Ka thisen zawmpui a ni lo a; amaherawhchu Kolkata a lo thlen thlak atang chuan unau pianghmun ang hlauh kan ni. Ka pu hi a nute inneihin lawichal a ni awm e. Chutiang a nih avang chuan midang ang bawkin ramdanga chhungkhat dang awm ta lo chu unau angin kan inen a, ani pawhin ‘u mam’ min ti mai a, ka theih ang angin ka pui a, atan chuan ‘U’ ang tak tak ka ni mai a, ani pawh ka nau a ni.
Mizo nula pangngai, ngo lem lo, hmaitlang tha ve fu hi a ni a. Mizoram chhim lam atangin Aizawlah lehkha a rawn zir a, chutih lai pawh chuan kan la inhre lo. Kum a lo vei a, BA kum hnihna a zir kumin Kolkata-ah hnathawk turin alo chhuk a, a lo chhuk hma kar khatah anu in min rawn hrilh a, chu chu kan inhriat hmasak berna a ni ta. A lo chhuk a, kan tih fo angin he laia kan in luah ve ah mikhual dang kan nei leh ta a ni mai a, thil danglam vak a awm kan hrelo.
A tul tulah ka theih ang angin ka pui a, thlakhat a awm tlin hma deuhin Call Centre-ah hna a hmu a, flat an pek tel avangin min chhuahsan ta a, mahse ka nau chhar thar nen chuan kan la inhnaih dawn chauh a, lungngaihnain mihringte min hnukkhawm thin ang hian kan inpawh lehzual na’n lungngaihna kher hi a ngai ang tih erawh kan hriain kan ngaihtuah pha ngai lo.
Thla engemaw zat a liam a, fur tui tam vanglai takin tlaikhat chu Ramtei chuan min rawn call a, phone ka lak hnu chuan a reh vang vang a, ruahsur vanga signal chianglo turah ka ngai a, dah mai ka tum lai takin, ‘u mam,’ a ti a, a insut ri nghal hlawp hlawp a. Eng nge thil awmzia, harsatna i tawk em ni?’ ka tih pawh chuan min chhang lo. Tunah inah em ni i awm, ka lo phei ang aw, ka tih chuan fiahlo ruaiin, ‘hmm’ a ti thei hram a ni.
Rei rial loin ka thleng phei thuai a, inchhung ka luh chuan khum tlangah hnawk nuaihin a lo thu a. Hun engemaw chen thu mumal sawi theilo a kan awm hnuah a thil tawn chu min hrilh ta-
U mam, a hrehawm ka ti lutuk. Tluangtea’n a hriat hunah engtin nge min ngaih ang. Hetilaiah hian a phal lo chung chhungkaw mamawh nia ka hriat avanga lo chhuk ka ni si a, tiin a insut leh hlawp hlawp a. Awm ngaihna leh han tihtur ber pawh ka hre bik lo. Tluangtea a sawi thin chu ka hria, a bialpa a hmangaih ve tak niin ka hria a, ka lo ngaihtuahpui vak ngailo a ni.
A rawn tawng chhuak leh a, kan TL(team leader?) Sabhir-a kha, khapa kha vawiinah ka nawmsam loh vanga ka kal theihloh tur thu ka hrilh a, ani chuan pawi a tih thu te, a hman chuan min rawn tlawh tur thute min hrilh ve bawk a. A hma atangin ani hian min ngaihsakin ka lakah a fel em em a. Ni e, diktak chuan min ngaihsak mah mah zawk a ni. Hmeichhe tan chuan ngaihsaktu chu an hlu a, nel pawh an awl;Mahse nulat tlangvalna lam rilru puin ka nel ngai lo.
