Mingoho min puh chhiatna mai mai a ni

June 9th, 2013 3:24 pm by Hnam sakhua

Mingo-ho khan kan pi leh pute kha ramhuai te, thingbul te leh lungbul te be vel mai mai, sakhaw mumal pawh nei lo niin an sawi a, chu chu kan hnam mi fing deuh leh hruaitu hmasa, mingo ngaihsanna khatho khan an lo awih ve ngawt mai a. Khati anga kan pi leh pute puh chhe em emtute mingo zawk hi a nia, sakhaw nei mumal lo zawk chu.

Mingoho khuan an rama Kristianna a luh khan an zawm puk a, hun rei tak Kristian an nih tawh avangin tun hma an pi leh pute khan eng sakhua nge an neih pawh an hre tawh lo. Kristianah an lut deuh duak a, an ram rorelna sanga Parliament member ni tur pawhin, Kristian a nih loh chuan M.P an nih theih lohna dan te an nei hial a ni. Tunah Kristian an beidawng a, an hnam sakhua a ni lo tih te an hre chho a, Kristianna atangin an bang a, sakhaw zawm tur mumal an hnamin a hre chuang si lo a, a then Hinduism an ni a, a then Islam an ni a, chuti ang zelin an hnamin sakhaw mumal an nei lo zawk a ni. “Mi lu la hnam” te an ti a. Hnam reng reng an pi leh pu hunah mi lu la hnam lo chu an vang ang. Israel-ho pawh an indo khan Davida chuan Goliatha lu a la a ni. Mingoho pawhin Red Indian nena an indo pawhin an lu an la. Mi hnam awm hle hle lai, an mahni an rawn do pawh ni si lo; an ram an va luah sak a, a ram neituten an ram an lo hauh vena lamah an indo phah a; “Min tibuai,” tiin a va tibuaitu zawkin anmahni tibuai angin an lehpuh hlauh a. Red Indian an thah lu vun an hihsak a, an kalsan a. Red Indian-hoin an chet dan an hmuh chuan phuba lain an tih ang khan mingo an va thahte lu vun an hik a, an kalsan leh a. “Red Indian-ho chu lu vun hih hmang,” tiin an sawi leh ta a ni.

Kan pipute’n ramhuai an be lo a, thil tha lo leh natna engemaw an tawhin, chuti ang awmtirtu chu ramhuai niin an hria a, chuti ang natna leh thil tha lo tawktu chu a lo dam theihna turin chu thil tha lo rawn thlentu ramhuai chu an hlau a, tihlungawi tumin ran thisenin an inthawi a; ramhuai chu an hnen ata a kal bo theihna’n a changin an tlawn a, a changin an vau thin. Tin. thingbul emaw, lungbul emaw an be lo a; thingbul te leh lungbul te siamtu Pathian kha an be zawk a ni.

hnamsakhua.blogspot.com

21 Responses to “Mingoho min puh chhiatna mai mai a ni”

1
Ruata 4 Cabin Says:
June 9th, 2013 at 3:52 pm
hmasa ber ang…kan pi pu te kha vedic sakhuana an zawm v emaw ka lo ti mai asin GOOD POST..Ka Eat hle mai..

Report this comment
2
don.quixote Says:
June 9th, 2013 at 6:32 pm
thlirna tlang dang atangin..bengvarthlak hle mai

Report this comment
3
H.Vangchhia Says:
June 9th, 2013 at 7:14 pm
A dik hmel. Kan pi pute tam zawk khan ramhuai/huai kha be lovin an hlauhtlawn zawk a nih hmel. Mivam hnam an tih thin, Vangchhia, Khawlhring etc thlahtute erawh kha chuan inthawina an nei ve ngai lo thung. Vawk pawh an duh hun hunah talhin “sechhun” an neih chang pawhin an thla hualnaah an ngai mai a ni.

Report this comment
4
chhana Says:
June 9th, 2013 at 8:02 pm
A tha ve tho mai. Hnam sakhua aia Kristian nih thlang thei tura pi leh pute an lo mawl/rethei kha ka lawm.

Report this comment
5
muansakhi Says:
June 9th, 2013 at 8:18 pm
Post tha thak thak hle mai. Mizo culture ve lem ‘mivar’ hovin a author nih an chuh tlat hi ka ei lem lo khawp.

Mingo tih hi a fuh chiah em tih ka ngaihtuah thin. An var huar a, a then an sen ang chur a. Mizovin ‘ngo’ kan tih ang hi an ni chiah em aw ka ti deuh.

Report this comment
6
caribou Says:
June 9th, 2013 at 8:53 pm
Kristian ka ni hi ka lawm, pi leh pu te Krista hnung zui tura an inpe kha ka lawm.

Report this comment
7
mr.Duhlova Says:
June 9th, 2013 at 10:42 pm
Ngatingemaw Mingo ho chu anlo puh chhiat ngawt che le? An va ti anglo ve maw le..

Report this comment
8
vakul Says:
June 10th, 2013 at 12:26 am
Mizona changchawia at lai sakhuaa let leh tura zirtir hi a nuihzatthlak ..

