Thutak hi khawi hmunah pawh eng hunah pawh thutak a ni em tih hi sawifiah tul tak a ni. Thutak hi thutak a nih reng loh chuan chanchin tha kan sawi hi thutak a ni reng thei dawn lo va, Lal Isua pawh thutak a ni reng dawn lo tihna a ni dawn a; thutak chu chu thutak a ni a, kumkhua pawhin thutak a ni reng dawn tih hi Kristiante innghahna bulthum chu a ni.
Tunlai thalaite pawm zawng tak Relativism hian ram a la chak hle a, Relativism ngaihdanah chuan thutak famkim/thudik ziktluak hi a awm lovin an ngai a, mihringin thutak kan hmuh dan min thlaksak a tum a, thutak chu a inlaichin vek a, dik bik a awm lo dik lo pawh a awm na hek lo, dik tluantling phei chu a awm lo reng reng tih hi min zirtir tum dan a ni a. He ngaihdan hian ram a la chak hle, kan ‘Rinna’ beihin a awm mek a ni. Anih loh leh Relativism hian belhchian a dawl tak meuh em?
Relativism leh post modernism hi huang khata lawi za an ni a, Tunlai khawvel, Post modern culture-in thutak a thlir dan chu:
1) Engkim mai hian eng kawngah pawh thutak/ dik nih an chuh vek a, thutak/dik engah pawh mai hian a inkungkaih (relate) vek mai a ni. A awmzia chu eng sakhua pawh hian dik ber nih an inchuh a, dikna lai an nei vek a dik lohna pawh an nei vek an ti a ni.
2) Thutak famkim/thudik tluantling (absolute truth) a awm thei lo, mimal rilruah thutak a inchen thei lo, khawtlangin dik veka kan ngaih pawh a dik vek bik lo, mimala kan hmuh dan kha a pawimawh ber.
3) Thil reng reng a inkungkaih a ni (relativism) tih leh culture hrang hrang kan inthlungkhawma thutak pawh a hrang (pluralism) tih hi kan pawm loh chuan buaina leh innghirnghona a chhuak thin.
He ngaihdan hi tunlai khawvelin pawm nuam a ti em em mai a, mimal nun vohna ‘dik leh tha (thutak) a ka pawm chu a tha a ni mai, mi dang ngaihdan ka ngaihtuah tel a tul lo’ an tihna hmun chu a ni.
Ngaihdan thar a piang zel a, ngaihdan hlui her danglamin danglam deuhin an chhuah zel bawk a. Tunlai khawvela Kristiante min su na zualtu thenkhat, thutak bana kan innghahna min tibahlah theitu han sawi den den ila a kip a kawi chuan kan sawi hman hauh lovang a, heng zawng zawngte hi Post Modern culture atanga lo chhuak kan ti thei ang chu:
1) Materialism: He khawthlirna atang hi chuan a nei tam apiangin an hneh mai a, ‘nun hlimna thutak chu neih zelnaah a awm a ni’ an ti a, a chhuakthar apiang awhna a ni.
2) Individualism: ‘Keimah hi ka hmasa ber’ tihna rilru a ni a, mimal invohna leh hleihluak taka mimal inngaihhlutna; ‘thutak chu mimal rilrua dik ber kha a ni mai’ tiin thil awm tawh sa laka hel rilru puin (rebellion against establishment) thil thar an bawh huam huam mai a ni.
3) Humanism: Mihring nun hleihluak taka chawisan tumna a ni a, thutak pawh mihring huangah an khung vek a, thutak sawifiahna turin Pathian hming a lang pha lo a ni.
4) Hedonism: ‘A that phawt chuan, a nawm phawt chuan tih mai tur’ tia mihring infuihna a ni a, tehfung bera an hman chu mawi, tui leh nuam a ni.
5) Naturalism: Khawvel lama Naturalism hi chu Pathian awm rin lohna a ni a, nature ringawt buaipui a, a siamtu leh a thiltihtheihna awih si lote an ni a, thutak pawh khuarel (nature) atangin an teh fai vek mai a ni.
