Khawpui a rawn ri der der a, thli thaw chuan thing hnah te chu a chhem ri sung sung mai a. Chutah ruah a rawn sur ta a. Khua a thal rei tawh bawk a, naupangho chu kan hlimin kan sahawk takmeuh mai. Thingtlang tihtakah naupang thenkhat chu ruahsur lawmin an tlan chhuak a, Ruah an do a, tuihawk an khuap a, ka hmu ve reng mai si a, thenkhatte lah chuan ka hming ngeiin min la rawn au zui.
Ka pa chuan min khap teh na a, thil thalo lo thleng thei min sawi thaih zawng zawngte chu ‘Hnawmhneah’ ngaiin ka rualpui naupang ho hlim hmel tak chuan min pawt ta tlat zawk si a, Ka pa hmuh loh laiin ka tlanchhuak ve ta zauh mai a. Thiante zingah ruah chu doin, kawrteah tuihawk hmahruai te chu kan khuap ta a.
Chutia hlim taka kan infiam lai chuan, Sabereka khuangkaih hi a rawn thawk ta thut mai a, thiante chu an insaseng hman laiin kei chu ka insaseng ve hman ta lova, min len ta a. A thlanga bawlhhlawh paihna; thenkhat septic tank leak luankhawmna hmun tawp leh tenawm em em maiah chuan min len lut ta a ni. Ka pil bawrh bawrh a, chu tuihawk leh ek thli inpawlh tenawm lutuk chu ka hak ta bawrh bawrh mai a ni.
Ka rilru chu a fim a, mahnia inhaichhuah te pawh ka tum ve ngei a, mahse tuihawk bawhawk tha chu ka hneh ngang lova, Ka thiante lah chuan, au chul bak tihngaihna reng an hre bawk si lo. Ka thi thuai dawn tih ka inhrechiang ta hle mai a, ka pa in hul nuam tak ka ngaihtuah a, ka nu leh pa angchhung nuam tak leh him tak chu ka ngaihtuah a, ”Ka pa thu ka awih loh avangin heti mai hian ka thi dawn chu a ni ta si a” ti a ka inngaihtuah lai chuan, enge lo thleng ta?
Ka pa ngei mai chu, chu dum tenawm hlira khatah chuan a rawn zuanglut a, nghet takin min rawn man a, min paw ta a. Amah chu pil bawrh bawrh zawk mah sela pawi tihna reng a nei lo. Chu tui tenawm hlira khatah chuan min hruaichhuah tumin a bei a, a hak ve bawrh bawrh a, a pil ve bawrh bawrh thin tih pawh ka hria. Mahse, min hmangaih em mai a, ka nunna chhanchhuah nan chuan, amah chuan a nun chu chan zawk mahsela pawi tihna reng a nei lova, a huam em em tih a lang reng mai.
Tichuan, engemaw ti ti chuan ka pa chuan min hruai chhuak thei ta mial a, kan him ta a ni.
In kan thlen chuan, ka nu leh ka unaute, kan chhungte dangte pawh an lo awm taih mai a, an lawm em em tih chu a hriat. Mahse anmahni zinga chaw te ei a, thawmhnaw Sukfai hlim rimtui tak mai te inbel a, mutpuan fai leh thianghlim tak maia mu ve nghal ringawt tur chuan ka fit hauh lo mai. Inbualfai phawt ka mamawh a ni. Tichuan, ka pa nen chuan kan inbual fai ta a, ka pa chuan sahbawn nen uluk takin min bual fai ta a, Ka nu chuan thawmhnaw sukfai hlim rimtui chek mai chu min hak tir a, tichuan hlim takin kan inkuah thei ta hlawm a ni.
Chhandamna pawh hi hetiang ka thil tawn ang deuh hi a ni. Kan Pa Pathian thu awih duh lovin Setana thu kan awih ta zawk a, Mahni duh dan leh nuam tih danin kan nung a, Kan peng bova, bawlhhlawh leh tenawm tinrenga bawmkhah kan lo ni a. Pa Pathian thianghlim danah kan tling zo tawh lo va, amah nena awm dun leh lengdun leh turin kan rimchhiain kan tenawm lutuk tawh a ni. Pa Pathian nen inzawm leh duhin han bei sasawi thin teh mah ila, kan fel famkim thei mawlh si lo.
