Kan Lal Isua hian he thu a sawi laia a ngaithlatu tur awm kha han ngaihtuah ta ila, mi chumchhia te te, Sangha mantu te, Loneitu te, Mistiri te, Ranvulhtu te, Chhiah khawntute leh natna hrang hrang veitu te leh an chhungte an ni deuh ber awm e. Amaherawhchu Berampu tha Lal Isua hian, an nihna angin a en lova, Amah atanga ‘Enna’ chhuak lo dawngtu apiangte chu, He Khawvel thim zinga ‘Eng’ leh enna thlen theitu an nih zia a hre chiang em em a ni.
Mantira a awm zana vawi 3 ngawt mai lo phattu Petera te kha, “Ka ring leh ngai tawh lovang che” ti lovin, “Ka Beram te chawm/enkawl rawh” tiin a Kohhran tiak tirte enkawltu turin a ring hmiah mai a, Amah Chatuan Lungpui Isua Kristaa in din chho tur Kohhran enkawl leh, chawm turin Lungpui te zawk Petera chu a ring hmiah ngam a ni.
Anih leh Khawvel eng” kan lo nih si chuan, Eng chu enge a nih chiah a, enge a tangkaina ni ang le? (A chipchiar lovin, a point chauhin tar lang mai ang aw)
1. Tawng leh thil dang hman a remchan loh lai leh emergency thilah te midangte thil hrilh ngai em em si, inhrilhna hmanrua(Signal) a ni.
2. Tha taka kal theihna tur atana min hruaitu(Guide) a ni. (Sam 119:105).
3. Thim sutlang a, enna thlentir thintu a ni. (Johana 3:20)
4. Thim zingah chuan, misual an ngampa a, Sualna a pawngtal thin. Eng chuan, Sual a ti tim a, sualna a umbo thin a ni.
5. Eng chuan, Thim zinga Sual inthup te a lan chhuah tir thin a, Sual nih inhriatna leh Inchhira Simna a thlen thin.
6. Eng chuan, Thlai leh thil nung dang te a thantir thin angin, Ringtute a than tir thin.
7. Eng chu ama ropui nan a eng lova, midangte tana MALSAWMNA ni turin a eng thin a ni.
Engtin nge/Khawi hmunah te nge kan ‘en’ tak ang?
1. Kan awmna hmun a piangah, khawi hmunah pawh kan eng tur a ni. Sikulah te, Office-ah te, Puipunna hmunah te, Sumdawnnaah te, Mi mangang leh harsa te tan te, Facebook a kan thil Post, Comment leh Status update leh Chat-ah te leh thildang leh hmun dang dangah pawh, kan eng tur a ni.
2. Kan incheina hmangin kan eng chhuak tur a ni.
3. Kan sum lakluh danah te kan eng tur a ni
4. Nulat-Tlangval kawngah te kan eng tur a ni.
5. Ruih theih thil hman kawngah te kan eng tur a ni.
6. Kan Music ngaihthlak leh sak duhzawngah te kan eng tur a ni.
7. Ringlo mi te zingah kan eng tur a ni.
Point tin te khi duh chen chen sawi zau theih anni na a, heti hian duhtawk mai ila a tha awm e.
Keimahni hian Enna kan nei lova, enna pek chhuah tur kan nei hek lo. Amaherawhchu, Lal Isua Krista keimahniah a lo chen chuan, Lal Isua Krista eng chu keimahni kal tlangin a lo eng dawn a ni.
Similar Posts:
- Eng Kohhran thurin hi nge dik ber….?
- Lalpa thuin lèn i deng ang u!
- Thlarau Thianghlim Baptisma (Pentecostal Sermon)
- I Phatsan thin em ? (Pathian Ni pual)
- Ringtute chunga Pathian beisei leh duhzawng{Sunday Pual}
June 23rd, 2013 at 11:08 am
A tha h1e mai.
