mi(sual).com

Favang boruak nuam tak chu ralin, kum tirh/bul a tanga kan nghahhleh em em kan Lal Isua pian champha December thla chu a lo in her chhuak a. Tur(h) Nipui / NiSakei pawh ‘Sik Ni-eng’ tih hming a lo pu ta! Zirlai, hnathawk leh Kut hnathawk te pawhin kan thil tih lai hnuchhawnin Jerusalem lam hawiin kan rilru, ngaihtuahna te sengin, Kan Lal piancham hlim leh lawm taka hmang turin kan inbuatsaih tan ta! (more…)

Chu hmeichhe naupang tân chuan chu thlaksik khaw vawh zan chu ava huhphurhawm leh tak êm! Tlai nikawl liam chauh mahse zing khawvar hun chu nghakhle tak a ni. Zan dang ang bawkin a pa zurui rawn haw chuan a ngaitein a nu lakah chuan thinurna tur bâk chu engmah a rawn  hmu lo leh a. Hun khirh tak a intan leh dawn tih chu hai rual a ni lo.

Kristian lo chhungkua an ni a, sakhaw dang pawh an bel hek lo. An in chhungah chuan Pathian thu reng reng a leng lova, a lam pawh an lam chhin ngai eih lo. Retheihna in ro a rel a, chu chuan sual lamah a hnûk lût a. Chu chhungkua chuan zingkar an pa hna kal hma inbeng mang lova hun an hman bak chu hun hlimawm sawitur an nei teh chiam lo.

Tlai khat pa ber rawn haw chuan an nu chu a ngaitein a tâwng leh hrep a. An fanu hmeichhe naupang chuan pindan lehlam atang chuan a lo thlir reng a. A pa thinrim chu a sosâng hle a, a nu lahin, “Ngawi tâng e” a ti bik si lo. Chutia boruak a chhiat zel takah chuan  a pa chuan silai a chuh a an nu chu a kap ta mai a. Kâ pawh chhawn lovin a chatthla zui ta mai a. Hmeichhe naupang, âwmnêm ve tak kum 8 mi lek tân chuan inrawlh chu sawi loh, a ri a tah takngial pawh a ngam awm si loh. A pa inthiam lo, beidawng chu amah leh amah a in kâp ve ta nghal mai a. Hmeichhe naupang unau pawh nei lo, mahni chhia leh tha hriatna pawh la hmangthiam lovin zan khata tawn atân chuan a rapthlak dan tur zia chu ngaihtuah zui ngam chi pawh a ni lo. Chhuat laia a nu leh pa ruang thal reng thlir tlawk tlawk mai loh chu tih tur dang a vân ta ve ang.

Chhûngkhat laina tâl chu nei se a a tân zia tak a awm tur, a nei der bawk si lo. An thenawm khawvengte chuan lainat hle mahse an tih theih a tam lo. Nu chham Rûn chauh lo chu atân dam khawchhuah ngaihna dang rêng a awm ta lo.

(more…)

Ball man to tak i nei a , in tih hlim nan bang a vawm a a rawn let leh lo dawn i duh a ni , i vei lamah bang mau a siam phui tha mang hlei lo a awm a , i ding lamah bang lung a siam (phui tha leh chak tak mai) a awm a ni ..

Khawi lamah nge i ball duhawm tak chu vawm la i hlim ang .. Bang mau a siam lamah chuan i vawm chuan a phui lo laiah cuan a tlang anga , kham ah te lum bo daih mai ang..

Bang lung a siam lam a i vawm chuan .. Chu bang rinawm tak cuan a rawn kir tir leh anga hlim takin i lo dawng leh dawn ani ..

I ball duhawm leh hlu chu bang rinawm lam apiang ah i hlim nan i vawm thin ngei ang chu ..
Vawiin ni ah hian kan Lalpa duhawm leh ngilnei hian a ball(tawngtai chhanna ball) duhawm leh hlu hi bang pawp mau a siam lamah hian a vawm duh bik law asin .. Bang rinawm leh chak lamah asin a vawm thin ..

I fel hle ani maithei , Pathian duhsak mi i nih i in ring a ni maithei , mahse i thil duh leh dil kha fel hle mahla i tan anih chhung cuan a chhang mai2 law ang che ..

A malsawmna dil rawh mahse i pathian hausak zia leh rawpui zia miten an hmuh nan chauh ni rawh se , chuan i dil ai tam pawh a pe ang che .. Am takin dil bawrh2 rawh , mahse a ai tam zel i pek let duh vang zawk chauh ni rawh se .. Chuan a ai tam zel pawh i pek let duh chuan a ai tam zel pawh dil mai rawh .. A pe zel ang che ..
(more…)

I thu ang zelin ka chungah thleng rawh se.

Nausen chibai bukna atana pawimawh ber chu  “mahni inhlanna/ inpumpekna” hi a ni kan ti thei awm e. Nula thianghlim leh sawisel kai lo, nula fel Mari hian nausen lo piang tur chibai buk nan a thianghlimna, a hmingthatna leh a nulat mawina zawng zawng a hlan a, a pasal hual Josefa pawhin  a nupui hual, a thinlung luah khattu, a damchhung kawppui tur atana lungchim taka a thlan, Mari chu hmingchhiatna leh mualphonain khuh dawn mahse a hlan a, an pahnih inkara relationship chu lei leh van inkara relationship a awm theih nan a lo hlan a ni.

Khawchhak mifingte pawhin an in lum leh an chhungkhatte kalsanin vana arsi hruaitu chu enin an thil neih rohlu te hlanin, lawman rangkachakte, beraw te, murra te chu nausen  hnenah chuan inngaitlawm  taka  a hmaa chibai buka bawkkhup chungin an hlan a ni. I in lum nuam tak, I chhung leh khat lainate, I thenrual thate  leh I ‘comfort zone’ kalsanin, I neih rohlu ber- I thinlung hlanin nausen Lal Isua hi he hunah hian bawkkhupin chibai I buk ve dawn em le??

(more…)