Chutah Amah Pathian ngei chu kan dinhmunah lo dingin, kan sualna avanga kan thihna tur lak atang chuan min rawn chhanchhuak ta a, kan sual dum tenawm, rimchhia leh bawlhhlawh kai zawng zawng min rawn tlengfai ta a, Ama thuam thianghlim famkim chu min bel ta a, Amah nena inzawm leh tura tlingah min pawm ta a ni.
“Kei chu ka sual si, ka tenawm si, Ka Pa thuawih lova tilui kha ka nia, min pawm leh duh tak tak ka ring lo, min chhandam tak tak pawh ka ring lo ve” tih chi ani tawh lo. Thuawih lo, sual dum uih hmuna cheng kan nih lai ngei khan, Pa Pathian chuan min rawn chhanchhuak a ni. Tenawm, Rimchhia leh Bawlhhlawh bawmkhah luk kha a thisenin min rawn tlengfai ta a, a van thuam thianghlimin min tuam ta tlat a, mitling leh thianghlim famkim kan lo ni ta.
“Mi zawng zawngin thil an tisual vek a, Pathian ropuina an chang zo ta lo ani; Ringtute erawhchu, Krista Isuaa tlanna awm avang chuan, a khawngaihnain athlawna thiam chantirin an awm a; Pathian dawhtheihnaa hmanlai sualte haiderin a awm avang khan, Pathianin ama felzia entir nan Krista Isua chu, a thisena, rinna avanga, sual thuphachawinaah a ruat a;…Isua ring apiangte thiam chantirna anih theihna turin” (Rom 3:23-26)
“Krista hnenah khenbehin ka awm ta; nimahsela ka nung a ni; keimah erawh chu ka ni tawh lo. Krista chu keimahah a nung zawk a ni; tin, tunah tisaa ka nung hi, rinnaa nung ka ni-Pathian fapa mi hmangaiha ka aia inpetu rinnaah chuan.” (Galatia 2:20)
Similar Posts:
- A kin ta – Part 1 (Good Friday Pual)
- Tih nun kan ni (Easter pual)
- Fapa Tlabote Pafa za. (Sunday Pual)
- THAWHLEHNAA TIHNUN KA LO NI TA
- Ringtute chunga Pathian beisei leh duhzawng{Sunday Pual}
February 5th, 2012 at 6:17 am
Chhiar hma in. Good morning u le.
tren tren.
Report this comment
February 5th, 2012 at 6:29 am
Tehkhin thu hi i hmang thiam thin mang e.
tren tren
Report this comment
February 5th, 2012 at 6:30 am
Tha leh thuai thuai khawp mai.
Kan uih zia hi kan inhre tha duh lo hlawm tlat a, chubakah, silfai hi kan inphal lo hlawm thin a nih hi maw..
Report this comment
February 5th, 2012 at 8:22 am
Trinity vrs Oneness-ah tihchhuah ni sela chuan, Oneness lam chan a tha hle dawn a nih hi! Chhanchhuaktu, a pa hi a thi ve chiah lo bawk a.
Pro-Pastor Brian Wayne Baker-a sawi ka la hriat ve reng thin chu, Lei (bridge) vengtu leh a fapa chungchang a ni. He lei a sawi hi tuia lawng a kal laiin a inkhai chho thei a. Rel a rawn tlanin lei chu a dawhzawmtir leh mai thin bawk a.
Ni khat chu lei vengtu chuan a fapa chu a hna thawhna hmunah a hruai ve a. A fapa chu kal phal lohna hmunah a lo zu kal chu niin! Lawng a kal fel tihin, rel a rawn tlan ta si a. Lei chu dawhzawm leh ngei ngei ngai a ni.
Lei indawhzawmtir leh a nih dawn chuan a fapa ninhlei chu a chilh chhum chiang dawn hle a. A fapa a thih ngei ngei a ngai ta! A fapa chu chhan duh ni se, rel rawn tlana mi sang chuangin an thih phah dawn si.
Tichuan, a fapa chu lei indawhzawm leh chuan a chilh chhum ta a … rel pawh tluang takin a tlan liam ta a. Rel chhunga mite chuan an damkhawchhuah chhan chu an hre chiang chuang lem lo … a hnua chanchinbu rawn chhuak chhiartute erawh chuan an nun hloh lova an damkhawchhuah dan an han hriat chian chuan, lei vengtu leh a fapa chu an ngaisang hle a ni … tiin.