6) Pragmatism: ‘A thawh phawt chuan/awmzia a neih phawt chuan tih mai tur (do if it works)’ tih hi pragmatism thupui ber a ni a, thutak pawh mahni bil atana kailutin an hriatthiam danin an hrilhfiah ber.
7) Atheism: Pathian awm rin lohna mai piaha a awm loh theih dan tur buaipui ber pawl, thutak leh Pathian inzawmna a awm loa ngaitute an ni. Thutak famkim a awm tih ringtute chu ngaihtuahna seng lo (irrational)a ngaitu an ni.
Marxism: That tlanna tur ber atan chuan awpbeh vek mai tur. Thutak nia kan hriat hmanga mi dang awpbeh hi a pawi lo mai a ni lo va, a tha zawk a ni.
A dang tam tak pawh a awm, ngaihdan hrang tam tak karah hian Relativism chuan dikna chin nei vek angin a ngai a, dik lohna pawh pai vekin a sawi bawk. Kritian sakhua leh Sakhaw dang pawh intluktlangah a dah a ni. Heng ngaihdan (philosophy) hian tunlai huna chengte min nuai vel a, thutak kan hmuh dan pawh a darhsarh lo thei ta lo va a darhsarh avang khan thutak a danglam ta tihna erawh a ni lo. Heng ngaihdan hi kan hre tawh sa emaw kan la hre lo emaw tunlai khawvel hian a keng tel hrim hrim a, kan hriat hauh loh lai pawh khan heng ngaihdan pawmtu kan lo ni reng tawh thei bawk a ni.
Tunlaia tawngkam lar tak ‘Keima nun alawm (It’s my life)’ leh ‘Tunah ti mai rawh (Just do it) tih pawh hi a lo chhuahna chu Post Modern philosophy/ideology a ni a, mi dang ngaihdan leh zirtirna vengthawng lo tur leh mimal ngaihdan dah pawimawh tura inzirtirna a ni a; mimalin thutaka a ngaih lam lama kal tura infuihna a ni ber. A nih leh relativism hian belhchian a dawl reng em?
1) Relativism-ah chuan, ‘thutak a inlaichin vek a, thutak chu keimahni lamah a awm zawk a ni,’ tiin an hrilhfiah a, a dik em? Miin, “Thutak chu a inlaichin vek,” ti ta se, chu ngaihdan chu pawm ta chiah ila, chu chu thudik tluantling a nih si chuan thudik tluantling a awm tihna a ni ang a, Thutak famkim/thudik tluantling (absolute truth) a awm chuan thutak chu a inzawm vek lo tihna a ni hlauh thung.
2) Thutak famkim/thudik tluantling a awm thei lo tih hi mahni inhnialna mai a ni. Miin, “thudik tluantling a awm lo,” ti se, “I thusawi chu thudik tluantlingah i pawm em?” ti ta ila “pawm” a tih chuan thudik tluantling a awm tih a pawm a ni ang a, “pawm lo” a tih pawhin a pawm tihna a ni dawn tho a ni. Thudik tluantling hi a awm lo tak tak tak anga an ngai a nih chuan inlaichin vekna (relativism) pawh thudik a ni chuang lo tihna a ni dawn a, mahni inhnialna (self refuting) mai a ni.
3) “Thudik i tih hi ka tan thudik a ni ve kher lo,” tih hi tunlai tawngkam lar tak a ni a, a dik meuh em? “Thudika ka ngaih chu Relativism hi a dik lo,” tih ni se, “chuti a nih chuan Relativism hi a dik lo tih hi a dik em?” ti ta ila, “dik lo” a tih chuan dik ka tihah chuan ka dik lo a ni dawn a, Relativism pawh chu a dik lo a ni ve nghal ang(a awmzia chu Engkim hian dikna a nei vek tih Relativism hian a pawm chuan ‘Relativism hi a dik lo’ ti ila min hnial chuan mahni inhnial a ni ang a, min pawmpui pawhin mahni inhnehna (self defeating) a ni tho. “Dik” a tih phei chuan a Relativism chu a dik lo tihna a ni nghal bawk.
