Hmánlai hian Lèntlângah khian Renthlei hnamho khawpui Lianzawl khua hi a awm a. Kum khat chu khua a chêng chiam mai a, chhum lo chat lova ni tam tak ruah a sûr hnu chuan zan khat chu zanlai, muttui lai takin khua chu a min ta chiam a. Leimin chuan an in nen a hnãwl vak avângin Thluaisingi chauh lo chu khuaa mi zawng zawng chu dam chhuak rëng rëng an awm lo va. A thi zîngah chuan Pathawnga (Pathrawnga tih tur) hi a tel ve a. Leimin chuan a chhilh nâa, a awm achin chung lam a lang a.
An khaw thenawm, Tlângkhuaa Chhakchhuakho chu an zu kal a. Ruang an hmuh theih chhun ber Pathawnga chu lâk chhuah tumin an bei laih laih a. Chutih lai tak chuan thli na tak hi a lo tleh a, ruang awmna laiah chuan thli chu chak takin a vir ta chiam a. A ruang lâk tuma bei mêkte chu a chhêm vir vak mai a, a then phei chu a la a, hla takah an tla a.
Pathawnga ruang buaipuitute zînga mi chu thi an awm ta nual a. Chu thli tleh dân chu mak an ti a, an hlau em em mai a. Pathawnga ruang awmnaa vir a nih avângin a thlarau tih ni ngeiin an ring a.
Leh leh hnâwlte nena vir vak a nih avângin chu thli hmingah chuan ‘Pathawnga lei vir’ an vuah ta a, a hnuah ‘pa’ paihin, ‘Thawnga lei vir’ (Thawngaleivir tiin kan ziakzawm mai thîn, awmze pakhat nei leh thil pakhat sawina a nih vângin) tiin an sawi ta a ni.
Renthleiho phei chuan sakhua an biakin, ‘Pathawnga vo’ an ti a, bêl chhûngah thlai chi kim dahin tui an leih a, hnahin an hnawh a, zu dàwn an vuah a, leikapuiah an phuarbet a, Pathawnga thlarau tân an chhiah ta thîn a ni an ti.
Thulâkna: Mizo Hnahthlâk Thawnthu Vol-1 by R.L.Thanmawia.
First Edition: 2008
Copies: 2000
Reprinted: 2009
Copies: 1500
Similar Posts:
- Thli hi in hlau ve em?
- Lal thi kuanga ur
- Aizawl vêng hrang hrang hming vuah chhan-II
- Mizo thli chi hrang hrang te
- Aizawl vêng hrang hrang hming vuah chhan
May 13th, 2011 at 7:01 pm
Chhiar chiah ila
Report this comment
May 13th, 2011 at 7:03 pm
Osama te khan 1 na khi delete ru anti ang tih erawh ka hlau fu, he he
Report this comment
May 13th, 2011 at 7:09 pm
“Thluaisingi chauh lo chu khuaa mi zawng zawng chu dam chhuak rëng rëng an awm lo va.”
Rulpui sa an ei vang an ti em kha, Tuaia ? Hmeithai nu hi an hmusit a, a sa tha pawh pe phal lovin a lu an pe a. A chhum hmin thei lo khan a paih ta ringawt a, a him phah liau ve an ti lo maw ?
Report this comment
May 13th, 2011 at 7:13 pm
@lushai_er: A ni âwm teh tak e a.
Report this comment
May 13th, 2011 at 7:13 pm
Awihawm chiah lo e, @Sialte ka like e. Rulpui sa ei chanchin hi khasi ho nongsohnoh nen a inang e ka ti.
Vawiin zawng a hmel chhia chhia tuan rang rangah kan tang a ni maw!!!!!!!!!
Report this comment
May 13th, 2011 at 7:17 pm
Ka vawikhat hriatna, maipawl pu lo pawhin ka beng a varleh ta sawt e
Report this comment
May 13th, 2011 at 7:19 pm
tha e.source la awm thlap zui..
Report this comment
May 13th, 2011 at 7:23 pm
Inkhel te’ng,nakinah tihtak zetin ka la chhiar ang…..
Report this comment
May 13th, 2011 at 7:24 pm
A tha khawp mai, hetiang ang ‘tawngkam’ a lo chhuahna hi (tawng dang atanga kan lak, tun hun tlenga kan la hman zel ang chi hi) ziaka chhiar tur a awm nual, post tha tak a nie, mahse, Leimin i tih hi a ziahdan ah chuan lei min tih niin ka hria, chhiar a nuam zaih bawk-in ka ring.
4 para a, ‘Leh leh hnâwlte nena vir vak a nih avângin’ tih hi ka hrechiang chiah loa, i sawifiah thei angem?
Report this comment
May 13th, 2011 at 7:31 pm
Report this comment
May 13th, 2011 at 7:36 pm
Thu tak a nih leh dawt a nih lam ngaihtuah lovin kan pi leh pute’n hriatna lama beng an lo dawhzia an/kan thawnthu atang hian a lang thin.
Tunlai thiamna hmanga an chhutchhuah kan hriat hma zawng kha chuan ” A nih mai awm tak chu a ! ” han tih ve mai theih tur hian ENGEMAW hi an lo nei/hre/sawi ve thei zel a nih hi.