CHHANDAM tih thumal hi a ril khawp reuh mai! CHHAN + DAM a ni a. Chhan ngai ngawih ngawiha dinhmun khawlova kan awm zia a lang hle a. Naupang dawizep a thian huai zawkte leh amah tiduhdahtute laka kan va chhan, kan kalsan leh mai ang a ni hauh lo thung. DAMkhawchhuahna tak tak Pathian Fapa kha chuan min thlensak thung a ni. Pathian leh a Fapa Isua Krista chu chatuana faktlak an ni.
Post ngaihnawm tak a ni.
Chhandamna kawngah hian ZAWHTE THEOLOGY leh ZAWNG THEOLOGY a awm leh an ti a. Zawng note chu a pui hnungah a bei a, theihpatawpin a note chuan a nu a kuah a. Tla lo turin a inuai bet fan fan a. AMAHERAWHCHU, Zawhte no ve thung chu a puiin a pu sawn a pu sawn a. A note-in tha a thawh lo reng reng.
Pathianin a Fapa hmanga min rawn TLANCHHUAHNA kawngah hian ZAWHTE THEOLOGY zawk hi parable/allegory atan chuan a duhawm zawkin a lang.
OT : Engati nge Facebook lam hi ni ta? Ka lut thei tawh lo, a phek a inchikhawng zo ngai lo, nimin atang khan!
Report this comment
February 5th, 2012 at 8:50 am
Ngaihnawm khawp mai
Report this comment
February 5th, 2012 at 8:54 am
Post tha tak a ni i tehkhin thu a ngaihnawm in a fiah tha. Sermon hluah ni si lo hetiang te hi a tha ka ti.
Pu chawnghilh zawhte theology pawh chu a dik hmel khawp mai.
Report this comment
February 5th, 2012 at 8:57 am
Ka pa ngei mai chu, chu dum tenawm hlira khatahchuan a rawn zuanglut a, nghet takin min rawn man a, min paw ta a. Amah chu pil bawrh bawrh zawk mah sela pawi tihna reng a nei lo. Chu tui tenawm hlira khatah chuan min hruaichhuah tumin a bei a, a hak ve bawrh bawrh a, a pil ve bawrh bawrh thin tih pawh ka hria. “A RAWN ZUANG LUT” tih hi a va ril em!! A fapa hi thi ang der in lo awm sela (a chhanchhuah lai engmah hre lo in) a chhanchhuaktu a pa tan hian a awlsam zawk ang em le? A fapa hi a lo harh hunah mithi tho leh ang in a in ngai thei dawn a. Chhuan tur engmah a neih lo zia a in hria bawk ang a. Post tha tak a ni.
Report this comment
February 5th, 2012 at 9:11 am
Pu chawnghilh, oneness ho nek lo thei ang ber tura ka buatsaih ani reng a lawm. Mahse bible chang ka han refer dawn a, a buaithlak a ni e.
Report this comment
February 5th, 2012 at 9:26 am
PK : Ka nui kur kur!
Report this comment
February 5th, 2012 at 9:26 am
Oneness leh Trinity hi a dik loh na engmah sawi ka hria lo. Oneness Vrs Trinity tih hi a dik lo zawk chu niin ka hria.
Report this comment
February 5th, 2012 at 9:36 am
Liandova Pa : I pa a thi lo tih i hriat chhung chuan … a la famkim lo. “Thi in nih lai khan … a chhandam che u …” tih a nih kha, thi tawh min chhandam, chatuana nung turin.
La nung kura inhriatna hi a dik lo. Catholic style-ah chuan la nung che che min rawn chhandam ti tituai an ni. Protestant-ah chuan thi lailet der min chhandam a, chatuana nung turin min duang thar tih a ni ngai e.
Report this comment
February 5th, 2012 at 9:39 am
Vawiin hian NERIST Christian Fellowship (NCF) ah thu ka sawi dawn a, ka kal dawn chiah e. A thei theiin min lo tawngtai pui dawn nia. Pu chawnghilha ngeng chhun raih tur nizanah Jtdaism vrs Apostle doctrine ah ka post nual mai. Mizo jews hovin sabbath leh vawksa ei an sawi an sawi vei a nih kha.hehe
Report this comment
February 5th, 2012 at 9:50 am
Nia, a dik a lawm, a thihna kha kan thihna (nunna ni mai lovin), a thawh lehna kha kan thawhlehna a ni.