4) Thil engmah hi chiang takin kan hre chuang lo tih hi Relativism tan chhan a ni bawk a, chuti a nih chuan thutak famkim (absolute truth) a awm lo ngei tih an hre chiang chuang lo a ni. Hriatchian a lawi awm si lova inngai siin, “Pathian a awm lo,” emaw “sakhaw dik a awm lo,” emaw chutiang chuan an sawi huai leh tho si a, mahni duhna lama thutak her luhpui tumna a ni thutak tihbawrhbanna a ni zawk.
5) ‘Thil reng reng kan hmu dik theuh a, kan hmuhna lai a inang lo mai a ni,’ an ti a kan hmuh kha inkalh ta se engtin nge ni ang?. Dik leh dik a inkalh thei lo a inkalh chuan mahni inhnial a ni ang a, mahni inhnial a nih chuan a dik tawk lo tihna a ni ang.
6) ‘Thil reng reng kan hmuh dana a dik phawt chuan a dik a ni mai’ tih hi a him tawk em tih ngaihtuah chian a tul. Heng tualthahna, uirena, pawngsual leh sualna chi hrang hrangte hi miin sualah chhiar lovin mimal ngaiha thutakah/dikah pawm se la a dik ang em? Pathianin mihringah chhungril lam thatna a dah a chu chu a pumhuap pawha kan pawm theuh a ni a, mi thenkhatin an zawh fo chu “Engah nge Bible-ah Judaho khan mi tam tak an thah si?” tih hi a ni a, thutak lo chhuahna Pathian (source of truth) atanga thlir thiam a tul reng a ni.
7) Pragmatism chuan ‘a thawh phawt chuan emaw awmzia a neih phawt chuan chuan tih mai tur, rin mai tur’ an ti a, a buaithlak lai tak chu awmzia a nei lo thin hi a ni. A awmzia chu ‘Kristianna hi ka tana thutak a nihna chhan chu awmzia a nei a midang tan chuan a dik lo, awmzia a nei lo tlat’ tihna tluk a ni a, mimala awmzia khan thutak a khawih phaah an ngai tlat a, a pawi lai tak pawh a ni. Mihringin ‘awmzia’ kan tih hi thutak awmzia nen a kal fu lo thei hle, Ni(Sun)in Lei a hel nia mihringten kan ngaih lai reng pawh khan Lei chuan Ni(Sun) khi a hel reng tho va, a nihna a thulh chuang lo. C.S. Lewis-a chuan, “Thilmak muangchanga thleng leh rang taka thleng hi a hlutna a danglam chuan lo,” a ti a, thawkkhat laia thutaka kan ngaih loh avangin thutak hlutna a bo tihna a ni chuang lo, muangchangin hmu zel pawh ni ila a hlut ngaiin a hlu reng zawk a ni.
Sawi tur tam tak a awm thei ang a, kan sawi vek seng bawk lo vang. Kan ngaihdan hian thutak hi a khawih danglam pha lo va, kan ngaihdan erawh chu kan nun hruaitu a nih si avangin a pawimawh a ni. Thutak Pathian chu engtik lai pawhin thutak famkim a ni reng dawn a ni.
Similar Posts:
- Lal Isua Thutak a Nihna
- Bible Hi …
- Mihring te hi zawng thlah kan ni em?
- Thutak Eng hmaah chuan
- Heti zâwng ve thung hian aw…
March 8th, 2012 at 4:05 pm
ka first khat emai, ka lo first
Report this comment
March 8th, 2012 at 4:35 pm
Tun lai misual chu rilism thlipuiin min nuai a ni maw!