Chawhnu lamah khan min kan turin alo kal ta ngei a, eitur leh intur te min rawn ken a. Ka ril a tam loh avangin engmah ka ei peihlo a, a cold drinks rawn ken erawh chu ka in a. Chutia no chanve emaw vel ka in hnu chuan ka awmdan a diklo. Ka vir muai muai a, ka’n hawichhuah chuan ka bula thu chu tunhmaa sabhir-a kha a ni tawhlo. U mam, a tenawm lutuk. Chuta chin chu engmah ka hre zui tawh lo, ka han harhchhuah leh chuan…… a rapthlak lutuk khumah hian ruak vekin ka lo mu a, ka taksa peng hrang hrang hi a na ngut ngut bawk a, U mam, engtin nge ka tih tak ang?
Chu chu ka nau Ramtei chunga thil thleng chu a ni. Sabhir-a lah chu a hna atangin a bang a an khuaah a haw an tia, tumah a adress mumal sawi thei an lo awm bawk si lo. A lungchhiatthlak takzet a ni. A hnua thil lo thleng hi a lungchhiatthlak lehzual.
Msg ho deuh deuh ka lo thawn kual mai mai laiin ka msg tone a rawn ri leh a, nui deuh vur vur chungin ka han hawng a, a nuihzatthlak ta lo khawp mai!
Rang lutukin Ramtei te inluah ka thleng phei a, a thiannuin tap chungin min lo hmuak a, khawtual mi vai chhe deuh deuh leh police lam an vir nuaih nuaih tih chiah ka hria. Ramtei chu a awm ve ta lo!!
Thla engemawzat a ral hnuah a lehkha lo dah chu ka chhiar ngam ve ta chauh a, he thu pawh hi ka ziah phah ta a ni.Ramtei thil lo ziah, ka rilru khawih em em lai chu-
“ka hmangaih ber tan ka thianghlimna ka vawng him zo ta lo, ka ram leh hnam tan ka rinawm zo ta lo, Mizo nula, hnamdang laka tlawm nih ai chuan he thil hi tih ka thlang ta.”
Ramtei tluka Mizo nula rinawm hi nau nei leh thei tak ang i maw?
Similar Posts:
- Juai!
- Mizote hi Indian kan ni tak tak em?
- August Fiamthu
- Whistle Blower Part-2
- “Ka lawm e” tih te mai hi.
March 13th, 2012 at 6:39 am
Ti ti ik ik…
Report this comment
March 13th, 2012 at 6:43 am
Ramteii chanchin hi chu thuhran..in in unauna ka fak. Unaute hi thisen zawm kher an nih a lo ngailo, thinlung a ni..kan thlang lo a,min thlang hek lo,chunglamin a pek a ni.
Report this comment
March 13th, 2012 at 6:44 am
A ngaihnawmin ngaihtuah a tithui hle mai.
Report this comment
March 13th, 2012 at 7:00 am
A tak han ni vaih se chu ka va tuarpui em..keichu ka thinrim tlat tiang ti thin mipa tenawm. Ka hmelhria chu nise ka zawngchhuak ngei ang mawle
Report this comment
March 13th, 2012 at 7:09 am
“Call Centre-ah hna a hmu a, flat an pek tel avangin min chhuahsan ta a” mmm Hna hmu thar/tantir ah chuan a chang sang hle mai a. Team leader hian thil hi a lo plan sa vek a ni hial lo maw?
Thil ho deuh ka hriat ve pakhat chu Aizawl a inthenawm tha deuh poh an fa te (mipa leh hmeichhia)phai ah an dah dun a, Ka u ka nau tih in an in ko thin a, Tha 6 vel hnu ah hmeichhia chu a lo rai hlauh mai.. An ko haw rang mai mai.
Report this comment
March 13th, 2012 at 7:20 am
Voi 2 ngawt kan chhiar chhuah chu, Fresher ni si, call center hna a flat an pe tel tih lai tak khi- Ka awih lo eee ka lo tia– Ha3 atak2 ang tur deuh kha a ti lem vek alawm,-
Post tha tak ani
Report this comment
March 13th, 2012 at 7:20 am
Phuahchawp ani maw… ngaihnawm viau tho e.
Report this comment
March 13th, 2012 at 8:04 am
Ngaihnawm rauh fiii… Nula tan kanpute pwh nise hnamdag hi chu hnimhnaih ltk loh a him.. Te ka tia(t)..