Report this comment
February 5th, 2012 at 10:00 am
Liandova Pa : A thihna kha kan thihna, a thawhlehna kha thiamchantir kan nihna tur a ni chiang hle a. Ani zarah thiam kan chang tawh. Ani Messia kha kan thawhhmahruaitu (firstfruits of the dead) a ni a —ni kin niah (Messia kaihthawh a nih ang bawk khan) thihtheihtawhlohna leh tawihtheihtawhlohna sin kawpin kaihthawh kan ni ve ngei dawn … chumi nghakhlel chuan kan rum takmeuh!
I rawn dek trha thuai thuai hle mai!
Report this comment
February 5th, 2012 at 10:10 am
PK : I u TZ-a chanchinbu kha ka ngaina thei khawp mai! Kar kaltaa Lunglei ka va zinin ka rawn hre chiang che a .. i u Lura-hi YMA lama ka thachhang dawltu a ni thin a. Infiam (soccer) peih tak vek kan ni a. Meghalaya-a zirlai kan nih thin lai pawha LU BUK reng fo kan ni. A la ni reng tho! Inhmuh chang hi chuan kan nui suk fo mai … in unau-ho hi ka chhuang teh che u a nia!
I u Lura nupui phei chu, ka classmate Rebecca fanu a lo ni reng a … ka ti ta duah, thian dangte’n min lo ngaithiam se. Muantea, Saitawka etc., ten min lo hrilhfiah a … ka kaw huai ta e. I u LZ hian a chanchinbu kha tichhuak thar leh se ka ti khawp mai …
Ka lo tawngtaipui mawlh ang che. May God bless your ministry/ies for His glory.
Report this comment
February 5th, 2012 at 10:16 am
Philipi khuaa thiltihtheihna turu lutuk Pu Tirkoh Paula leh Pu VanalSILA’an an show zawh hnu khan, an ramhuai hnawhchhuahna hmeichhiate INCOME chu a kam chak hle a. Chumi avang chuan thuneitute hnenah FIR thehlutin Pu Paulate thiandun kha tan inah an tang ta a nih kha.
Mahse Vanlalsilate thiandun hian tan in chhungah chuan Pathian thu an sawi a, an zai bawk a. Chu tih lai chuan lir nasa takin a lo nghing a. Tangte chu tlan chhuak mai thei turin an kawl bunte pawh a phelh pheng phung a ni. Chutah vengtu a lo harh; an tlanchhuak ta vek emaw a ti…. Mahse Pu Paula’n an la kim diai thu a hrilh ta. Cu veleh tihdanglama awm tang vengtu chuan “Pute u, chhandama awm turin eng nge ka tihtur?”a ti ta ruai mai le..
‘‘Lalpa Isua ring la, tichuan chhandamin i awm ang, nang leh i chhunge nen.” tiin an chhang a nih kha. Chhungkaw chhandam nihna hi kan Bible hian awmze nei takin a sawi lo nangin mimal chhandam tluka pawimawh a ni.
Pu PK i post tha theng theng lutuk.
Pu Chawnghilh fb a awm tawh lo; helaiah hian lo tal ve tawh rawh…
Report this comment
February 5th, 2012 at 10:29 am
Ig : Philippi khuaa mite hnena lehkhathawn hi insawiselna lam ni lo, infuihna hlir a ni hi chhiar a manhla khawp mai!
Nia le, sumdawnna lama a vawrtawp puansenduk zuar pha Ludi … eizawnna kawnga middle class ramhuaizawl vanga Krista avanga Jail tang Paula leh Sila … —hnathawh hniam ber Jailer …te Messia lama an lo pakai ta vek hlawm kha … anmahni zawn (sphere) vekah hma an la chhunzawm hle a ni ngei ang. Keini ai chuan an Roll Number a hmasa zawk na a, min hmaih thei chuang lo vang, CORONATION DAY a va nghahhlelhawm tawh tak em! Tirhkohte Thiltih Bung 29-na, chang ENGEMAW tak chu kan ni hlawm dawn chiang, a va nuam tak em!
Report this comment
February 5th, 2012 at 10:54 am
A va ngaihnawm ve! I tehkhin thu pawh a fuhin a chiang khawp mai. Pu chawnghilh-an a han comment belh phei chuan a phuisui leh zual! Excellent post!
Report this comment
February 5th, 2012 at 11:45 am
Post pawh tha, comment pawh tha
Report this comment
February 5th, 2012 at 12:55 pm
A lawmawm thin hle mai. A ngaihnawm e
Report this comment
February 5th, 2012 at 1:34 pm
part X velna velah chuan TT 2: 37 vel bawr (Chhandamna puitling) kha kan chai thleng thei em ang chu maw
Report this comment
February 5th, 2012 at 1:50 pm
A tha…
Report this comment
February 5th, 2012 at 1:57 pm
@lrpa, lo ngawi tak rawh. Tui leh Baptisma pawimawh zia chu kan la khel ho bup bup dawn nia. Mahse a tak leh a symbol erawh in lo thliar hrang thiam lo palh hlauh ange aw.
