(Lo chhuah tura min tih, Pu K. Sangkhuma, Chanmari West thuziah kan chhuah chhawng leh a nge. A damlaia ka chhuahsak hman ta lo kha chu pawi ka ti hle mai)
Hnam tin mai hian fel tawk lohna lai engemaw chu kan nei theuh awm e. Keini Mizote fellohna, hmingchhiatna leh mualphona tak pakhat chu kan thil zawrh sum tur engpawh hi “Zawrh sum mai mai te chu” tia tihnawmnah kan chîng hi a ni.
Hei hi kan chîn thar a ni hran lova, hmanlai atang tawha kan hnam thilsualtih leh dân thalo chin reng a ni. Vailen hma khan Thelrêt hi Vaiin an duh a, Mizovin an zuk zawrh thin a, an thahnemngai lutuk khan tiau lungthil an lo hlûm hnan a, thenkhat phei chuan lungtumte an lo hlûm hnan hial a, an han bûk a, a hlir ai chuan a lo rit si, Vaipa ngaihthalo chuan a han zai phel a, a chhûngah chuan lung leh thildangte chu a hmu ta mai reng a!
An leisak duh ta lo a ni. “Kan va tih luatah lêngin ka zir sual e” tih ang maiin hlâwk tum luatah kutbêngin an haw phah ta a ni. Chumi achinah chuan Vaiho chuan Mizo thelrêt hlûm zawrh chu an leisak duh ngai ta lo! Kan hma kum kalta mai, La tawlh lai pawh khan chute bawk chuan lung leh tiaulung pawlhin an tileh a, a thente chuan Mai pumah te lungtum an lo thun rû a, Vaiho chuan an han bûksak a, lungtumte chu an hmu leh ta, tuma’n an leisak duh ta lova, an paih ta ngawt mai a ni.
A hralh tlâk tlêmte chauh chu an leisak a, rentêa an ngaih chu renpuiah a tlu ta a nih chu. Hetiang hi kan thil zawrh apiangah hnialruallohin kan chîng thin. Buhfai kan zawrh leh, a hûm leh a fai inzâtin kan zuar a, kan thil chîn hi a fello hle a ni, sim daih tum theuh ila a tha ngawt ang.
Hnamdang sumdawng hian zawrhsum tur chu theihtawpa thain, tuma duhloh rualloha sawisêlbovin an siam a, chuvângin an sumdawnna kawngah an hlawhtling thei thin a lo ni. India ram atanga ramdanga an thawnchuah tur, Sikret ‘Charminar’ an siam kha, ramchhûnga zûk tur ai chuan an thawnchhuah tur bâwm te kha an tinalhin a mawihnai zawk daih. “Zawrh sum mai mai” an ti velo, an hralh hnem hle reng a ni.
Mahni pawhina kan duh ngei tura siam leh tuihnai, a nihna ang anga thianghlim a ni tur a ni. Hman deuh laia kan Mizo sumdawng thenkhatte ang deuhva kan thil zawrh hralh duh luat avanga rinawmlohna tur thleng thlenga dawt kan la sawi duh talhte hi a va mawi lo tak êm!
Hatkora/Limbu (Nimbu???) tui fir thate hi mi’n damdawia kawlthat atan an lei duh, a dik chuan to deuh pawhin an lei duh tho, mahse chutiang ngat chu Aizawl khawpuiah hian lei tur a tam lo hle “Tui pawlh loh a fir a ni” an tihte hi chawp-leh-chilhin a nih lohzia a fiah nghal theih si, kan la tang ngam tho nia! Anania te nupa ang mai kha kan ni awm e. “Khawizu” phei hi chu mipakhat chuan “Khaw thenkhata an lâkna hmuna an lâk lai ka hmuh ngat loh chuan ka lei tawh loving” a tihial!
Thanpuii pa, Pu J. Malsawma’n “Kan Mizia” tih a ziahah chuan “thatchhe hle si, taima tak anga lan tum, mahni hlâwkna turah chuan mi bumhlum thak pawh hreh lo, mi rinawm anga lan tum theuh, mahse tehna leh bûkna dik pawh hmang duh miah lo, tihdik tumtute pawh haw zel si, mi depdê tak kan ni” a ti.
A dik leh dikloh lam chu i ngaihdan ni se! Rinawmlo leh dawtsawi pawi tilo kan nih chuan Zonunmawi chu kan nunah a lang har ngawt ang le! Mi rinawm nih a pawimawh ber. Kan thil zawrh hriat theih mai lohah mi’n an lei duh nan dawt va sawi kher kha duh lo ila. An lei duh lo a nih pawhin Pathian lamah tal hlawkna i têl tho ang, i rinawm phawt chuan i nghei ngai lovang. “Zawrh sum mai mai” tilovin, kei a zuartu ngei pawhin ka ei duh ngat tur anga tuihnaiin i zuar thin zawk ang aw!
