thlak hnu kar hnihna, kan inneihni hma kar khat la awmah lungphuchawl avangin a mu an kaitho zo lova, min kalsan ta si.
A biangah mittui a rawn luang a, ka hnem leh a lungchhiat a zual si, chutah a khur bauh bauh a, ka kut vuan chung chuan “Thianpa, hmangaihna hi mi tamtak tan zawng hlimna aniin kei atan zawng, lungngaihna ruam min daitirtu mai ani asin. Kan tana tha turin Pathianin ro a rel an tih thin te hi ka tan chuan pawm thiam a harin ka vui lek lek fo asin. Kan inneih kawr pawh ka chhungten tihral tum mahse kala ka la kawl tha asin, ka tan chuan ka Wedding dress ani kumkhua anga, U Tluanga pawh ka tan chuan ka Pasal tiin ka la sawiin kala ko fo si” a han ti a. Chutah “ Thianpa, I thiannu chan hi a na asin, min lo tawngtaipui thin dawn nia” tiin min chhuahsan ta a.
Nang chauh ti a, biahthu min hlan thintu valmawi
Engan nge maw thihna kutvawt chuan
A hruai tak che ni, hawilopar thliak tur’an maw
Ka chan tur reng dawn silo hian e
Furpui chhum iangin a dur ruai e, ka hringnun
Ka nupui ti a, min ko thintu
Ka di valmawi, a liam ta e, kir rel lovin
Tahlai bang thei hian ka maw silo
Kal la chawl hahdam nang che lal nunnem kiangah
Min nghilh zai erawh rel bik suhla
Kei zawng ka thlir nang e i kianga len huntur
Chutin a kiang ang ka tahlai ni
( A chanchin ka ziak chu ani lova, he dinhmun a ding, lungngai leh rum mek ka thiannu tan he thuziak hi ka hlan e)
Similar Posts:
- Ka hmangaih che avangin..
- Ka hmangaih che
- HER WEDDING DRESS
- “Fel” inti te nek bo ka thiannu kha – Part II
- Thluak vawrh nazawng a fuh kher lo! :p
March 6th, 2012 at 4:32 pm
Luh ve chhun chhun ah kan first chu a
Report this comment
March 6th, 2012 at 4:52 pm
The wedding dress-hmmm..a ngaihnawm dawn suar
Report this comment
March 6th, 2012 at 4:56 pm
Van ngaihnawm em.
“Ani chuan kehthei dawma min dawm lovin min ngaihsak a, min hlau ni lovin ka thu a ngaipawimawh a, min ta neih ni lovin min thlahlel a, ka taksa leh sakruang te chu a it ni lovin a ngaihlu si.” Helai thu hi
Report this comment
March 6th, 2012 at 5:13 pm
A ngaihnawm hle mai, a khawngaihthlak bawk si,
Thupui thensawm te te han dah keuh keuh la, a ti-ngaihnawm lehzualin ka ring…Thu i lo thiam e, Pu Lamea, 
Report this comment
March 6th, 2012 at 5:13 pm
Hmana ka wedding dress chhiar nen chuan a inang lo hle mai. A tak tak a nih chuan ka khawngaih e
Report this comment
March 6th, 2012 at 5:18 pm
Pu.John a chu, tilawmawm e..
@roseparvul, hetiang dinhmun ah hian a ding, khawngaihthlak ltk
Report this comment
March 6th, 2012 at 5:23 pm
Lame- the power of positive thinking -norman vincent peale kha chhiar turin lo rawn rawh.
tahna hi hlimchhuah a ni si a. I thiannu chu ka khawngaih tak zet mahse a tan ruat an awm tho a ni tih lo hrilh theinghilh lo la.. Pathianin a ninah tum a nei ngei ang tih beisei tlat turin lo fuih bawk ang che aw
Report this comment
March 6th, 2012 at 5:26 pm
A va ngaihnawm in a va khawngaihthlak ve aw..