Report this comment
March 13th, 2012 at 8:22 am
…of the east ah ka tho 1st em o..? Thawh hlima chhiarah chuan a lungkuai mah mah.. voiin chu hna thawk mang lovin ka ngaihtuah veng2 dawn tlat in ka hria..haha.. Gud post.
Report this comment
March 13th, 2012 at 8:59 am
Ramteii thiannu hi a laktlak loh reuh … thil engemaw chin chauh hre ve siin, chhui zui leh tur engmah a thlen thei si lo hi! Mai mai!
Ramteii nuten engtin tak chhuizui ve leh ta ang maw?
Report this comment
March 13th, 2012 at 10:23 am
A ngaihnawm viau e
Report this comment
March 13th, 2012 at 10:29 am
A ngaihnawm viau, thu tak emaw ka ti hman tep. Mah se India ram a “Call Center” tha ber ber JP Morgan, 3G, First Source, IBM etc. ah pawh Accommodation an provide ngailo. Hei hian a ti lem lutuk a, chhiar a ti tuilo. Overall in i thu laimu chu a tha, a ngaihnawm viau e. Kudos!!
Report this comment
March 13th, 2012 at 10:30 am
Ramtei hi a fakawm hle mai, hei hian thui takin kan phai nun hi a pholang telin ka hria; mi tam tak chu an pu te tan lo in phalte pawh an awm kan rin ve chu(h).
Report this comment
March 13th, 2012 at 10:35 am
Flat ka lo pe kher khi a tul ta lo a ni maw, hehe. Helai hmuna thil post a hlawkna em em chu heihi a ni reng a ni, ka lawm e.
Report this comment
March 13th, 2012 at 11:10 am
I thuziak hi chhiar a hahdam
Report this comment
March 13th, 2012 at 11:15 am
Ramtei chu a va vanduai ve aw, vai sual a lo tawng a ni maw.
Ngaihnawm e. Mahse Ramtei te ina i va kal hnu leh msg ho deuh deuh i thawn lai inkar khi a inman fuhlo riau, ni khat tho nge, a tuk nge, ni engzat hnu nge? Han chhiar mai chuan Ramtei mangan laiin msg i lo thawn vel mai mai a ang.
Report this comment
March 13th, 2012 at 11:22 am
Thil pakhat ka lo notice chu, keimah ngei pawh ka bang chuang lo, Mizo fiction kan ziah hian first person a ziah kan uar mah mah. Third person a ziah hi uar ve tan ila a hun fu lo maw? I character kha third person ni siin a ngaihtuahna leh i thuziak kha first person ang lek lekin i kaltir ang. Deep Point of View an tia hei hi. A peih tan google theih.
Report this comment
March 13th, 2012 at 11:26 am
I ziak hi chu ka hmaih ngai lo
Report this comment
March 13th, 2012 at 3:02 pm
Ramteii hi hmanni a hràng ta vak Pu Khuma tunu kha lo ni rengin!
Report this comment
March 13th, 2012 at 3:27 pm
Pi Aduhi, nia first person a ziah hi kan uar hlawm khawp mai, a awl ber a ni maithei. I thurawn khi ka hlawkpui ka ring, ty. ninja, i va tilawmawm ve. Lamji
Report this comment
March 13th, 2012 at 4:20 pm
Report this comment
March 13th, 2012 at 4:56 pm
Report this comment
March 13th, 2012 at 6:15 pm
Ahooma of Ebe ziak lo ni reng chuan hahah
Famkim hi chu ahar alawm – Flat i lo pe kher kher khi a pawi ani. Haha
Report this comment
March 13th, 2012 at 8:23 pm
I ziak thiam ka ti
I vai thianpa chungchang i poem kha min ti hrechhuak, i hming ka hmuh hian. Daih mai a 
Report this comment
March 14th, 2012 at 5:56 am
aw! Ramte! A tak emaw ka ti hman a, ka lo thinrim tep a.
Report this comment