Report this comment
9
mach3 Says:
June 10th, 2013 at 1:22 am
Ramhuai hnena in thawi bak2a ramhuai biak dan a awm chuang amawni. Vai ho(Hindu) pawh hian mi lem ani hleihnem kan biak, kan biak pathian chu a in ang vek alawm anti ve tlat. Chuvang chuan kan pipu te khan pathian(Khuanu) kha a awm ring pawh nise ramhuai chu an bia ka ti tho2 kei chuan.

Report this comment
10
Joel Lrsa Says:
June 10th, 2013 at 1:42 am
A tobul lamah ka let hman tawh lo, ka sakhaw vawn Christianity hi ka’n vuan tlang law law mai ange

Report this comment
11
PKfanai Says:
June 10th, 2013 at 8:51 am
Ramhuai hnena inthawi khan, Ramhuai an bia chu ani mai lawmni? Ka lo ti deuh mai a sin.

Report this comment
12
Awmtea Leo Khiangte Says:
June 10th, 2013 at 9:41 am
Tunlai chu hnamsakhua hi an va reh em em ka lo ti rilru a. An rawn lang leh ta, a lawmawm hle mai.

Report this comment
13
Hnam sakhua Says:
June 10th, 2013 at 1:20 pm
Post an pending rei lutuka kan chawl deuh maw le, hei tuna mi hi chu a hnuhnung zawk an rawn ti chhuak hmasa hlauh mai.

Mizote hian englai mahin ramhuai an be ngai lo a, chumi chungchangah chuan mi thenkhatin “Ramhuai hnenah pawh thingbul ami lo chhang ang che, lungbul ami lo chhang ang che” an ti a. Ramhuai an bia alawm an ti a ni mai thei. Nimahsela, kan mizoin Sakhaw thua “BIA” kan tih hi a phawk lo. “BIA” tih awmzia chu, mahni nunkawng hruaitu tura tan leh malsawmna vurtu ur atan leh chumi hnua hringnun piah lam thlarau chawlhna thleng khalh kal tur leh kaihruaitu tura an nun innghahna, chu chu ataka va tihna leh ataka va zahna nun neihna chiah hi “BIA” tih kan sawi hian a phawk a ni

Report this comment
14
ultimate Says:
June 10th, 2013 at 4:05 pm
At lai sakhua (A eng ber pawh lo ni se)thlauh thla a, kan pi leh puten Hindu, muslim,Buddhist, etc ten min hual khup laia Lal Isua an lo ring ve tlat mai hi fuh ka ti cher cher! Kan nihlawh teh e!

Report this comment
15
suaka Says:
June 10th, 2013 at 4:53 pm
Post tha tak a ni. Daily newspaper ah te pawh Hnam Sakhua post hi chhuah chhawn hial chi a ni. Sap ho tenawm zia hi chu. Vai ho hi kan state chawmhlawm tan hi chuan an tha thlawt zawk. Thenkhat hian an la ngaisang phian a…

Report this comment
16
Hnam sakhua Says:
June 11th, 2013 at 3:00 pm
Kan pi leh pute kha an at lai hian an lo fing zawk a niang mahni hnam sakhua vuanin an lo awm tang tang a,tlema an fin tawh hnuin hnam dang bumnain mahni hnam sakhua theihnghilh thak khawpin mi hnam sakhuaah kan lut chu a nia, finna tha lo tak chu a nih hi.

Report this comment
17
maawma Says:
June 12th, 2013 at 9:16 am
Dikna chen pawh a awm mahna le, mahse Kristianna vang hian hma kan sawn phah em mai, kan thlarau nun chu thuhran, kan economy te thleng hian a that phah em mai Kristian kan nih vang hian. Ni lo se chuan Ratuai hlir kan ei anga, kan ring tlut tlut bawk ang

Report this comment
18
Rinzova Khawlhring Lalhnam Says:
June 12th, 2013 at 1:36 pm

Report this comment
19
mahasen Says:
June 12th, 2013 at 6:26 pm
Tuna Mizo tawnga i rawn post theihna hi sap an ni e…. a zawng a za a sapho min chuti khati tih hi awmzia awmlo…Kristian i ni lemlo ah ka ngai i comment hnuhnung ber en khian…ka like na chhan tur ka hrelo he post hi…a rilna ka hrelo a, a ropuina ka hre heklo…. sawitur hriatloh thlak hleah ka ngai…

Report this comment
20
Hnam sakhua Says:
June 13th, 2013 at 9:10 pm
Kristianna avang hian hma kan sawn pawh ti ila a dik ve tho mai. Kristianna kha lo lut lo sela, tuna mi ai pawh hian hma kan sawn ve tho mai thei a sin. Tin Economy chungchangah chuan, ka ngaihdanah chuan hma kan sawnna em em ka hre lo khawp mai kei chuan. Mi thawh chhuah ringa khawsa mai mai kan nih hi maw. Kan thil neih te hi a siamtu theuhin rawn la mai se chuan chan alawi kan nei nang. Kan pipute kha chu an intodelh im em asin.

Tuna mIzo tawng kan hman lai hi awm lo mah sela, a dang kan hmang mai ang chu.Khawvel tawng zawng zawng hi mingoho siam sak vek a ni lem lo.

Report this comment
21
Rinzova Khawlhring Lalhnam Says:
June 15th, 2013 at 2:11 pm
Post tha tak a ni.

Report this comment