Report this comment
March 6th, 2012 at 5:27 pm
Ui.ot lawk- chhana pa leh chhana hi a hrang elaw? Ui..keichu ka bo chiang em mai
Report this comment
March 6th, 2012 at 5:32 pm
Chhana te chu chhana fapa a nilo ami
Report this comment
March 6th, 2012 at 5:36 pm
Ka rin ang ngeiin a ngaihnawm leh pek…
Hmangaih-lehkhathawn ziah hunlai ni ta se, lamea hi chuan chhai tur a van lo khawp ang tih, confi takin ka sawi ngam…
Report this comment
March 6th, 2012 at 5:37 pm
When I get older,I will be stronger
They’ll call me freedom just like a wavin’ flag
The wedding dress x3
Report this comment
March 6th, 2012 at 5:39 pm
Ha3. Dr.Mahming leh. A takah chuan Tlangau, Sapui kah ve talh tum a, hlau chung chunga Dai vela Tukuli nena khur dar dar chunga kal ve hram ang hlauh ka nisi
Report this comment
March 6th, 2012 at 5:43 pm
Chhana pa hi chhana fapa em ni nge chhana hi chhana pa fapa..huiz..
Report this comment
March 6th, 2012 at 5:44 pm
OT LOKS : BANNER KHI A VAN NALH VEEEEEEEEEEEEEEE… KA SUPER LIKE E…
Report this comment
March 6th, 2012 at 5:54 pm
‘Parte lenna tlang dang mahse
Tawnmangah pawh ka nghilh ngai lo
Kei zawng ka di ve kha’ tih hla kha min ti hrechhuak tlat anih chu.
Ngaihnawm, khawngaihthlak bawk
Report this comment
March 6th, 2012 at 5:57 pm
U Sheldon, eng hla nge
Report this comment
March 6th, 2012 at 5:59 pm
I thiannu chu nula ah ka ngaihsan ber zing ami ani. Amah hmangaihtu dik tak a tawn leh nan duhsakna ka hlan nghal e..ti hian tawrhpuina biahthu he hla hmang hian ka rawn hlan nang e..
‘Huiva len thiam ka tir nang che. Va kal ta la, ka D lenna fam khawpui tual nuamah..a ngaia ka tah khua sei tur hi, hrilhin biahthu va hlan nang che..
Thinlaiah a thar leh thin’
Khawnge maw ka D ve kha;
An sawi pialral fam khawpui tual nuamah’
Riahrun a rem an ti
I kut chhuak i sul hnu zawngte,
Ka thlir bang dawn nem maw;
Tunah Van lal par tlanin leng mah la,
A cham reng i zun thinlaiah.
Vanduai tah khua sei tur hi,
Han dawn ve la ngaih lungrun;
I sakruang hring ang va tawng lo mah ila,
I rau i thla tal rawn tir rawh.
Report this comment
March 6th, 2012 at 6:07 pm
Nangman nei keuh la ni mai lawm
I neih loh chuan i khawngaih tawklo niang 
Report this comment
March 6th, 2012 at 6:10 pm
Special invitationah Lalrinsanga,Partein U tluanga a ti leh daih bawk si?
Report this comment
March 6th, 2012 at 6:12 pm
Jacka pi, Larinsanga chu Partei pasal hual, lungphu chawla boral a lawm. Chuang U tluanga chu Partei thianpa, a post tupa hi. Chhiar chiang ta che. Pitar ho tak hi chu aw
( Mi hnuk ulh teuha kan chhiar tawh laia, min han tih nuih leh rih chu le..’tah nuih ‘ kan ni ri ngawt a lawm
Report this comment
March 6th, 2012 at 6:14 pm
@doc lib, jacka pi a dik. Sorry ltk. Ka edit viau asin mawle.
Report this comment
March 6th, 2012 at 6:17 pm
E khai chu ti ka chhiar chiang a, nang pawh post tupa i dik chuang lo, thudik thup i tumna ah i tibuai zo vek
Report this comment
March 6th, 2012 at 6:18 pm
keipawh a bul lam khi chu 3rd person leh 2nd person ka chhiar mix nuaih mai, U Tluanga ṭang chiah khian ka chhiar mar ve ṭan.