Report this comment
March 8th, 2012 at 4:52 pm
Tsa sawi ang deuh khian, nizana bus a ka chuan laia scheduled ho ka en khan Religion kha a tlar dul mai a, ka lo inthlahrung deuh a. He post pawh hi a tha mai si a, a lo chhuah hun hi ka ui ang reng. Zan 2 bur ah ka chuang zawn a, zan lamah uluk zawkin ka la comment ang.
Report this comment
March 8th, 2012 at 4:52 pm
“A relativistic particle is a particle which moves with a relativistic speed; i.e a speed comparable to the speed of light” tih lampang emaw ka lo ti pek a
Thianpa Ts-a tih ang deuhvin, RILISM in misual.com hi a chiah hneh tlat tunlai chu. A ngaihnawm thin a, mahse keini bengtulula te chhungkua tan chuan; han second water chiam tur a vang deuh
Anyway,
Report this comment
March 8th, 2012 at 4:55 pm
*bus* not bur.
Report this comment
March 8th, 2012 at 5:13 pm
In van thutak sawt em em…
Report this comment
March 8th, 2012 at 5:16 pm
… Kan ngaihdan hian thutak hi a khawih danglam pha lo va, kan ngaihdan erawh chu kan nun hruaitu a nih si avangin a pawimawh a ni. Thutak Pathian chu engtik lai pawhin thutak famkim a ni reng dawn a ni.
DIK LUTUK!
Many theories, only ONE TRUTH.
Report this comment
March 8th, 2012 at 5:26 pm
Hei chu thutak tak tak ani.
Report this comment
March 8th, 2012 at 5:58 pm
Post ril, tha leh awmze nei tak a ni kan ti thei awm e; ka’n chhiar ange
Report this comment
March 8th, 2012 at 6:17 pm
Tha e
Tunlai ism-ah hi chuan tupawh mai hi truth detector kan ni vek mai a, Bible tanchhan si hian Bible hian authority a nei lo em em mai bawk si. Tupawh hian right to opinion an nei a, midang pawmdan tibuai zawnga an khawsak loh phawt chuan a tha vek mai a ni ber tawh. Neopagan society kan ni ta ber ni te hian a hriat.
Report this comment
March 8th, 2012 at 6:34 pm
Ka chhiar chhuak a, A tha ka ti tak meuh. Ka dahtha ang. Lal Isua, “Kei hi kawng leh THUTAK leh Nunna ka ni” ti ngam zuitu kan ni hi chu a vanneihthlak mang e. Thangtharte ti chi-ai thei zirtirna hi a tam sawt si a, hetiang lampang hi ziah tam zel a tha khawp mai.
Report this comment
March 8th, 2012 at 6:36 pm
I ziak tha thuai thuai khawp mai.
Report this comment
March 8th, 2012 at 7:00 pm
Pu vakul,
I ziak ta sa sa i ngaihdan ka hre chak tlat mai. Heng new age movement-te, Post modernism, relativism, adt influence ber tu hi hinduism hi niin i hre ve em ?
Khawthlang ho khu a langa sakhaw mi em em si lo khuan chhungrilah saruakna riau hi an nei tlat a, chu ruak hnawhkhat tur chuan Isua Krista chauh tihah hian an lungawi tawh silo a, eastern philosophy lamah hian chhana an zawng nasa em em a. I rawn tarlan ang hian thutak leh morality teh pawh hi absolute tak tak a awm lo, rindan leh pawmdan chu kan lungawina a nih chuan engpawh mai a tha ti zawnga pawm, an rilrem zawng tak thiangzau sakhua chu Hinduism hi a lo ni tlat si. Dik tak chuan Atheism leh Christianity ngei pawh hi hinduism huangchhungah an seng luh hreh miah si lo. An pawm theih loh ber chu Krista chauh tih leh Kristianna chauh hi a ni deuh mai si a. An philosophy hi Hindu philosophy chu vuah lo mahse, hinduism hi chuan a influence nasa viauin ka hria.