Report this comment
February 5th, 2012 at 2:07 pm
Pu PK, nia, a hrimin TT 2:37 bawr vel khi symbol nge tak tak le ? Khi bak khi ka pel dawn lo
Report this comment
February 5th, 2012 at 2:27 pm
Petera, Paula, Marka tih vel ho kha an lo ‘cial’ awmkhawp mai, Bible chang han refer tur emaw kha an nei ve dawn der si lo a, an hriat leh an hmuh dan ang khan Pathian thu kha an sawi a, mahse ‘Pathian thlarau thianghlim’ in a awmpui tlat avangin ‘keini’ te pawh hian an ‘chanchin tha’ hrilh chu kan lo hre ve ta ani reng mai a..Pathian ropui ber rawh se!
Report this comment
February 5th, 2012 at 2:36 pm
lrpa, hahaha, a tak leh a symbol te chu i hriat reng kha. Kan sualna tlengfai thei tu hi tui/pani/water/asi hi ani lo. Isua krista thisen hi a ni e. Isua kristan kan sualna a thihpui a, thlan a phum bo na entirna leh, kan sual a silfaina entirna leh nunna thar nei ama ruala kaihthawha kan awmna entirna ani a, amah ringtu kan ni tih he khawvel mite mithmuha kan pho lanna ani bawk. Option ani lova, tih ngei ngei tur a ni. Chutiangin Lalpa zanriah(sacrament) pawh.
Report this comment
February 5th, 2012 at 2:40 pm
Pu PKfanai, Ok Ok..zoho a a rawn lut riau riau ange..part dangah mumal deuhin kan la sawi dawn nia..
Report this comment
February 5th, 2012 at 2:48 pm
@lrpa, o.k. post rawn siam la, doctrine khawih thil post hi chu thih hrehin ka hreh. Tunah pawh min nawr lui tlat a, ka tum aia thui ka sawi ta. Hehe
Report this comment
February 5th, 2012 at 2:54 pm
28 @PKfanai..nia, a dik a lawm! tu rilru mah kan thlak dawn chuang si lo a ‘inhnialna atthlak’ mai mai tur ania..ka rawn fiam mai mai che anih kha..post lul lo e..
Report this comment
February 5th, 2012 at 3:15 pm
@15.Pu chawnghilh, ka u Thanzuala chuan Politics a chawlhsan rau rau chuan E.T. Kha a la chhunzawm leh mai thei e. U Sanglura pawh hi a tih tawh lam chu tihtak zeta bei chi a nia.(e.g.games and sports, music, education). Pathian lam a hawi tak tak hunah pawh, tih tak tak a tih ka ring. A ti mai mai leh lo tawp ang.
Report this comment
February 5th, 2012 at 4:01 pm
Pu PKfanai: I Uthanzuala’n Vanglainia ka thuziak tlawmte Pathian thusawina- Pulpit tlang atanga a QUOTE duh tlat hnu khan ka hre khawp che. Misuala i lo luh tirh lai pawh khan ka hre thelh lo khawp mai che a. I identity i tilang ta. Ka duh chuan midangte pawh i chanchin hi Huto-ho tawngin ka hrilh thei tawh ang chu maw. I lo awm tirh lai vela kan inchhaih vak vak thin kha lo theihnghilh tawh ang che…
Be with us and always reamain sooooooo…….
Report this comment
February 5th, 2012 at 5:58 pm
Vawiina NCF hruaitu thar Induction hun ka hmang lai pic. hi ka han dah ve mai mai ang e. Kum dangah kha chuan Chairman leh Gen.Secy hna hi Naga in an chang deuh reng thin a, Kumin chu Mizo Hnahthlak Manipura Paite in an chang. A lawmawm khawp mai. Tin, Hostel Block hrang hrang incharge an tel vek avangin an tam a ni.Senior Adviser nilai ka ni bawk.
https://i.imgur.com/R0oZc.jpg
Report this comment
February 5th, 2012 at 6:03 pm
Report this comment
February 5th, 2012 at 6:27 pm
A hun lovah ka inrawlh lawk dawn … Trinity vrs Oneness-ten Sailunga fapa, kar hmasaa Aizawl – Reiek kawnga car accident-a boral kan ral a. Thlalak lah facebook lam atanga ka upload theih map lohvin ka browse open thei tawh si lo. Imageshack.us ka hman lahin kori a tu si lo. Tihngaihna tak pawh ka hre lo ve. Ka khawvel a zau lo zo vek.