Similar Posts:
- Thinlung Kutdawh
- Tu thiam loh nge..?
- Hman hi
- Hriat ve mai mai atan
- Kawng sir Bazaar (Roadside Market)
June 22nd, 2012 at 5:32 pm
A tha hle mai.
Report this comment
June 22nd, 2012 at 5:48 pm
I in siam tha ang u
Report this comment
June 22nd, 2012 at 6:28 pm
Report this comment
June 22nd, 2012 at 6:36 pm
Hei hi tunlai chu ka rilru a awm reng a ni. Vai sumdawng kan ngai thei lo a, chimral kan hlauh vangin; nih pawh a ni mai thei. Mahse, khaw pakhatah chuan vaidawr zawng zawng an khar tir a, thlakhat a ral hmain thil thenkhat chu a let deuh thawin a man a sang hman!
Khaw thenkhata Police/sipai canteen te hi awm lo se tuar fe fe kan tam ngawt ang. Vai dawrkai ka encourage na a ni looooooooo….
Report this comment
June 22nd, 2012 at 7:00 pm
Hetiang lam inzirtirna hi kan mamawh khawp mai. A tam zawkte hi chu duham vang leh sual vang chu a ni teh meuh ang. Amaherawhchu, tamtakte hi chu hriat loh vang leh sumdawnna awmzia man loh lutuk vang a ni tih pawh kan hriat vek a rinawm. Rinawmna hian malsawmna a keng tel tlat a ni tih hi Mizo mipuite hian i hre mawlh teh ang u.
Post
tren tren
Report this comment
June 22nd, 2012 at 7:02 pm
5
Chhuaklinga Says:
Rinawmna hian malsawmna a keng tel tlat a ni
Report this comment
June 22nd, 2012 at 7:13 pm
Dik chiah
Report this comment
June 22nd, 2012 at 7:37 pm
Ka thiannu in mizo chawhmeh rep leh eng eng emawni min lo thawn a, hmarcha rep an lo nei remchan loh avangin bazarpui ami leiin min lo thawn, a chanve hnuai lam kha chu hmarcha hi a sen pheuh2 a, hmawlte, hmunphiah kuang, hmarcha kuang, a hnah ro deuh vek zuk ni a mawle, hetiang lamah hian awareness kan mamawh tih chu mitin deuh thaw in kan hre vek awm e, mahse awareness hnu lama a ti hmasa tu tur hian hlawk lo bik nih hlauh vang emawni dawn, kan awm leh thin lo, hnamdang kan rama lo kal te hian kan mizo zia reng emawni an ti palh ang ti a hlauhawm, zialo tak ani he thil hi chu..
Report this comment
June 22nd, 2012 at 10:31 pm
tha hle mai. india ram chhung ka thlen ve phak chinah chauh pawh mizote hi thil buk dik lo ber kan ni hialin ka hria.
Report this comment
June 22nd, 2012 at 11:08 pm
Great post
Report this comment
June 22nd, 2012 at 11:15 pm
A va tha teh lul em he thuziak chu
Insiamthat nan ka hmang nghal e 
Report this comment
June 23rd, 2012 at 3:19 am
Amen.. Mizo hi hnam rinawm tak kan ni tih hi kan bula mi hnamdang te theuh hmuh tur in i nung/enfiah theuh ang u. Cheers
Report this comment
June 23rd, 2012 at 7:43 am
A dik hle ani. Riru nghet, a dik chu a dik, a diklo chu a dik lo! tih bur hi a tha ber mai. A dik lo au chhuah pui te hi a tha ania..
Report this comment
June 23rd, 2012 at 10:17 am
tum khat mau zuarte pawhkha a laiah thingtum an lo tel hnan a,
a dang leh pawh kan thian zaho chaw ei khawm tur vawksa lei tur in min ti a,Aizawl bazar ah thian pakhat nen kan va lei a, a zuartu pa bul ah a lu sa kha min telh sak suh kan tia. Awle a tiin kg5 kan lei hawng a, in kan thleng kan han en chu a 1/3 vel chu a lu sa a lo ni. khoi a tangin nge a telh pawh kan hre lo kan en ve reng sia.
Rinawm loh vang chu ni tho mahse. mizo sumdawng tam zawk chu kan mawl vang hian business a pawimawh ber customer satisfaction hi kan ngaihtuah lo thin. Profit maximisation chauh kan ngaihtuah a, Wealth maximisation kan ngaihtuah ngai lo.
In short, kan mawl, kan dawnthui lo engmah hi. eg chiahpuam
Report this comment
June 23rd, 2012 at 12:13 pm
Report this comment