Report this comment
March 8th, 2012 at 7:09 pm
Ti hian tawite kan lo thawh belh ve.
Relativism is attractive to many for several reasons, not the least of which is that there is something right about it.
1. It is the case that many of our judgments are relative to personal taste, to a particular context and perspective, or to a certain cultural environment.
2. Furthermore, an easy-going relativism seems a way to avoid what might be unpleasant confrontation. It can be a way to put off hard questions that risk disturbing the peace.
3. So “live and let live” might be relativism’s advice; after all, beauty is in the eye of the beholder. Everyone knows that in Rome one should do as the Romans do.
3. In a pluralistic society it is socially acceptable and desirable to adopt such an attitude. Insisting on the universality and objectivity of truth may not win popularity.
reff: Potter, Vincent.G “On Understanding Understanding: A Philosophy of Knowledge.” New York: Fordham University Prss ,2004. p 26.
Report this comment
March 8th, 2012 at 7:38 pm
ka chhiar chhuak vek e..Post tha tak a ni. A post tupa,lo comment ve la…
Report this comment
March 8th, 2012 at 8:22 pm
donald, Hindu philosophy hi chu pawi a sawi loh hmel si, sakhaw dang a ngaitheiin a pawm zau si, sakhaw dang betute leh a bikin Hnam sakhua betute hi a lem tual tual mai anih hi. Rulpui tar(saphai/Anaconda) an tehkhin thin hi a awm ang riau asin. Underestimate mai chi an ni lo.
Report this comment
March 8th, 2012 at 8:29 pm
Ni chiah e mawle PK.
Mizo-te pawh hi kan rin aiin min chiah tawh maithei a ni. Kan zirtirna leh sermonah te pawh hian kan zep tel ta zeuh2. Entirnan mai mai.. Mitdel ten sai an hriatdan an sawi te, camping-naa zawhte/zawngte theology te hi hindu philosophy niin ka hre tlat.
Report this comment
March 8th, 2012 at 8:39 pm
Tete, min beisei bawka relh ru bovin ka lo lang ve hram.
Donald, nia a mala han sawi fak tur vang viau mahse a ni ve theiin ka ring. Hindu ho hi chuan inclusivism hi an kalpui nasa khawp mai a, there’s a room for christianity in hinduism an ti kha a nia. Tin, relativism hi individualism hian a phur chhuak nasa khawp chuan ka hria. A root tak hi chu socio economic, political, cultural awakening a nihna chen pawh a awm. Post modern ideology a nih avang hian establishment reng reng hi chu a su vekin ka hre mai.
Ni e, khawthlangho eastern mythology an tuipui thar lutk hian hinduism pawh a promote khawp mai, chinese myth pawh hralh a tla bawk. A awmsa ninna chikhat a nih bakah pluralism hi a peaceful a, chu chuan zalenna pein an ngai a, a lo inclusive bawk si a.
Bulaya, i point no3 khi pawimawh khawp mai, in the eyes of the beholder..a entu mit a mawi hi kan teh chuan a subjective dawn a, mawi kan hmuh dan a dang vek dawn a, beauty chu objective tur a ni. Plato pawh khan objective ah a dah a, Hitlera khan beauty kha a mit atang a teh (subjective)a, judaho kha mawi a ti lo va, a tihlum mai. Absolute truth chu objective a ni tih a chiang.
Report this comment
March 8th, 2012 at 8:45 pm
18@vakul
Report this comment
March 8th, 2012 at 8:55 pm
#11 Pu PK, a hrim2 in helai chang Johana 14:6 thu hi a hma atang khan an rawn kuat chhuak cham chi a, nang meuh pawhin i rawn thai lang a. “Kei hi kawng leh THUTAK leh nunna ka ni…..” tiin. Mahse ka Bible hi a thing deuh tawng nge, “Keimah hi….” a ti deuh kher a. A awmzia a dang chuang lo mai thei a, mahse he chang ang deuh hi hmun dangah a awm emaw ni le ka tih phah fo nia.