Report this comment
March 6th, 2012 at 6:18 pm
Hmanni deuh khan inneih hma lawkah a pasal tur in a boral san a awm tak a sin facebook lam atangin kalo hria a, chu nu chu i ziah chhan deuh aniang a…
Report this comment
March 6th, 2012 at 6:18 pm
Doc, nangman i chhiar chianglo a niang, lungphu chawla thi te chu U Tluanga nih khi!
Report this comment
March 6th, 2012 at 6:20 pm
Ka bang ka bang..Mahni lo maha hnuk ulh teuha lo chhiar tawh nak laiin..Pitar mit nge nge chu a lo fing e..Partei pawh hi pharvari ani lo ang tih ka ring thiam ta bik lo e..” Chhing mittui a hul zo ta
“
Report this comment
March 6th, 2012 at 6:21 pm
Invitation a hming khi ka ziaksual, a dang khi chu ka ziah kual dan hrim2. Admin te khan Lalnuntluanga tiin an thlak thei em le
Report this comment
March 6th, 2012 at 6:23 pm
@DOC, Khi Pitar khi a phunchiar ngawt ang.. Biru nghal
Report this comment
March 6th, 2012 at 6:24 pm
A lem zo ta vek mai. doc_lib a mittui pawh hul leh vek tawh
Report this comment
March 6th, 2012 at 6:26 pm
Aw! Ngatinge in inhnial? In lung kha tichhe hle rawh u
@lamea25, khi a hla chu tlar 3 ka ziahchhuah khi, a bak chu ka hrelo. A thluk pawh ka hria a, a solfa nen ka rawn dah dawn emawn chu le
Report this comment
March 6th, 2012 at 6:29 pm
Aste, iva reh ve
Report this comment
March 6th, 2012 at 6:35 pm
@lamea25: .Nia, kan nu awmloh phei chuan han dik dak na tur hi vang em alawm
fth
Ka license oh silent leader oh reader reng tho nia
Report this comment
March 6th, 2012 at 6:37 pm
avan ngaihnawm in an van khawngaihthlak dun ve aww… Mizo Film siam se, Chang tu te in sawm khawm mai mai lovin,tha viau ang aaa
Report this comment
March 6th, 2012 at 6:43 pm
Kan nu, awi i just die
Report this comment
March 6th, 2012 at 6:48 pm
Report this comment
March 6th, 2012 at 7:05 pm
Post tupa, ka lung a chhe hman a sin le..Pitar phunchiar kan kawl a, chhing mittui a hul zo vek
Report this comment
March 6th, 2012 at 7:12 pm
Dek dawk a, nia a khawngaihthlak asin
Report this comment
March 6th, 2012 at 7:14 pm
“If tears could build a stairway and memories a lane…
I’d walk right up to heaven and bring
you home again…
The older i get,will i get over you”
Report this comment
March 6th, 2012 at 7:17 pm
“If tears could build a stairway and memories a lane…
I’d walk right up to heaven and
bring you home again;
so that i can wear our wedding dress-
The older i get,will i get over you Baby…”
Report this comment
March 6th, 2012 at 7:17 pm
A ngaihnawm bang lo e…. Post tunu/post tupa
Report this comment
March 6th, 2012 at 7:26 pm
Report this comment
March 6th, 2012 at 7:28 pm
U tete, eng hla nge.. Nge i phuah,
Report this comment
March 6th, 2012 at 7:29 pm
Ka van hmangaih, awh ka van khawngaih i thiannu chu, hmmmm,.. Hmangaihna kawng zawng a bumboh em a ni
Report this comment
March 7th, 2012 at 12:43 pm
lamea leh doc mai mai chuuu!! The world sees developments because of people who don’t compromise, who don’t take anything for granted! hah!
Report this comment
March 7th, 2012 at 12:47 pm
a ngaihnawm hle mai.an awm ve leh zeuh thrinin ka hria, hman ah cl-X kan nih lai ph khan kn hostel bul lawkah hetiag deuh hian a pasal hualin bike accident in a boral san.sooooo khawgaih
Report this comment