Oneness unaute leh Trinitarian unaute smart tak tak ka hmuhin ka lawm hle. Thu sawi lah ‘uchang tui thiam ang zal’ an lo ni hlawm ve ve a. An hlap mawm (oily) thiam hlap hlap dun hle mai! Chumi karah kei, Sailunga’n a mitmengin mi rawn GESTURE vei chhen a, thu tawi te ka’n hlap ve piap tak kha le … thihna kan inchhungkhura a thlen hian ‘thawhlehna’ beisei tlawk tlawk a nuam ber … Sailunga ai hian fapa ka hloh hmasa zawk!
Jews pachal chuan a tawnngtainaah, “Ka fapa hi Christian-ah a inlet a, LALPA, engtin nge ni dawn?” tiin a tawngtai vei hlawp hlawp a. LALPA chuan, “Ka Fapa pawh … Christian-ah a inpe daih tawh,” a lo tih khum hmaks!
Vawiina Sailunga hnuk-ulh ka va hmu ve kha, BLESSED HOPE kan nei lubuk dun vel! Ka number hawh zuai hi 986-2644-788 a ni rih e, min rawn call duh tan …
Report this comment
February 5th, 2012 at 6:34 pm
Comment Like button hi awm se Pu chawnghilha Comment hi ka like chak thin khawp mai.
Jews pachal chuan a tawnngtainaah, “Ka fapa hi Christian-ah a inlet a, LALPA, engtin nge ni dawn?” tiin a tawngtai vei hlawp hlawp a. LALPA chuan, “Ka Fapa pawh … Christian-ah a inpe daih tawh,” a lo tih khum hmaks!
Report this comment
February 5th, 2012 at 6:40 pm
@Chawnghilh a pics ka nghak reng a saw pics kha an nghak reng ania o
IMGUR ah te pawn dah la kan nghakhlel nasa sia 
i hman velah o 
Muantea here
Report this comment
February 5th, 2012 at 6:57 pm
16 Ignatia (33-115 AD)@
Report this comment
February 5th, 2012 at 7:17 pm
Sober, ka number-ah mi rawn call thei mai em? Accessible lo tlat, ka web a buai a niang… mi dangin min lo ngaithiam hram se!
Report this comment
February 5th, 2012 at 7:24 pm
@31.Ignatia, Theihngilh lovang, ka hre reng dawn!!! Misual.com atanga ka thian chhar hlu tak ini e. Tangka leh Rangkachak aiin thiantha an hlu zawk tih hrethiam ve rual chu ka ni a, Ka U pawh i chawimawi thiam a ka lawm e.
Report this comment
February 5th, 2012 at 7:28 pm
Report this comment
February 5th, 2012 at 8:24 pm
Pu Chawnghilh: Fb lamah chuan kawngka an lo la hawnsak duh lo che elaw?
En teh, Trinity vs Oneness groupah khan ka lut ve a. Vawiin lama hun hman dan report an peknaah chuan an chhuahchhe hle mai che: Pu Isaac chu a takah engmah a ni lo, tiiiik pawh a ti ngam lo reng reng. A ngawi renga Oneness lama tang tuma a hnaih ngam lo an ti che. A timothea- Muantea Cobaian phei chu a hawi chhuak ngam lo reng reng an ti. Juda lam leh a kawihnawih sawihonaah phei chuan an ngawi hmaks an ti che…
Fb tawh lo mai rawh an ti ho em mai…. Helamah hian i chhuti la tawh lo mai rawh. Nge MOSIA takin mipui phunnawi duhtak- fb lamah i hruai reng zawk dawn?
Report this comment
February 5th, 2012 at 8:36 pm
lolzzzz @IGNATIA misualpa hahaha!! a rawn FB tawh pu chawnghilh chu hei pics pawh a rawn dah tawh haha
Report this comment
February 5th, 2012 at 9:24 pm
Report this comment
February 5th, 2012 at 10:29 pm
Tehkhin fuh khawp mai. Post tha tak leh ropui tak a ni chiang e. Ka like mawlh mawlh e.
Report this comment