Report this comment
May 13th, 2011 at 7:46 pm
@tuaisial, i thu lakna ziaha a copy zat a 1500 lek a ni khi a lungchhiatthlak ka ti. Mizoram, India ramah pawh ziak leh chhiar thiam tamna ramah hian lehkhabu ro tling tak tak te pawh hi a copy pawh kan ti tam ngam lo a nih hi. Therhlo leh incheina atan chuan sum sen kan hreh lo, mahse lehkhabu leina atan hi chuan kan ui tlat lawi si, mimalin an lei nge tam anga state sawrkarin library a dah atana a leisak tam zawk ang
Report this comment
May 13th, 2011 at 7:54 pm
@Sialte: post mai bakah source khi ka like bawn tawp tawp
Report this comment
May 13th, 2011 at 8:03 pm
@hmelthatea: ‘Lei leh hnãwl te…’ tih zawk tur a ni e. ‘Lei’ tih ka lo type sual a nih khi.. ‘Hnãwl’ hi eng nge ka hre miah lo. Hnawmhnawk lampang sawina a ni ang em aw.. Lushai_er khan a hriat ka va ring em.. Ka lawm e.
@triple, ni e mawle. Khitiang lehkhabu rotling pawh a copy a tam thei lo a ni. Phek 207 a ni a, cheng 60 man lek zu nia! Chuti chung paw’n a vaia a copy an chhut tawh chu copy 3500 chauh! Mipui nuai 10-ah! A rapthlak lutuk.
Report this comment
May 13th, 2011 at 8:33 pm
‘Hnãwl’ hi kan ti teh chawk a, ‘Nãwl’ tiin ka hre thin a, a dik zawk han tih tur chu ka hre chuang pawh a ni lova. Bawlhhlawh leh eng ilo tuilian in a lenkhawm/chhekkhawm sawina. Bawlhhlawh a hnawl khawm a nih avangin ‘Hnãwl’ tih pawh hi dik zawk mai thei, A to bul hre deuh khan han sawi fiah thei ula maw le!
Report this comment
May 13th, 2011 at 8:34 pm
‘Hnàwl’ hi bawlhhlawh lam chiah pawh nilo, hnàwmhnawk lam a ni mai lo maw? Hnàwmhnawk pawh a ni chuang lovin ka hria. Lui tui lianin eng engemaw a len a, chung chu vaukamah a hnut chhiah a, hei hi hnàwl ka hriat ve chu ani.
Hnàwl ka tiha, ‘a’ chunga thlukna hi chho/sang zawka awm tur a ni a, mobile phone atanga ka type avangin, a awm ve lo tlat.
Report this comment
May 13th, 2011 at 8:39 pm
A va tha ve! A ngaihnawm hle bawk a ni.
Report this comment
May 13th, 2011 at 8:42 pm
#16 dik ang, bawlhhlawh tih ai chuan hnawmhnawk tih khian a phawk fuh zawk in ka hria.
Report this comment
May 13th, 2011 at 9:18 pm
#hmelthate@9 leimin tih khi a dik zawk a. Ka thlawp e..
Tunlai comment hi a zia hle mai.. Thu kan uluk a, a thla a muang huai thei a lawm
T leh Ţ hi ka helh khawp mai.. Thawngaleivir tih ai chuan.. Thrawngaleivir tihni vek se enge a pawina le..Tringtrang(guiter) te ti ila..MizoŢawng thiam lo mizo An Tam Tawh Si A..T leh Ţ hmang lo va T vek hman hi Ţha lo ka ti khawp mai..
Kei pawh ka vawi 1 hriatna nih hi..
Renthlei
Report this comment
May 13th, 2011 at 9:41 pm
Voinah thawnga leivirin min nuai tak, taidawnkawn bulah. Beng chhung te alo ngap vek. Hmai te cu ngap duh mai2 tak a ni. Ruah la sur ciah silo. Mi inah kan tlanlut top male.
Report this comment
May 13th, 2011 at 9:58 pm
Report this comment
May 13th, 2011 at 10:19 pm
Tuaitea chu, eng vanga “Thawnga lei vir” ti a, ziak zawm tur ni si, ziak hrang ta nuaih nge aw…? ka lo ti pung2 hman a. Ka chhiar a, ka chiang ta e.
“Hnâwl” hi muhil “hnâr” kan sawi anga thluk/lam rik tur a ni a; bawlhhlawh chi hrang2, lui tui leh hawk tuiin a hnawl khawm sawi nan kan hmang thin.
Report this comment
May 13th, 2011 at 11:42 pm
Thawnga lei vir hi Tlangval TSA hmuhchhuah ami ?
Report this comment
May 14th, 2011 at 3:22 am
Ka hmaa lehkhabu ka rem naah lehkhabu pakhat, ZORAM KHAWVEL 7- NA L.Keivom ziah hi 2001 first edition niin, copy 3000, MCL Publication Board, khatla; Aizawl, a ni heu mai, Pu L.Keivom nge nge (2001 a copy 3000 chu a tlem lo khawp mai)
Report this comment
May 14th, 2011 at 3:46 am
Chhiar zau leh zir tam na na na chu an hriat a tamin an hriatna a ril bik thin. Tuaisiala nge nge, i inchhiar zau peih bawk a, i bula awm chu a bengvarthlak thin mang e.
Report this comment
May 14th, 2011 at 2:18 pm
Kan mizo thil ho hian phuah chhan a nei deuh vek a nih hi maw le.. Tuaisiala hming put chhan pawh awm hrim hrim..
Report this comment
May 1st, 2012 at 9:51 pm
Hei chu a va tha e
Report this comment