Report this comment
June 23rd, 2013 at 12:07 pm
Karleha kohhran chanchinbu a chhuah atan ka HAUH e
Report this comment
June 23rd, 2013 at 12:14 pm
Pa khat na a tang in, a pa sarih na thleng khian a tha vek a.
Sawi belh tur pawh ka hre lo.
Eng hi a awm loh na tur a- a awm chuan, eng reng tho mah se,
a hlut tur ang in a hlu thei lova.
A tang tur ang in, a tang kai lo.
Chhun ni sen sat lai in, sihdet hmeh eng vak vak hian tangkai na a nei lo.
Chu ti’ang bawk in, ringtu te in pawl khawm na hmun a, eng ber ni awm fa hran a, an lo in tih thlarau mi viau a,
an lo in tih thlarau mi vak vak na hian, ka rin na kawng ah hma sawn na min pe hran lo. Chung ho ai-in
mi rin awm, en na tur hmun
dik tak a eng thin te hian, ka rin na kawng ah na sa tak in, hma sawn na min pe zawk daih.
Report this comment
June 23rd, 2013 at 2:09 pm
Facebook a, ‘SERMON BAWM’ ah Admin atan min lo dah ve a, ka buaipui ve ta phian a. Mahni duhzawng leh tui zawng piah lamah, Member te hian, an duhzawng hi an rawn request ta thin a, tihhlawhtlin sak loh hi ka hreh thin si a, hei pawh hi chutiang rah chhuah chu ani e. Detail lovin, a outline ang deuhin ka han buatsaih a ni e.
Report this comment
June 23rd, 2013 at 3:48 pm
A tha hle mai. Kan awmna hmun apiangah khawvel eng ni thei theuh ila Lalpa hming chu ring lo mite pawhin an fak mai dawn a lo ni.
Report this comment
June 23rd, 2013 at 4:27 pm
Report this comment
June 23rd, 2013 at 6:34 pm
Tha khawp mai.. Ka cousin naupang te reuh te in i inkhawm peih nen i hla ngaihthlak hlauhawm thei e a ti.. K music duh hi a bengchheg bawk em a ni
Report this comment
June 23rd, 2013 at 7:42 pm
Pu PK-a nge nge…
“Tlang Chunga Isua Thusawi” or “The Sermon on the Mount” tih ai hian, Tawngtial Bible thenkhat-a “BEAUTITUDES” tia an dah hian Matthaia Bung 5 thu-a Lal Isua Thusawi-te hi a phawk tha khawp mai.
Pu PK-a sawi ang khian, “Khawvel Eng” nihna hi “Mawhphurhna” (Responsibilities) a keng tel nghal a. Lal Isu ringtu chuan a awmna apiangah mite tan Pathian ngaihsakna, hlimna, lawmna leh thil tha (knowledge of God, wholeness, stability)a thlen zel tur a ni.
Ngaihtuahzui tur awm erawhchu, Lal Isuan, “Eng leh Chi nen-a Ringtute a Tehkhin” hian, Ringtute Hnathawh (works) lam aiin, Ringtute Nihna leh Nungchang (Character) kha a sawi uar duh ber zawk niin alang. ENGNGE AN AV TIH THEIH (What they do) lam aiin, ENGNGE AN NIH (What they are) kha a ngai pawimawh ber a. Entirnan, Sangha hmeh lai leh Theithur ei laia Chi kan ngaihlutna a sang zawk ang ringawt ni lovin, Chi nihna leh Hnathawh dik tak chu Thil Vawnhim (Preservation) a ni ber zawk angin, Ringtute Nihna leh Dinhmun (Character) Dik tak khan Thiltha a tih-tir a, chu Thiltha tih chu miin an lo hmu a, an fak a, tha an ti ta thin a ni. Hei vang hian “Beautitudes” an tihna chhan pawh hi a ni awm e. A pawimawh ve ve tih erawhchu theihnghilh lo ila…
Report this comment