Report this comment
March 8th, 2012 at 9:07 pm
Lol @ ultimate
good question
Report this comment
March 8th, 2012 at 9:24 pm
@20 Ultimate
Bible thuah chuan chekngel hi a tha khawp mai. Pu Zohoa tih dan takah Bible hi ka hre zul maia, a bu zuk en lem lo hian quote ve pawp paw hi awl a, Helai Johana bung 14 ah hian Kei tih leh keimah tih hi a hman pawlh chuat mai a, han sawi hian ‘kei’ tihmai hi a lo awlsam riau anih dawn hi. Fimkhur deuh tawh tur anih hi.
Report this comment
March 8th, 2012 at 9:28 pm
@20 Ultimate
Bible thuah chuan chekngel hi a tha khawp mai. Pu Zohoa tih dan takah Bible hi ka hre zul maia, a bu zuk en lem lo hian quote ve pawp pawp hi awl a, Helai Johana bung 14 ah hian Kei tih leh keimah tih hi a hman pawlh chuat mai a, han sawi hian ‘kei’ tihmai hi a lo awlsam riau anih dawn hi. Fimkhur deuh tawh tur anih hi.
Kan Naupanlai khan, “Kei hi Kawng leh thutak leh Nunna ka ni,Keimaha kallo chu tumah pa hnen an thleng ngailo” tiin kan vawng thin tlatin ka hria.
Report this comment
March 8th, 2012 at 10:10 pm
Pu PK, kei pawh ka naupan laia ka hriat dan thin tho a nia. Mahse kan tlangval hnuah poster te deuh, colour nalh tak, Lal Isua sermon lai thla ni awm takah khan he thu hi a hnuaiah a inziak thin a, ‘Keimah’ a ti kher tih ka hre ve chauh a, pawi vak turah phei chuan ka ngai lova, dah dik ta law2 thin ila ka ti ve mai mai mawle!
Report this comment
March 8th, 2012 at 10:40 pm
1965-75 vela Mizo Bible ah khan Kei tiin an lo dah ani mai thei. Tin, Evan ho leh Poster hluiah te pawh khan kei tiin an sawiin an ziak thin tlatin ka hria.
Report this comment
March 8th, 2012 at 11:15 pm
Kei pawh kei hi tiin ka hre thin a, tunah keimah tiin ka chhiar leh si a, kan inang a nih hlawm hi.
Report this comment
March 9th, 2012 at 9:05 am
Hei chu a fiah in chhiar a manhla e. A bengvarthlak tel bawk.
Report this comment
March 9th, 2012 at 7:02 pm
@18 Beauty chu objective tur a ni.
Hitler-an Judaho kha mawi a ti lohna vang a thil pawi tak thleng chung chang kan sawi ta sa sa.
Eng ang form pawhin rawn awm se radical religious fanatic-te(Graham Staines-a te chhung halhlum an nih ang chi)hian an mahni sakhua lo chu mawi a ti ngai lova. Keini kristiante meuh pawh hian homework kan neihna lai awm ve thovin i hre lo maw. Butler Act (1925) – Tennessee ang chi te pawh kha.
Report this comment
March 9th, 2012 at 9:06 pm
I lo hriam hreih hrawih hle mai a. I blog lamah pawh lut ila hetiang chi tho a ni a. I ti tha hle mai!
Chhiar fo atan ka’n save ang e.
Report this comment
March 10th, 2012 at 12:03 am
bulay, i point khi a hit lutuk; miin kei pawh min challenge se ka him lohna tur a ni, objective kha ka subjective ve tho. Ka post hmasa chiah a mi ka sawi Isua thutak a nihna lamah hian ka inhnem thiam khawp thung. Amaherawhchu, kan fimkhur ve chu a tul, tin, kan inbuatsaih a ngai bawk.
Report this comment